دخلات وكلسنا فالصالون مشات جابت لينا اتاي والحلوة بصراحة ريقي نشف طاحت فداك اتاي كاو ...
خالتي:(وهيا كطلع وتهبطنا)جيتو بوحدكم
ابتسام:عودات ليها كلشي وهيا كتبكي مي الغريب فالامر ردت فعل خالتي عمري توقعتها هكاك كتشوف فينا بنضرة مفهمتهاش )
خالتي:اه ايو دبا رتاحو وفصباح احن الله
هكاك دازت العشية ماخرجناش غير كنفكر بانت ليا خالتي مفرحاتش ملي جينا ...حطات ليا العشاء تعشينا وجابت لينا المانط تغطينا الله على راح دازت نص ساعة وكنت بغيت نمشي للحمام لذالك خرجت خليت ابتسام ناعسة وانا كنقلب على الحمام كنسمع خالتي كتهضر مشيت حدى الباب كنت بغيت نسولها على الحمام حتى كنسمعها كتهضر فالتلفون
خالتي:اه اه جوا ...انا معرفت اش جابين ايديرو عندي ...ويلي باينة دايررين شي زبلة داكشي علاش جراو عليهم من الدار لا لا .غدا فالصباح انجري عليهم ....
غير سمعت ديك الهضرة وحسيت بالخنقة والدموع مشيت تغطيت فالمانط وحلف النعاس لاجاني اي اي شحال الدنيا فانية والناس خايبة النية مابقات والحيلة قوات..غير حسيت بالضواء بدا كيطلع وانا نجمع هزيت باليزتي هزيت سروال زرق وتشورت فالبيض وكاسكيطة وجمعت حويجي فيقت ابتسام
انا:(بصوت منخفض)ابتسام ابتسام
ابتسام:وهيا مبوقة بالنعاس)اش باغا
انا؛نوضي تجمعي نخرجوا بكرامتنا قبل مايخرجونا الناس ونصدقوا للناس فراجة
ابتسام :اش كتخربقي شحال الساعة
انا:5 دالصباح نوضي
من بعد محاولات واخيرا فاقت ختي بدلات حوايجها لبسات قاميجة فالكحل وسروال فالكحل جمعنا الحال لي نعسنا فيها وخرجنا مع الباب كان الضو كيطلع والناس بدوا كيخرجوا اول حاجة درناها مشينا عند واحد مول القهوة شدينا عندو البيصارة وبراد د أتاي وزيت العود ....لا عركنها وخلصنا وخرجنا مشينا عند مول الذهب بعنا النص من دهب السعدية وجابت لينا شي براكة نقدروا نقديوا بيها الحاجة هدا الشهر ....مشينا عند واحد السمسار لقى لينا دار عادية جوج بيوتا ودخلنا ليها سيقناها ونقينها وبدينا نجيبوا ليها الاثات كنا فرحنين دازت 3 اسابيع والفلوس لي عندنا بداو كينقصو وبابا عمروا سول فينا كنا كنتجنبو الخروج للزنقة حيت كيتحرشو بينا ..كلاب الزنقة كيما كنسميهم ......حتى لواحد النهار فقت الصباح وجدت الفطور وعيط على ختي النعاسة وبدينا كنفطروا حتى قرارت نجبد معها الموضوع . ........🌸
🌸
....كنفطر وقرارت نجبد الموضوع ...معا ختي لكانت مركز فالفطور
انا:ابتسام
ابتسام:نعم
انا:ابتسام حتى ليمتا انبقوا هكا
ابتسام:اش كتعني
أنا :حتى لي امتا انبقوا الماكلة والنعاس
ابتسام:شوفي جيني من الباب مدخوليش من الشرجم
انا:اوكي شوفي الفلوس مبقا منها والو وانا خاصني نبدا نقلب على خدمة والذهب لعندنا منقدروش نبعيوه باقي
ابتسام:وخا وفين انلقوا خدمة
انا:نتي غير رتاحي انا انخدم
ابتسام:لا لا حتى انا بغيت نخدم قنطت فالدار والله
انا:وخا مي قلبي غير حد الدار متبعديش ابتسام وقلبي غير على خدمة عادية ميكونش فيها تمارة
ابتسام:ونتي
انا:اندي سيفي ديالي ونشوف شي شركة وياربي ايخدموني
ابتسام:ايشوفو زين وميخدموكش حماقيتي
انا:فطري
خليت ابتسام كتفطر وانا مشيت خويت حويجي كنقلب اش نلبس كلشي حويجي جريئين لدالك لبست تشورت فالبيض فيه شي لعبات بالموني والزرق سروال زرق وصبادريا فالبيج شعري طلقتو درت مكياج خفيف وانيق عكر غوز لشفايفي لي عمرين واخيرا عطري المفضل la peria درت ساعة فيدي وهزيت صاكي فالكحل خرجت عند ابتسام وانبهارت خصوصا اللبسة جاتني قرطاس ...لا لا ...ماشي كنصبغ فراسي والله ....هزيت السيفي ديالي ومتاجهة كنقلب على شي خدمة هازة الجريدة كنشوف الشركات المحتاج اول شركة كانت كبيرة بزاف دخلت وكنت فرحنا وكلي امل انني نتقبل دخلت امام بوابة كلها زاج مشيت كلشي كيشوف فيا ابتسمت للسكريترة بقات كتخنز فيا وصلاتني لغرفة الانتظار لقيت مجموعة من البنات كلهم هازين السيفي ديالهم انا الاخيرة كانو شي 10 دالبنات مشيت شديت كرسي ديالي وكلست شوية جاء رجل مطويلش بزاف لابس كوستيم وسمر وبدا كيشوف فينا شوية نطق
هو:سمعو ليا المدير واحد الشوية ايدخلكم والا بدور دبا شكون
شوية وقفات واحد البنت كانت لابس ملابيس تقلييدة
هيا:سيدي انا الاولة لجيت انا هنا من 7 تاع الصباح
هو:(كيشوف فيا )نتي
انا كنت مركزة كنشوف فالسيفي شوية جاء وقف حديا
هو:نتي دخلي
انا:ولكن اسيدي الانسة جات قبل مني
هو:(مبتسم)مي انا بغيتك نتي تدخلي
هزيت صاكي وخليت كلشي كيرمقني بعينه كي القرطاس رغم كاع داكشي الا داك التصرف قلقني اش نكون انا..شعب عنصري
دخلت لواحد البيرو كان فيه واحد الغليض ولبس كوستيم غير طلع عينيه وشاف فيا وابتسم وغمز لاخر وخرج
هو:كلسي
كلست وبقيت نشوف فالبيروا وخا هكاك الكلسة قلقتني
هو:شيماء ابوكيل
انا:اه
هو:امم عندك العام الاول فالكلية
انا:اه
هو:(كيضحك ليا ومعمروا حيد عينيه عليا) زوينة
انا:عفوا؟؟
هو:محتاجة لخدمة
انا:بزاااف
هو:لينا ااشرف نخدم انسة فالجمال ديالك
انا:شكراا
هو:(مد ليا السيفي)لمهيم الا بغيتي تخدمي خاصك ديري شي اجراءت
انا:ايه نديرهم اشنهما
هو:محتاج 10 دقايق من وقتك
انا:بمعنى
هو:كاين واحد الاوطيل حدى الشركة محتاج من وقتك 10 دقايق ندير شوية دالبسالة وهنتي خدمتي
انا غير سمعت ديك الهضرة هزيت واحد الدفتر وعطيتو ليه الوجه .
انا؛الله امسخك اعدو الله....بناقص من خدمتك الموسخ
خرجت وانا معصب مي وخا هكاك عمري مفقدت الامل بقيت نقلب فالخدمة مي مع الاسف كل واحد وكيفاش كيطل مني الجنس بطريقتو كاين لقول قهيوة حلوة كاين لقول شكلاط ....بقيت هكاك حتى طاح الضلام ...طابو رجليا من المشية والكلمة لكنسمع هيا 《ناري اصاحبي على قرطاسة هاد العبارة من بين عشرات العبارت التي ولات تترصدني فين ما مشيت كتلاحقني تعليقات على المظهر والجمال لي وليت كنكره راسي على جمالي وهدشي كامل فغياب القانون لي يحميك من الطحالب .....رجعت لدار الله حليت الباب حتى كنسمع صوت البكاء مجهد لحت الساروت والصاك ومشيت كنجري لقيت ختي ديرة وضعية الجنين وكاع حويج ها مقطعين وعمرين بالدم .... عندها ضربة على جبهتها وعينها منفوخين من البكاء انا تحنيت وبقيت مصدومة من حالتها وانا نشدها فيدها
انا:(بصوت مبحوح)ا..بتسام ...شكون درك هكا
ابتسام:أهئ اهئ صافي صافي كلشي ضاع كلشي
انا:شكون دار ليك هكا
ابتسام:البوليس .....
#موسكو ...
لي كتعتبر اكبر مدينة من حيت عدد سكان ...وهيا عاصمة روسيا ....ومعروفة من مركز سياسة والاقتصاد والثقافة والدين والمالية والتعليم والنقل ...الى اخره ....وكتعتبر عالمية ..وفسابع اكبر مدينة حسب عدد سكان ديالها ...لكيتجوز 10.562.009 تقريبا ....كيتاوجد بيناتهم واحد الشخص دابا ناعس على كرشوا نخليكم تعرفو عيله .....
فقت الصباح على صوت المنبه مشيت وانا مبوق بالنعاس دخلت لحمام ديالي خرجت حليت الماريو هزيت تشورت بيض وسروال كحل كزيرة فالكحل عطر وسوبت شعري مشيت حليت ااخزانة الخاصة بالساعات هزيت ساعتي المفضل ساعة أوديمارس بيجو صناعة سويسرية بامتياز هزيت سوارت دالطموبيل وخرجت ركبت فسيارتي Exelero ....وتاجهت للمركز .....
وي وي نسيتكم انا جُود فعمري 29عام انا عميد فالشرطة الروسية وكنتعتبر احسن عميد فمدينة روسيا انا جنسية مغربية بحيت الاب ديالي مغربي مي الام ديالي روسيا ..
وحتى حد مكيتنافس معيا كلشي كيحترمني خصوص انا وسيم لدرجة كاع البنات لي فموسكو معجبات بيا اه وي على دكر البنات انا مكنامنش بالحب..الحب بالنسبة ليا مجرد تفاهة المراهقين ...انا البنات بنسبة ليا مجرد حاجة كنفرغ فيها غريزتي كاي راجل ونلوحها ... انا فالخدمة كنكون جادّ ماشي جود حيت انا كنكون وحش فالخدمة ملي نقول وحش انا عنيف بزاف كلشي فالخدمة كيخاف مني ومكايناش شي مجرم فموسكو ومشديتوش ...واخير وصلت للمركز بمجرد شافوا سيارتي كلشي كيحني راس وكلشي كيتحرك كاين لكيجري ايجيب ليا القهوة وكل واحد اش كيحاول ايدير ليا داخل للبيروا ديالي على كيف العادة حيدت الكويرة وكلست بان ليا واحد الملف شوية سمعت الباب كيدق كان اليكس....
اليكس :(كيلقي التحية ) Привет г-н Джад Дин 《تحياتي سيد العميد جود
جود : Аш этот файл доход《اه دخل اليكس اش هدا الملف
اليكس:
Мы достигли новости об убийстве человека, безопасности и этот порядок очень опасный человек ограбили банк и Dibba является Kitojd Марокко 》توصلنا بخبر مقتل رجل الامن كيتوجد فالبنك من طرف مجرم كبير كيبيع فالمخدرات وجاتنا اخباريا بلي ماخرا مشاء لمغرب ..
جود:Э-э Марокко мой Touhstha Mnkhalih есть Алекс карман Гог напоминание Марокко Диббе и сразу же после того, как , но Tattlta Ktarafna《اه بلدي الحبيبة توحشتها اليكس جيب جوج تذكيرات نتوجهو لمغرب متعطلش خرج دبا
خاصني نمشي لبلادي توحشتها شحال مامشيت وخا انا كبرت هنا الا مكينش لعوض حب المغرب الحب لزرعوا فيا الاب ديالي بكونوا مغربي الاصل علمني الدارجة المغربية وانا عندي 4 سنين ....وليت كنهضر بيها بطلاقا ...بقيت فالمكتب ديالي كنشرب قهوة كحلة حتى دخلات عندي ....ريتا هيا شرطية روسية زوينة شهبة ديما كتجي عندي لدار نقدي غرضي ونخرجها مع الباب وهيا عاجبها الحال كتقول ليا انا المهيم عندها تبقى معيا ...علاقتنا فالخدمة مختلفة على برا حيت فالخدمة كتحترمني كيف غيرها دخلت لقات التحية
ريتا :(كتقدم التحية )Привет Дорогой Джад Дин《تحياتي سيدي العميد جاد
جواد ؛вперед《دخلي 》
ريتا :Я хочу вам сказать, что Марокко поездка невозможно в эту тему дни《بغيت غير نقول ليك بلي الرحلة للمغرب مستحيلة هدا الايام》
جواد:невозможно《لا ماميكنش》
ريتا:Aleix связался со мной сказал мне, что был сильный шторм , чтобы ме...《اه اليكس هضر معيا وقال ليا اتكون شتاء قوية والرحلة تأجلات
جواد:Aleix связался со мной сказал мне, что был сильный шторм , чтобы ме...《خرجي دبا ايخ مالقا هدا الجو امتا اتعكس 》...
#مراكش..
دنيا غريبة ومامفهوماش كاع الناس فيها تايهة ومضيومة ملي تسول الظالم تلقى كاع الناس مضلومة.....
من بعد ماكتشفت بلي ختى تعرضت الاغتصاب من طرف الشرطة انا نهاريت كاع افكاري واحلامي مشاو كنشوف ختي حبيبتي تدمرات كليا ومعندي مندير غير ندخل البيت ونبكي بصوت عالي ....انا فالصباح نضل نقلب على خدمة ولا خدمة لقيت اليوم الجو سخون وفنفس الوقت رجلي طابو بالدوران كلست نسترح شوية تحت واحد الشجرة حتى كيوقف عليا جوج من رجال الشرطة لي وليت كنعيفهم
الشخص 1:سمحي ليا
انا:وي
الشخص1؛نتي شيماء ابوكيل
انا:هيا هدي
الشخص:اجي معنا
انا:لفين وعلاش
الشخص:مدام السعدية كتهمك بسرقة اموالها وضروري نديوك دبا
انا:لا ميمكنش
شدوني وداوني ركبوني فسيارتهم ...وتاجهنا لمركز الشرطة المتواجد بوسط مراكش دخلت وكلسوني فواحد الكرسي بقيت هكاك ساعات كتيرة كنفكر فاش كيوقع واش وقع حتى كنسمع اسمي كينده بيه شخص من رجال الشرطة دخلت وانا مخلوعة كنتظاهر بالقوة عند واحد الضابط غليض اويلي مالي مع الغلاض ....
هو:ادن نتي شيماء ابوكيل
انا:اه
هو:مبيناش فيك وجه الشفرة
انا:بصاح
هو:عرفتي عقوبة الشفرة
انا:لا
هو:شي عام او عمين
انا:يه
هو:مي كنعرف واحد الطريق ميخليكش دخلي لحبس
انا:(فهمتو)اه بصاح
هو:ههه فهمتيني
انا:اه ويلي
هو؛ايو شنو
انا:(بديت نقرب ليه)غمض عينيك ....
