ما اصعب ان تشعر بالحزن العميق
وكأنه كامن في داخلك ألم عريق تستكمل وحدك الطريق
بلا هدف بلا شريك بلا برفيق
وتصير انت والحزن والندم فريق وتجد وجهك يسن الدموع غريق
يتحول للامل الباقي الا بريق .....
حسيت وانا معنقة العميد حسيت براسي بلي حتى حد معندي فهاد الدنيا حسيت بالوحدة القاتلة حسيت بلي بصاح انا يتيمة وبلي انا بصاح حزينة..الدموع بين عيني كينزلو كي الشلال كنسول شحال من سؤال واش كون مامتش ماما واش انا انكون فرحانة واش حتى انا انكون كنضحك واش لهاذ الدرجة انا خايبة حتى ولات حياتي كيف الوردة المذبولة ليعياو ميعطوها الماء مي مبغاتش تكبر بل متشبثة بحبل الموت ..ختي لكانت عيني وكلشي ولدابا كنعتبرها امانة من ماما للاسف كبرات وتكبرات ولات كتسمعني الهدرة وليت بالنسبة ليها الاخت لي سادة ليها الطريق ولتا تخاف تقول لدراري هادي ختي خايف لا يخليوها ولات حاملة ليا الحقد والحسد وكاع الشعور الخايب ....من غير العميد كنرتاح معاه كنحس بالامن وفعلان انا محميا رغم انني كنبين الكره من جيهتوا الا انني فعلان كنحمل مشاعر زوينة تجاهوا مي مزال مالقيت الكلمة لمناسبة لهاد الشعور ...واصلان هو زير النساء كيفاش درت ليها ...هكاك نبكي باعلى صوت وجود غير كيدوز ايده على شعري
جود:شششو وتهدني مالك
انا:(بعدت عليه وبديت نعود ليه مي بصوت مخلط مع الدموع غير سمع الخطة وهو ينوضني كلسني فالكرسي عطاني كاس دالماء وبدا كيشوف فيا )
جود:شيماء مالكي دبا على هدا الخوف
انا:خايفة من كلشي مبقيت كندير الثقة فحد
جود:حتى انا..كنعني حتا رجال الشرطة
انا:(شديت راسي وكنمسح دموعي)لا نتا كنديرها فيك
جود:(مبتسم وشاد ليا يدي )كنواعدك انكون عند حسن ثقتك قولي ليا الخوافة
انا:(مخرجة عيني )خوافة
جود:اه خوافة دايرة كي الدراري الصغار
انا؛(بغيت نوض)لمهيم انمشي
جود:(شدني من يدي)شيماء جات معاك االبسة
انا:(كنمسح دموعي وكنبتسم)شكرا عارف راسي زوينة
جود:(بصوت منخفض)اه داكشي علاش واخد ليا عقلي
انا:قلني شي حاجة
جود:لا والو صافي غدا مع 1 دليل انكون تماك
انا:بصاح
جود:(شادني فوجهي)كنواعدك انخليهم اتعلمو
انا؛(بستو فحنكو حسيت بيه تغير لون وجهوا)شكرا بزاف
جود:(بغيت نمشي وهو يجرني فيدي)غير نتي كتعرفي تبوسي وتعنقي
انا:(مصدومة)اشنو
مزال حتى مكملتها حتى طبع قبلة على راسي وفحنكي
جود:ممكن تخرجي دبا
خرجت من البيروا وانا بغا نطير واش نضحك واش نبكي واش سميت معرفتش حسيت باحساس زوين وهو كيحط شفايفو على خدي ...رجعت للدار وانا مبتسمة غير العادة وغير كيف خرجت حاولت نتهدن ومعمري طليت فالماريو فين مخبيين داك السلاح تلفوني طفيتوا ونعست من بعد ما
🌸
تلفوني طفيتوا ونعست من بعد ماكليت شي حاجة خفيفة وكيف العادة ابتسام مكايناش قلت فالصباح نسمعها لهضرة ....فورا جا الصباح الله بديت نحل عيني كنسمع الدقان فالباب لا كنقصد التهراس فالباب ماشي كلي عكز لحت عليا بينوار حيت كنت لابسة غير كسيوة واصلة للفخاد حليت الباب كان جود عينيه حمرين جاء مبوكص لابس كويرة وسروال كحل ابتسمت ليه وهو يجرني من شعري و هاز السلاح وحاطوا فوق راسي وانا نهرب وهو يشدني دفعني بكل قوتوا للحيط وهو يحط ايديه فعنقي خنقني بكل قوتوا
جود:غدارة حقيرة مكتسوايش ..اصلان ليفيه شي بلية ماغيبدلها انا ثقت فيك ساعة نتي غير ...
باشتياقٍ إليكَ يا الله ..
جئتكَ روحاً بلا حياة .. تحملني خُطىً أثقلتها الذنوب ..
و ألهثُ بأنفاسٍ هدَّها فرطُ الأنين ..
عثراتُ أيامِي تلاحقني .. وتحكمُ عليَّ أسوارَ اليأسِ .. فَلا أفيق ..!
وعتمةُ الهوَى حجَبتْ عنِّي أنوارَ الرحمـَـاتِ .. فتهتُ الطريق ..!
كنت ناشط وفنفس الوقت كنستعد لغدا كيما قالت ليا شيماء ايكون تهريب الاسلحة غدا نعست فرحان كل ما كنفكر فشيماء كنفرح كنحس براسي فعالم اخرى ...جا الصباح فقت كنصفر معول نمشي عند جمياتي صاحبات العيون الجميلة نفطر معاها ...لبست وتقاديت قاديت لحيتي وشعري ورشيت برفان ديالي وخرجت الله كنزل مع الدروج حتى بدا التلفون كيصوني ..هزيتو كان اليكس كيعلمني بلي البارح مع 2 دالليل هربوا السلاح وانما هديك غير خطة مدبرة ....كلست فالدروج كنحاول نتفكر طاحت فبالي شيماء هيا جات عندي مع 2 واكيد هي خطة منها ...باش تلهيني اكيد حيت حبيبها خالد متبغيش تخلا عليه ...كاع ديك الابتسامة وديك الفرحة انما تحول الى غضب الى حقد الى نار كتاكلني من الداخل هزيت سلاحي وكنت معول نقتلها نخوي فراسها كاع القرطاس لي كاين تماك ....انا كنتحرق ركبت سيارتي ومشيت متاجه لعندها وانا كي الوحش غادي مكنشوفش قدامي من كترت الغضب دقيت بالجهد فاقت ...حلات الباب كانت فغاية فالجمال مي هاد المرة لا ماشي هاد المرة اشيماء هزيت عليها السلاح ناوي نقتلها وحطيتو على راسها ...مي فورا هربات غير شفتها هربات صافي عرفت بلي شكوكي فمحلها وانا نزدحها مع الحيط حطيت ايدي فعنقها وخنقتها بكل قوتي كل ما كنشوف فعينهةطا كنزيد نجعر .....
جود:غدارة حقيرة مكتسوايش...اصلا لي فيه شي باية مستحيل ابدلها ثقت فيك ساعة نتي غير واحد المجرمة موسخة ...مكديري والو نتي غير بنت كيشبعو فيك ويلوحك بحالك بحالهم كلكم غير عاهرات ..
جا جود هاجم عليا انا تخلعت اسحبلي مالو ومفهمتش علاش هو فهاد الحالة غير البارح كنا مزيانين تعجبت وهو لثالث مرة كيهز السلاح على وجهي
مي هاد المرة حاطو فوق راسي خفت منو وانا على بالي جاي اغتصبني هربت مي شدني ودفعني للحيط حسيت بالعمود الفقري تهرس وهو يخنقني بيديه وبذا كيسمعني الهدرة وانا لمبغاش يتفهم ليا انا اشنو درت لحظة بديت كنسمع ليه وانا صافي تخنقت حتى كنسمع واحد الكلمة تزعزت انا بقيت نبحلق فيه عيني وهو غير مكيعودها "نتي غير عاهرة"لا مسمعتش مزيان صافي وقفات بيا الوقت مبقيت سمعت والو من غير ديك الكلمة ليبقات كتعاود فراسي وتعاود مبغاتش تمحا من بالي بقا كايتفلسف عليا وحيد عليا يديه وانا نطيح الارض وانا فحالة صدمة كنتلقى من واحد الانسان لي خدا ليا عقلي بالتفكير بيه نزلت للارض كنشوف فجود وهو كيمسعني كلام معمري سمعتوا كلام فعلا كيسمعهم للعاهرات انا ....صافي وقفات الدمعة فعيني حتى ...
جود:(هاز الفلوس كيلوحهم عليا وهو عينيه غرغروا بالدموع)شدي خودي لي بغيتي خودي بشحال انشريك قولي الثمن نشريك بيه
تما انا مبقيتش قدرا نسمع كلاموا مشيت تزديت مع الحيط ودايرة وضعية الجنين وبديت نبكي باصوات مرتفعة كنبكي ونغوت وسادة وذني رغم هكاك ديك الكلام مبغاش يتمحا حتى سمعت الباب كيدق طلعت راسي لقيتو كالس حدى الفوتوي وبدا كيبكي اه العميد جود امير كيبكي وقفت ومشيت جيهت الباب وخليتو طليت لقيت خالد
انا :تخبا خالد جا
حليت الباب كان خالد جايب ليا بوكي دالورد
خالد:صباح النور يااجمل بنت
انا:شكر
خالد؛مالك كنتي كتبكي
انا:لا والو
خالد:مالك فعنقك ونتي كلك صفراء ياك مامريضة
انا:لا والو ماماليش
خالد:عرفتي شحال كنصوني عليك مي لقيت تلفونك طافي كنت باغي نقول ليك راه بدلنا الوقت على حساب الشاف دنيويورك جا البارح مع 2 وجيت ندي السلاح مي ملقيتكش لقيت غير ختك دخلاتني واستغليت الفرصة ومشيت لبيتك هزيت الشانطات سمحي ليا مي والله الا عييت منقلب عليك
انا:(حليت فمي عاد عرفت مال هاد الوحش هاجم عليا على بالو انا لي بدلت الخطة )اه بصاح لا ماشي مشكيل انا لغالطة حيت سديت تلفوني ومشيت نشوف واحد البنت لماكتستهلش
خالد:(شد يدي وباسهم وانا خليتو غير انتقاما من جود)وخا نخليك دابا باينة فيك مريضة لمهيم جيت نقول ليك ممكن تخرجي معيا نتعشاو
انا:(باقي فحالة صدمة )اه وخا
خالد:شكرا بزاف معا 8 نجي نديك
خرج خالد وخرج جود كان حتى هو مصدوم كتر مني غير شفتو
وبديت نغوت باعلى صوتي كنخوي كاع دايك الجرح لي سبب ليا
انا:خرج عليا خرج منعودش نشوف وجهك
جود (ناض وجا وقف مقابل مع وجهي) واش اتخرجي معاه
انا:نتا سوقك خرج عليا اصلا انا غير عاهرة كيما سميتي اخر مرة تعتب باب الدار .. خرج وانا نسد الباب انهاريت بالبكاء انا لي كنت ديما كنحاول نحمي شرفي...
