دوامة سوداء

البارت 1

دوامة_سوداء.
البارت 1.
قصة_عراقيه_حقيقيه.
* من القصة.. *
ولك عوفها بنتي اني اربيها وين ماخذه.
-اكلج شو دوخري مالي خلكج.
-ولك بنتي حرام عليك اصيح واصرخ اني اربيها نايمه على كلبك.
-اي نايمه على كلبي.. ولج تحبلين وتجيبن وبس بنات صارن 8 بعد ما اتحمل منين تصرفين عليهن.. خاب دروحي..
-زين لحظه لحظه وين ماخذ بتي وين بس اريد اعرف عليك الله بس اريد اعرف وين ماخذه..
-وين يعني اشمره بير مثلا! لتدخلين احسلج.
-ولله مو بعيده عليك تشمره بير.. بلا ضمير انته.. بس كلي وين ماخذها تره ولله اشتكي عليك..
-سمعي لج بت الكلب مو انتي الي تهدديني فهمتي وهاي بنتج اوديها لمربيه تصير مرت صديقي وبلا اعتراض ما اتحمل بنات بعد 7 عدج كافي هاي زايده...
................................................. اكيد استغربتو من الحوار الي فوك بين امي وابويه.. هه لا عاديه ابويه من ثالث يوم بولادتي وداني لمربيه جنت اصيحلها ماما لان كلش حبابه واني اصلا عبالي هي امي لان فتحت عيني ع الدنيا وهي يمي بس جانت دائما تحاول تقنعني انو هي مو امي وانو امي الحقيقيه تحبني بس اخذوني غصب منها وتطلكت وعايشه بيت اخواها الجبير.. جنت ما احب امي الي تحجيلي عنها المربيه اسم المربيه هزار ام سيف بس جانت دائما تقنعني انو امي تحبني وراح تجي يوم تاخذني مرات صدك ابجي وانتظر امي بهذا اليوم الي تاخذني بيه.. سيف جان اكبر مني ب 5 سنوات واخوه وليد أصغر مني بسنتين... عايشين ويانه بس لغرفه وحدهم واني وام سيف بغرفه وحدنه.. ها نسيت اعرفكم على نفسي 😅..
اني ريام مواليد 2000 مو صغيره ترهعمري حاليا 18 سنه يعني وصلت للسن القانوني واكدر انتخب😌✌.
المهم مواصفاتي متوسطة الطول طولي 163 وزني 60 عيوني عسليه ناعسه شعري جوزي فاتح وبيه لمعه طويل كلش لان ماكاصته اصلا من عمري 5 سنين ولله بشرتي حنطاويه مائله للسماريعني كلي على بعضي حلوه... وها نسيت عندي ثلاث غمازات ثنين بخدودي ووحده بحنكي يخبلن ادري حميت تحملوني  هي بس غمازه وحده بخدي الايسر 😂😂

احم احم اني من جنت صغيره ولحد ماكبرت وصار عمري 13 الاحظ اهتمام كبير من سيف ابن المربيه وما انكر انو اني احب اهتمامه لان محد يهتملي هيج مثله حتى المربيه مشغوله مو بس اني عده بس اني الوحيده الي مربيتني ب بيته وانام يمها تحبني كلش لان ماعندي احد شعور صعب انو تشوف الناس تحبك وتتعاطف وياك مو علمود شي بس شفقه شعور اشبه بالمذله ميحس بيه بس الي عاشه اففف.. سيف اكبر مني ب 5 سنين واخو أصغر مني ب 3 سنين هيج تقريبا... جنت ادرس ويوميه سيف يوصلني هو طبعه هادئ كلش وخجول واني ثرثاره بس احجي يعني من يوصلني الطريق كله هو ساكت واذا اريد احجي يجاوبني بإختصار اني اضوج من هيج واحد يخوفني ما أرتاح اله واحد يلغي ويايه هههههع مره من المرات من جان عمري 13 ردت افتح موضوع اخلي يحجي كتله..
-اكلك اني راح اداوم ثاني متوسط هو صعب لو لا..
-لا سهل
-ها زين الحمد لله عبالي
-اي
-كلت بكلبي وجعي.. خاب غير يحجي خبلني... كتله اكلك انته ليش متحجي هواي يعني قصدي دائما ساكت.. فتهمتني😐؟
-هههه اي فتهمتج بصراحه ماحب احجي هواي اعتبره تفاهه..
-تفاهه لو برتقاله ادري متضحك بس اضحك جذب ميخالف جاملني..
-هههههههههه وهاي ضحكت لخاطرج
-فدوه لو يوميه تضحك هيج شيصير بالدنيا (كلتها بكلبي طبعا😁).
-ها اشو هسه انتي سكتي..
-ايي همزين حجيت عبالي من اسكت اني بعد متحجي..
-هههه
............... ☆☆
اني سيف مواليد 1995 اني احب بنيه اجتنه مره من جان عمري 5 سنين وجانت تبجي وتصرخ حيل ماعرف شبيها بذيج الليله الي اجتنه نمت يمه والليل كله اسكتها امي جانت نعسانه وتعبانه حيل لدرجة ماكعدت على صوت بجيها بس اني حسيت ورحت اسكتها من ذاك اليوم حبيت اهتم بيها كلش يوميه انومها وحتى لو نايمه اكعد اباوعلها لحد ما امل يله اروح انام والعبها وامشيها كلش تعلقت بيها وهي حلوه جنه لعابه لعابتي صارت هههه.. حبيتها كلش بس ما اصارحها هسه لان صغيره وعمره 13 و اني بوكتهه عمري 18 جنت احب سوالفها مرحه كلش وتضحك بس اني مااعرف اسولف واندمج ويه السوالف دائما مكتفي بالهدوء وابتسامة ههه اذكر مره جنت دا اوصلها للمدرسه وكالعادة تحاول تفتح موضوع لان تشوفني ساكت ههه فكلت هاي فرصه ابين بيها حبي الها بصوره غير مباشره اول شي كتلها ها اشو هسه انتي سكتي هيه فتحت عيونها وكالت همزين حجيت عبالي من اسكت بعد متحجي... كتلها امممم ريام ممكن سؤال...
ريام.. اي شنو هو.. هذا حدث تاريخي اول مره يسألني..
سيف.. لو اجاج واحد وكالج اني احبج من الطفوله شنو راح يكون ردج وشراح تسوين