دوامة سوداء

البارت 7

البارت_السابع.
دوامة_سوداء♥.
ريام..
باليوم الثاني رجعت خديجة يم ايمان توسلنا بيها تبقى ماقبلت.. يمكن تحس بالاحراج عفتها على راحته.. وره ايام رجع نفتح موضوع الخطوبة وسيف يصيح ويكول لامه ولله لو ريام لو مازوج لو اكتلها هي والي يتزوجها.. يمه طلع يخوف هذا.. راح لابويه 5 مرات ويرفضه ويطرده عود هذا هم ينحسب اب؟؟ ههه ولله يالله..
آخر شي اجاني سيف كلي..
ريام عندي.. موضوع وياج.. واكلج اياه من الأخير سواء وافقتي او ماواففتي الي أريده راح اسوي.. لأن ماكو.. غير حل..
-ها خير شكو.. انته سوالفك تخوف..
-حياتي نجبي وسمعيني.. جهزت كلشي ماعليج بس لبسي حجابج وحضري الغراض الي تحتاجيها ونشرد..
-شنوو ولك صدك تحجي ليش هيج مستعجل نتظر الله يحلها..
-لتخليني اشيلج واركعج هسه من البدايه كتلج سواء وافقتي او لا اليوم الي اريده اسوي لو اعرف اسحلج سحل..
-ماااا شنو ولك تخبلت ماروح وشتريد تسوي سوي..
-ها يعني هيج.. اوك.. بس لا تنصدمين هاي نتيجة عنادج..
اي اوك اني اتحمل نتيجة عنادي درت وجهي.. كتله يله باي عيني ورفعت حاجبي وابتسمت مدري ليش احب هاي الحركه لان سيف يكرهه وتستفزه هههع رحت للغرفه مددت هفف شكد حلو النوم غفيت وره شويه مدري حلم مدري حقيقه احس ايدي تجفت وشي على حلكي يمنعني من انو احجي.. افتح عيوني واسده من النعاس نوب واحد شالني هنا صحيت فتحت عيوني شفت روحي بسيارة وظلمة ليل كلشي ماشوف حجيت بصوت ناصي اني وين ماسمعت جواب.. مشت السيارة والهوا بارد حيل كمت ارجف..
_برادنه؟ مو..
عزه هذا صوت سيف.. يعني سواها صدك وخطفني يمااا
لك سيف هذا انته يمعود رجعني لتصير مصيبة حررام عليك رجعني. _كافي تبجين كتلج من البداية لا تعاندين لان الي أريده اسوي.
_شلون تسمح لنفسك تتصرف هيج تصرف هذا اشبه بالاختطاف واذا تزوجتني اعتبره اغتصاب لان بكل بساطة اني ماراضية.
_هففف ريام لتعبيني فوك ما اني تعبان فدوه صيري ويايه لمره وحده.
_يعني خاطفني وشامرني بالسيارة وتريد نشرد ونزوج وتريدني اوكف وياك.. سيف تره تصرفك ابد مامقبول.
_هسه بس سدي حلكج لحد مانوصل لان راح اسوي حادث من وراج.
_شنوووو يعني بعدك مصر على موقفك لككك رجععني رجععني.
_ خاب دروحي وين انزلج هسه.
_بيت تقى قريب منا على بعد شارعين نزلني هناك وروح.
_بس كافي تبجين فدوه.
_اي اسكت من توصلني.
_هسه راح الوف وارجع ودللي بس ريام بعد اتمنى تنسيني لان وصلنا لطريق مسدود ما منه رجعه ولا ماله حل وتره ع فكره انتي الي خذلتيني وانتي الي تركتيني واختاريتي خواتج مو اني.
اني ساكتة مارديت بس ابجي لحد ماوصلنا لبيت تقى نزلني باوعلي بطرف عينه بنظرة سريعة ودار وجهه بسرعه اوووف.
دكيت الباب واني ابجي فتحت الباب بنيه يطلع عمره بالعشرينات احتمال حماتها كتلها و اني ابجي وين تقى.
ليش شتريدين منها منو انتي.
فدوه مالي خلك تحقيقات صيحيلها اني اختها ريام.
اول مره اسمع بيج المهم نتظري هسه اصيحلها.
اي عفيه واستعجلي. وره شويه طلعت تقى بس شافتني شهكت لان شكلي ابد ميبشر بخير.
-ولج هاي شكووو شبيج ولج احججي.
-مو هنا خلي ندخل جوه.
-دتعاي تعاي دخلي بسرعه.
دخلت كعدت بالاستقبال اجت جابتلي عصير وكلتلي اي هسه احجي شبيج وكع كلبي.سولفتلها على كلشي سواه سيف وحتى نظرته آخر مره الي كلتلي هذا شلون يسوي هيج ماحاسب حساب لتصرفه لا يالله.
-تقى مو وكته تحجين عليه.. نطيني موبايلج اريد اتصل على هزار.
-شتردين منها يعني فوك عملت ابنها.
-رحمي بحالي ولله مالي خلك احجي نطيني موبايلج.
-هاج هاج اخذي اني طالعه احجي براحتج.. شوكت مترديني صيحيلي عود.
تمام شكرا.
اتصلت على هزار مرتين بالثلاثة يله ردت بس سمعت صوتي صاحت ولج ريام وينج.
-اسئلي ابنج.
-لج نجبي حقيره غير انتي الي لاعبه بعقله ومسودنته ساعت السوده العرفتج بيها.
وانقطع الخط.
ظليت صافنه هاي منو الي دتحجي هزار!
معقولة.. يعني هي دائما كارهتني هيج وهسه طلع معدنها.. لو شلون!
اني هم ثولة اتصل عليها هسه شعندي متصلة كبر لفني.
دخلت تقى كالت ها تردين شي راح اطلع للسوك.
ماجاوبت.
خايبه شبيج صافنه متجاوبين.
-ها لا مابيه شي بس ضايجة.
-حبيبتي ولايهمج انتي بأمان يمي.
-اكلج تقى اريد اروح يم ثراء.
-ليش ولج متردين تبقين عندي.
لا ولله بس ثراء بيته محد بي هنا صح انتي تفرحين بوجودي بس حمواتج موجودات وعمتج وعمج يعني البيت مافارغ الي وثراء بيتها وحدها ولله احسن.
-براحتج تعالي اوصلج بالطريق واسلم على ثراء واروح لسوك.
هسه بس اعدل حجابي واجيج.
خلصت ورتبت روحي وطلعت...
طبعا الطريق كله صافنه اباوع من الجام مال سيارة جهال يلعبون طوبه ومتونسين.. واحد مزوج ومرته وياه وابنهم يبجي.. رجال جبير بالعمر كاعد ع الرصيف اباوع على الناس وابتسم اكول ياترى كل شخص بيهم اله قصه واله هموم لو بس اني...؟
-هيووو وين صافنه وصلنا..
-ها ها ولله ما منتبه
-وين بالج
-هيج افكر..
-همم اوك يلا نزلي هذا بيت ثراء
-متنزلين ويايه
-اي اسلم عليها واطلع مناك لسوك
اوك.
نزلت دكيت الباب 10 مرات محد فتح انجبرنا نتصل عليها ردت بسرعه كالت... ولله ماسمعت لان محد بالبيت واني حاطه السماعات.
فتحت الباب وحضنتني..
-كون اهلهل هسه بس عيب منا الجيران شيكولون علينا
-ههههه نجبي وخري خلي ادخل..
-وين تقى..
-هاي ورايه..
تقى.. هلا ولله خيتي شلونج مشتاقين حبيبتي..
ثراء.. شلونج بذاته متسألين..
تقى.. ولله ملتهين بهل الدنيا كوه ملحكين عل العيشه..
ثراء.. اكلج فدوه لتحجين مثل العجايز تره بعدج ببداية الثلاثين.
ريام.. اكلجن راح ادخل جوه اني عود من تخلصن سوالف دخلو..
ثراء.. انتي جنج مو تمام اشوفج مو على بعضج حضري روحج راح افتح تحقيق وياج.
ريام.. مالي خلك..
ثراء.. اني ما أخذت رأيج هسه دخلي و اني اجي وراج ويصير خير..
ريام..
دخلت للصاله كعدت ضايجه ومخنوكه سيف شايل بخاطره عليه نوب زعله ثكيل يالله شلون اراضي واني بأي حق اراضيه؟ هو بيدي بعدته عني بس ولله لمصلحته ماكدر اسبب اله ولخواتي ولامه مشاكل صعبه فكرت انو اترك قضيته إلى اشعار آخر يصير حل نشالله بس مو اشرد اني صافنه وافكر دخلت ثراء صفكت بيده وكالت..
اليوم ريومه صافنه ووجهه اصفر خير ولج احجي شصاير لتكولين ماصاير شي اني أكثر وحده اعرفج يله احجي..
-ولله ياثراء شكلج هففف..
-احجي احجي اسمعج..
-اني خذلت سيف..
-شنو هااا ليشش.
-بعدته عني.. أكثر من مره طلب نشرد لان ماكو غير حل واني ارفض اليوم اخذني مثل الخطف اني ونايمه بلحظة عصبيه وخوف صيحت عليه وصديته هو ضاج من كلامي وكال خلص الترديه يصير بعد انسيني وخلي بالج انتي الخذلتيني وتركتيني مو اني.. لك ولله موقفي صعب لا اكدر اتراجع ولا اكدر أواصل..
-ريااام دنكلج احنه نطلع عذر شي نكول ميته لتخافين علينا احنه ندبرها بس تره سيف ميستاهل هيج تسوين بيه حرام عليج..ولله.
-نصحيني يعني هسه شسوي..
-رجعيله وكليله خلي نشرد بأسرع وقت واني اسفه وخلص..
-مو هيج ارخص روحي
-انتي هواي هنتي وجرحتي بمواقفج هواي شويه تنازلي لا تعاندين تره الحب يحتاج تنازل من الطرفين..
-كلامج معقول بس ولله خايفه..
-هذا الخوف بس بالبداية بعدين تنسين وتعيشين حياتج صدكيني..
-يمكن.. رح اسوي هيج.. خوش فكرة..
-مو يمكن كولي نشالله راح اسوي هيج..
-اوك نشالله راح اسوي هيج
-امشي نطلع لمول لو لمطعم نغير جو شويه.. يله يله تحركي بسرعه.
-هههههه هسه جايه وراج بس بشنو نطلع..
-شلون يعني..
-يعني شنو وسيلة النقل الي راح تاخذنه للمطعم او المول...
-نركب على مطي خرب حظي لج غير تكسي

-هااا يعني زوجج يقبل..
-ايفديته ريلاكس مثلي..
-هههههه ديله امشي امشي بدلي اني مخلصه..
-اوك نتظريني خمس دقايق اني يمج..
.................. ♡♡♡....
ريام..
خلصت ثراء وطلعت رحنا للمطعم لان الأخت جوعانه..
جان وكتها صبح مارجعنا اله الظهر صح حاره وتسمط سمط بس تونست ولله .. رجعنا للبيت الظهر ثراء سوت غده ع السريع.. وحركت التمن وسوته من جديد بس همزين لحكت قبل لا يرجع زوجها..
جان زوجها كلش مرح طبعه مثل طبع ثراء بالضبط ريلاكس.. ههههه
تونست يمهم حيل وغيرت جو بالليل اجتني ثراء كلتلي اتصل على سيف حتى ننفذ الخطة وهم صدك خابرته وكتله كلشي هو بين الفرحان وممصدك وبين الي يبيع ثكل آخر شي كتله اني رايحه باي كال لا لا تعالي موافق باجر اجيج واجيب امي وياي خاف مصدكين ا... تذكرت كلام امه شهكت..
-بس امك متريدني..
-لا تخافين اعرف اقنعها..
-متأكد؟
-ثقي بيه.
-اوك واثقه بيك
-احببج
-هسه يله ردت رووحي عاااا لك احببك..
-راح انام نعسان..
-مو صوجك صوجي اني اتغزل بيك.
-وداعت عيونج حيل نعسان بس لخاطرج كاعد لهسه..
-اوك تصبح على خير سيوفي
-وانتي بخير ريومتي..
سديت الخط واني اضحك فرحانه شكد حلوو واخيرا رجعت لحياتي الطبيعيه.. شافتني ثراء امشي وابتسم عرفت تصالحنا ضحكت وراحت نامت...
باليوم الثاني كعدت من الصبح بدون منبه اليوم حبيبي يجيني..
لاحظت ثراء الفرحه كلتلي شوكت يجي الحب.
-ههههههه 9 الصبح..
-هاا يعني بعد ساعتين كاعده بل سبعه اول تالي😂😂..
-هههههه اي غير مناسبة مهمه..
-ديله اليسمعج يكول رايحه تستلمين جائزة الأوسكار
-هههههه ولله حبيبي اهم..
-اووي فديت الحب..
-تف طاحظج ولي..
-هم تحجين هيج ويه سيف..
-لا ولله
-اي صدكت دروحي
......
..........
...............

صارت بالتسعه اجه سيف قميص نيلي وبنطلون رصاصي فديته يخبل
جان يمكن فرحان اكثر مني صح اني جنت فرحانه بس جان اكو غصه بنص فرحتي ماعرف سببه المهم.. وصلنا لفندق خارج المحافظه وطبعا امه موجوده بس ماحجت شي بس نظراته ابد متبشر بخير.. خلينا الغراض بالفندق ورحنا
للمحكمه عقدنا وحدنا ورجعنا للبيت كال اول يوم ما اتقربلج اخليج تتعودين طبعا اني على اتصال دائم بخواتي... وره يومين وصلتني اخبار من ثراء انو ابويه عرف بالسالفه ومتخبل بس البنات نشرن اشاعه عساس

يتبع