كبرنا هواي واحنه *صغار كل دمعه بكبر # خدنه * جا_والليل * جا-والشوك * جا -والشيب باك هواي من # عدنه
.......
البارت 13
البارت "الثالث عشر"
دوامة سوداء. ♥
طلعت من الحمام ورحت.. كبل على فراشي واشهك وابجي.. ماريد انتحر.. لأن حراام.. يااربي انته أعلم بحالي نطيني الصبر..
أسماء.. كوومي ريام لج سمعتهم اجوو اني راح اطلع للنسوان وابوج يم الزلم.. عود نزلي ورايه حتى تقدميلهن مو تفشليني...
-اي اي افتهمت..
نزلت أسماء واني بعدني ابجي.. ولله صغيره صغيره على كل هل ضيم كل عمري 17 سنه.. أصغر خواتي ومن يوم نولدت الفكر والحظ العاثر لاحكني... هو اني فكر من يوم امي تزوجت ابويه.. وخلتنه تحت سلطة واحد ميخاف الله.. حاولت اصير قويه واواجه هذا الي اجه يخطبني.. واحجيله الي بكلبي... واشوف شيكول حتى لو يعوفني ويجي ابويه يقتلني.. ماكول لا.. عادي... رصاصة الرحمة.. نزلت جوه واني امشي بإنكسار حظرت عصير وحبشكلات وياه كيك جاهز بالثلاجة ولكيت بقلاوة اكلت ثنين... اكتشفت انو عدنه كومه اكل وقواطي ببسي كراتين وميرندا هاي كلها لمرت ابويه معقولة لو خاف مسوي البيت مخزن.. يله المهم لكيت شي يونسني.. الأكل يمممم... رحت يم النسوان وقدمتلهن واني كالبه خلقتي بلكت يحسن ويتراجعن.. بس شو هذني يضحكن بوجهي وذابات ميانه كلش.. خرب حظي الخطة الأولى طلعت فاشلة.. يله انتظر عريس الغفلة.. بلكت تنجح وياه الخطه.. ظلن فوك الساعه ونص بس يحجن عفيه لسان مايسكت.. كمت اتثاوب من الملل.. وحده بيهن انتبهت عليه.. كالت يااا هاي عروستنه صغيرونه.. شكد عمره.. جاوبت أسماء..
-هههه اي صغيره راح تدخل ال 18..
اني باوعتله صفح كوه تريد تكبرني بلكت ياخذوني.. كلت بصوت واضح بعدني 17..
كالت وحده من النسوان يله مو مهم العمر تتربه على ايدنه.. باوعتلها من فوك ليجوه بنظرة استهزاء وكمت طلعت.. شوكت يروحن هفف وره 5 دقايق سمعتهن يسلمن ديطلعن ايي واخيرا.. خلصنا شهل ملل.. اجتني اسماء رزلتني عود تنصحني...
-ولج عيب هيج تصرفات شلون تباوعين الهن هيج تره هذني اكبر مني لازم تحترميهن حتى لو متحبيهن بس من جانب الأخلاق.
-اهووو دعوفيني بحالي تبيع مثاليات براسي..
-لج شكد صلفه انتي اني بحسبت امج شلون هيج تحجين وياي..
-انتي مو امي انتي أسماء مرت أبوي.. امي ماتت قبل 4 سنين..
وعفتها تحجي وحدها وصعدت.. صحيح اكبر مني وميصير احجي وياه بس الحاله الي اني بيها مو مال اكعد افكر قبل لا احجي بداخلي بركان غضب يغلي لو ابوي كدامي ماعرف احجي وياه عدل..
هفف...
كاعده وافكر واحرك بروحي وفزيت على صوت الموبايل منو متصل عليه اكيد لو سيف لو ثراء بس ذوله عدهم رقمي الجديد؟!..
شفت الشاشة رقم غريب.. اني صافنه ع الرقم احاول اعرف منو هذا لحد ماخلصت الرنه رجع يدك.. جاوبت..
الووو منو.
-هلو حبيبتي ريوم شلونج كلبي.. لج صدوك الي سمعته مخطووبه..
الصوت مألوف عليه وحتى الطريقة بالحجي مال مجاملة وحبيبتي وكلبي ومن هل حجي.. سكتت شويه نوب كلت.. منو انتي..
أنت تقرأ
دوامة سوداء
Romanceقصه _عراقيه_ حقيقيه. .. يطردها والدها بذنب انها فتاة لتعيش حياتها عند امرأه تعتبر مربية للاطفال لا اكثر تقع في حب شاب لا يناسب مذهبها.... كيف ستكون تدخلات ابيها في حال كهذه وما نهاية هذا الحب الذي يعتبر شبه منبوذ او انه منبوذ في مجتمعنا ..... ...
