دوامة سوداء

البارت 2

البارت_الثاني.
دوامة سوداء.
نمت وماحسيت اله على عياط منى
ريام.. شكو شبيج ولج خرعتيني
منى.. ولج منى امي امي متتحرك لج شوفي مابيه نفس.. ركضت اشوفه صدك ما بيها نفس ولج منى بس لا ماتت
منى.. يمه لا لا الله لا يكولها ولج بلعت حبابه مال ضغط وكالت يمه منى ديربالج على اختج بعدها صغيره وكالت اكو ذهب مالتي قديم ضامته بالكنتور بصندوق مقفول والمفتاح عند اختي الجبيره ولج كعدت توصيني كتلها يمه لتكولين هيج نشالله انتي موجوده ومنحتاج أحد ابتسمت وغمضت نمت وكعدت هسه مابيها نفس ولج مامصدكه لا لا جذب ادري جذب.. راح اروح للدكتور وأسمع منه..
وصدك بهل اللحظه دخل الدكتور على عياطنه..
الدكتور.. شكو شبيجن المستشفى كلها كعدت
منى.. فدوه شوف امي شبيها مابيه نفس
ريام.. اسمع منى وصافنه حتى دموع مانزلت من عيني حاله غريبه كلش اباوع وماكدر احجي أحس لساني مربوط وماكدر ابجي بس صدري كله يوجعني اختنكت حيل كوه اجر النفس كعدت بزوايه وخليت راسي بين رجلي دخت كلش ويمكن نمت او اغمى عليه ما اعرف بس ماحسيت اله وهزار تكعدني وتغسل وجهي كعدت كتلها امي وين وين اخذتوها قبل شويه جنت احجي وياه
هزار.. يروحي امج راحت يم الله هناك ارحم الها..
ريام.. هو اني سمعت هيج وظليت اصرخ بأعلى صوتي اريد ابجي ما اكدر احس دمي يرجف ماكدر احرك ايدي كلشي يرجف نوب عيوني كامت تغوش مره ثانيه فتحت عيني لكيت روحي على سرير مال مستشفى كلت لهزار اني وين كالت ضغطج نزل يحبيتي شسويتي بروحج وينج وين الضغط هففف لا حول ولاقوه إلا بالله
ريام.. اريد انام
هزار.. اي هسه اني طالعه نامي حبيبتي نامي
..................... ♡☆
هزار..
جانت الفاتحه يوم واحد حسب وصية ام ريام هي هيج وصتهم من زمان تكول اذا متت لتطولون الفاتحه يوم واحد كافي طبعا ريام رجعت للبيت بس خطيه متحجي ولا تبجي خفت لا صاير بيها شي جنت دا اسوي الغده حتى اروح للفاتحه.. دخل ابني سيف
-يمه شبيها ريام بس صافنه ومتحجي مو من عوايدها
-ولك خطيه أمها ماتت بعدهي كلشي ماشافت منها البارحه حجت وياها واليوم ماتت
-خطيه.. مو اكول اول تالي ريام هادئه هيج.. رحت على ريام اواسيها واحجي وياهه هم لان مشتاقلها.
سيف.. ريومه باوعيلي.. ليش مجاوبين لتخوفيني شبيج..
ريام.. باوعت هذا سيف يمه كلبي كام يوجعني بس شفته دمعت عيوني هم مشتاقتله وهم خايفه عليه صارت بيه خوفه اخاف يصير بيه مثل ماصار بأمي..كتله ها سيف لا مبيه شي بس ضايجه..
سيف.. ولج ياضايجه عيونج حمر والوكت كله ساكته متأكده انتي ريام الي اعرفها.
ريام ابتسمت.. اي ريام نفسها بس هاي تحديث جديد ريام الحزينه..
سيف.. لا مو حزينه انتي أقوى من الحزن امج مرتاحه هسه اصلا جانت عايشه بذل يم خوالج هسه مرتاحه صدكيني كل الي تريده منج تدعيلها بالرحمه..
ريام كمت ابجي.. سيف بس اني ماشبعت منه عمري كله ماشايفه ولاحاسه بحنان الام وبس شفتها راحت مني ليش هيج ليش..
سيف.. كلمن يموت بيومه وهذا قضاء الله وقدره بيه حكمه لا اعتراض على حكم الله..يله ريوم كومي اخذج نفتر بالسياره شويه نوب ترجعين بالليل تصلين إلها صلاة الوحشه..
ريام.. اوك بس شوكت الفاتحه اريد اروحلها
سيف.. يااا شلون نسيت اليوم هي الفاتحه
ريام.. لعد اخذني للفاتحه..
سيف.. ولج ريام بعدج صغيره على هيج اجواء عيشي حياتج شبيج..
ريام.. شبيك انته اذا فاتحة امي ما اروحلها وما أحزن عليها لعد منو يستاهل أحزن عليه...
سيف.. اوك براحتج مثل متردين امي طلعت للفاتحه انتي تغدي وخل نطلع..
ريام.. لا ميحتاج اتغده اريد اروح للفاتحه
سيف.. لتعاندين لخاطري شبيج ولله ميت جوع خوب ما آكل وحدي وبعدين تحبين اضوجين امج..
ريام.. لا لا ليش اضوجه
سيف.. لعد تغدي لان امج متحب تشوفج ذابله وتعبانه..
ريام.. اوك لخاطرك ولخاطر امي رح اكل..
سيف.. اي عفيه فديتج مححح نطيني بوسه.
ريام رفعت حاجبي وباوعتله.. أنته اشو صاير متستحي 😑..
سيف.. ههه يله تعالي نتغده
ريام.. اجيت اجيت
الوكت كله مانزل عيني مني استغفر الله بدت الحركات كتله شبيك متاكل.
سيف.. ها أي هسه اكل.
ريام.. اليوم شكد بل شهر
سيف.. ليش سألين
ريام.. هسه دكول
سيف.. اليوم اول يوم بشهر 2
ريام... لا لا يووه بعد هواي
سيف.. بعد هواي على شنو
ريام.. عيد ميلادي
سيف..ههه شكد زعطوطه ليش شوكت عبد ميلادج..
ريام.. اني زعطوطه اكره هل كلمه 4/4/2000.
سيف.. يووه بعد هواي شهرين
ريام.. لعد اني شكلت
سيف.. زين ليش منتظره عيد ميلادج.
ريام.. اريد اصير جبيره علمود اكدر اخلي مكياج.
سيف.. هههههه طاحظج شلون تفكير.
ريام.. هسه يلا مو ضحكتك شويه هسه اريد ابجي امشي خل نروح للفاتحه.
سيف.. اوك يلا
ريام..
لبست ثوب اسود طويل يشبه الجبه بس هو ثوب وحجاب اسود وطلعت
سيف.. هلا هلا طالعه كمر بالاسود ولله لو ما وفات امج جان سويت شي ميعجبج
ريام.. لا ويكول شي ميعجبج يااا ولك سيف شجاك صاير صدك متستحي.
سيف.. ليش مالبستي عبايه.
ريام.. اوي اني البس عبايه وبعدين اني ماعندي عبايه اصلا
سيف.. ذكريني عود من ارجع اشتريلج عبايه كبرتي بعد.
ريام.. سيف تحجي صدك استغفر الله مالي خلك اتعارك وياك امشي لخاطر الله تأخرنا.
سيف.. ولا اني الي خلك اتعارك وياج دمشي امشي.
ريام.. افف وصلت لبيت خالي الجبير دخلت لكيت كومه نسوان ماعرف ولا وحده بيهن حسيت روحي غريبه اختنكت ودمعت عيوني من هل الأجواء وهم على امي يمه ليش رحتي وين عفتيني اني عايشه حتى أنتظر اليوم الي تجين تاخذيني بيه مو اليوم الي ترحين بيه كمت ابجي بحركه اجت ثراء بس شفته رحت حضنته حيل وكلتله همزين اجيتي ماعرف أحد هنا احس روحي غريبه.
ثراء.. حبيبتي انتي تعالي كعدي يم البنات موزين عليج هيج اجواء بعدج صغيره شجابج.
ريام.. سكتي لخاطر الله ليش ما اجي فاتحة امي وما اجي شجاني تخبلت.
ثراء.. تعاي اخذج يم باقي خواتي خل يتعرفن عليج..
ريام.. اي يلا. رحت يم مجموعه بنات كاعدات يلطمن وكلهن يبجن باوعتلهن اكو وحده بيهن حيل تشبه امي كما ابجي حيل واصيح اجت منى وخديجه حضنني وبقن يبجن اكثر وحده تبجي منى ولاسكتت كلش متعلقه بأمي ماعرف ليش اجتني هاي الي تشبه امي كلتلي انتي ريام كتله اي كلهن كامن وهنه هواي يجرن بيه ويحضنني ماعرف اضحك لو ابجي افرح شفت خواتي لو ابجي امي ماتت هاي الي تشبه امي اكبر وحده بينه اسمه ايمان والثانيه اسمه تقى والثالثه اسمه رقيه والرابعة رسل والخامسة هي ثراء والسادسه خديجه والسابعه منى واني الاخيره منى أقرب وحده لعمري عمره 15.
يوه شكد عندي خوات لو اعرفهن من اني وصغيره جان كمنه نلعب سوه واحنه هواي شكد حلو.
ايمان.. ولج ريومه شكد كبرتي آخر مره شفتج جنتي بالكماط فدوه لربج صايره حلوه.
تقى.. لج هاي اختي الصغيره ما اصدك مدام اجيتي بعد ما اعوفج ويانه ويانه وين ترحين.
رقيه.. حبيبتي شلونج ولله حرامات خلصن هل السنين وانتي ماموجوده.
رسل.. واخيرا اجيتي لج امي ماتت من قهره عليج ولله.
ريام.. اني اباوعلهن وابجي كلشي محجيت بس دموعي تجري.
خلصت الفاتحة شبعت بجي واختنكت صياح ولطم خفت كلش طلعت بره اجت ثراء يمي كالت.
-شبيج حبيبتي ليش كاعده بالحوش.
-خايفه.
-من شنو خايفه.
-مدري بس خايفه احس روحي ضايعه تايهه.
-يروحي متضيعين ماطول انتي يمنه لج احنه 8 نكدر نصير عصابجيه صدكيني الحزن ميلوكلج بعدج صغيره.
-اي هففف اختنكت من هل الأجواء شوكت يجيبون التابوت اريد اشوف امي.
-هسه جابوه امشي ندخل جوه اكو زلم رح يجون.
-ما ادخل اني انتي روحي.
بهل اللحظه دخلو بالتابوت وبده الصياح جرتني ثراء ودخلتني جوه من صارت هوسه فلتت من ثراء وطلعت اركض عل تابوت اصرخ والطم وابجي ملخت روحي طلعت حركت كلبي مال هل سنين كله كلهم يباوعولي بإستغراب محد عرفني بس شفت سيف يباوعلي بعصبيه اجه أخذني بهدوء من بين الناس وخلاني على جهه وكال شبيج تخبلتي هنا زلم ليش مادخلتي جوه.
-سيف اسكت اريد اشوف امي لآخر مره شبييك اريد اشووف امي لآخر مره.
-هسه شفتيها وبحيتي كافي يلا كافي دموعج يوجعني.
ريام.. كما ابجي بزياده اجه حضني وكال كافي ولله راح ابجي وياج مسح دموعي وكام كال راح اخذج للبيت شوفي شصار بحالج امشي وياي يلا. اني هم ماكلت شي كمت وياه لان صدك اختنكت سلمت على خواتي وطلعت كلتلي تقى مو تنسين تزورينه واذا ما اجيتي ناخذج سحل ابتسمت وكلت نشالله رجعنه للبيت دخلت غرفتي ابجي صار المغرب واني ابجي دخل سيف كلي كافي ولج كسرتي كلبي كافي فدوه ضحكي ابتسمي اريد اشوف غمازاتج الحلوه.
ريام.. عوفني سيف فدوه اريد اكعد وحدي.
سيف.. لج صار المغرب كومي صلي ومن تخلصين تعالي اعلمج تصليله صلاة الوحشه.
ريام.. اوك. صليت وخلصت رحت كتله يلا علمني عل صلاه بده يعلمني نوب من خلص اني بديت أصلي جتفت أيدي هو استغرب اني هم استغربت لاستغرابه بعدين فهمت قصده هو شيعي والشيعه مايجتفون ايدهم. خلصت صلاه سئلني انتي سنيه..
ريام.. اي.
سيف.. هاا شعجب ماعلمتج امي على صلاتنا..
ريام.. بصراحه هي ماجانت تعلمني عل صلاه اصلا وجنت من عمري 9 اروح لبيت صديقتي هم سنيه واصلا اهلي كلهم سنه فعلمتني ام صديقتي عل صلاه وامك من شافتني هيج اصلي هم ماحجت شي كالت بكيفج صلي باللي يعجبج.
سيف.. مممم براحتج يلا كومي نامي.
ريام ابتسمت.. اوك تصبح على خير.
سيف.. وانتي بخير حبيبتي.
ريام.. منو حبيبتك 😨😐.
سيف.. امي حبيبتي😂امشي نامي يلا.
ريام.. اوك اوك.
رحت انام كلبي يدك بسرعه مو لان كالي حبيبتي لا اليوم من دون الايام جريئ ويايه وهواي حجه ويايه وواساني اول مره يكون قريب مني هيج معقوله اني احبه يمه كلبي وقعتي في الحب يا ريام.. ياحب يابطيخ بعدني 13 سنهوشنو يعني واذا يعني حرام على الي عمره 13 تحب .. يووه كافي احجي ويه روحي مثل الخبله درت وجهي ونمت.
يتبع...
................ ♡♡♡
مريم _التميمي.