البارت_السادس.
دوامة_سوداء♥.
ريام.. كلت لهزار راح اطلع للمستشفى كالت مترحين وحدج هسه جايه وياج صدك اجت ويايه صعدت بالسياره الحلو بهزار رغم هي متحبني اصلا متحملتني بيته لان سيف يحبني مو اكثر المهم الحلو بيها انو هي صاحبة واجب يعني مانست خواتي ابد من ماتت امي لو اذا تمرضت وحده بيهن لو من يصير عدهن ولاده هي دائما ويانه وهذا كله لان امي جانت صديقته يعني مقدره العشره... وصلنا للمستشفى رحت ركض دخلت كلت للاستعلامات خديجه علاء إبراهيم كال خامس غرفه ع اليسره رحت ركض مثل المخبله فتحت الباب لكيت خواتي كلهن يبجن اكثر وحده لازمه دمعته بس مخنوكه وعيونه حمر هي ثراء هي أقوى وحده بينا حتى من ماتت امي تصبرنا وتبجي رغم هي أصغر من إيمان وتقى ورقيه ورسل بس اقواهن رحت حضنت ثراء وابجي هي ماتحملت نفجرت تبجي بحضني ثراء كلش تحب خديجه لان لازكه وياه دائما صح خديجه انعزاليه ومتحجي هواي عكس طبع ثراء بس هنه دائما سوه بحكم اعمارهن متقاربه.. اجت الممرضة كالت من رخصتكم طلعو مو زين ع المريضة الضجيج.. صدك طلعنا وكلنا نبجي إيمان اجاه اتصال كالت اني راح اروح ماكدر ابقه بعد تحجي وتبجي كالت بصوت مخنوك اذا صار شي كولولي طلعت إيمان وره شويه طلعن تقى ورقية ميكدرن يبقن عدهن جهال مشيطنين بقيت بس اني وثراء لان ماعده جاهل يخرب عيشتها هههه ورسل هم رجعت لان حامل وداخت ومنى بقت بس دورها بس تبجي هي هذا دوره بأي موقف حزين.. بقيت بالمستشفى يوم كامل منى راحت قبل المغرب زوجها يكول شعدها باقيه بالمستشفيات بالليل ماعدها بيت ... ثراء هم راحت بقيت وحدي لان ممزوجه خرب بالحظ المشخبط اجاني اتصال من سيف واني اريد انام فزيت ورديت بسرعه
-انته متكول هاي اكو نعاله نايمه اكو واحد يتصل الساعه ب 1 بالليل خرب شنو تشتغل عصابجي..
-اكلج ريام اسلوبج صاير ابد ميعجبني اني حبيبج لازم تتحمليني واذا اتصل عليج بأوقات تكون بنظرج غير مناسبة ف شي اكيد اكو شي مهم يستدعي اتصل عليج بهيج وقت......
-اوووي وشنو هل شي المهم يا حبيبي..
-تدرين شسوت امي قبل شويه خابرت ابوج تكله عندي طلب واحد وهو انو تصير بنتك شيعيه واني ماكتلك هيج من اجيناكم نخطب لخاطر ابني..لج سمعتها تحجي واني جنت أصلي بالغرفة الثانيه ومن رحت كتلها ليش هيج حجيتي تكلي اي ولله اني ماعاجبني تصير جنتي سنية.. نوب ابوج يكول اصلا ماعرف انتو شيعه وشي اكيد بنتي متغير مذهبها علمود زواج واذا هذا شرطج اعذريني حتى لو تقبل بنتي اني ما أقبل..
-شنوووو هلا هلا عيني وهو من شوكت ابويه تذكر عنده بنيه لو متبري مني هوااي احسن هسه يلا يكول بنتي هههه .. وبعدين شنو هل العقليات كلنا مسلمين قابل اني بوذيه ومادري بروحي
..
-هسه هذا كلامج لا يقدم ولا يأخر.. شراح نسوي بهيج حال..
-خاب شمدريني شتكول اروح اشتكي على ابويه لو اهدده يوافق قبل لا اشتكي عليه بتهمة عنف اسري وترك أطفاله والتخلي عنهم..
-انتي خبله اكيد لج هو مو مطلك امج يعني مال ترك أطفاله شي ميتحاسب عليه بس مال عنف اسري اي بيها مجال بس هم متسوي شي انتي حتى ماواصله السن القانوني وحتى لو وكفت وياج مالي حق لان لا خطيبج ولازوجج وحتى امي ضدنا.. ماكو حل غير نشرد..
-شنو لا دخيلك كول غيره وشكول لخواتي واطين سمعت امي ويمكن حتى خواتي تخرب سمعتهن.. تدري خديجة نتحرت بس.. حتى لا تخرب.. سمعتنا.. شلون اني اسويها هاا كلي (طبعا سيف يعرف بقصة خديجة كايلتها اله من قبل)...
-لج شبيج احنه ممسوين شي بس نعقد ونزوج ونأجر شقه نوب ادز على امي تعيش ويانه..امي اعرفها راح تتقبل حتى لو تضوج صحيح تزعل بس مستحيل تتركني وانتي هم مثلي على انو صرتي شيعيه مجرد تمثيل كدامها حتى لا تشد وياج...
-واخوك وين يروح اذا امك تجي ويانه للشقه..
-يوووه قصدج وليد خاب هذا عاشك بت عمي وساكن بيتهم بحجة ابن عمي صديقه الروح بالروح هو انتي شايفته فد يوم داخل للبيت...
-لا ولله ابد.. ما اشوفه.. زين شعجب بيت عمك ميضوجون منه..
-يمعوده جنه عايشين سوه بيت واحد بس من صار عمري 4 سنوات انفصلو وماصار شي بس خلينه حايط بيناتنا..يعني جيرانه وبصفنه طابين وطالعين عليهم ومحد يحجي..وهم بيت عمي حالتهم الماديه كلش زينه وبيتهم جبير اذا شايفته وعدهم هواي غرف زايده يعني وليد ضايع بينهم اصلا ههه..
-اوك بس شلون خواتي خاف يطلكن لان عبالهم جبت الهم العار شمدريهم راح نتزوج..
-انتي خابريهم وكولي.. واعتذري هم..
-زين اذا تفهموني خواتي من كال أزواجهم راح يتفهمون وخاصة زوج تقى ورسل كلش متعصبين وعقده..
-اكلج ريام سودتيها بوجهي.. آسف ع صراحة العباره.. بس اكلج من الأخير لو اني لو خواتج.. وصلنا لطريق مسدود ولازم هنا تاخذين قرار نهائي وتختارين..
-كمت ابجي واختنكت ماكدر حتى أنطق حرف من كثر الخنكه الي احس بيها..سيف دتخيرني بين اعز ثنين على كلبي يعني اعوف خواتي الي ماصدكت لكيتهن تالي عمري واعوفهن وهنه ماخذات نظره عليه لو شايلات بخاطرهن لو اعوف حبيبي الي كضيت عمري وياه وانكر العشره صعب.. ولله صعب اخخخ يمه كلبي.. كمت ابجي حيل..
-ريومتي مقدر وضعج شسوي لازم تختارين مرات ننجبر نترك أمور غاليه على قلبنا لان اكو أغلى ومرات ننجبر نهمل شي مهم لان اكو اهم هاي قاعده بالحياه لازم تعرفيها يلا اعوفج تفكرين ما اشوش عليج.. تصبحين على خير..
ريام..
سديت الخط من سيف والحيره اكلت راسي.. كلش صعبه الحيره أصعب حتى من الفراق الإجباري.. لأن بحالة الفراق الإجباري يكون الإنسان فقد شخص او أشخاص يحبهم مو بإرادته لكن يكون الموقف أصعب لو فارقهم بإرادته... طبعا جان صراع دائم بين قلبي وعقلي كنت اميل إلى خواتي لان عرفتهن قبل كم سنه وماشبعت منهن وهم لو سويت هيج خطوه وشردت ممكن هذا يأثر على زواجهن هم ويبقن يكرهني لمدى الحياه اما سيف يمكن ينسى وحتى لو ماينسى ممكن أترك قضيته إلى أشعار آخر جان هذا تفكيري وقراري الحاسم بس صار.. شي غير كل هل الافكار الي راحت هباءا منثورا باليوم الثاني كعدت خديجة تون وتصيح بصوت مخنوك.. ااه ااه رحت ركض كتلها خديجه
كعدتي ولج بشريني شبيج شتحسين.
باوعتلي بتك عين وكالت. ريام نطيني مي.. رحت ع البراد الي.. خارج الغرفه.. جبت الها كلاص مي شربتها لان متكدر تحرك ايده اليمنى شادين كانونه.. كلتلي ريام ليش ماخليتوني اموت.. كتلها حرام هذا الحجي خديجة الله كاتبلج عمر والانتحار حرام ولله.. كالت اني اول وتالي ميتة الله يعرف
ظروفي.. اموت بشرف ولا اموت بفضيحة... بس هذا مو عذر ياحبيبتي شمدريج شيصير منا لمن تزوجين احتمال يطلع خوش رجال واذا لا ميتفاهم وكتلج الله يعرف برائتج تموتين ولله راضي عنج مو احسن مما تموتين والناس راضيه عنج ولله مراضي.. ياهو احسن.. ها...؟
-هههه خاب طلعتي تفتهمين واني مادري كبرتي ولله..
-شعبالج لعد اصلا اني حكيمة ولله بس محد معبرني
..
-شوكت اطلع من المستشفى..
-شمدريني غير من تتحسن حالتج..
-هفف ولله تلعب نفسي من المستشفيات..
-لعد اني شكول البارحه خربت خطوبتي واني بالمستشفى ماطلعت لعبت نفسي بالزايد..
-شنو يا خطوبه..
-خرب لسانج ريام ماكدر اله اكول.. كبر لفني ولا اعرف اسكت..
-شبيج تغلطين على روحج شنو متردينه نفرح وياج.. من خطبج.. وليش خربت.. احجي..
-سولفت إلها السالفه من الألف للياء كلشي كتلها..
-يااا حبيبتي ولله خطيه.. بس اني برأيي تختارين حبيبج هذا حبيبج مو اي شخص احنه ماراح نفيدج من تزوجين شخص متحبي.. فاهمتني.؟
-ماعرف خديجة صحيح كلامج بس ولله صعب اخاف يطلكن خواتي من ورايه..
-لا لا لتخافين اني راح اطش اشاعه بين خواتي انو انتي ميتة ونكول لابونا راح يصدك لان اعرف امثل واسوي روحي ابجي.. بس منى اضبط مني.. راح اخليها تجي ويايه..
-زين اذا كال اشوف جثتها..
-نكله جانت طالعه ووكعت بالنهر... لو حتى نكله شردت بس سمعنا من حبيبها انو ماتت بالطريق.. وانتي اتفقي ويه سيف هيج هم....
-اوك.. خوش فكرة عاشت عقلج.. بله لو ميتة منو جان راح يطلعني من هاي الورطه..
-هههه الله يطلعج..
-والنعم بالله.. راح اروح اسأل الطبيب شوكت تطلعين..
-اوك براحتج..
طلعت سألت الطبيب المشرف على حالتها كال اذا متحس بدوخة تكدر تطلع هسه.. رحت كتلها هيج كال الطبيب.. كالت لا ولله كلشي ما احس خل اطلع.. خوخه اخاف تكذبين وهيج تكولين حتى تنهزمين مووو...
لا ولله كلشي مابيه شبيج مصدكين..
اوك اوك صدكتج يلا امشي نطلع..
وصلنا للبيت يم هزار اخذته لان حاليا ماعندي رصيد اخابر وحده من خواتي.. بقت بالصاله وكلتلها هزار اليوم تباتين يمنه.. اني رحت للغرفة.. دزيت مسج لسيف لتدخل الصاله اختي هناك وتريد تاخذ راحته.. كال هلا بيها دللي اصلا اني ماعندي شي بالصاله نوب كال طلعي للحوش روحي..للحديقه.. اوكفي يم النخلة.. اريد احجي وياج.. طلعت هناك شفته كلبي كام يدك بسرعه هيج يسوي الحب يمه كلبي كلبي.. وكفت يمه والابتسامه تارسه وجهي.. كال..
-كال ها شنو قررتي..
-قصدك منو أختار..
-اي.. 😃
-وليش اكو واحد يكدر يفارك هواه..
-ها يعني شنو قصدج..
-قصدي اختاريت الحب مالي😍..
-يمه فديت حبيبتي اني..
تقرب يريد يبوسني.. كتله لا لا منا وهيج بطل هل سوالف عود من نعقد اخذ راحتك..
-اففف وهسه اني شيصبرني..
-لا لا أصبر هانت ماظل شي..
-هفف اوك اوك..يله راح ادخل جوه اني تعالي وراي..
-اي هسه جايه... دخلت وراه.. شفته فتح باب الصاله بسرعه وسده وسمعت خديجة شهكت شفته بالبدايه صفن عليها نوب دار وجهه وراح اني احس نار شبت بيه اريد الزمه اثرمه وذره وذره.. 😠😠.. رحت وراه وتخوصرت وكتله هااا نشالله عجبتك موو..
-منو.. هاي شبيج..
-خديجة اختي.. ظليت صافن عليها..وحقك هي حلوه وتجنن هم.. دمعت عيوني ودرت وجهي.. اني كلش اغار وبالاخص لو كان وسط الغيره مالتي شخص احبه مثل خديجة.. اجه ورايه كال تعاي تعاي شبيج تخبلتي.. اني امشي ومادرت وجهي لزم أيدي وجره صرت على صدره انفاسنه صارت قريبه..... بعدين انتبهت على روحي دفعته وكتله اي تخبلت عندك أقوال بعد..؟
............ ♡♡♡♡♡
#يتبع..
أنت تقرأ
دوامة سوداء
Romanceقصه _عراقيه_ حقيقيه. .. يطردها والدها بذنب انها فتاة لتعيش حياتها عند امرأه تعتبر مربية للاطفال لا اكثر تقع في حب شاب لا يناسب مذهبها.... كيف ستكون تدخلات ابيها في حال كهذه وما نهاية هذا الحب الذي يعتبر شبه منبوذ او انه منبوذ في مجتمعنا ..... ...
