البارت _الثالث.
دوامة سوداء .
ريام..
كعدت الصبح غسلت وجهي احس روحي دايخه حيل كوه تريكت وطلعت للمدرسه وهم سيف ويايه..
-اكلك سيف تره اني مو صغيره حتى تاخذني للمدرسه راح أصير 14 سنه كبرت خليني اعتمد على نفسي.
-بعدج صغيرونه بعيني.
-هسه اني شلي علاقه بعينك جاي احجي على عيني اني😂.
-ريام سكتي حبابه وهاي وصلنا للمدرسه من اجي عليج عندي مفاجأه كلش راح تحبيها
..
- شنو كول هسه. عليك الله
-لا ماكول هسه لعد ليش يسموها مفاجأه يلا رح يدك الجرص امشي لتتأخرين.
-اوك باي.
رحت للمدرسه ومن رجعت متحمسه كلش حتى اشوف هاي المفاجأه خرب كوه تمشي الساعات لحد ماوصلنا الدرس الاخير دك الجرص كمزت من مكاني حتى ماحجيت ويه صديقاتي طلعت ركض ادري بيه منتظرني اريد اشوف المفاجأه اجت شذى من وراي سحلتني من شعري.
-تعاي تعاي وين رايحه ركض جنج وحده هاربه.
-عوفيني شذى بعدين اسولفلج باي وطلعت ركض واني سريعه مالحكت عليه خطيه بس شسوت بيه لكتني بالباب لعبت بيه طوبه وزاعلتني عود راضيتها بكيك وعصير جان عندي ام بطن مو بيده هههع .
ريام.. ولك غير خضت مغامرة يلا كدرت اجي بهل السرعة يلا وريني المفاجأة بسرعه من الفضول.
سيف.. هههه نوصل للبيت اول شي.
ريام..ماااا هسه هسه.
سيف.. خبله من نرجع للبيت عيب منا ناس شيكولون عليج ماشايفه.
ريام.. اوك ميخالف. وصلنا للبيت واني امشي بسرعه وهو يضحك وراي وصلت للبيت جانت هزار تسوي غده سلمت عليها ورحت كبل لغرفته اجه تفاجئ بوجودي بالغرفة ضحك وكال شعندج هنا.
-رفعت حاجبي وجتفت أيدي وكتله هسه انته محاصر ماكو كدامك اي خيار ثاني غير الاستسلام وتسليم المفاجأة.
اخذلي تحيه وكال حاضر سيدي الضابط
سيف.. بس بشرط.
ريام.. اي شنو شنو.
سيف.. نطيني بوسه يلا هسه انطيج المفاجأة او الهديه.
ريام..امممم موافقه بس بشرط.
سيف فتحت عيني ممصدك.. اي شنو شرطي أمرك سيدتي.
ريام.. هههههه تنطيني المفاجأة بعدين ابوسك.
سيف.. مممم شمدريني يمكن جذابه.
ريام.. يعني مامصدكني اوك يلا باي وشكرا على مفاجأتك ماريده .
سيف.. تعالي وين رايحه يلا ولو اني ممصدكج بس شسوي امري لله تعالي.
ريام مسويه روحي زعلانه كتلها ها شتريد كلي روحي لغرفتج تلكين شي كلش حلو. رحت للغرفه ركض ممصدكه وجان اشوف الغرفه مزينه ياااااي كمت اكمز لكيت على الميز مالتي حاطين عليه علبه مغلفه اجيت ابجي من الفرح اموت على الهدايا فتحته جان اشهك وبدون وعي صرخت مووباايل ولك سيف جلطتني الله لاينطيك اجه ورايه يضحك يعني فوكاها تكليلي الله لاينطيك..
ريام.. لا لاولله اشاقه الله ينطيك ويوفقك ولله تستاهل بوسه بس اني استحي وكذا..
سيف.. لا ولله كلش مبين تستحين يجي يوم الزمج وين تطيرين قابل.
ريام.. هسه كمل فضلك وتعال علمني عليه ماعرفله.
سيف.. اوك جيبي وتعالي.
هزار.. يلاا تعالو تغدو بسرعه.
سيف.. ولله ريومه جوعان بعدين اجي اعلمج عليه.
ريام.. سيف تعال اريد اشاورك.قتربت يمه وبسته على شفته وركضت كعدت على الغده هو وجهه صار احمر راد يلزمني بس اني فلتت ولله مو ما استحي بس خطيه جابلي موبايل ومزين الغرفه واني استكثر عليه بوسه هههههه رحت اتغده هو بس يباوعلي واني اباوعله واضحك. خلصت غده رحت لغرفتي اقره دك الباب فتحته طلع سيف كال ريام اني جبتلج هاي الهديه لعيد ميلادج اعرف مو هسه بس اني راح التحق بالحشد الشعبي الوطن يحتاجنه.
ريام... كمت ابجي صدك تحجي سيف فدوه اخاف عليك ليصير الك شي حباب لتروح كومه غيرك يكدرون يرحون.
سيف.. اذا كل واحد بينه هيج يكول يسقط العراق واحنه مو رجال اذا نعوف بلدنه يحتله الغريب واحنه كاعدين لان نخاف على ارواحنا هذا مو حجي ياريام.
بقيت ابجي وسيف يصبرني آخر شي طلع وكال نشالله ارجع وانتي ادعيلي بدل ماتبجين.
☆تسريع الأحداث ☆
ريام..
طبعا حياتي صارت روتينه كلش وماكو شي مهم بحياتي لحتى اذكره بالقصه كبرت وصار عمري 14 عقلت شويه بس ها لا مو كلش بعدني هم سويجات شويه اففف وسيف ينزل اجازه بين فتره وفتره جنت الاحظ حبه الي وهو هم يلاحظ حبي اله بس ماعرف شنو منتظرين يعني اني احبه وهو يعرف وهو يحبني واني اعرف بس شنو الي منتظري لهسه ماعرف راح اختصر الأحداث اكثر نجحت من الثالث متوسط وجان عمري 15 وطبعا بشهر الرابع اصير 16 ببداية الدوام بالرابع طبعا رحت علمي اريد اصير مهندسه للكشخه طبعا بس بالحقيقه اني صخله بالرياضيات كلشي ما افتهم بس لان مهندسه عود كشخه وكذا اذكر اول يوم دامت بالرابع ويه صديقتي طبعا شذى شعندي غيره من رجعت لكيت اتصال من ثراء اختي اكثر وحده قريبه الي وكلشي اسولفله عمره 20 ومخطوبه حاليا صح منى قريبه لعمري بس أحسه متفهمني مو نفس طبعي متحب تضحك وهادئة بس تشكي وتبجي
أنت تقرأ
دوامة سوداء
Romanceقصه _عراقيه_ حقيقيه. .. يطردها والدها بذنب انها فتاة لتعيش حياتها عند امرأه تعتبر مربية للاطفال لا اكثر تقع في حب شاب لا يناسب مذهبها.... كيف ستكون تدخلات ابيها في حال كهذه وما نهاية هذا الحب الذي يعتبر شبه منبوذ او انه منبوذ في مجتمعنا ..... ...
