دوامة سوداء ♥. البارت ;الخامس عشر; والأخير
مقتطفات شعرية توحي بالنهاية *** 🍂 كون الگاك يحسرة طير حرگو جنحة ، شمتاني يدچ ريشه ؟! يَخايب هيه وبلياك غمها التنحسب عيشه
انتهينه وانتهى الما ينتهي وخلَّص حجينه انتهينه وبقت كَطرات الوفه المذبوح تتناثر علينه وبقت للمجفين كوم اسرار عد روحي الامينه. للشاعر المرحوم كاظم إسماعيل الكاطع. 😔😔 ...................................................... ريام.. مرت حوالي شهرين على زواجي من وسام وماكوو اي خبر عن سيف.. واني جان كل ظني هو عايش حياته ومتزوج هسه اكيدد.. وبيوم من الايام السووده.. اجاني اتصال.. من ثراء.. جانت تبجي بيه حييل خوفتني.. اسألها شبييج متجاوبني.. آخر شي سدته بوجهي وهي مستمرة بالبجي.. ضليت حايره هاي شبيهه رجعت اتصلت وجاوبتها بسرعه الووو هاا ثراء خاب شبيج دحجي..
-ريام سامحيني
-على شنو ليش شمسويه
-جذبت عليج.. وكتلج سيف خاطب
-اكيد تشاقين موو
-والله مااشاقه بس هو وصاني والله وحلفني وداعت امي هو محلفني ويكول اذا تحبين ريام هيج كليله وحتى الخبر الي رح اكلج عليه هو هم محلفني ما اكلج والله والله.
-لججج شكوو دحجي مو ورمتي كلبي.
-سيف التحق بالجيش وره يوم عرسج ولهسه مارجع وكلما اتصل عليه لو همام يتصل عليه يطلع مغلق.
حجيت بصوت يرجف.. انتي تعرفين شدتحجين؟ انتي صاحيه..
-ايي والله هاي شبيج ممصدكتني.
سديت الخط وكعدت ارجف اريد استوعب الي سمعته سيف لا خاطب ولا مزوج.. وملتحق صار شهرين وجهازه مغلق!!
لزمت الموبايل ورحت على رقمه واتصلت عليه صدك طلع مغلق لااااا ياااربي لا لا كون مابيه شي والله مستعدة اكتل روحي ولا يصيرله شي.. ليش هيج سوه لييشش عود يريد ينسيني؟ ميدري اني بهل حاله اتعذب اكثرر.. اذا صارله شي وكته مراح اسامح نفسي ابدد كله بسببي.. كعدت ابجي حيل واضرب شكو شي كدامي المخده اشيلها واركعها كلاص يمي همزين بلاستك شمرته بالكاع اني من اضوج بنفس الوقت اعصب وبعد ماكدر اتحكم بأعصابي غضب على حزن نوب اصير بركان ماعرف شيسكتني بس اشمر بالغراض..اجت ليلى اخت وسام دخلت
-خيير شكو ليش هل تكسير والبجي خير نشالله اجتج الحاله..
-ليلى عوفيني لخاطر الله.. روحي وعوفيني بحالي عوووفوني..
-هاي شبيج هو منو لازمج ليش تصيحين والله يالله مو صوجج صوج اخوي الي مطلع عينج ومنطيج اكبر من حجمج..
-اي لعد ليش ما منعتي يزوجني اذا مارايدتني هيج؟،،
-شوفي حبي الظاهر انتي كلشي ممفهتمه اخويه يحبج من زمااان كلش قبل سنين ويراقبج وكلما يريد يخطبج ميعرف وين اهلج بالضبط.. لأن يدري انتي عايشه عد وحده هي الي ربتج..
أنت تقرأ
دوامة سوداء
Romanceقصه _عراقيه_ حقيقيه. .. يطردها والدها بذنب انها فتاة لتعيش حياتها عند امرأه تعتبر مربية للاطفال لا اكثر تقع في حب شاب لا يناسب مذهبها.... كيف ستكون تدخلات ابيها في حال كهذه وما نهاية هذا الحب الذي يعتبر شبه منبوذ او انه منبوذ في مجتمعنا ..... ...
