دوامة سوداء

النهاية"The End"

اني نايمه بالسيارة وحلمت حلم غريب حيرني..
اني كاعده بمكان كله خضار وحلو بس اني ابجي. ومخنوكه.. رغم جمال المكان.. اسمع صوت ضحكات من بعيد جذبني هل صوت فتبعته.. شفت خيال ولد وبنيه يضحكون.. بصوت عالي.. اقتربت أكثر. ركزت بيهم شفت هذا سيف واختي خديجة. ضليت مصدومه.. احجي ويه سيف ميجاوب اصيح ولا كأنو يسمعني.. وكأنه اني شفافه ما انشاف.. باوعتلي خديجه بحقد..
وكالت.. شعندج هنا..؟؟

ابتسمت واني ابجي..

شوفي سيف هنا كالو مات جانو يجذبون عليه..

-انتي ليش متفتهمين لج سيف مو الج.. سيف مو قسمتج.. كافي انسي.. سيف الي متشوفيني متت قبل لا اتزوج وهو ماكدر يزوجج.. وحتى من ازوجج ماطال زواجكم لان مو الج لا تحاولين..
ودارت وجهه ومشت ويه سيف.. و اني اباوعلهم مصدومة.. نوب شويه شويه تشوشت الصورة كدامي وصار ضباب لحد ما اختفى كلشي.. وكعدت.. اباوع للطريق وصلنه منطقتنه اني وين شجابني.. هنا.. لحظات افكر يله استوعبت وجودي هنا..
وصلنه شبسرعه معقوله اني نمت هلكد؟،، بقيت افكر بالحلم.. وشنو معناه.. شنو الي ديصير.. وكفت السياره بالكراج.. نزلت.. ووكفت انتظر تكسي توصلني للبيت واني تفكيري شارد بغير مكان.. وكفت سياره صعدت بيها.. لبيتنه.. بس اقتربنه من البيت.. شفت. الزفه خلصانه والعروسه جايه. وديصعدوهم الغرفه. بس لاحظت.. وسام ضايج.مدري شبيه.. اول ما نزلت صارت عيني بعينه.. خزرني وكأنما ينتقم مني نظرته تخوف.. فتت من بين الناس للبيت.ركض شفت ليلى فوك خرب حظي شيخلصني منها هسه..

-ها عيني خاتون وين جنتي دايحه

-ليلى لخاطر ربج مالي خلك فكي ياخه عني

-هسه اني شرايده منج. بس هيج اتسائل وين جنتي مثلا .

عفتها ومشيت سمعتها صاحت..

.. سمعت اكو شاب اسمه سيف يشتغل بالمجمع الي يمنه.. توفى البارحه..

درت وجهي عليها..

-كااافي ليلى كااافي بلا عل بسامير..

-ههههه لو شايفه وسام شسوه من عرف ما موجوده هههه ولعلمج كلنه ندري وين رايحه..

-اهوو شيخلصني انتي بس روحي عني وشيصير خليصير.. رحت للغرفه وسديت الباب ورايه المهم ما اسمع شتحجي ادري بروحي غلطانه بس الي جاي يصير فوك طاقة تحملي والله..
اليوم عرسه والبارحه وفاة سيف شديصير بالدنيا وليش سيف مو الي مثل ما كالت خديجه.. معقوولهة حقيقه هذا الحلم ؟

بعد تفكير طويل نمت تعبانه حيل
..
كعدت الساعه 10 صبح جسمي مكسر مدري ليش كوه اتحرك نزلت جوه غسلت وجهي شفت ام وسام تباوعلي صفح وتخزرني.. حتى ماكالت البارحه وين جنتي لو حاسبتني مثل البقيه يااا خاف لان ما اجيت للعرس.. لو يمكن عرفت.. عزه..
رحت للمطبخ.. اسوي ريوك شفت حنين هم تباوعلي ومبين ضايجه سلمت عليه وباركتله تباوعلي من فوك ليجوه وردت من وره خشمها يااا هاي شبيهه