البارت_الثامن.
دوامة_سوداء.
نشرن اشاعه عساس متت بالطريق اثناء ماشردت وابويه خوفا من الفضيحة كال ماتت موت الله وخله قبر مزيف الي... طبعا اتزوجنا اني وسيف هزار متباوع لخلقتي أمانة الله ما تحجي وياي حجي مو حلو بس نظراته كلش مزعجة المهم حبيبي يمي شلي علاقه... لحد الشهر الثاني من زواجي سمعت خبر غير حياتي كلهااااا
بالليل اتصلت عليه ثراء تبجي صاحت ولج ولج خددديجة ماااتت..
-شنو شنو خاف مريضة مثل ذاك اليوم مو..
ثراء تشهك بصوت عالي..
لا لا ولله هل مره ماتت ولله ماتت لج بإنفجار نفس مابيها... ولج مطشره ولله عيونها الحلوة اختفت متشوهه لج لحكيني راح اتخبل..
سديته منها شمرت الموبايل ولزمت راسي ممصدكه صرخت حيل اجه سيف على صياحي
-شبيج تصيحين..
-ماتت
-منو..؟
-لك ماتت خديجة ماتت..
-اختج؟
-ايييي اختي اختي شبيك تسوي روحك متفتهم اختي ماااتتت هسه تاخذني للمستشفى هسه بسرعه..
-احجي عدل... بدل ماتترحميلها الأعمار بيد الله والموت حق كولي انا لله وأنا إليه راجعون مو تتخبلين..
-اني وين وهذا وين سيف رجاءا اذا متوصلني هسه اروح وحدي ماعندي مشكلة..
-تعاي وين تولين وحدج هسه اوصلج لبسي حجابج ولحكيني..
اوك.. لبست حجابي وطلعت وراه وصلنا للمستشفى وناس تطب وناس تطلع وازدحام صاير انفجار والموتى حدث ولاحرج.. ومن ضمنهم اختي!
اخخخ خديجة بعدج صغيرة وينج وين الموت اخخخ يمه كلبي ششافت من الدنيا حتى تموت دخلت على الاستعلامات واندليت غرفتها رحت كبل... هذا الموقف ذكرني بيوم الي شفت امي.. تذكرته زدت بالبجي طبعا احجي ويه الممرضات يدلني ميسمعن من كثر العياط بالمستشفى.. شفت ثراء واكفه يم باب عرفت هاي الغرفة الي بيها خديجة رحتلها أركض وسيف ورايه بس شافتني ثراء حضنتني حيل ومانطتني مجال احجي لان بس تبجي كمت ابجي وياه.. خطيه ثراء كلش متعلقة بخديجة وتحبها هواي يمكن حتى أكثر مني من تتمرض تظل واكفه يم راسها.. بكل مره اشوف ثراء قويه مسيطرة على دموعها وعيونها حمر حتى بوفاة امي هيج ومن اختنكت مابجت يمنا تريد تحسسنا انو اكو وحده قويه بينا.. بس الي اشوفها هسه انسانه مختلفة تماما عن ثراء الي اعرفها انسانه منهارة مالها قوة تحجي.. تخربطت ثراء وجهه صار اصفر على ازرك لان ختنكت ركضنا بيها للطوارئ كالو عده ربو!
هو صح جان عدها ربو بس هسه يكول حالتها صعبه تحتاج راحه.. طلعنا من الغرفه ورحت لغرفة خديجة شفت البنات حالتهن حاله شكد ما اوصفهن ماكدر منى وجهه وعيونه حمر متنشاف رسل تلطم وتبجي تقى مثل المصدومة تبجي وتسكت وترجع تبجي.. ايمان تبجي بهدوء على جهه ورقيه تلوج تروح منا وتجي منا وتكول هسه تصحى هسه تصحى.. نوب تباوعلها وترجع تبجي.. حالتهن تعبتني يمكن تكولون تبالغين انتي وخواتج بس محد مجرب شعورنا احنه خوات نعتبر تربينا بالغربه بلا أسرة متماسكة وحده كلبها ع الثانيه حتى امي كضت عمرها مريضه فكلنا اذا وحده تبجي الثانيه تواسيها اذا هاي تحتاج مساعده ذيج تساعدها يمكن اني ماعشت هاي الأجواء هواي بس شفت كم سنة خلتني احس انو اني اعرفهن عمري كله..
بس صار شي نساني خديجة وخواتي والبنات كلهن طلعت بالممر مال مستشفى وشفت ابويه...
شهكت شهكه طلعت روحي بيها واني ارجف الله لايشوفه لعبد مسلم هيج موقف.. احس روحي خلص هاي نهايتي راح الحك خديجة واخلص من الدنيا هو شافني ظل صافن نوب اجه ركض عليه اني جان بيدي كلاص مي شمرته وطلعت من المستشفى ركض جان سيف بالباب أجره وابجي..
-سيف امشي بسرعه بسرعه شفت ابويه بالمستشفى ولله لو يلزمني يذبحني حباب اخذني على أبعد مكان بسرعه...
هم صدك خطيه راح شغل السيارة بدون مايحجي وكال اصعدي صعدت بالسيارة واني أفكر بخواتي شراح يسوي بيهن... بعد ماعرف...
..............................
بالمستشفى... بغرفة خديجة.. كل البنات هناك..
دخل أبو ريام.. وعيونه شرار متحلفلهن.. صاح بصوت مسموع..
-تضحكن عليه بنات الساقطة..
بهل اللحظه كل البنات سكتن من البجي وكالت منى..
-بابا.. خديجة ماتت 😢
-عساجن تلحكنها امييين واخلص من الشيطانات الي عندي..
ايمان.. ليش بويه خيرك سامع شي عنه..
-بنات يضحكن عليه موو خرب حظي على هل خلفه يعني شمرتها وماخلصت من بلاويها..
ثراء..هسه غير نفتهم شنو السالفه يابويه..
-نخرسي انتي لسانج بطول النعال... اكيد انتي أساس البله رياااام مدري صخااام طلعت عايشه..
ثراء تهمس لتقى..
-عززه هذا منين عرف..
-احتمال شافها لان قبل شويه طلعت من الغرفة.
-وهسه شلون.
-نواجه الحقيقة
صاحت ايمان بصوت مسموع..
-بويه البنيه متزوجه على سنة الله ورسوله وعايشه حياته وكلام الناس سكتناه بالقبر المزيف ليش تفضح روحك وتخرب حياة بنتك..
الأب.. لا لا ما أفضح روحي تبقى قصة القبر المزيف ومحد يدخل ويحجي بس ريام حسابها يمي.. نطيني رقمها..
ايمان.. ماكدر خاف تأذيها
الأب.. ايمان انتي العاقلة الجبيرة ليش تخليني اتصرف وياج مثل هذني المزعطة..
ثراء.. منو مزعطة بويه تره كلنا متزوجات لو ما أمر الله جان كلنا مخلفات هسه..
ايمان.. ثراء سكتي فدوه مو وكت حجي زايد..
ثراء..شنو بس لا راح تنطي رقم ريام..
ايمان.. لا عليمن خوب انطي عنوان بيتهم اصلا من البداية اني ماراضيه على تصرفها بس كلت ما اخرب فرحتها خطيه..
ثراء.. وليش هسه بعد ماتزوجت وارتاحت جايه تخربين بيتها لجج شنو من اخت انتي حررام عليج يامنافقة ياخاينة..
ايمان.. عود بعدين احجي هل حجي..
تقى.. لج امونه تحجين صدك هاي انتي معقولة.ماصدك خاف مسحورة..
ايمان.. بويه تعال نطلع بره انطيك العنوان هذني مراح يسكتن..
الأب..ولله لو مامتزوجات وبذمت رجال جان عرفت شسوي بيجن...
يتبع.
الغدر وحده صعب ويصير اصعب لو من إنسان عزيز عليك جدا... .
اعرف البارت قصير بعض الشيئ بس تحملوني حتى اخلصها بسرعه😁.
أنت تقرأ
دوامة سوداء
Romanceقصه _عراقيه_ حقيقيه. .. يطردها والدها بذنب انها فتاة لتعيش حياتها عند امرأه تعتبر مربية للاطفال لا اكثر تقع في حب شاب لا يناسب مذهبها.... كيف ستكون تدخلات ابيها في حال كهذه وما نهاية هذا الحب الذي يعتبر شبه منبوذ او انه منبوذ في مجتمعنا ..... ...
