دوامة سوداء

البارت 11

البارت "الحادي عشر".
دوامة _سوداء.

طلعت الجنطة بلكت حاطه بيه الشاحنه ادور وادور وجان الكااه ايي واخيراا الحمد لله والشكر خليته ع الشحن بس صار 20 شحنه اخذته

واتصلت على سيف جان حاطلي رصيد من البارحة علمود اطمنه اذا صار اي شي..
اتصلت مره ماجاوب مره ثانيه جاوب الوو

-ها ريام.. شلونج ولج ظل بالي عليج..
-بخير حبيبي الحمد لله مرت ابويه حبابه وابويه مو هنا يم زوجته الثالثه..
-نوب ابوج متزوج ثالثه واني ولا وحده خرب حظي 😂..

-دروح هو وكت شقه اني بيا حال وهذا يفكر بزواج..
-شبيج ميصير نشاقه..
-لا يصير عيني ليش لا..
-ايي اكلج راح نرجع مثل قبل الزواج عل المخابرات والرسائل 😂
-ايي سالفتنه تضحك.. بس صدك ماعندي نت..

-راح احولج رصيد وفعلي ع الرصيد..
-ها اوك ثينكس حبي..
-اكلي تبن وكولي شكرا..
-عود شكرا😒..

-ريام شوكت الله يفرجه واخلص من ابوج..
-من يموت😂
-اووف ولله مو حاله هاي خررب..
-نعست باي رصيدي راح يخلص..
-ياانذلة فوك ماحولت الج رصيد ابو العشره..
-انته تشتغل وتحصل فلوس اني
منيلي...
-ديله يله روحي  لازم تطلعيها من عيني..
- مو تزعل تره علمودك خاف يخلص النت اخابرك علرصيد ..

-اوك روحي هسه نعست..باي
-بايات
-مال درج
-لا مال كصتك...
طوط طوط سد الخط هذا شبيه

درت وجهي ونمت اووف ولله تعبانه ومالي خلك ابجي هسه بعدين عود مافات خمس دقايق ونمت من التعب والنعاس ماكعدت اله بل 11 ونص على صوت أسماء تكلي كومي لهسه نايمه يمعوده مو زين..

-لفيت راسي بالغطا.. نعساانه... عوفوني..
-هسه هو من يمج كومي صارت بل 12..
-هفف كمت كمت ولله نعسانه شنو هاي
-هذا يسمو كسل مو نعاس..

.....
ريام..
رحت غسلت وجهي ومشطت شعري لان طالعه اخزي  واكفه كبال المرايه امشط واغني بأغنية اجنبيه كلشي مافتهم منها اصلا...

عايشه اللحظه وجان تجيني أسماء كالت راح اطلع اشتري كم حاجه الي اذا تحبين اخذج ويايه صفنت شويه مال اضيع الطلعة واكعد بالبيت هاي مستحيلة بس احتمال اطلب منها أروح لثراء مشتاقتله صالي هواي مشايفتها.

. كتلها خاله فدوه اريد اروح لبيت اختي بس وصليني وروحي حتى لو اسبوع متجين عليه ماكول لا..

-خطيه اختج خاف ماعده وقت..
-مو بكيفهالا يمعوده ماعده جهال وحده هي وزوجها ويحبوني لتخافين اصلا يمكن ميرجعوني يمج..

-واذا اجه ابوج وسأل عليج.. تره هو متحملج راد يضربج بس اني هدئته وكتله ضغطها نازل ونايمه عاف البيت وطلع لهسه مارجع اكيد يم هاي الحيه ياسمين...

-انتي مو تكولين اسبوع يله يرجع قبل ليرجع بيوم تعالي عليه فددوه فدووه.. وباوعتله بنظرة برائة...