هذه الدوامة المظلمة ترفض أن تدعني وشأني لا أرى سوى الظلام ولا اسمع سوى الصرخات اااه من محطات الألم انها لا تنتهي بل انها موزعة في حياتي بشكل متساوي لتسحب مني ضحكة دفعت ثمنها غاليا.. هذه الدوامة السوداء ترهقني حيث انها كلما انتهت تزداد سوءا بإعادة المشهد نفسه لكن بآلام أكثر عمقا 🙄🙄.
بقلمي✒💔
البارت "الثاني عشر"...
صدك كمت ركض لميت غراضي بسرعه وكبل للسياره الطريق كله ماكال شي بس نزلنه واني ارجف دخلنه البيت سحلني من ايدي وشمرني بغرفة وكال مراح اضربج مو حبا بيج بس الضرب آثاره تروح...
خوفني...
كتله واني ابجي واشهك ليش شسويت..
ماجاوبني..
اجه هم جرني من ايدي وكفني بمكان وجاب سجينه اني هنا متت متت فعلا كل احساس بيه مات توقعت راح يذبحني رغم ماكو مبرر بس هذا ابويه واعرفه... بس اجه وجرحني من ركبتي والسجينه حاره صرخت صيحت حاولت ادفعه ماكدر صرخت صرخة يمكن سمعت صداه بالبيت وعلى صياحي طلعت اسماء من كثر الألم والوجع عيوني غوشت وكعت و اغمى عليه... ماسمع بس صياح مامفهوم وكلشي ماشوف إلى أن فقدت الوعي تماما..
كعدت بغرفة دافيه والمروحه مشتغله رغم الجو حلو شهر 10 /2017...
بس عركانه من الالم شفت لافين وصله على ركبتي ومعقمين الجرح بس بعده يوجعني من الوجع ماكدر احرك راسي حتى ماكدر احجي محد يمي يمكن هاي وحده من غرف البيت لان هواي غرف.. ظليت على هل وضعيه حوالي 10 دقايق وسمعت فتحت الباب دخلت أسماء شافتني كاعده...
كالت هااا كعدتي جاوبتها بصوت خافت
-اي.
دمعت عيونها وخلت صينية مال اكل.. وكالت من تخلصين صيحيلي.. ابوج ينتظرج..
أحاول اصيحلها اسئلها شيريد بس ماكدر احجي وهي طلعت.. بالكوه كدرت اتحرك واكوم بس ماكدر احجي لان اكو شي شادينه على ركبتي... كعدت اكل جوعانه.. خلصت وكمت اريد اطلع اغسل اريد اصيحلها خاف ابويه هنا.. ماكدر اباوع بوجهه كارهته كلش وبنفس الوقت خايفه منه اخذت الصينيه وشلتها اريد أنزل من الدرج بس خايفه لان احس راسي ثكيل وكوه امشي.. دايخه.
وصلت لنص الدرج دخت وخليت الصينيه بحركه سريعه على الدرج وكعدت...
طلعت اسماء من المطبخ على صوت الصينيه من خليتها ع الدرج..
كالت منو هنا..
باوعتله وكوه كدرت انطق... وكتله.دخت،،
اجت ركض اخذت الصينيه وراه جابتلي مي شربتني ونزلتني وهي تبجي بهدوء ماعرف ليش كل هل بجي معقولة لان مقهورة عليه لو شنو؟..
كلتلي..
ماما كعدي هنا اريد احجي وياج بموضوع بس لتنصدمين صيري قويه ماماتي..
ردت اكله احجي خوفتيني بس ماكدر احجي.. بحروف متقاطعة كتله ششكو..
كالت يااا هاي الوصله خانكتج يا حبيبتي ولله نسيتها..
،، كامت جابت معقم وقطن وشالتها من ركبتي.. وخلت على مكان الجرح معقم وقطن..
اخخخ خاله توجعني ليش شلتيها..
حبيبتي موزين عليج تخنكج اني خليتها حتى يخف النزيف لان جان الجرح هواي ينزف وابوج ميقبل اخذج للمستشفى...
اشهك واكول ليش هيج ابويه يسوي ويايه لييش شسويت اني معقولة اكو واحد هيج يحقد ويشيل بكلبه.. الله لا يسامحه..
-ولج كافي بجي الي جايج اصعب واصعب صيري قويه الظاهر انتي مصيرج مثل مصير خلود الله يرحمها اوووف.. منك يا ابراهيم دمرتنا...
ليش شنو الي يصيرلي بعد لتخوفيني فدوه...
راح احجي بدون مقدمات..
احجي الله يخليج.. اكيد ماجابني لهنا بدون سبب..
ابوج راح يزوجج لواحد من معارفه..
ظليت مصدومة واباوع على أسماء منتظرة منها تكول شي ينكر الي سمعته..
انتي شدتحجين شلون يعني ولله ماوافق..
ولج هو منتظر منج توافقين اصلا بس يريد يخلص منج سواء برضاتج او لا...
فدوه خاله اسماء فدوه اروحلج خلصيني منه خلي اشرد واوعدج ميلكاني هل مره فدوه ماريد اصير خاينه اني نطيت وعد لسيف ماخونه ولا اتزوج غيرره فدوه..
أسماء بصوت مخنوك ودموع بعينها... ماكدر مابيدي شي ولله واخاف عليج يلزمج ووكتها مراح يعوفج عايشه..
ريام.. بس ع الاقل اموت واني وفيه وماخنت سيف ماريد اصير مثل خلود ابوس ايدج ساعديني..
كامت وعينها على ريام الي وجهه احمر من البجي وكالت كلمة وحده وراحت لغرفتها "ماكدر ريام سامحيني ماكدر"..
ريام.. هسه عرفت ليش ماتت خلود عرفت شلون انظلمت هيج لان ببساطه أمها شخصيتها ضعيفه واستسلاميه ومتحب المواجهه تريد بس تنهزم... مووو..
اسماء ماجاوبت وكاعده بغرفتها تبجي مشهد خلود نعاد عليها وهي تتوسل بأمها تنقذها لكن كالعادة قوتها خذلتها وفضلت السكوت للمره الثانيه والاستسلام بدون رد فعل وهي تشوف حياة بنت ثانيه تتحطم كدامها...
.............
ريام...
مابقه هنا لو اموت ما اتزوجه لو يسحلوني سحل لو اعرف اموت من الضرب ما استسلم اني مو خلود الي رضت بالاهانه وفضلت السكوت على انو تدافع عن نفسها لو اعرف اشرد ويجيني ابويه بسجينه ثانيه ماتزوج..
خابرت سيف وكتله بصوت مخنوك بس خالي من دموع ماريد أكون مكسورة كدامه اكيد راح ينقهر...
الوو سيف..
ها حبيبتي..
اني راح اشرد هسه من بيت ابويه ومبايلي راح اعوفه حتى ميكدر يوصلي بأي طريقة.. اسفه سامحني اذا صار اي شي ممكن تبتعد طرق لقائنا بس بعد عندي امل...
لج شنو هل حجي رجااءا بلا هل رسميات وطرق لقاء وامل وماعرف شنو احجي شبيج...
-أخذت نفس عميق وكتله.. ابويه..راح يزوجني...
-شنووووو.. ريام والوعد الي بينه مستحيل تزوجين واني عايش سمعتي...
-سيف قابل شكدر اسوي ماسيطرت على دموعي وبجيت.. هااا متكلي.. شكدر اسوي وهاي اني كدامك جاي اكول راح اشرد..
-وين ترحين بهل زلك.. كعدي وسكتي لخاطر ربج وابوج اني انطيه فلوس هسه يقبل..
.. -بس عفيه استعجل،، ولله خايفه احتمال هسه يعقد عليه هو بس يريد يخلص مني..
-لعد هسه جاي.. يله باي
-باي..
نزلت فرحانه بدلت وكعدت صافنه وبنفس الوقت ميته خوف هاي آخر امل انو نلتقي..
ولله وصدك سواهه واجه وره ربع ساعه تقريبا.. جان ابويه موجود بس جوه ابد ماشفته اني غرفتي بالطابق الفوك يعني لا اشوفه ولا يشوفني ولا حتى يكدر يسمعني والدرج طويل انزل واتعثر من الاستعجال.. طبعا اني عرفته اجه لان دزلي رساله عالرصيد.. "اني واكف بالباب وهسه راح ادخل لتنزلين ولاتجين حتى ابوج ميشك.. انو انتي كايلتلي على شي.. "
الموبايل بيدي وانزل من الدرج رحت كبل على غرفة اسماء.. دكيت الباب قافلته على روحه خررب.. وره شويه فتحته عيونه مورمه من البجي وواكفه بجادر الصلاه..
كتله ادعيلي ادعيلي سيف هنااا ورح يقنع ابويه بالفلوس بلكت يقبل...
-الله يسهلج حبيبتي رغم هذا ابوج مو بسرعه يقتنع راسه يابس بس مدام بيها فلوس.. تصير سهله...
-يارب يااارب..
بعد ما تحمل اروح اسمع شيحجون ضحكت أسماء على افكاري الفضوليه وراحت تكمل صلاه..
وكفت يم باب الغرفه الكاعدين بيها واسمعهم يحجون واني مصدومه...
سيف.. بس اني رايدها من زمان ومستعد ادفعلك شكد متريد حتى اخذه حجي الله يوفقك لتكسرني...
-أولا مو من الأصول تجي وحدك... ثانيا لو تبقى آخر رجال مانطيك ريام..
-مو ردت احاجيك عود اذا قتنعت وبيها مجال ادز اهلي وعمامي...
-اكطع الامل تره جايين عليها خطابه وناس معروفين ونطيت كلمه لرجال.. وخوش رجال دكتور جراحه والفلوس تمطر عليه يعيشها بنعيم احسن من عيشتك..
-ليش شبيها عيشتي تره اني خريج هندسة معماري بس غير ماكو تعيين واشتغل بالمحلات...
-هسه بلا حجي زايد ريام اعتبرها متزوجة وعيب هل تصرفات روح لتخليني اتجاوز عليك تره لهسه محترمك..
-انسى ريام تصير لغيري ولله اكتلها هي ورجلها وابليكم..
-امشي لك ليش طلكتها اذا هيج تريدها..
-غير اخاف عليها لتكتلها..
-وهسه تره ارجع لقراري واكتلها قبل ماتكتلها انته بعرسها...
كال سيف بحسره والم... الله ينتقم منك دمرتني ودمرتها ياامتخاف الله هيج عندك ارواح الناس لعبه بيدك..
-وفوكاها يدعي عليه بيتي امششييي لك لا ولله اروح احجي ويه شيخ عشيرتك.. يفصلوك ويصير دمك مهدور وكتها العب بيك لعب..
-متهمني حياتي بكد متهمني حياة ريام.
-ملاحظ روحك شكد حجيت يلا بره بره..
سيف وهو يطلع وعينه على كل اركان وشبابيك البيت عسى ولعل يشوفها ولآخر مره،،،
........
ريام..
اسمع وابجي وكاتمه شهكاتي ليش ليش يابويه ولله حرام عليك شكد اكرهك ماشفت اقسى منك بحياتي احجي بكلبي وابجي شافتني أسماء هيج بس كالعادة مادخلت بس تبجي.. رحت للغرفه كسرت كلشي كدامي حتى موبايلي ركعته بالحايط غضب بداخلي ماكدر اسيطر عليه كعدت بالكاع بخيبة امل واني اضحك وابجي بنفس الوقت على افكاري على الآمال الي وهمت نفسي بيها.. اجتني اسماء كالت..
-بسرعه بدلي راح يعقدون وباجر الزواج...
-شنوو تحجين صدك.. ولله اكتل روحي واخلص.
-ولله شبيج اذا على غراض العرس هسه اطلع اشتريلج كلشي هواي عدهم فلوس بلكت الله يسعدج..
-هه متفرقين عن ابويه شي عبالك السعاده بالفلوس.. اكلج اني مو ماريد غير سيف دتفتهمين..
-اني مفتهمه وابوج هم مفتهم بس هذا قدرج تحملي..
-حسبي الله ونعم الوكيل..
-تعالي شوفي هذا الفستان النيلي حلو عليج صدكيني..
-ابجي واباوعلها الله يساعد خلود عليج اكيد مرت بكل هذا اكيد هم هيج سويتو بيها.. عاد ياريت اموت مثلها وارتاح..
-هم عندج صديقات..
-اني وين احجي وانتي وين تحجين..
-هسه كولي عندج صديقات..
-كلهن اختفن من بطلت بس جانت شذى صديقتي جنت على تواصل وياه وهسه كلما اتصل عليها مغلق وهم اختفت..
-تعالي تعالي هاي الحمره الماروني تخبل عليج..
هي تجرني واني ابجي كافي دخيلج عوفيني..
-ريام بلا دلال لج انتي شايفه القسمه الي اجتج.. اصلا تنحسدين عليه ومراضيه..
-شوكت تقتنعين انو اني ماريد غير سيف
-الحب ميفيدج ميجي من وراه بس شلعان الكلب... اخذيها حجايه مني..
-اوووف ياربي وتالي..
-هاج هذا نيلي حلو عليج لبسي وتعالي..
اني كاعده وصافنه..
-كووومي بسرعه لج الناس ينتظرون..
-ماروح شتردون تسون يعني..
-اصيح لابوج هو يتعامل وياج..ريام اني لمصلحتج دا احجي.. اذا متزوجين هسه تزوجين بعد سنتين ثلاثه فلا تعاندين لان مستحيل تاخذين سيف..
-اي نشالله راح ازوج سيف..
-انتي ميفيد وياج الحجي.. هسه اصيح لابوج.. بس صدكيني مراح يرحمج..
-هفف كمت كما لا تهددين..
رحت للحمام ابدل مجبورة وابجي بحركه هسه عود ليش هيج يصير ويايه.. ليش لو ابويه كاتلني وخلصان مني اول ما اجيت لدنيا مو احسن هو مو يريد يزوجني حتى يخلص مني ليش ميخليني اتزوج سيف بالحالتين هو ميريدني ليش يشلع كلبي احجي ويه روحي وابجي..
-يله ولج ماظل وكت لتدردمين..
يتبع. 😔💔
أنت تقرأ
دوامة سوداء
Romanceقصه _عراقيه_ حقيقيه. .. يطردها والدها بذنب انها فتاة لتعيش حياتها عند امرأه تعتبر مربية للاطفال لا اكثر تقع في حب شاب لا يناسب مذهبها.... كيف ستكون تدخلات ابيها في حال كهذه وما نهاية هذا الحب الذي يعتبر شبه منبوذ او انه منبوذ في مجتمعنا ..... ...
