البارت _الخامس.
دوامة_سوداء ♥.
دخلت هزار اني بسرعه كمت من يمه وسويت روحي ارتب المكان شفتها تباوعلي بإستغراب يمكن سمعتنا عزه
كالت يلا كومو اتعشو.
رحنه تعشينه وخلصنه غسلت المواعين ورحت كبل للغرفه كعدت اقره واراسل صديقاتي تعبت وكمت للمطبخ اشرب مي جانت الصاله يم المطبخ قريبه كلش بس الباب مزدود سمعت هزار تكله ولله من اموت اني يلا تزوجه.
اخترعت عليمن ديحجون بس لا عليه
كتلني الفضول وكعدت اسمع سيف يكول
-يمه ولله احبه شبيج فتهميني احبببببه مو بيدي.
-اي وعفت البنات كلهن اجيت تحب وحده سنيه.
-واذا سنيه يمه تره مسلمه مسلمه لا بوذيه ولامسيحيه مسلمممه.. كاااافي لتحجين بعد راسي نصطر.
-خوش خوش يعني هيج تالي تربيتي وتعبي تخالفني علمود وحده سنيه.
-هم كالت سنيه يمه خلي بالج لو ريام لو اموت ويلا اني اترخص اروح انام.
سمعت خطوات سيف جاي يفتح الباب اخذت كلاص المي ورحت ركض للغرفه وسديت الباب... خليت ايدي على وجهي معقووله الي سمعته هزار متريدني وبعدين ليش تريدني مثلا هم صدك همه شيعه واني سنيه وامه مستحيل تتقبل هل شي.. هي هيج عقلياتهم يمكن حتى خواتي ميقبلن عليه اووف يمه كلبي يوجعني حيل بجيت بصوت عالي واني اكول ليش هيج ربي ترضاه يفرقونه علمود عاداتهم ربيي ساعدني مابيدي شي يمكن اذا هزار ماقبلت ابويه يقتلني لاااااا.. يربي ليش هيج ولله صعبه صعبه ما اتحمل ساعدني بجيت لحد ماتعبت ونمت.... كعدت الصبح رحت للمدرسه الدوخه لازمتني وراسي يوجعني تلكتني شذى كوه رديت عليه استغربت حالتي حاولت تعرف شبيه صرخت بوجهه عوفيني وحدي خافت مني وراحت كوه خلص النهار التفكير اكل راسي هذا يوم واحد وهيج صار بحالتي شلون راح اتعود لعد ولجججج يماااا لحكيني وين عفتيني يمه بس انتي تفهميني فدوه تعالي بس دقيقه يمه الي ربتني مو مثلج هاي مو امي متريد سعادتي يمه فدوه بس كليلي ترضين هيج يصير بيه ترضين يوميه اتكطع يمه النفس يوجعني كعدت بالطريق عل الرصيف بعد ما اتحمل جسمي كله يوجعني دنجت راسي وابجي الناس تباوعلي وتستغرب حالتي اكو بيهم يسئلوني ومن ما أجاوب يعوفوني ويرحون محد الي محد يوكف ويايه كلها ضدي.. كمت حاولت أجمع قوتي واتحدى الظروف البجي مراح يغير شي من الواقع... وصلت للبيت لكيت سيف ديتغده وهزار تباوعلي صفح حتى ماسلمت عليه ما استغربت عادي هي الناس هيج مصالح رغم آثار دموع بوجهي وعيوني حمر سويت روحي اضحك وكلشي مابيه بس دخلت شمرت الجنطه وكلت جوعانه كعدت اكل ويه سيف ضحك وكالي شبيج تبجين..
-اني ابجي ههه لا متوهم..
-اي متوهم عيونج حمر دم وكوه تحجين شبيج ولج..
-ماسيطرت على نفسي حسيت روحي راح ابجي مره ثانيه كمت بسرعه رحت كبل للغرفه كعدت بالكاع ابجي شعور صعب من تباوع لشخص تحبه وتعرف انو عمره مراح يكون الك والاصعب لو كان يحبك هم.. شعور محد يكدر يقدره بس المجربه الله يعين كل شخص مار بهيج تجربه..
وره دقيقتين اندك باب غرفتي عرفته سيف لان بس هو يدك باب غرفتي قبل ليدخل فديته حبيبي المؤدب اووووف هذا يوم من الايام مراح يبقى حبيبي... كلت ادخل بصوت مخنوك والدموع بعيني دخل سيف باوعلي وكال يروحي ليش تبجين ولج راح ابجي وياج ولله ليش هل بجي.. سيف اني مو الك محد يرضى بعلاقتنا سيف روووح عني خليني أنساك فدوه محد راضي على حبنا..
-يعني سمعتي الي كالته امي البارحه لهذا كاعد تبجين امممم ريام لصيرين ضعيفه صيري قويه واجهي الظروف لاتستلمين بمجرد انو امي مارضت شكد اكو علاقات الأهل ميرضون بس بنهاية الأمر يقبلون ويتقبلون الواقع انتي بهيج حاله لازم توكفين ويايه ضدهم مو تفكرين شلون تنسيني..
-سيف اسمعني اولا اني مو ضعيفه وعمري ماراح يهزني بشر بس اني أفكر بواقعنا يعني بعيدا عن هاي المواجهات والتحديات امك صح رافضه بس ممكن تقبل اما ابويه لو عرف يقتلني بدون نقاش...
-مالج علاقه بأبوج ولله لو اعرف اسويها عشاير اخذج اخذج سمعي ريام انتي لو الي لو اقتلج لو اني اموت فهمتي..
-فديتك حبيبي ولله اخاف عليك ابويه رجال ميخاف الله وممكن كلشي يسوي يعني مو بعيده عليه يقتلنا اثنينه.. كمت ابجي صدك اخاف عليه مستعده اني اموت ولايتأذه هو.. اقترب مني وكال حبيبتي لتبجين لا اكفخج هسه ولله..
ضحكت وكتله هي هاي رومانسيتك.. اقترب مني اكثر وباسني بشفتي حيل خدرت ماعرف شسوي خفت ورجعت ليوره اتنفس بسرعه ضحك وكال لتعلميني علرومانسيه يلا تصبحين على خير.. نامي زين ولتفكرين بهيج شغلات تصير سوالف صدكيني.. ابتسمت بخجل وكتله وانته بخير.. كال ولله عيونج يخبلن ناعسات وعسليه وجهج ينوكل دكول كيكه نطيني بوسه ثاني فدوه..
سيف استحي عيب يلا اطلع بره مو شفتني انطيتك مجال..
-تطردني حبيبتي مووو اني الج يجي يوم متشردين مني وين ترحين..
طلع يضحك واني نمت اوووف باربي شكد احبه... نشالله يصير الي نمت والابتسامه على وجهي. واحلامي كلها بحبيب عمري.
تسريع الاحداث
ريام.. كبرت وصار عمري 17 سنه وصلت خامس علمي نسيت اكلكم ثراء تزوجت بس ماذكرت احداث العرس
مشغوله ويه حبيبي ههعع.
أنت تقرأ
دوامة سوداء
Romanceقصه _عراقيه_ حقيقيه. .. يطردها والدها بذنب انها فتاة لتعيش حياتها عند امرأه تعتبر مربية للاطفال لا اكثر تقع في حب شاب لا يناسب مذهبها.... كيف ستكون تدخلات ابيها في حال كهذه وما نهاية هذا الحب الذي يعتبر شبه منبوذ او انه منبوذ في مجتمعنا ..... ...
