آنين الليل الاحمر....💞💞💞💞
#الجزءالاول
#البارت_الثامن
ليلان العطواني ..............
من سمعنا سعاد تصيح ولچ وين صرتي ماهر شرد وإني سويت نفسي اجمع الملابس ....من شافتني صاحت ...
_ولج انطرمتي هنه كم قطعه صارلج ساعه تلمين بيهم شدعوه شنو هالفهاوه ....
_والله ما سمعتج هاي شكو تصيحين....
_ماسمعتي لو تتمرگصين صوتي وصياحي سمعوا الجيران كلهم ...
_يوووووووه على شنو تصيحين هياتني كملت ونازله لتخافين ماطرت ...
_,هيج طيرين وارتاح تعبتيني ....اركض وراچ واعلم بيچ لشوكت ...اوف ياربي..
_اوف منچ والله شسويلج اذا الملابس هواي شسوي متگوليلي...
_فوتي فوتي گدامي يله ام السانين ....
_هياتني نزلت ...اوي شوكت اخلص من هذا البيت تعبت على ساعه ومتت....
_هيچ ونخلص تردين تخلصين ذاك ابوج وروحي گوليله خلي يخلصچ بلكي يعرسج ونرتاح....يبتلي الواحد يصخرچ ساعتين تكملين الشغله.....
على هالسطوانه نزلت وخلصت من خوفي لتكشفني وتروح تشبع بيه كتل واهانات وتفضحني...
_ويرحون يزوجوني لابن عمي يمه واعوف ماهر مستحيل اني بالگوه حصلته ....هاي كانت حدود تفكيري احصل ع الحب الي ضاع مني .....
احصل على شي اصلا اني ما اعرفه شنو حب رغبه غرور بذاك العمر ما كنت اعرف شنو يدور بعقلي....
ما اعرفه حب رغبه إعجاب شهوه مراهقه الفوز والانتصار ع الغير ...ما اعرف وما اعرف وما اعرف......
بالليل ما صعدت للسطح خفت من سعاد لو واحد من اخواني يلگفني بذيج الساعه ....
بليلتها الخوف سيطر عليه لا اصعد وحتى من يردون انزللهم الملابس لو غير شي ما اصعد كان كل الي بعقلي ميراقبوني لو يحسون اني مسويه شي فضيع....
مر اسبوع على هاي الحاله خلصت الجمعه بالليل سمعت طابوگه ضربت الباب مال السطح ....ردت اطلع بس سمعت باب سعاد انفتح وتمشي وادردم هذا منو عاف باب السطح مفتوح مدري يدخل حرامي مدري بزون ماعدكم إحساس بالمسؤولية ماعدكم إحساس بهذا البيت كلشي براسي ...
خفت لتحس بيه گاعده طفرت على فراشي ونمت وتغطيت ..........سمعتها فتحت باب الغرفه ودخلت ...وتحچي ليش عايفه الضوه مشتغل ممطفيته شوكت يصير عندج مسؤوليه ......
وإني لانفس ولاحس مثل الميته للصبح ....رحت ع المدرسه شفت ورده ضحكت بوجهي ضحكه خفيفه ...لكن ما ادري ليش حسيتها خبيثه ........
_هااا بشري شنو الاخبار فرحيني شفتي سولفتي لزم ايدج باسچ شگالچ ....
_كل ذني الاسئله اسكتي خلي الحگ اجاوب عليهن ....
_اي كلهن تجاوبين عليهن ....
_يااااا لعد اسمعي لاشفته ولا لزم ايدي ولا باسني كولشي ماكو ....
_هااااا شنووووو ليش شصار ...ليش شكو...
_ماصعدت للسطح اختي صعدتني انزل الملابس وتأخرت لان شفته وبقينا نسولف وإني نزلت من الخوف والرزاله خفت وما صعدت ....
_وهو شسوه......
_خطيه بالليل ضرب الباب طابوگه ردت اصعد بس سعاد طلعت گاعده وصعدت تحچي وقفلت الباب وهو مشتول من البرد فوگ....
_اي كملي ... ..
_الصبح شفته بس سلام وعيونه تباوع عليه ....
_صدوك جذب عبالي شفتي وإني منتظره ومحضره كومه اسأله ومنتظره الاجوبه بالتفصيل .....
_يلا خيره بغيرها.....
_صيري سباعيه لتخافين حاولي تحصلين فرصه حتى تشوفي ....افتهمتي ....
ما اعرف ليش ورود چانت تدفعني حتى أقابله واشوفه ما اعرف ليش تعلم وتحفز الرغبه الي بداخلي تسولفلي عن اختها وتصرفاتها ويه زوجها شلون ينام وياها شلون يسولف وياها وهي شتلبس ....
يوم عن يوم رغبتي كثرت وبديت من اسمعها تسولفلي النار تشتعل بكل جسمي ....
ما اعرف شيصير ما اعرف افسر اگعد الصبح تعبانه نحلانه مشتته أفكاري متخربطه ورده كانت تحفزني للتفكير بأمور هواي ليش هي تسوي هيج وليش تدفعني اقابل ماهر ما اهتميت ولا فكرت كنت انتظر يوم الجمعه ساعه ساعه حتى اشوفه .....
من نلتقي نسولف بهواي أمور بالحب والليل والنجوم يسمعني كلام يخليني اعيش بغير عالم ...طايره فرحانه حسيت الحب
غير شي مو مثل الي اشوفه بالأحلام غير شي .....
ولحكايتنا بقيه انتظرونا الشكر لله......
