آنين الليل الاحمر 💞💞💞
#الجزءالاول
#البارت_العاشرررر
ليلان العطواني.....؟..
غروري وعقلي الطايش خلاني اصدگ بهذا ماهر يحبني ماكنت اعرف اني قشمر وماافتهم وهو كان يضحك عليه استمريت التقي بي كل جمعه ومرات مو بس الجمعه حتى كل يومين نلتقي ....نخلصها سوالف شنو أكره وشنو احب شنو الالوان الي احبها ....
مرات اغيب من المدرسه ميشوفني يتعصب ويتهور ويبقى يسأل ليش ما داومتي شفت منه اهتمام اكثر من اهلي حتى اكثر من امي .....
علاقتي اطورت بي وصارت اكثر تعمق وبديت اسولفله كل اسرار اهلي وهو كان يسحب مني الحچي .....
وبده يسألني عن فلوس أبويه وين يضمهن ووين الذهب وإني كنت اجاوب .....بكل ثقه ماكنت اعرف هو ضاملي سالفه چبيره .....
يوم بعد يوم بدت لقاءاتنا تخف وصرت اوگف ع السطح وهو ميجي ....ساعات يكتلني البرد انتظر هو ماكو ....ومن يجي غير يوم اسأله انت ليش ما اجيت مو واعدتني ....يگولي اشتغل أريد اكون نفسي حتى اخطبج وإني المغفله مصدگه بي ...مافكرت هو ممحتاج للفلوس لان ابو تاجر وما محتاجين ....
بس بيوم طلب مني طلب ...غريب ..
_حبيبتي عمري ....مشتاقلچ...
_حبيبي اني هم مشتاقتلك والله ....
_اخ كتلني اشتياقي الج بس شسوي الشغل ماخذني عنچ...
_حبيبي شسوي بالشغل ابوك ممحتاج ....
_حبيبتي اريد اعتمد على نفسي اريد اشتري سياره واخذج واسافر ...بعدين اگلج على سر أبويه بخيل ومينطي گوه نشلع منه الفلس شلع....
_معقوله بيتكم وسياراتكم كل هذا وابوك بخيل ....
_اي والله حياتي اصلا كل مشكله شكبرها تصير علمود الفلوس....اگول حبيبتي تگدرين تساعديني ....
_هااا بشنو اساعدك....
_اذا عندج فلوس مجمعتهم تنطينياهم حتى لو دين ....
استغربت من طلبه بس مثل الدايخه بكلامه وخدرانه بده يتلمس ايدي لاول مره خله أيده على أيدي ما اعرف شصار بيه صعد أيده وهو يسولف وياي شويه شويه الحد ما وصل وجهي وشعري اني ذبت بين ايديه ورحت بغير عالم وهو يسمعني كلمات بعمري ما سامعته ....
من عافني نزلت للغرفه وسديت الباب وإني افكر بلمساته الي كلماته....رحت باحلامي افكر صافنه هيج الحب حلو ...هيج العلاقة حلوه ....
فكره تأخذني وفكره تجيبني ....يوم بعد يوم وهو يعيشني احلى لحظات واحلى كلام .....الحد كرر الطلب مره ثانيه
طلب فلوس ...ومره بعد مره يطلب مني الحد ما وافقت انطي فلوس ....بس احتاريت منين اجيبهم اني ماعندي ...بس ماكو غير اخذ من سعاد من غير متدري ...
بالبدايه ترددت بس قويت روحي گوه....وفتت على غرفتها وفتحت جنطتها ....وأخذت عشر دنانير وطلعت غرفتها ركض خايفه تشوفني .....
بالليل صعدت للسطح وانطيته الفلوس ....
كانت الفرحه متنوصف ..وشكرني وكالعادة بقينا نسولف للوحده بالليل ....ونزلت ....
ما اعرف شنو القابليه العنده منين يجيب الحچي الحلو ....
الصبح نزلت ع الريوك ومبينت الخوف عليه ....اختي راحت ع الدوام من غير متنتبه على جنطتها لان هي تحضرها من الليل .......
رحت ع المدرسه ....شفت ورده وسولفت وياها ....وترزلت من المدينه لان ناسيه كتاب الفيزياء بالبيت .....
رجعت ع البيت ...لگيت امي مسويه غده ....دخلت للمطبخ سلمت عليها .....
_هاا يمه شلونچ....
_هلا يمه بخير ...بدلي بسرعه حتى تتغدين لان اختچ واخوج ساجد على جيه من الدوام....
صعدت بدلت ملابسي ...ونزلت شفت اختي نزلت من السياره
ودخلت البيت ....ودخل وراها ساجد ....
كل واحد بيهم بدل ملابسه ونزل گعدنا ع الغده اختي گالت لامي محتاجه فلوس .....
_يا ولچ شبسرعه خلصتي ....
_لا ماما ماخلصت بس اليوم انحرجت طلبوا من عدنا تبرعات دورت بجنطتي الفلوس ماكو ....يمكن واگعات مني ...واستحيت لان صديقتي دفعت بمكاني ...وعيب لازم ارجعهم الها باچر .....
_شضيعهم منج اخاف وحده من البنات لعبت بالجنطه ...
_لا ماما اصلا كلهم مؤدبات وبنات عوائل...شنو يبوگون مستحيل.....
_والله يابنيتي كولشي يصير البنات مابيهم امان ....ع العموم فدوتچ ميسون بس مره ثانيه انتبهي...
كل هذا وإني وجهي ينطي الوان خايفه يشكون بيه الخوف ذبحني لان اول مره أسويها .....
كان كل لقاء ويه ماهر لازم اجيبله فلوس ....وهو ياخذ مني بدون تردد ....
مره من جنطة امي ومره من جيب اخويه أو أبويه ومحد منتبه ع البوگه لان الفلوس قليله ...ومتبين الى طلب مني مبلغ خمسين دينار ....تفاجأت منين اجيبهم ذني هواي ..
بس هو گلي حبيبتي دبريهم ...وشوكت متحصلين عليهم اني اجي اخذهم .....
بقيت محتاره شلون ادبرهم منين اخذهم .....ماكو غير افتح الجنطه مالت امي واخذهم من غير ميحسون بس شلون لازم تطلع من الغرفه .....حتى اگدر ابوگ....
يوم ويومين اني ماشفت ماهر لازم اصرف بسرعه لان هو گال ما اجي الحد مجيبين الفلوس .....
بس رب صدفة خيرا من الف ميعاد ....جابوا نجم ابن ام عباس جوارينه شهيد ....امي راحت تعزي واختي فوگ بغرفتها تدرس ....
بسرعه دخلت ع الغرفه وفتحت الكنتور شفت جنطة امي فتحتها ع السريع حسبت الفلوس بسرعه ما ادري مضبوطات او لا المهم اخذتهم بسرعه وطلعت .....
صعدت الغرفتي وخليتهم بالستيان حتى خاف يحسون ويدورون ميلگوهم .....
بالليل صعدت شفته يفتر ع السطح رحتله ركض فرحانه....من انطيته الفلوس فرح والا شويه يطفر على سطحنا ويحضني بس هو جرني عليه وبده يبوس بيه إلى أن دخت وصرت مثل الخاتم بايده شويه حسيت على نفسي استحيت وانهزمت ....
