آنين الليل الاحمر...........💞💞💞
الفصل الثاني .......20 .....
ليلان العطواني.... .........
سمعت كلمة سميره اني لازم انسى اهلي ولازم اعيش ولازم اشمر الماضي وره اهلي لان بعد ماعندي مكان بنصهم صرت منبوذه ..... نزوكه گالتلي روحي نامي وباچر عندي حچي وياچ الصبح وطلبت من قرطاجه تخليني انام وياها بنفس الغرفه .....قرطاجه كان مبين عليها رافضه انام وياها بنفس الغرفه سحلتني وگالت اخذي فراش من فوگ الكنتور ونامي وإني راح انام ع الچرپايه .......فرشت فراشي ونمت ما ادري بنفسي ....
حوالي الساعه تسعه ونص الصبح گعدت كان البيت هادئ
ماكو صوت طلعت من الغرفه رحت ع المطبخ غسلت وجهي افتريت بالبيت شفت بي هواي غرف ومرتب ونظيف وبي صاله چبيره مصفطه بيها كراسي وميوزه....وإني افتر اصطدمت بنزوكه من غير ما انتبه .......
من شافتني گالتلي تعاي عندي سالوفه زغيره اسولفها وياچ
گالتلي اريدچ تصيرين سباعيه لان شغلنا ما بي عواطف ودموع شغلنا انونس الشباب الي يجون ونطلعهم راضين عنه حتى يرجعون ...اريدج تصير ين احسن من البنات وتبيضين وجهي گدام الجماعه الي راح ادزچ الهم ...وإذا بيضتي وجهي راح احبچ وهنياله الي تحبه نزوكه .....شوفي ستحصلين من اكراميات اجيبيها الي وإني انطيج حصتچ حالج حال البنات الموجودات .....لان خو ما اصرف عليچ من جيبي اشتغلي واصرفي على نفسچ....اثنين شتشوفين هنا او بالبيوت الي ترحيلها متسولفين حتى بينج وبين نفسج اريد حلگج مخيط .....تلاثه اسمچ راح اغيره شنو وداد ثقيل راح اسم جديد لزوم الشغل .....راح اسميج اسم وحده چانت عزيزه عليه الله يرحمها اسمچ هو نشوگ.....اربعه ..ما اريدچ تخافين من فريده وتزعليها صحيح هو رجال بس مخنث حاله حال النسوان لايهش ولاينش ورقيق وحساس وميأذي سولفي وضحكي وياه عادي خطيه هو ربج خلاه هشكل. ....خمسه ديري بالج تأذين قرطاجه تره هاي بتي وشم الهوى ديري بالچ تغثيها تره يصير مصيرچ الشارع.....
كل هذا الكلام وإني اجاوبها صار وحاضر عمه راح اسوي الي اتگولين عليه ......
كعدن البنات وسوينه ريوك للظهر اختلطت بالبنات وبديت اسولف وياهم وكل بيهم كان عدها قصه ومشكله الي شارده من رجلها والي من اهلها ووالي حكمها فصليه والي والي ومن عرفن قصتي تعاطفن ويه حالتي بين عليهن حبابات الا قرطاجه كانت تنظرلي نظرة حقد اني ونزوكه ما اعرف ليش وخصوصا من عرفت اسمي صار نشوگ....
تعرفت على فريد اقصد فريده وعرفت هو انظلم من المجتمع وأهله متقبلوا رادوا ولد عمه يقتلوا لان هو مخنث بس هو تلاحك نفسه وشرد .......
سوينه الغده وكل وحده راحت نامت بقيت اني گاعده ونزوكه وقرطاجه .....سمعتها تسولف وتگوللها شوفي يمه قرطاجه اريدچ اليوم يمي متنزلين للشغل اريد اوديج على مكان ......وبقت تسولف الي فهمته عمه نزوكه دازتها على واحد اسمه مراد اليهودي ...
لان محتاجته ضروري بموضوع .....قرطاجه بدلت ملابسها ولبست عبايتها وطلعت والبنات گعدن يسبحن ويرتبن بأنفسهم وكل تكمل سبح تروح على غرفة توحه تسويلها شعرها وملابسها ....وفريده يرتب بالصالة يخلي كراسي وميوزه وبطاله مال شرب وفواكه وكرزات ولبن وغيره وغيره
لليل بدوا الناس يجون كلهم رياجيل كبار واكو بيهم رفاق كبار بالدوله بس ميدخلون من نفس الباب الي. يدخل منه التجار ....كان اكو باب من غير جهه يدخلون ....منه...بدت الحفله وگعدت عمتي نزوكه تغني بصوت خلت كل الي بالصالة يطرب ويبچي على ونتها بالموال صوتها حلو وحنين حتى اني بچيت وصعدن اثنين بنات يرگصن واكو بيهن ياخذوهم للغرف ....يبقون تبياته للصبح ...كل هذا وقرطاجه ماكو تأخرت .......
للعشره ونص ..اجت قرطاجه ووياها واحد معدل مرتب من لبسه وشاربه مبين عليه واحد من جماعة الرفاق والمسدس الي مخلي صفح وكان شكله حلو يلمع يمكن لو يبقى شهر بدون سبح ميبين عليه الوصخ......بقه گاعد بمكانه متحرك الحد ما طلعوا الي بالصالة وبقت بس نزوكه وقرطاجه وإني شو من شاف عمتي نزلت ركض عليها بوسها وحضنها ويگللها هلا بست النسوان .....عمتي ردت عليه هلا باليهودي ابو عين صلفه ....وكعدت تسولف وياه عني .....تقريبا نص ساعه الحد ما وصلو بالسعر الي تريده نزوكه واتفقوا بعدها صاحتني وگالتله تعال شوفها شوف الجمال والشكل عبالك طير ذهب وإني لو ما انتم اعزاز عندي ما اضمها الكم .....هو من شافني مثل الي انسطر بالحچي متعجب بجمالي وبجسمي بس استغربت من سأل نزوكه كم مره مسويتها گالتله مره وحده غلطه وانهزمت يعني بعدها ع الجديد مراد.....افندي.
وللحكايه احداث أخرى ......انتظرونا.....
