آنين الليل الاحمر.......💞💞💞
الفصل الثاني .....27
الشكر لله.....ليلان العطواني .
قرطاجه ما رادت حياة بدور تدمر مثل حياتنا گالت خطيه هي بنيه ودارسه وتعبانه على نفسها ...مو مثلنا أحنه لاعبين لعب فچانت تأخذ الابنيه للغرفه وتگعد تسولف وياها وتقنع بيها شغلنا مو زين انتي راح تنباعين من واحد الواحد تنباعين لليدفع اكثر روحي منا لتبقين تلاحگي نفسچ احسن ....
قبل مياخذج الجرف وتضيعين ....
الابنيه كانت صعبة الارضاء ومقتنعه بالشي الي تسوي لان هي شارده من ضيم وقهر وواقع مر ضرب واهانه والرجل بعائلتهم هو يستعبد المرأة . .
مع ذلك قرطاجه ما ملت وگعدت تنصحها اكثر واكثر ووضحتلها هذا الطريق موخوش
والمشي بي مابي رجعه سقوط وانحدار وگعدت تخوفها
وخصوصا من نزوكه سوت حفله بالبيت
وشافت البنات يترنحن بحضن الرياجيل هذا اليگرص وهذا الي يأخذ بوسه وهذا الي يدخل أيده بصدرها وهذا الي يجيب بطل المشروب ويخلي داخل الشورت ...
الابنيه بدت تخاف وترجف وكالت شلون بيه اني وين اروح هاي حياة قذره مستحيل اصير هشكل ....
بس قرطاجه گالتلها لتخافين اني اساعدج انطيج فلوس واهربج من البيت وانتي بعدين
احتاري بروحج يجوز توگعين بأيد ناس ترحمج....
خططت قرطاجه شلون تهربها من البيت بمساعدة فريده ..
بس فريده كان خايف وإني خايفه عليهم اثنينهم ....
واجه يوم التنفيذ قرطاجه انطت بدور فلوس هواي وملابس وگالتلها هاي الفلوس تكفيج ست شهور اجري شقه زغيره ودوري على شغل واذا احتاجيتي تعالي على هذا العنوان انطتها عنوان ملهى شمعون وگالتلها اسألي عن نشوگ هي تساعدج.....
نزوكه كانت نايمه ...قرطاجه الفجر فتحت الباب الخلفيه وطلعت بدور وصعدتها بتكسي ...وراحت حوالي الساعه بالخمسه الصبح .....
اني كنت مسافره للشمال وبقيت اسبوع ورجعت سألت ع الابنيه گالت الفجر خليتها تنهزم وودعتها ...
...ولچ شلون تسوين هچي ماخفتي على روحچ من نزوكه وهذا المسكين فريده ولج وين يروح ...گالت لتخافين ...
بقينه نسولف شويه ...خابر عليه شمعون اني رحت وقرطاجه گالت راح اروح الحمام .....
رحت بس الطريق كله خايفه على قرطاجه ليصير بيها شي هي وفريده لان اعرف نزوكه متسكت ومتحب واحد يلعب وياها ....
دخلت ع الملهى ...سولفت ويه شمعون عن الشغل وانطاني فلوس گلي نسيتي اجرج ما اخذتي...بقيت حوالي ساعه اسولف نسيت قرطاجه ....
جان يجي بوي عليه يصيح نشوگ الحگي هذا واحد خابر عليچ ويبچي ....
ركضت ارجف وخايفه لزمت التلفون بس گلت الوووو
سمعت صوت فريده يبچي وصوت صايح وصراخ
فريده گلي نشوگ تعاي بسرعه راح يكتلون قرطاجه
حاولت افهم منه شي چان يبچي ونزوكه طبگت التلفون
طلعت ركض شمعون صاح وراي خلي كمال يوصلج
وصلت للبيت فتحلي فريده باوعت عليه لگيت مصلخ كولشي ملابس ونزوكه مگطعته بالصونده ويبچي ويرجف خايف واسمع صوت صايح بالحمام ركضت شفت قرطاجه عريانه وتصرخ وتنزف ونزوكه تضرب بيها بالصونده....
والبنات لازمات قرطاجه وفاتحات رجليها والنزيف قوي ويضحكن عليها...
رحت على نزوكه دفعتها وگعت بالگاع ولزمت الصونده
ضربت البنات
خافن وشردن وضربت نزوكه بس تلاوت وياي بقيت لازمه الصوند وصحت على فريده يجيب بطانيه لفيت بيها قرطاجه طببتها للغرفه ع السريع لبستها ثوب وعبايه وأخذت الذهب والفلوس مالتي ومالت قرطاجه لفيتهن بسرعه بسرعه شلون مجان لان بس اريد الحگ قرطاجه نزيفها قوي وصارت صفره وداخت وتقيأت گوه مشيتها للباب وأخذت بطانيه فتحت الباب نزوكه صاحت يلا ولن والله الترجع منچن احرگها ولچن اني نزوكه محد يگدر عليها وإني طالعه صاح عليه فريده نشوگ لتعوفنيني حبابه راد يطلع وياي بس نزوكه سحلته وشمرته بالگاع خطيه هو اتألم وبچه ...وهي تصيح عليه هاا ولك
ياناكر الجميل لحم بطنك كله من خيري ياخايس يامخنث
اهلك شمروك جبتك ولفيتك ولك تبيعني علمود كومة گحاب ولك والله احرگك وانت تمشي .....
باوعتله وگتله اصبر ارجعلك وما اعوفك .....
كمال صعد قرطاجه نيمها وخله راسها بحظني وگلي وين نروح گتله على ملهى شمعون ....
كنت خايفه وين اخذها بالمستشفى يسوون تحقيق وشرطه وإني يامستوره انستري
وصلنا ع الملهى ودخلناها على غرفة التبديل رحت
على شمعون توسلت بي يساعدني سولفتله السالفه
هو خابر على صديقه اسمه ريمون گله جيب دكتور زبيده وتعال بسرعه .....
رجعت على قرطاجه كانت فاقده الوعي لان النزيف قوي
اجت الدكتوره فحصت قرطاجه
گالت لازم عمليه لان نزيف قوي وتحتاج دم بسرعه ....
شالها شمعون وكمال وريمون واخذوها ع المستشفى اني خفت
بس شمعون طمني وگلي لتخافين اني ادبر كولشي....
بسرعه دخلوها عمليات وانطيتها اني وكمال دم ....ساعه
ونص بغرفة العمليات
طلعت الدكتوره ....ركضت عليها بس وإني دايخه
هااا...دكتوره بشري ...
شوفي حبيبتي المنطقه الحساسه محترگه عدها بسبب مدخلين ماده حاره حارقه ...شوهت هاي المنطقه واحنه تلاحگناها على اخر شي وطبعا بعد لتگدر تزوج ولا تگدر تخلف ....
صدمه وگعتني بالگاع ...حياة قرطاجه ادمرت هاي شلون من الصدمه بچيت بس شمعون هدأني واخذني غسل وجهي
وگلي الحمد لله على سلامتها
بس ليش نزوكه سوت هشكل ...
سولفتله السالفه كلها ....هو صفن وگال بسيطه كولشي يهون
وللحكايه بقيه انتظرونا ......ليلان العطواني
