آنين الليل الاحمر........💞 💞💞
الجزء الثاني .....15........
ليلان العطواني ... ......
صرت يوميه اروح التقي بي بغرفة المخزن محد يحس بيه خصوصا بفترة الامتحانات أبويه كان مسافر .....وامي كانت على گد ما تخلص عشه تروح تدخل غرفتها واخوتي كل واحد يدخل غرفته يدرس وإني مثلهم .....هم ادخل غرفتي بس ما انام اگعد انتظرهم الحد مينعسون وينامون اصعد اروح على ماهر ......
اخلص الليل كله يمه اسهر وياه الحد ميصيح الاذان انزل على كيفي .....استمريت الحد امتحانات نصف السنه بأيام امتحانات الشفويه ....كانت حوالي الساعه بالاربعه الفجر كنت نايمه بحضن ماهر متغطين بالبطانيه ....حسيت بدوخه ولعبان نفس وگفت على حيلي مگدرت الدنيا تفتر بيه وجسمي حار ...ردت اعوفه وانزل هو مقبل ...سألني شبيج ليش تنزلين بعد وقت الاذان .....اني ما اعرف شبيه روحي تتماوع .....گتله اني دايخه واريد اتقيأ هو طفر من مكانه ليش شبيچ وشصار ...استغربت ....من تصرفه گتله يجوز بلاعيمي عادي يعني ....بس هو وجهه انگلب عبالك شو شصار ....عفته ونزلت هو گلي هاليومين ما اجي عندي امتحانات وانتي مريضه ارتاحي شويه .....
نزلت ما اهتميت الكلامه.......دخلت غرفتي دايخه وما اعرف شنو الي يصير بيه تمددت شويه على فراشي مكدرت انام اتگلب عبالك سمچه مزوهره ....صارت الساعه بالسبعه وربع فتحت كنتوري اخذت ملابس المدرسه گوه البس نزلت الدرج .......
اشتميت ريحة الاكل لعبت نفسي ركضت للمغسله تقيأت امي هي وسعاد اجوي يركضون عليه .....
خير شبيچ...
مابيه شي بس شويه دايخه وتلعب نفسي ....
يااا خاف بلاعيم....شو خاف مصخنه....
ما اعرف يمه ...للفجر دخت ولعبت نفسي ...حتى ملابسي گوه لبستهن....
لترحين اليوم للمدرسه.....
ميصير امتحانات شفوي ....
امتحني واخذي اجازه حتى نروح للطبيب ناخذج اجازه....
احاول يمه.....
رحت ع المدرسه مدولغه تعبانه ...دخلت مدرسة الانگليزي امتحنت كولشي ممجاوبه من شافتني دايخه گالت روحي للمديره اخذي اجازه لو تاخذين ورقه وترحين للمستوصف الصحي يفحصوج وينطوج علاج....
.....رحت للمديره شافتني گلتلي هاچ هاي ورقه روحي ع الصحه المدرسيه ......ولتاخذين وحده من الطالبات ....
كان المستوصف قريب ع المدرسه مالتي رحت الدكتوره من شافتني حولتني تحليل .....بقيت حوالي نص ساعه منتظره طلع تحليلي كان الموظف ابو التحليل اذكر اسمه جاسم ....سألني شگد عمرج جاوبته 14...سنه بعد كم شهر وادخل بال 15...هو استغرب وگلي شبيهم اهلج ماعدهم خبزه الچ مزوجيج وانتي زغيره.... استغربت چان يگول هاچ يبويه مبروك انتي حامل .......
حامل !!!!!!!شلون عمي ....شنو شلون هذا تحليلچ انتي حامل شي طبيعي انتي مزوجه وزغيره بسرعه تحبلين ....عفت الرجال يسولف وطلعت اركض من المستوصف ابچي والطم على وجهي شلون بيه اذا عرفوا اهلي يذبحوني.....دخلت على المدرسه ركضت على ورده جريتها ورحت ع الحمامات كانت فارغه........
باوعت محد بيها ......
...ولچ شبيچ وجهج اصفر ملبوگه ....شصاير خيرچ.....
ولچ تلحگي عليه دبريني ....
ولچ شكو وجهچ اصفر ....تلهثين شصاير يمعوده وگعتي گلبي .....
ولچ اني حامل ....
شنو !!!!!حامل ......صخام بوجهچ عزه بعينچ قشمرچ هذا النذل ولعب عليچ....
موكت هذا الحچي شوفيلي حل ....
وإني شعليه اشوفلچ حل لاعيني انتي ورطتي نفسچ وانتي تتحملين المسؤولية...بوحدچ ..
عفيه ورده لتعوفيني.......
شنو اعوفچ وإني شعليه...هاي مشكلتچ وحيري بيها ...مع السلامه......
بقيت ابجي بالحمامات وحدي شسوي شصرف أبويه وعمامي يذبحوني ويگطعوني ....
فجأه سمعت صوت بالحمامات درت وجهي شفت سوسن واگفه وراي ....وتضحك عليه ..؟....
من شفتها فزيت وخفت لان ادري بيها راح تفضحني لان تطلبني ثار ....احتاريت شسوي ارجع للبيت شگول شسولف وامي تريد تأخذني للدكتور ....
غسلت وجهي ورتبت حالي ورجعت للصف لگيت البنات كلهم عرفوا بمصيبتي ويعيبن ويهزن بايديهم .....تمنيت الگاع تبلعني بذيچ اللحظه ......خلص الدوام ورجعت ع البيت لگيت امي منتظرتني ....
هااا شلون صرتي ....
احسن اخذت ورقه من المديره ورحت المستوصف وگالوا تعب وارهاق اصلا حتى علاج منطوني ....ما اعرف من جبت هاي الكذبه بس مشت على امي .....
بقيت احوص الليل كله حايره شسوي وشلون انتظرت اهلي الحد ما ناموا وصعدت ليفوگ شمرت حجاره زغيره ع الباب مره اثنين ماكو ما طلع أحد ردت انزل سمعت باب انفتح شفت ماهر جاي عليه ....
شبيج خير اني مو گتلچ عندي امتحانات ليش ادگين ع الباب .....
اسمع ماهر اني حامل وخايفه ....محتاره شسوي ....
حامل .....حامل شنو انتي شتگولين .....
مثل مسمعت وخايفه اهلي يذبحوني ....وعمامي ولك شوفلي حل .....
حل ولچ يا حل هذا هاي الأمور مابيها حل ....
يعني شنو ....
يعني اني ما مسؤول ومعليه....بيچ...احتاري بنفسچ...
صدگ تحچي مو انت تنام وياي لو نسيت ....
لااااا مو اني ولا دزيت عليچ ولا گتلچ نامي وياي ولا الي اي علاقه روحي شوفي نفسچ منين حبلتي وتردين تذبيها براسي .....
ماهر ......
لا ماهر ولا هم يحزنون اني معليه لا ذبين مصيبتچ براسي يلا ولي منا افتهمتي ....روحي بابا ادگين ادروب وتذبيها براسي ......
الى الاحداث الجديده انتظروني .......
