........💞💞💞
ه
الجزء الثاني ........17
الشكر لله............
طفرت من الحايط على بيت سميره وگعت على سطحها وتشخطت رجليه وبركت بمكاني لان كانت طفره قويه ...من الالم الي صار بطني گعدت بمكاني مگدرت اگوم.........حاولت اگوم على رجليه استندت ع الحايط رفعت نفسي گوه ووگعت على بطني ......شويه سمعت صوت باب البيتونه مال بيت سميره..... انفتح...وطلعت وحده لازمه لايت بأيدها والايد الثانية شي مثل الحديده مميزته من الظلمه ...
وصاحت ....بسم الله الرحمن الرحيم ....منو انت حرامي شتريد.......
حاچيتها ....لا خاله لا ...اني وداد بت جيرانكم...
...شسوين هنا ولچ طافره ع السطح....
..دنگت على رجلها ...خاله حبابه ساعديني ..خاله ضميني يمچ اخاف يكتلوني....
.....يمه اسم الله منو يكتلچ ....شمسويه هااااااا....
خاله حبابه ماعندي غيرچ ضميني قبل ميحسون بيه...
...ياااا خوفتيني غير افتهم شبيچ ...وبعدين ما أريد اتورط ويه اهلچ...
......بچيت ودنكت على رجلها بوستها خاله دخيلچ ساعديني ماعندي غيرچ...خاله عفيه......
...گومي انزلي وياي .....
...ما اگدر تكسرت من الطفره........
....تعاي الزمي ايدي ....يااا عزه ولچ شنو هذا الدم بس لا اتعورتي .....
....هاااا ما ادري ...
....تعالي انزلي على كيفچ...درجه درجه.....
نزلتني وگعدتني بالصالة ...وعلكت الصوبه وجابتلي گطن ومي دافي ....
...تعالي خنشوف وين مجروحه ....گلبتني ماكو جرح استغربت ....من شفتها تبلهمت سولفتلها سالفتي كلها بس ما ذكرت اسم ماهر خفت منها ....هي من سمعت سالفتي لطمت على وجهه ...وصاحت طاحظچ على هاي الدگه ولچ بس لا عندچ نزيف ....شو ارفعي رجليچ خل اشوفچ....
گالتلي ارفعي رجليچ وافتحيهم ...سويت مثل ما گالت فحصتني ......
يبووووووو عزه ولچ عندچ اسقاط النزيف قوي ......
...يعني شنو خاله .....
.....يااااا شجاوبچ يعني انتي فتحتي رجليچ ونمتي ويه واحد وحبلتي ومتعرفين شنو اسقاط .....ولچ الطفل مات ولازم تطرحين هسه لان اذا بقه تموتين......
....يمه خاله حبابه شراح يصير بيه .....
لتخافين انتي ميصير شي ننتظر الباچر ونشوفلچ تدبير ....
گومي خل اغسلچ وانطيچ ملابس ......
دخلتني للحمام وشغلت المي الحار ونزعتني ملابسي اني استحيت .....بس هي ما دارتلي بال بقت تتفحص جسمي وتصفن عليه .....
سبحت انطتني ملابس منها ولفلفتني وگعدتني يم الصوبه...
شويه سمعت صوت صياح يم اهلي بس منفتهم شي وسمعت الباب الخارجيه مال بيت اهلي انطبگت حيل ......
اني خفت بس سميره گالت لتخافين ....نامي والصبح يحلها حلال ......
من التعب والخوف نمت ما گعدت الا بالعشره الصبح لگيت نفسي سابحه بالدم .....خفت من شفت الدم ....بس سميره گالت لتخافين هسه تصيرين زينه ....كانت لابسه ملابس مال طلعه ...حضرتلي ريوك وگالت اكلي اني طالعه ساعه وارجع...وإذا الباب اندگت لتفتحي ...ديري بالچ احد يحس بيچ يمي .....اي انتي بت ابراهيم جلاوي اسم ابوچ وحده يخوف استري عليه وعليچ......
راحت بقيت وحدي بالبيت كل شويه اسمع صوت عياط يم اهلي اخاف وگلبي ينقبض......
تقريبا بقيت اربع ساعات وحدي بالبيت فكره تأخذني وفكره تجيبني.......الحد ما رجعت سميره......
من دخلت كانت جايبه وياها ملابس واكل وادويه غراض هواي گالت اكلتي ....گوتلها اي ......
گالت يلا تعالي نوگع الطفل .....
....خاله اني اخاف .....شلون ....
لتخافين نامي وافتحي رجليج وخلي هاي الوصله بحلكچ من تتالمين عضيها.......فرشت الگاع نايلون وگالت نامي وسويت مثل ما گالت .....شفت الم بس مثل هذا الالم ماشفت حسيت نفسي مگطومه بالنص ......
بعد نص ساعه خلصت بس اني منتهيه گومتني خلتني ع الفراش وشالت النايلون والوصخ ...خلتهم بچيس مال زباله
وبعدها سوتلي تشريب دجاج وگالت اكلي حتى ترتاحين
اكلت من خلصت انطتني علاج ونمت .
ما حسيت على نفسي الا ثاني يوم ....
تعبت عليه ودارتني حوالي أسبوعين اكل ونوم ....الحد ما گمت على حيلي....گالتلي فد يوم ....
شوفي يمه وداد اني داريتچ لان انتي واگعه بمصيبه چنتي وبقيتج يمي ....اريدچ طول ما انتي يمي مطلعين صوت ابد
للطرمه مطلعين لان اخاف أحد يشوفچ وابتلي والله اذا حسوا اهلج انتي يمي يذبحوني ويذبحوچ.....ابقي مثل الميته الحد ما اشوفلچ تدبير ...
.....خاله اني خايفه من اهلي ....
...سوي مثل گتلچ وميصير شي ....
لليل سمعنا صوت سيارات بالباب ...بعدها سمعنا صوت صياح طالع من بيت اهلي ....صعدنا اني وسميره فوگ السطح نباوع ....شفت عمامي جايين علينه ويتعاركون ويه ابويه واخوتي صايرين بالنص يدافعون ويه عمامي .....
ولحكايتنا بقيه .....
