.آنين الليل الاحمر ........
#الجزءالاول قصه حقيقيه.....
.#البارت_الثالث
ليلان العطواني .........
رجعت للبيت وإني الخوف كاتلني لان ادري اذا عرفوا بهاي السالفه ميسكتون بقيت طول الطريق اكل بروحي شلون تخلص شلون راح اگللهم ماجد يمشي گدامي وإني ممنتبهه امشي وافكر
منتبهت عليه وهو يصيحني ......فجأه سمعت صوت عالي يصيح شبيچ طرمه انتي صار ساعه أصيح امشي بسرعه
من سمعته تخربطت حتى بمشيتي هذا اذا سمع اني راسبه ومحاولة غش وضاربه الابنيه يتخبل ويكتلني اني شجبت الروحي من مشكله شلون سالفه سويتها مابيها خير ....
دخلنا للبيت شفت امي مخليه صونده وترش بالحديقه مي ودخلت ورانه سعاد ....دخلت من باب المطبخ لگيتها طابخه دولمه والفاكهه وإني جوعانه ....گلت خلي اكل وبعدها يصير الي يصير ....
بدلت ملابسي وغسلت ونزلت اتغده ...
_اي يمه باچر يردون ولي الأمر يحضر للمدرسه ....
_ليش شمسويه ...
_اكيد كسلانه ....لو شو شمسويه هاي اعرفها...
_انچب انت معليك ...لتدخل ...
_والله لو مو امي گاعده چنت اگطعچ بصونده....
_تگطعني شنو تايهتلك شو انت شايف نفسك عليه شمسويتلك اني...
_هاااا اسكتوا واتغدوا باجر اشوف السالفه اخلي سعاد تروح وتفتهم السالفه ....يلا اتغدوا وروحوا اقروا....
اني من سمعت سعاد گلت هينه اگدر اقشمرها وتسكت.....
بعدنه ممكملين غده سمعنا هورن السياره عرفنا أبويه اجه گمنا كلنا نتلاگاه بس هو ما دار بال طب سبح وغير ملابسه وگال لامي حضري جنطة ملابس چبيره اريد اسافر ومطول بسفري شويه حسبة عشرين يوم .....
أبويه كل أصدقائه من ذوله الحزبيه الكبار الرفاق والضباط وكانت بوقتها حرب إيران
كل گعداته وحفلاته كانت بالقصور والمزارع ...العصريه طلع بابا ...وإني بغرفتي كالعاده أراقب من الشباك ....شفت امي لبست عبايتها وطلعت راحت على بيت ام نعمه الي يمنه هي تصير ام ماهر صديقتها وتموت عليها لان مثلها بت عرب ويتوالمن سلمت على ماهر ودخلت البيتهم ......
شفتها خلي انزل للحديقه بلكي اگدر اشوفه اقرب ويشوفني نزلت والكتاب بأيدي بحجة أقره چان اسمع صوت من الحايط
يصيح....
_بس بس ياحلوه....
_هااا خاله تفضلي ...
_خاله انطيني الفرشه مالتنه وگعت عليكم من فدوه العينچ ...
_اي خاله هسه ...هياته ..؟
_شكرا بعد عمري أن شاء الله اشوفج دكتوره ....
_هلا بيچ خاله.....
هاي جارتنه سميره خاتون المنطقة كلها تحچي عليها وتأخذ بعرضها يگولون عليها موزينه وتشتغل بالليل وجيب رياجيل وتجي البيتها ...بس هي متهتم وصاحبة اللسان حلو ...
امي چانت تموت منها ومتقبل نحچي وياها ...يمكن تغار منها لان حلوه و زغيره....وعايشه بوحدها...
من صار الليل تذكرت باجر والي راح يصير شلون بيه هاي مصيبه شيخلصني ....
الصبح سويت روحي مريضه بلاعيمي واگح بس اختي گالت ميخالف ترحين وياي اخذلچ اجازه واشوف المديره شتريد...
وصلنا ع المدرسه لگيت ام ورده وام سوسن گاعدات وسوسن وورده واگفات يباوعن ع المديره .....
دخلت اختي .... سلمت علىيها وگعدت .. بصفهن ...وإني وگفت....
_ممكن نفتهم شنو الموضوع مستدعين أولياء الأمور ....
_بالبدايه احب اگوللكم ورده ووداد كسلانات ويغشن وفوگاها الابنيه مموافقه تغششهن ضارباتها ومزگات ملابسها طبعا كل البله من وداد هي تخطط وهي تجرجر بالبنات ومسويه عصابه فوگ كسلها ...
_ست معقوله اختي متربيه وماعدها هالتصرفات وتخاف ...
_اي معقوله واكثر اكو مراقبه سريه شهدت واكو بنيه تشتغل وياهن هم شهدت وگالت طلبن مني اجيب سوسن وره الحمامات حتى يبصطنها ....
وغيره وغيره ...بتكم مامؤدبه وغشاشه وكسلانه بطلوها احسن ....وزوجوها المدرسه متفيدها.....
.....طبعا اختي من سمعت الحچي خطيه وجهه بده ينطي الوان وماعرفت شجاوب المديره بس تعتذر وتتأسف طلعتوني وياها للبيت....
من وصلنا استلمتني رزايل واهانات..
_ادبسزز حقيره هم كسلانه وهم تغشين وانوب مسويه عصابه بالمدرسه ولچ شلون التاليه وياچ.يعني لا فالحه بدراسه ولا بشي بس حاطه التلفزيون وتتمرگصين ...
طاحتلي كفخات وضرب توبتني عيشتي دخل ماجد لگاها تصيحلي الكسولي ام الغش الفاشله ....
هو لگاها فرصه هم گعد يضربني ووين التوجعني لحد ما شال انعاله وضربني على حلگي ...وضربني بوكس على عيني...
من گد ما ضربوني شبعت بچي گطعت روحي وشما اصيح يزيدون بالضرب اكثر واكثر ...
عافوني وطلعوا.....
_يمه ماخرب بتچ هاي غير المدرسه والتلفزيون الي تتمرگص عليه النهار كله. ..
_اسكت مجودي لتزبگ خلي الأكبر منك يحچي انت مو لگيتها فرصه ...
_السلام عليكم . شلونكم شو مجتمعين خير ..مو عوايدكم
_وعليكم السلام ...يمه تعال شوف حل ويه اختك وداد كسلانه وتغش بالدروس وفوگاها تضرب بالبنات...
_اي والحل شنو ...
_لزمتها بصطتها اني وماجد هذا الحل هاي كولشي يطلع منها ..وكحه...
_بشرفكم هذا حل ...هاي طفله مراهقه متگدر تتحكم بتصرفاتها أقصى أحلامها حاليا امير على فرس بيضه ...الضرب ميجيب نتيجه اگعدوا سولفوا وياها اعرفوها شبيها شتريد مو تضربوها.....
_ولك هو منو فارغ كلنا دوام وتعبانين ....
_ميخالف يمه اصعدي سولفي وياها هي متفتهم وجهيهما وعلميها تره الضرب مو حل ولا يسوي نتيجه....
بعد نزلوا من غرفتي گعدت ابجي وادعي على المديريه وسوسن وفكرت شلون انتقم منهم بس من سمعت صوت ماهر يضحك نسيت الم الضرب كله وزحف الحد الشباك حتى اشوفه.....
بقيت اسبوع على هاي الحطه لا طلعه ولا طبه ولا انزل من غرفتي محصوره ....اشوف افلام واكل وارگص بس من قهري گمت ارگص وإني عريانه بس بملابسي الداخليه ....واهز بجسمي مثل نجوى فؤاد حتى احسن منها ارگص .....
داومت تلگتني ورده خطيه هي هم مبسوطه مثلي بس ثاني يوم مداومه مو مثلي غايبه اسبوع .....
_ولج ميته قهر اريد انتقم من هاي الفگر سوسن.....
_يمعوده معليچ بيها كله شهر ونمتحن نصف السنه .... افضل تقره وننجح ونحرگ گلبها ....
_ولچ گلبي مورم من وراها ...أاااااخ ميته قهر....
_ولچ لتسوين مصيبه ثانيه كافي ختولي .
_اي والله بعد مابيه حيل ضربه اخاف اموت ....
_سولفيلي شخبار الحب ....
_كلشي ماكو هذا اثول لا كلمه لا اشاره بس يباوع...
_ولچ شنو هذا من بشر ....
_شمدريني ....؟
ا
انتظرونا لقصتنا بقيه........
