.آنين الليل الاحمر.....
......36.......37......
الشكرلله.....ليلان العطواني
من رحت على سليمانيه بقيت كم يوم وهناك خابرت فريده وسألتها شوكت ترجع نزوكه من الكويت وافتهمت ما بقالها هواي يعني لازم ارجع بسرعه ....خلصت شغلي واشتريت زي كردي الي اني وقرطاجه وكرزات وحنه ....وكم شغله كنت محتاجتهم ........
بالطريق مثل الي نعست مابين نايمه وگاعده حلمت حلم خفت منه لدرجة الموت طفرت مفزوعه مختنگه گوه اتنفس كمال صفط السياره على الطريق وفتح الباب وطلعني
مختنگه بالگوه اتنفس .....
غسل وجهي وگلي اتنفسي ....بقيت دقايق وإني خايفه گعدنه ع المصطبات الموجوده شويه ....
گلي كمال خيرج نشوگ مابيج غير العافيه شبيچ شصار
لاول مره انتبه على عيونه من شفته حسيت بيهن شي
حسيت هو يعرفني او يعرف شخص قريب عليه ....
خفت منه بس مابينت گوتله ماكو شي اريد ارجع ......
.......اول ما وصلت بغداد رحت على شمعون للبيت لگيته منتظرني سلمته الفلوس وانطاني علاگه مال ملابس وگلي هذا طلبج .....
تحبين اساعدج....جاوبته لا اني مخططه كولشي واذا احتاجك اطلب مساعدتك ....
بس اريد منك ادگولي هذا كمال منين تعرفه ....
گلي هو كان صانع بالملهى وشفته ما اله علاقه بهاي السوالف وهو وحيد أهله وعنده عوق بوحده من عيونه استعطفت عليه وشغلته ....
هو استغرب ليش سألته عن كمال بس ماراد يحرجني بالإجابة ....
رجعت ع البيت شفت قرطاجه وسلمت عليها وبوجهي للحمام من طلعت لكيتها مفرغه الجنط....
گوتلها خابري فريده خلي يجي للبيت لهنا ....
هي خابرت وحوالي ساعه ونص اجه ع البيت ....من شافنا نضحك ونسولف ومرتاحين بچه واتمنى يبقى يمنه بس اني گوتله اجيبك يمنه هذا الشغل كله علمودك ....
گوتله راح انطيك علاگه وجنطه هاي العلاگه تحطها بالمكان الي بي الذهب والفلوس مال نزوكه ......
وهاي الحنطه تلم الذهب والفلوس وتطلع من البيت قبل متهجم الشرطه بساعه .....
سألني وين يضم الجنطه ...گوتله تضمها بالخرابه الي يم الباب الخلفيه جوه السكراب وإني اجي بالليل اخذها بفلان يوم واريدك انت هم هناك واگف....
بعد ما فهمته شيسوي ..صار الانتظار صعب ودعيت من تجي نزوكه متتفقد ذهبها وفلوسها لان اذا حست تقتل فريد وتشرب من دمه ........
بعد مرور يومين صار التنفيذ ...بقيت بالملهى سهرانه تقريبا للفجر ...
لان اعرف نزوكه متنام الا الفجر مثل البزازين اخذت كمال على بيت نزوكه من الباب الخلفي ...
تقريبا بعد الاذان .....خليت كمال يوگف بعيد وإني نزلت اتمشى لابسه عبايه بس چنت خايف من الچلاب ومن جماعة نزوكه ...لان اذا شافوني محد يتلاحگني بوقتها .....
اقتربت أكثر من الخرابه وشفت فد شي اسود لأن كان الجو بعده ما كاشف اقتربت أكثر وبصوت ناصي صحت فريده
السواده التفتت عليه واشرتلي رحت عليها شفته فريده
لابسه عبايه ومنتظرني ....
اشرلي على مكان الجنطه...خوش مغطيها بالسكراب
طلعناها واخذناها بسرعه ركضنا ع السياره .......
بس ميتين من الخوف ....كمال شغل السياره بسرعه واخذنا للبيت ........
من وصلت انتظرت حوالي ساعه وطلبت من قرطاجه تخابر الشرطه من تلفون أو عجيل الي بشارعنا لان كانت عنده اسواق وكل اليجي يخابر من تلفونه حتى ما ننكشف....
من خابرت وكملت طلبت من كمال يراقب بيت نزوكه ويشوف شيصير ......
بعد ساعتين اتصل عليه للبيت وگلي كولشي تمام من اشوفج افهمج.....
صارت الساعه الي منتظره بيها كمال سنه تمشي ع البطيئ وإني صرت نار وفريده خايف ......
من سمعت الجرس ركضنا كلنا ع الباب ...كمال من شافنه نركض خاف وبنفس الوقت ضحك .....
طببته للبيت گعد وسولف ...عرفت منه الشرطه هاجمه ع البيت ومطلعيها هي والبنات والرياجيل البايتين يمها بالبيت
مفضوحه فضيحه ....
اني ارتاحيت بس. بقت شغله وحده مخوفتني ....
وهي لا اجيب اسم فريده بالتحقيقات....
للعصر ماكو شي ..لليل هم ماكو رحت ع الملهى وسولفت ويه شمعون وطلبت منه يساعد فريده لان خايف واحتمال هاي اجرجره وياها ......
للصبح شمعون طلب يروح وياي ع البيت استغربت بس ما سألته لان هو ميحب يسولف هواي ....
دخل للبيت وشاف فريده ...وسولف وياه گله اذا طلبتك الشرطه أو ألقوا القبض عليك سوي
