آنين الليل الاحمر ...........💞💞💞
الفصل الثاني .......28.....
الشكر لله .........ليلان العطواني .....
الطبيبه بقت قرطاجه اسبوع بالمستشفى لأن كان وضعها حيل تعبان ....وتتخربط كل شويه ومتاكل ....
لزمتني حاله نفسيه بسبب الي صار وخوف وحيره لان اذا طلعنه من المستشفى وين نروح ....
وخصوصا وياي ذهب وفلوس كومه وإني ما اعرف اصرف وطول الليل سهرانه خايفه لا وحده من المرافقات تبوگني
قبل لا نطلع من المستشفى بيوم اجت سميره وگاىت خابرني فريده وسولفلي كل السالفه وخطيه تعبان ويبچي لان نزوكه مگطعته ضرب هي والبنات ....
وگعدت تلوم بيه اني وقرطاجه اني شوصيتكم مو حذرتچن منها ليش تلعبن بذيالچن وشعليچن بهاي الابنيه بس قرطاجه من حرگة گلبها صيحت عليها وطردتها .....
طلعت من الغرفه شافت شمعون سلمت عليه
وأخذته للردهه الثانيه من شافت بيها مريضات طلعت ووگفت بالممر هي وياه وكان فارغ ....
رحت وراها امشي على كيفي وتصنتت عليهم ....
سمعتها ادگوله ....اخذ البنات وخليهن يمك لان نزوكه ما ناويه تسكت تريد تكتلهن هي وجماعتها ودير بالك لاتودي نشوگ بأي شغله ولا طلعه لان احتمال تبلغ عليها وتنحبس الابنيه ....
شمعون گللها اني محمي من الرؤوس الكبار محد يگدرلي ....
......مو انت شمعون الابنيه وهاي بت عائله معروفه واذا اهلها شموا خبر عنها احتمال يقتلوك الابنيه وجه. رزق عليك وعلينا ليش نخرب على أنفسنا ونزوكه السانها طويل ومنگدر نسكتها
....ركضت على قرطاجه وسولفتلها الصار كله هي گالت باچر
بس تجي الدكتوره نطلع من المستشفى بس كنا حايرين وين نروح .....
ثاني يوم طلعنا من المستشفى اخذنه شمعون على بيته وگال ابقوا الحد ما انتم تردون اني ما اتواجد غير بس ساعتين لو تلاثه انام وبعدها اطلع ......
البيت چبير وحلو ونظيف ومرتب فتحت غرفه وخليت قرطاجه تنام بيها ورحت دخلت للحمام سبحت وغسلت ملابسنا ....
بعدها طلعت جبت اكل واشتريت ملابس الي اني وقرطاجه
رجعت للبيت لگيتها تبچي
حاولت افهم منها شصاير ....
گالت اني ابچي على فريده هسه شصاير بي هاي هسه مخليه البنات يضربوه ويخدمن عليه ...
خطيه هذا مسكين لا الناس تريده ولا الله يخلصه من هاي العيشه ....
حضرت الاكل وطلبت منها تاكل وگتلها كولشي يهون بس خلي ترتاحين انتي وتصيرين زينه....وفريده لازم انطلعه من ذاك البيت ....
....بس قرطاجه كانت خايفه لا نزوكه تودي عليه جماعه يقتلوه لو يسوون بي غير شغله لان تعرف نزوكه ودگايگها
بقينا گاعدات بيت شمعون حوالي سنه كامله ما اطلع بس على گد الرگص بالملهى وارجع وقرطاجه رجعت تمارس حياتها بصوره طبيعيه ......
بس متگدر تمشي مسافات طويله لان عضلات جسمها تلفت بسبب الماده الحاره الي صلخوها بيها......
شمعون ماتحسس من بقائنا يمه بالعكس كل فتره يجي يسأل علينه ويجيب مسواگ وياه ومرات شرب اني وقرطاجه اهتمينا بالبيت ونظافته ....
وصرنا مثل العائله هو كان من يشرب ميبين هو سكران
يصرف بصوره طبيعيه .....
ومرات يجيب بنيه مسيحيه وياه وتبقى للصبح وتروح
بهاي الفتره صار عندي شعور غريب تجاه شمعون
بديت افكر بي مثل الحبيب
ما اعرف ليش حبيته أو ليش بديت ارتاحله هو ابد ما بين الي يحبني كان كل كلامي وياه عن العمل وبس......
سولفت القرطاجه احساسي بالبدايه گالت عوفي هذا مسيحي اليوم هنا باچر بغير مكان ...
وإني وياج بالنسبة اله عباره عن حشرات شوكت ميمل منهم يسحگهم ويكمل طريقه ويمشي ولا كأنه ....
بين اخذ وعطا بالكلام قاطعتني قرطاجه وگالت شوفي نشوگ أحنه صار سنه يم الولد معززين مكرمين بس يا نشوگ صاحبك حلو لا تاكله كله خل نشوفلنه بيت نشتري اني وياج ونطلع بكرامتنا قبل مننطرد مو احسن .....
اني وافقت على فكرتها وبدينا نطلع ندور على بيت على يوم ويومين .....الى اشترينا بيت ركن بالسيديه بحي الإعلام تشاركنا اني وياها بالفلوس وسجلنا بأسمي واسمها شراكه ....
التهينا بتأثيث البيت وترتيبه وساعدنا شمعون بس ما كان راضي على طلعتنه من بيته لان يگول صرتوا مثل اهلي
كان خايف علينه من صناع نزوكه بس كنت متأكده طالما أحنه تحت عيون شمعون نزوكه متوصل وتأذينه.....بعد انتقالنا للبيت بشهرين انتهت الحرب العراقيه الايرانيه والناس ترگص بالشوارع فرحانه حاولنه نطلع اني وقرطاجه بس خفنا لا بالهوسه تكون نزوكه مراقبتنا .....
مشت حياتنا عاديه بس فريده ماغاب عن تفكيرنا لحظه نفكر بطريقه انطلعه من وكر نزوكه حتى نخلصه من العذاب بأي طريقه .......
محد يگدر يساعدنا فكرنا نخابر سميره بس قرطاجه تراجعت
وگالت لا هاي تبيعنا كل همها مصلحتها وبس ......
ماكو غير شمعون هو الوحيد بس شنو الطريقه الي نقنعه بيها
خصوصا هو ميحب المشاكل والهوسه ويفتح
العيون عليه لان نزوكه تبلغ عليه وعلى جماعته الي يحموه وتسببله مشاكل .....
وللحكايه بقيه انتظرونا......
