آنين الليل الاحمر 💞💞💞
#الجزءالاول
#البارت_الاخير
ليلان العطواني .........
ضجت كولش وتعبت وصرت ادور ع الحجه حتى التقي بي ما اعرف شلون ....فكره تأخذني وفكره ترجعني ما اعرف شلون اتصرف ........
يوم وره يوم ماكو فرصه وكلما اصعد للسطح اشر الملابس لو الفراشات ما اشوفه ....صار عندي قلق وخوف .....
مر اسبوعين وإني على هاي الحاله لا اگدر اشوفه ولا اعرف شلون اتصرف الحد ما امي سوت ثواب لامها وابوها وعمها ابو أبويه وعمتها وگالت انتي وماجد توزعي ومن محاسن الصدف كانت الصينيه الاولى من نصيب بيت اهل ماهر خليت الصينيه على راسي وطلعت بس ماجد راد يطلع وياي بس امي گالت هي وين رايحه هياتها خطوتين ......
طلعت بسرعه بس اريد اشوف ماهر لزمت الصينيه حيل ودگيت الجرس مره مرتين ....چان يطلع ماهر...
_هلو وداد شلونج ...
_زعلانه صار اسبوعين اريد اشوفك انت ماكو ..
_هااا دا جيبي الصينيه وبعدين عاتبيني .....انطينياها....
_اريد اشوفك اليوم بالليل ...لتتأخر ....
_احاول بس انتي تدرين عندي امتحانات ولازم أقره ...
_لا فدوه حتى لو شويه بس اشوفك دقيقه وحده..منتأخر هااا شگولت ...
_هاچ واحاول اصعد للسطح...امري للواحد القهار ....
من غبائي ماكنت افتهم ولا كنت اعرف هو چان يضحك عليه ويريد بس يتسلى كنت معميه بكلامه الحلو وضحكته ومن أيده تلامس ايدي أفقد واروح بغير عالم انسى الدنيا وانسى اهلي بودي ابقى عايشه هذا الحلم ما أريد اصحى منه
من كل عقلي اني صرت چبيره ولازم ازوج ويصير عندي بيت
اخذت الصينيه ورجعت ع البيت وإني طايره من الفرح لان بالليل اشوف ماهر .....
خلصت توزيع الصواني وامي صبت العشه وگعدنه نتعشى بعدنه واحنه انگول بسم الله اندگت الجرس طفر ساجد يفتح الباب چان اسمع صوت عمتي وبناتها وزوجها ....
اوف ياربي هسه هاي شجابها علينه هي چانت عايزه هسه هاي اقل شي النص الليل حتى تنام هي وبناتها ياالله هاي شلون مصيبه شخلصها هاي الليله ....
بقيت گاعده منتظرتهم ينامون گاعدات يسولفن والكل مندمج اني فكرت استغل الوضع واگللهم نعست واريد انام ....
اني سويت نفسي نعسانه واريد انام وخليت راسي بحضن سعاد وبديت اثاوب .....
_هاا ولج نعستي گومي نامي بغرفتچ مو تنامين بحظني ...
_اي نعسانه ...فدوه خلي انام بحظنچ ....
_ياااا گومي انتي ثگيله ومحد يگدر يشيلچ ....
_اي هسه صاعده..
صعدت الدرج وإني مسويه روحي نعسانه....بس ما صعدت الدرج وعبرت من جهتهم حتى ميشوفوني ...ركضت على غرفتي اخذت المفتاح وقفلتها حتى محد يدخل ويشوفني مموجوده.....
وركضت ع الطابق الثاني ...اول ما فتحت باب البيتونه شفت ماهر منتظرني ....ركضت عليه ...
_هاي وينچ تأخرتي ....صار فتره منتظرج....
_شسوي ياحبيبي غير عدنه خطار ومخبوصين بيهم ...
_اي هسه وكتهم ...كتلني البرد ...راح اموت ...
_يمه اسم الله عليك بيه ولا بيك ....
_هاا تخافين عليه ...تحبيني ..
_اي طبعا اخاف عليك ....
_بس تخافين عليه ....
_اي اخاف عليك واحبك والله ....
_طالعه من حلگچ مثل العسل ...واحلى ....عيديه مره ثانيه...
بقيت اگله احبك واحبك واحبك وإني فرحانه وهو يدغدغني واضحك واثنينه فرحانين بقينا ساعتين نسولف ونضحك ممصدگين الفرحه بعدها صعد ع الحايط وخله أيده على خدي وبده يتلمس بأيديه ويتلمس بخدي اني ما اعرف شنو صار بيه من الخوف والخجل والترقب شراح يسوي بيه ووين يريد يوصل بلمساته ....خوف وخجل ووگلبي يدگ بسرعه وهو يگولي تحبيني مثل ما احبچ اني اموت عليج اني اعبدچ انتي حياتي شوكت اتخرج واجي اخطبچ وبقه الليل كله يخدر بيه بالكلام الي كنت اسمعه بس بس بالافلام ....خدرت على كلامه وانتهيت وهو نزل على سطحنا وخلاني بحضنا وخله شفايفه على شفايفي ويبوس بيه بقوه الحد ما حسيت شفايفي ورمن من قوة البوسه مالته ....نسيت نفسي بحضنه واستسلمت بين ايديه بعدها بدقايق سمعت صوت امه تصيحه ....انتبهت على نفسي وركضت نزلت وإني بعدني خدرانه على الحلم الي عيشني بي .....
