آنين الليل الاحمر .......💞💞💞
الفصل الثاني........19.......
ليلان العطواني ......
مرت عليه الايام والشهور وإني اترقب حياتي وشراح يصير بيها شلون راح اعيش وين اروح اذا طردتني سميره وشلون اذا اهلي لزموني والله يصير ذبحي ع القبله ....شلون وشلون اسئله ما الها اجوبه ........مرت عليه سنه وإني عايشه ويه سميره معززه مكرمه ....بس بيوم سميره طلعت مثل كل مره تطلع بيها ورجعت بالليل وصاحتني الغرفتها....
رحت عليها ...گعدتني يمها ع الچربايه وگالت شوفي خاله اني لفيتچ وساعدتچ هواي وما قصرت وياج بس هسه صار الوقت لازم ترحين الغير مكان حفاظا على حياتچ وحياتي لان انتي تعرفين اذا لگفوچ اهلج يمي شيخلصنا اني وياج ....
سألتها خاله وين اروح اني كولشي ما اعرف لو ما انتي چان هسه اني مذبوحه ...دنگت على رجلها ردت ابوسها بس هي مقبلت وگالتي لا بنتي لا ...اني ما راح اذبچ بالشارع اني راح اوديج على بيت تعيشين بي هناك يم امريه تشغلچ وياها ومو بس انتي هواي بنات مثلچ..........
يشتغلن عدها وعايشات معززات مكرمات .....سألتها شنو الشغل .....گالت لتخافين بنتي من نروح راح تعرفين ..ويا وداد الي مثلج لازم تقبل بكلشي حتى تخلص نفسها انتي ما الج غير حليين لو تموتين لو تعيشين وشوفي ياحل انتي تردي ....هااااا لا خاله لا اريد اعيش ....هاي هيه ماطول تردين تعيشين باچر حضري نفسچ بالليل اوديچ للمريه....
صار ثاني وصارت حوالي الساعه بالعشره بالليل اجت سياره مظلله صعدت بيها اني وسميره وهي گالت للسايق للكماليه وصلنا على. بيت ست نازك ....السايق ولا كلمه ولانفس غير كلمة حاضر خاتون ......
وصلنا على بيت بأطراف الكماليه بيت چبير وبي طرمه چبيره تفوت بيها سيارتين كبار وحديقه مرتبه ......دخلنا ع البيت شفت بنات هواي ازغار بعمري وكبار وشفت واحد لابس لبس نسوان ومخلي مكياج ويمشي ويتماوع .....
بقينا واگفات الحد سمعنا صوت وحده گالت ...هلا ...هلا بسميره عاش من شافج ...شعجب ذكرتينا ....ومنو هاي الحلوه الجايه وياج ....التفت شفت وحده چبيره يطلع عمرها فوك الاربعين بس جميله جدا ولابسه ذهب هواي ودشداشه بيضه قصيره وطالعه رجليها بيض عبالك الممثلات گعدت ع الكرسي وگالت اگعدوا استريحوا ...
گعدنه ...صاحت فريده سويلنه چاي جيبي عصير الحبايب ..
فريده كان هو الولد الي لابس لبس بنات راح ركض ....سميره گالت من رخصت نزوكه اريدج على صفحه عندي حچي وياج
گامت هي ونزوكه وراحن على غرفه ...يسولفن وإني بقيت گاعده بمكاني ....اجتي يمي بنيه واجه يمها كعد بدت الابنيه تسألني وإني اجاوب والولد يتمضحك مثل النسوان ويگول راح تصير وحده مثلنا ....مفتهمت الحچي شيقصد بي بس الي فهمته شغلهم مو راحه ......
شويه طلعت سميره ونزوكه من الغرفه ....سميره كالت هذا راح يصير بيتج ونزوكه خاتون تصيحيلها عمه وهي تصير مثل امچ ...تسمعين كلامها ومتزعليها ابد وإني كل فتره أمر عليج واشوفج .....اني بچيت بس سميره گالت لهنا وخلص دوري اني الي عليه سويته الباقي انتي وشطارتج ......
ودارت وجها على نزوكه وگالتلها هاي وصيتي يمج نزوكه ...ديري بالج عليها .....نزوكه ردت عليها لاتوصين حريص هاي وصية اعزاز ......
راحت سميره وعافتني من طلعت اجت عليه نزوكه وحلت شعري ...وفرتني فر ...وگالت ماشاء الله ماشاء الله خوش جابتلي جيبه سميره والله عدها ذوق .....وصاحت ولج قرطاجه تعالي هنا ....
اجت وحده بنيه تطلع اكبر مني بكم سنه بس هي تشبه الهنديات عيونها كبار زرك وسمره حنطاويه وجسمها مثل جسم الراقصات بس چان بيها شي يخوف نظرتها كانت مليانه حقد وكره تباوع على نزوكه بغضب ....اجت گالتلها هاااا يمه محتاجه شي ....گلت هاي بتها بس شو متشبها ....
تعالي قرطاجه شوفي شغلج ويه هاي الحلوه ....
سحلتني واخذتني على غرفه گاعده بيها بنيه ووحده تحف بوجهه...صاحت بيها گومي ولج ...وانتي توحه شوفي شغلج عدليها ورتبيها زين هي وصية الوالده....
لزمتني گالتلي افتري خل اشوفج وهي تعلج ...لعبت بشعري وحاجبي .....گصت من شعري شويه وصبغته لون حلو وحفت وجهي وخلتلي مكياج ....وصاحت على قرطاجه تعالي استلمي اخذتني قرطاجه على نزوكه ...من شافتني گالت تعالي ياحلوه ....انتي هسه كملتي ماتعبتينا شكلج يجنن ....بس اليوم ارتاحي باچر نبدي تدريبات الرقص حتى نصعدج ع الصاله .....
جاوبتها اني اعرف ارگص احسن من الممثلات ...گالت شوفيني ....صاحت على الولد الي اسمه فريد وگالت فى الطبله .....رگصت ركص نزوكه وگف عقلها وانبهرت ....
گالت منو معلمج الرگص ...گتلها من الأفلام هي بوستني وگالت انتي ذهب والذهب للذهب انتي متصعدين ع الصاله انتي راح اوديج غير مكان ....ونستفاد اني وياچ ...
وللحكايه بقيه انتظرونا........
