#ثار الدم
#ليوثي المياحي
_20_
الدنية صبحت واني لازمة الحبل..واحز بيه بالكزيزة..مالت بطل العرك اللي شمرة علية..جرجرت بيه برجلي..ولزمته بحلكي ..من عنكة..ولطخته بالحايط وكسرته..شك شفتي وخلة الدم يجري..لزمت حلك البطل بحلكي ودنكت على الحبل..وكمت احز بيه بالكزيزة مرة الزم الكزيزة بحلكي ..ومرة اخليهه بين زروري واحز الحبل بيهه..جان رابطني بحبل جنب متين اكثر من خمس لفات..كمت اسابق بالوكت..اريد اكطع الحبل كبل ميطلع..ضوة الفجر..حتى انهزم..ضليت احزحز الحبل بالكزيزة..العرك والدم انخبط..وكلما يجي ابالي بلال..كلبي يكوم يركص فرحان..لان اشتاقيتله هواية..اشتاقيت ريحته اشتاقيت لحضنه..تكول غبت عليه سنين..وكفت شوية وضميت الكزيزة لان اسمع حس رجال دخل وحجة وية حمّيد..وعافه وطلع..صوتمن ماعرفته..بس مو غريب علية..حاسة انو اني سامعته..بس وين ومنو ما اعرف..سكتت وماطلعت صوت لحد ماطلع..وراهه..رجعت اخذت الكزيزة بحلكي وكملت تحزحز بالحبل.. عيون حبيبي بلال احسهه تكلي كملي واكطعي الحبل ع السريع حتى ترديلي..لان مليت من الصبر..والحيرة..
الحبل انكطع..اني كيفت هواية..كمت وحليت الحبل من رجلية.. ما اعرف بيا منطقة اني..بس ردت اطلع من الدار حتى اعرف وين اتوجه..اخذت روحي..وكمت اتسحب على كيفي حتى مايحس..هذا العركجي..صارلي يومين..مربوطة ..حتى رجلية مورمة وخدرانه من الحبل ولان ماماشية بهل يومين..فما كدرت امشي براحتي..فتحت باب الغرفه..على كيفي..وما خليته يزيط ويفضحني ..طلعت..لكيت روحي بوسط حوش..وبيه خمس بيبان..وحدة من عدهن..باب جبيرة..كلت ماكو غير هذا الباب هوة الباب الخارجي..سرعت خطواتي..لكيت الباب قافلينه بقفل..جبير..كلت خل اضربه..بلكي ينكسر ما عندي غير حل..رجعت للغرفه..واخذت الكزيزة الجعبية مالت البطل جانت منبله..وطلعت توجهت للباب الخارجي..كلت اخاف يحس ويجي حتى احامي روحي بهل كزيزة..وكفت يم الباب والدم..بين رجلية..حسيت بحرارته وهوة نازل ..ما درتله اهمية..كمت اضرب بالقفل بلكي ينكسر..جان يسمع حمّيد الدك..ويكوم يركض اجة علية..اني فزيت.. تقربلي يريد يلزمني الجلب..كلت بس يتقرب اضربه ضربه..واخذ المفاتيح وانهزم ليبرة..من وصل يمي كام يصيح علية ويغلط ويسب..الفرس مالته جانت مربوطة بالحوش اجم متر..تقرب صار بصفي..دفعته..لزمني واني الدم يجري حسيت بروحي خلصت ومابيه حيل للمقاومة..هوة كدر يلزمني..من شعري وكعني بالكاع..وكام يجرجر بيه..وسحلني بالكاع..حسيت بكل حجارة وبكل كسوبة ..جنهه سجين وتجرح بجسمي.. اعيط واصرخ ..واتوجع بس ردته يعوفني ..وصلني للباب الخارجي فتح القفل..كالي ياله بيج حيل انهزمي.. وينة بلال حتى يجي يخلصج..اني استغليت الفرصه طلعت الكزيزة ونبتتهه بنص عينة .. الدم كام يطفر.. وكع بالكاع وهوة يصيح ويبحث..اني رجعت ع السريع اخذت الفرس صعدتهه وعسيتهه وما تلفتت وراي ابد..شديت اللجام وطرت .وخليته وي دمه..سايح..ويمكن كام يموت..ما جنت اعرف الوكت ولا المنطقة..جريت اللجام زايد طارت الفرس وخانك يادهر..وين متروح خل تروح بس خل اوصل اي مكان ..ويحلهه الف حلال..الدم يجري من جسمي كلة..شديت جروحي بوصلة شكيتهه من هدومي..طول علية الوكت..حتى قربت افقد الوعي الفرس اخذتني لديرة بلال..ما صدكت عيني..من فتحتهه..وجهت الفرس للدار..وكفت..ونزلت ..علياء اول من شافتني..واني ما اعرف اشجابهه بوكتهه..تفكيري جان ضايع..العيون تباوع على حالتي..واني ضايعه ..ما عرفت شفتهمو مني..عيوني شاخصة بعيون بلال..ومصدومة بنفس الوكت..مندهشة..منه مالكيت اللهفة علية من شافني.. لا اجة يركض علية..ولا شالني وضمني على صدرة..
ما سمعت بس عيطة..امي..وضربه اديهه على صدرهه..دارت بيه الدنية دخت وكعت ..واغمة علية...
بلال..واكف واباوعلهه واني مصدوم..مامصدك اللي شافته عيوني..اصلا ما اريد اصدك..الدم يجري من اديهه ومن حلكهه ومن رجليهه..عقلي وكف..ما عرفت شتو اللي جرالهه..اغمض عيوني..وارجع افتحهه..احتمال جاي اتخيل..رجلي اتبسمرت وما كدرت تركص حتى اشيلهه..او احضنهه..مثل ما جنت اتاني..اني اعزهه هواية ومشتاقلهه حيل..كلبي وجعني عليهه ..وهية هذري بحجيهه ..كتلته..كتلته..جان اكو جاجز بداخلي يمنعني اروحلهه..غصة جبيرة..صرخت صرخة تهد جبال وية طيحتهه بالكاع..
رجلية سبقني..وخفك كلبي..شلتهه بين ادية..مسلمة روحهه تكول خيط..شلتهه ورحت اركض للداخل..كلبي صار دم عليهه..وجهه شاحب لونه..وعيونهه غايرات ودماراتهه مبينه..مدماية..خالتي نجاة تلطم على وجهه وتعد...
حبيبتي اشسوو بيج..حبيبتي مدماية..اووويلي ع بنتي...اخوة زينة ساكتين..عمي علي ابو زينة..عيونه تدمع..ويبجي..اخوتي ..مصدومين..تعب ووجع..وغضب..وملامة..
امي كالت لرجاء اختي..روحي ركض صيحي خالتج حليمة..القابلة..خليهه تجي..احمد كاللهه..دلوني عليههاني اروح اجيبهه على فرسي..
سكتتهم وكلتلهم اكعدو..اني اروح اتمشى اجيبهه..واجي..
ردت بس مهرب حتى اطلع..مصيبة وحلت بيه..غمضت عيوني واذاني وحتى النفس..ماردته يطلع.. تالمت هواي وحس كلبي مقبوض..اريد اصرخ ..اريد ابجي..اركض حتى اجيب القابلة واني اريد اغلس..على مصيبتي وشرفي الراح..
خالتي نجاة..كعدت بصف زينة..تمسح كصتهه ..البنات جابولهه منشفة ومي دافي..تمسح بجروح زينة وتبجي..
اووويلي على بنيتي..كلبي صار نصين عليج ..يبنيتي الله اليستر..ان شاء الله ما تدنه عليج ابن الحرام..ياربي ..لاتجويني ببنيتي..شافت جسمهه كلهه مرضرض..وجلدهه كلة بقع زرك..وجهه اصفر..شفايفهه مطرجة..ومشككة..جرح بزرهه جبير..عبالك مجروحة بسجين او اله حادة..اديهه هم مجرحه..تنظف ببنيتهه..وتبجي..
ام بلال.. تروح وتجي بالحوش وتضرب ايديهه وحدة بالخ..وتكول..شلون لو يطلع متعدي عليهه..شلون وليدي شلون راح ينام وياهه..يبووو يفضيحتنه..بين الناس والعربان..
جاوبتهه علياء كالتلهه..هاذ اللي يهمج يمه..مرت ابنج وحبلة..كولي ربي يشافيهه..وابنهه بخير..
كالتلهه..سدي حلكج..شتدري من سلمت عرضهه..
علياء كالتلهه..يمه انتي هم عندج بنات..ميصير هيج تحجين..كولي خير..
كالتلهه..شوف شلون اتجاوب نوب ادافع لا خت رجلهه..سدي حلكج واسكتي..
كالتلهه ..سكتت..يمه ..خليج محضر خير لا تخسرين ابنج...
اني كمت اتململ..واول مفتحت عيوني شفت امي.. بصفي..
كالتلي..بنيتي ..شبيج..شنو اللي صارلج..يمه..
كتلهه لتخافين يمه..ماصار شي انهزمت..بعد ماكتلته..يمه كوليلهم خل يرحون يشوفون شصارله..
امي كالتلي..هوة منو بنيتي.. اللي عمل هاي العملة السودة..
كتلهه اللي ردني الكم ..مربوطة..من دزتني وياه خالتي ام بلال..
امي كالتلي ..بنيتي بس شنو هل جروح اللي بجسمج..
كتلهه ..اريد اشرب مي..واحجيلج..يمة..
ما حبيت احجي او اوضح كلت خل اشوف الكلوب..والنيات..ومنو عندة ثقه بيه..ومنو راح يوكف وياي ومنو ضدي..ما نسيت..نضرتهم الية..وخصوصا نضرة بلال..ماجانت عاجبتني ابد..
امه كاعدة بصفي..ولا كلفت نفسهه وكالتلي كلمة حلوة..جانت تباوعلي بطرف عينهه وكل شوية وتمصمص بشفايفهه..امي هية اللي مسحت جروحي وهية اللي بجت علية..المفروض حبيبي..هوة اللي الكاه بصفي.. ومحاوطني بحبه وحنانه..وين راح كل ذاك الحب والحنان...
اصبر بروحي..حتى ما اظلمة..وهوة ظالمني..
بلال دخل وجايب وياه القابله..دخل وجت العين بالعين..حجي هووواي..لوم..وحسرة..والم..ودم..وتنهيد..ماكدر يحط عينه بعيني..مثل ما متعود..حسيته يتهرب..مني..كلبي عصرني من جوة..
خلاني وطلع..القابلة..نضفت الجروح وداوتهن...وكشفت علي وطمنتني..كالتلي..لا تخافين الطفل بخير ..اصلا هو بعدة بالاشهر الاولى...تحركتي هواي وتعذبتي..ديري بالج عليه..بس شنو هذا الجرح..اللي بزرج..
كتلهه هاي خليت كزازة..بين زروري..مرة.. وبحلكي مرة..واني مربوطة..ضليت احز بالحبل بالكزازة..لان جان رابطني ابن الجلب..كطعت الحبل..وضربته..بالكزيزة..وانهزمت..
كالتلي..انتي قوية واصيلة وبنت رجال..حتى بلال..كلبه يريد يطلع..يكلي شوفيها اليه زينة لو لا..والله عندة حق..مرته..وزينة داره..يحب يطمن عليج..
طلعت اوصلتهه امي ..لحد الباب..وهوة ما كلف نفسة واجة..دخل ورة شوية..وعيونة مورمة..وحمرة..
كالي..زينة شسوالج هذا الجلب..
كتله..هذا كل اللي يهمك..اهتم بحالك..اني بخير..والحمد لله..كالي..بردي كلبي وكوليلي شسوالج..كلمة منج تطفي نار البكلبي..والباقي علية..
كتلني..وكلبي.. احس سجاجين وتطعن بيه..
كتلة ..ابرد كلبك تريد..روح للي خطفني..اسأله وهوة يجاوبك..هاي عود اذا لكيت بيه نفس..
كالي..انتي دائماً تفهميني بالمكلوب..كوليلي خليني اخذ بثارج..
كتلة ..ثاري فديته..بأيدي..ما محتاجة واحد ياخذة..
دخلو..خواني..وابوية وعمي ابو بلال..جنت احسهم يستحون مني.. محمد اخوية حجة كالي..زينة كولي شسوالج..هل جلب..كتله..ماسوة شي ..روحو شوفوه..لان ضربته بجعبيه بطل منبلة بعينة..والدم كام يجري منه..كالي..وين بيا ديرة..بيا مكان..كتلة..بالبيت اللي بالستان ..باطراف الديرة..
درت وجهي وتنهدت..اللي وجعني..انهم مفكرين بالسهولة انطي شرفي..اني اموت ولا اخلي واحد يمس شعرة مني..واللي خمنته طلع صحيح..الحب اللي متعودة اشوفهه..واللهفة بلهجته..ما لكيتهه..كلبي انقبض..وكلب ضده..تخلص هل مشكلة وارجع لدارنه..تهدة الامور..وارتاح..واعوف الدنية كلهه اله..على وسعهه..اروح وية اهلي..حتى يصحة ومايلكاني..هوة مايهمة وجعي وجروحي..ودمي.. هوة شاك بيه..ويريد ياخذ حقه..مو حقي..اني بعد عليش كاعدة وياه..طلع من يمي هوة واخوتي ..وراحو لدار حمّيد اللي خطفني..
بلال..اركض حتى اوصل للجلب اني ومحمد واحمد..اتمنى الكاه..حي حتى اكتله..بأيدي..ابوية خبر الشرطة..وتعاركت وياه..ان شاء الله ما يلحكونه..كبل ما نوصل..كمنه نسابق بالزمن..عقلي وكف..يمهه..القابله طمنتني..بس اني جنت احب اسمعهه من حلكهه..مشينة ..وجان الطريق اطول طريق مشيته..كلوبنة معباية قهر وضيم وحقد..وصلنة الدار اللي دلتنه بيه زينة..لكينة حمّيد واكع بالكاع..سابح بدمه.. زينه.. ضاربته بكزازة بعينة مطلعتهه اله..لكيناه يشخر..اخذت شماغي ولفيت الجرح..مسحنه دمه..وكمنه نحضر ارواحنه..حتى ناخذه..جان نسمع صوت واحد راكب على فرس ويصيح..حمّيد...حمّيد..وينك؟؟ما لكيتك بالبستان..اطلع..وعوف زينة الليله..احرسهه
طلعنه من الدار باوعناله..واجت العين بالعين ..ابن عمهه عريس الغفله..شافنه..راد ينهزم..على الفرس مالته..جان محمد يلزمة..ويجرة ويوكعه بالكاع..التمينه عليه وشبعناه كتل..جبت بندقيتي..ردت اصوبه بيهه..بس الشرطة اجوي..وخلصوه من ادينه..الدنية انكلبت..وركبونة بسيارة الشرطة..الجيب..واخذو حمّيد.. للمستوصف..ودخلنة بدنية لخ..سببهه الثار والدم..
بدة بالدم وانتهى بالدم.. صعب ثار ينحل بالبوس والحب..الثار ما يوفى الا بالتضحية والدم....وللحكاية بقيه
