#ثار الدم
# ليوثي المياحي
_19_
ابمنطقة ثانية.. بالاطراف..بين ديرة زينه وديرة بلال..وبين البساتين مالت الزيتون..الدنيه جانت ليل..بس ضوة الكمر ساطع..حطب مشتعل ونار لاهبة..ومجموعة من الرياجيل كاعدين يشربون ويغنوون.. اغنية سعدي الحلي..
عيوني مساهرات الليل
وعيون البشر نومه
على ولفه يريد ينوح
ليش الوادم اتلومه..
وسوي نايحة على الراح..
كل يوم اليجي بيومه..
حميد جان يتنهد...آ آ آ آه..ياخوية.. احسهه نجمة..نجمة بعيدة وتلالي..تضوي كل الدنية..
خزاني وشمت بية الناس..خطفت نجمتة.. خليته يدور مثل المخبل..
رد عليه صاحبة انور..كالة ياخوية شبيك تحجي بالالغاز..فهمني.. ترة كلشي تخربط علية ..مني نجمة ومني الكمر ..السكر عربد بيهم ..وحمّيد..كام يمسلت بالحجي..لا..لا..اخي مو نجمة..هاي كمر ..تكول للشمس وخري واني بمكانج..شعرهه ليل..خدودهه ورد عيونهه عيون الريم..حلكهه يسحر..خصرهه يعذب..ياااااااا خوية..هذا حابسهه بدارة..ذلني بالديرة..على زمال مريض..ورابطني بالمكلوب..خلاني ضحكة بلحلوك..
بس اني هم قهرته على زينتة..وخطفت نجمته..بس يا اخي شكد عنيدة ومااكدر اغتصبهه..
انور وكف حس السكرة طارت من راسة..كالة..لتكلي..هاي مرت بلال..؟؟شلون تخطفهه ..هية هاي عملة تعملهه..والله اله يكتلك ويسحلك ويكطعك ويذب لحمك للجلاب..بس يعرف..حمّيد كالة ومنين يعرف
الا اذا انته كلتلة..واذا سمعتك كايل لاحد..الا اكتلك..
كالة لا اخي..اني لا شفت ولا سمعت.لا تذبهه براسي..اني ما اريد اموت..ما جايز من روحي...ياله تصبح على خير..حمّيد كاله وين رايح بعد وكت..كمل هل بيك..
انور كاله ..خلي البيك الك..طار واهسي اروح انام اخير لي... انور راح وبقة حمّيد وحدة كمل السكر ..لحد ما فقد..اخذ روحة وهوة يطوطح..جان بلال طاردة من الديرة..ونطوه بيت على اطراف الديرة ..عايش بيه..وحدة ..والناس تصدق عليه بالاكل..اجة يطوطح..وصل للدار..على طول راح للغرفة اللي مربوطة بيهه زينة..
زينه جان شعرهه مكفش..وجهه اصفر..رابط رجليهه..واديهه بحبل..وشادهه بالغرفه..
اني ريكي جان يابس وهدومي..مشككة..وعيوني مورمه..من جابني ليهسة ماخليت ولا لكمة بحلكي..رجليه..مجرحة من قوة شد الحبل..عيوني تجوحضت..وراسي كام يوجعني..دخل علية الجلب..وبايدة بطل العرك..
كالي..هاا ما حنيتي علية..
كتلة لعنه الله عليك..انته مو رجال..دفك الحبل وشوف شلون اخليك مثل الواوي الحادته ذيابة..
رمى بطل العرك وهوة غضبان..وجان يهفني براشدي.. كلب خلقتي كلب..كالي هذا الواوي اذا هجم عليج راح ينتف لحمج لحمة لحمة..غير اني كلبي طيب واريد اسايسج..كتلة تفوووه عليك وعلى رجولتك..جان لبست عباية نسوان وغطيت بيهه عارك احسن الك..جان يكفشني من شعري..ويسحلني سحل..كالي..
شنو اللي عندة وماعندي..ليش هوة ارجل مني..انزع سروالي حتى تشوفيه..لو شنو..
كتله..عيب انته تكول اني رجال..الرجال مو بماله..انته ماتسوة واحد اصلا يباوع بخلقتك..اشجابك ع الفرسان..كام يضرب بيه بالزايد..زرك خدودي واني عيوني كامت تجدح نار..
كالي..انتي ديري بالج ع روحج..ترة اني لو اريد اخذ غرضي جان اخذته منج بالغصب..كتلة جذب على روحك..تكدر تمسنة احنه اسيادك..او تتطاول علية وعلى بلال و بيته..تعرف نهايتك الموت..وابشرك الموت قريب عليك..
كام يضحك منهه ومن حجيهه وريحة العرك فاحت وترست المكان..كالي..اطمني روحج..لحد ما يعرف مكانج..اني ماخذ غرضي منج ودازج اله..اهم شي كسرت خشمة..ومرغته بالوحل..وبعد انتي اخذ اللي اريدة منج.. فد شوية..حضري روحج زين...كتله الله لا يوفقك ..تريد انطيك روحي بهل رخص..تفوووو عاللي مسوي روحة رجال..تقرب مني وضربني راشدي..برد بيه كلبة..سبني وسب بلال ورمى البطل علية وراح انجفة ونام...
بلال..اوووف لا تلمني سمه ولا كاع..كلبي يوجعني وديعصرني عصر..كاعد ادور بس ما اعرف وين..دمي فار بس اتاني الدنية تصبح..لا..لا..لبست هدومي..ولفيت شماغي..وحطيت بندقيتي بجتفي..وطلعت..ركبت حصاني..وخليته يمشي بكيفه وين ميريد ياخذني..امشي وبالي مو يمي..ونور الفجر بين..عبرت دارنه..شفت خيال مال واحد جاي يطوطح..وكفت حصاني حتى اعرفه منو..ركزت عويناتي عليه وعاينت...حسيت اكو نار شبت وطفت من عرفته ..جت العين بالعين.. اني بس كتله صباح الخير.. هوة وكف لحيلو وانهزم..كعدت واني حاير..شنو سالفته هذا..وليش انهزم مني..من شافني..هذا اكيد بطل العرك لعب بعقله..عفته وكملت المشي ..ما اعرف ليش امشي.. وكلبي ..مالوم واخذني الابن عمهه محمود اللي جان رايدهه..كلبي يكلي..هوة ورا هل سالفه كلهه...مشيت واني اريد اراقبة.. بلكي الكة خيط يوديني ع مكان زينة..دورت..عليه ما لكيته لا بداره ولا بالكاع مالته..وين يروح ما اعرف..بس كلبي يكلي هوة ورة خطفة زينة...من كثر التفكير ايست..والشمس..حركت راسي..كلت ارجع لدارنة كافي هواي دورت اليوم..ورجعت خايب وبحركتين حركة الشمس وحركة كلبي..على كد حركة كلبي..كلت بس الكف اللي خطفهه الا اكتلة..امشي..وحدي بالبساتين..واصيح..وين الكاج زينتي..وين..كلبي كام يغلي..وية الحر..وما احس الا يجيني راشدي..وكعني من حصاني..باوعت واني بالكاع..جان اشوف عريس الغفلة..ابن عمهه..اني جنت لاف الشماغ ع وجهي.. فما عرفني..كمت وجان ابطحه..وانام فوكاه..كتله اليوم ابرد نار كلبي ..وارجع حكي.. اخذت بندقيته ورميتهه منه.. هفيته راشدي وكتلة..وين زينة..احجي ترة والله اكتلك..اكتلك..
كام يوخر بيه.. ويلهث يريد يخلص روحة..كالي..اني شدخلني..بيك وبيهه ما لكيتهه جاي تريد اذبهه براسي..
كتلة باوع اذا انته جنت ورة خطف زينة ماتلوم اله نفسك..انته وين جنت من الصبح الحد الليل من انخطفت زينة..احجي وين جنت..كول احسلك..
كال.. حتى لو جنت اعرف شي مراح اكلك..حتى لو تتوسل بيه..واكلك اي اني شامت بيك...لان اخذتهه مني..وكدام عيني..
لزمته ودك كتل دميتة وفوخت كلبي..ما خليت شي بيه..ما نعنعته..خليتة بالكاع ويصرخ ويتوعد..صعدت حصاني..ورحت..خليه يموت..جلب ونذبه ع الزبالة..امشي واسمعه يكول..صحيح انته غدرتني..بس غدرتي الك..بالموت..وراح اتشوف..
رجعتله..وخليت بندقيتي بوجهه..حتى اخوفه..كام يضحك ودمه سايل من حلكة..كالي اكتل..بس تبقه حسرتك عليهه..الا الكاهه كبلك..والايام بيناتنه..وكتهه الاحق بيهه ياخذهه..نزلت ايدي ع الزناد..كلت اموته خلاص..واسمع..عياط نسوان جايات يركضن ويلطمن عليه..رجعت بندقيتي بجتفي وركبت حصاني..ومشيت..كتلة..وين تروح مني..ما اكون زلمة اذا ماكتلتك ياجلب..نتكابل وكتهه.. هديت روحي شوية..وبردت اعصابي..ورجعت لداري..الجماعة جانو ملمومين..كلهه تسأل وين جنت..دخلت بدلت ..اخوتهه سالوني وين جنت ..ضلينه بقلق عليك..
امي كالتلي وين جنت وليدي..كتلهه بله لا تسألين وعوفيني لان اللي بيه مكفيني..كمت رحت كعدت بالربعه شوية وكمنه نحجي بسالفه الخطافه..لمينه ارواحنه اني واخوتهه..حتى نطلع ندور من جديد..جان انفز على صوت طربكة حوافر الخيل..جاية..علياء عيطت..طلعنة نركض..لباب الحوش...زينة واكفة..هدومهه مشككة..على جسمهه..شعرهه منفوش ودمهه يجري من شفايفهه..ومن ايدهه..ومنبين رجليهه..تعيط وتكول كتلته..كتلته..يا وووويل كلبي...وللحكاية بقية..
