He's Dating A Beki,Too! (boyxboy) - COMPLETED!

Beki eighteen!

"Bakit mo ginawa yon?!" sabi ni Kipp ng maghiwalay ang aming mga labi.

"Hindi ako nawawalan ng pag asa Kipp. Alam kong may nararamdaman ka para sa akin." ang pagpupumilit ko. Alam ko,ramdam ko iyon dahil tumugon sya sa halik ko.

Agad nya akong hinila at dinala sa likod ng isang building. "Makinig ka. Kung anong meron sa atin ay tapos na. Huwag mo na akong guluhin. Ngayong nagbalik na sakin ang mga alaala ko,nagbalik na din ako sa dating ako. Huwag mo na akong lalapitan pa. Delikado akong tao." seryoso nyang sabi. Nakita ko sa mga mata nya na nakikiusap talaga sya.

"Pero,may tiwala ako sayo." ani ko.

"Well,I don't trust myself,Lai." aniya at tumalikod. Nakakita ako ng pag asa,pwede pa syang magbago,pwede pa nyang makasundo sina Bless at Keez.

"Mahal na mahal kita eh. Miss na miss na kita. Hindi ako naniniwala nung sinabi mong ginamit mo lang ako. Kasi nung mga panahon na may amnesia ka,ramdam kong totoo ang mga pinapakita mo. Hindi porket bumalik na ang mga alaala mo ay babalik ka na din sa dati." ang lumuluha kong sabi. Naalala ko yung mga panahon na magkasama kami at masaya,pati yung una syang nag approach sa akin.

"Napaka kulit mo. Ang dami mong drama. Kung may sinabi man ang mga bestfriend mo tungkol sa akin,maniwala ka sa kanila." aniya na nakatalikod pa din sa akin.

"Kung may sinabi man sila,hindi na mahalaga yon. Mahal kita at tanggap ko ang lahat sayo,Kipp."

"Tss! Nakakasawa ka. Huwag mong hintaying hindi lang masasakit na salita ang matanggap mo mula sa akin." at humarap na sya,pero naglakad sya at nilampasan ako. Agad ko syang hinabol.

"Mahal mo ba ako?" lakas loob kong tanong ng harangin ko sya. Tiningnan nya ako at nakipagtitigan.

"It doesn't matter. Get out of my way!" at buong lakas nya akong itinulak kaya sumalampak ako sa lupa.

Somehow,I felt relieved. Pero hindi ko alam kung ilalaban ko pa ba ang pagmamahal ko kay Kipp o hahayaan ko na lamang sya.

Tumayo na ako at pinagpagpag ko ang sarili ko. Babalikan ko sa cafeteria sina Bless at Keez. They might hate me again dahil matigas ang ulo ko. Pero lahat naman nagiging tanga sa pag ibig diba? Pero nakakakita pa ako ng pag asa.

Kung kailangan kong gawin ang lahat,gagawin ko.

Pagkatapos ng insedenteng iyon ay bihira ko ng makita si Kipp. Pero ayos lang dahil bumubuo na ako ng plano,maaaring sabihin ng ibang bakla na cheap ako,pero anong magagawa ko? At saka hindi naman lantaran ang paghahabol ko,at pang huli,may rason.

Isang gabi,sa amin nag dinner si Keez,ang saya saya namin,lahat ng jokes nya patok talaga kina Nanay at Nanay Beth.

"Ang kengkoy mo,kaya hindi ka nagkaka girlfriend!" natatawang sabi ni Bless kay Keez.

"Kumpara naman sayo! Iniiwasan,kasi akala nila,pipi!" sagot din ni Keez na ikinatawa naming lahat.

Natigil ang tawanan namin ng tumunog ang phone ni Keez. Lahat kami ay nagtaka,usually kasi pag nandito sa bahay si Keez ay hindi na sya inaabala ni Tita Roan. Ano kayang problema?

"Yes Mom! Okay,uuwi na ako. Wala naman akong magagawa pag si Dad ang nagdesisyon." ani Keez at pinutol na ang tawag.

"Bakit daw?" taka kong tanong.

"Nasa bansa na si Tito?" dagdag naman ni Bless. Bumuntong hininga muna si Keez bago sumagot.

"Tutal daw patapos na ang sem,ililipat na daw ako ni Dad sa Canada para din matrain sa company namin. Sa totoo lang ayoko eh." malungkot na sabi ni Keez. Maging ako ay nalungkot din.

"Ayos lang yan anak. Gusto lang ni Raul na mapabuti ka at may sumunod sa yapak nya." ani Nanay.

"Dadalaw ka naman dito diba?" ani Nanay Beth.

"Ano ba kayo? Pinapalungkot nyo na agad eh hindi pa nga umaalis yung tao. May 1week pa bago matapos ang sem." ang pagsingit ni Bless. Ako naman ay napapaisip,siguro dapat kong sulitin ang mga panahon na makakasama pa namin si Keez.

Nang makauwi na si Keez ay sinabihan nya kami na sulitin daw namin ang natitirang one week,pumayag kami ni Bless,ang sabi ni Bless punta daw kaming tatlo sa Enchanted Kingdom.

Kaya ako,eto habang nakahiga ay panay ang pag iisip. Kaya ko ba na wala si Keez? Si Bless siguro kaya nya dahil hindi naman sya yung taong basta basta nagpapakita ng emosyon. Pero ako,ngayon pa lang ay namimiss ko na si Keez. Posible pala yon?

Isantabi ko muna ang pagbawi kay Kipp,madami pang panahon para dun,gusto ko munang bumawi sa mga bestfriend ko,hindi ko man masuklian ang pagmamahal nila,ipapakita at ipaparamdam ko naman na mahal ko sila bilang mga bestfriend ko.

Hindi ako makatulog kaya bumangon ako,tinungo ang bintana at sumilip dun. Tahimik na ang paligid,at napakaliwanag ng buwan.

Nang ibaba ko ang tingin ko ay may nakita akong tao na nakatayo sa harap ng bahay,ngunit hindi ko makilala. Agad din itong naglakad ng kaunti at sumakay sa isang kotse.

Ang bilis ng tibok ng puso ko. Posible kayang sya iyon? Ganitong oras din sya dati pag tatawag.

Agad akong lumabas ng kwarto at dahan dahang naglakad pababa para hindi makagawa ng ingay. Nang tuluyan akong makalabas ay wala na ang sasakyan.

Napabuntong hininga ako,baka namamalikmata lamang ako at kung anu-ano na ang nakikita.

Dumating ang araw ng pagpunta namin sa Enchanted Kingdom,isinama namin sina Kyso,Chase at Finn. Sa isang van kami sumakay at si Kyso ang driver,plano din kasi namin na pag uwi ay mag inuman,dahil bukas na ang alis ni Keez.

Walang pagsidlan ang kasiyahan namin ng araw na iyon. Kahit nga ng nag iinuman na ay masaya pa din. Kaso nung may mga tama na ng alak,naging emosyonal na si Keez.

"Hindi ko alam kung paano mabubuhay sa Canada na wala ang dalawa kong bestfriend. Parte na sila ng buhay ko,kasama ko na sila mula sa umpisa." ani Keez at tumagay,nagkatinginan kami ni Bless.

"Parang hindi na naman tayo magkikita kung magsalita ka Keezue." ani Bless.

"No,makinig kayo, mahal ko kayong dalawa,bukod kay Mom ay kayong dalawa ang naging sandigan ko,kaya hindi ko alam kung paano ang buhay kung wala kayo pati sina Nanay Linda at Nanay Beth."

"Lasing ka na Keez. Maaga pa flight mo bukas,magpahinga ka na." sabi ko at lumapit dito.

"Nakakahawa pagiging malungkot nyo." ani Chase.

"Ganun talaga tol. Magkakarugtong na mga bituka namin eh. Hinding hindi namin ipagpapalit ang pagkakaibigan namin sa kahit ano pa man. Tingnan mo kami ni Bless,mahal na mahal namin si Lai ng higit pa sa bestfriend pero ayaw namin maging makasarili,ayaw namin ipilit ang damdamin namin,mas pipiliin pa din namin ang pagiging mag be-bestfriend namin,kaya nga lang,sobrang nasasaktan kami pag nasasaktan si Lai." mahabang sabi ni Keez at tumungga.

Napanganga ako,hindi ko alam kung anong sasabihin ko,tiningnan kaming dalawa ni Bless nina Chase,Kyso at Finn. Napalunok ako.

Ganun na ba kabigat ang pagmamahal nila sa akin? Oo dati crush ko sila,pero ewan bigla iyong naglaho eh. Parang gusto kong sisihin ang sarili ko dahil hindi ko masuklian ang pagmamahal nila.

"Keezue. Lasing ka na. Matulog ka na at maaga ka pang susunduin dito ni Tita Roan. Nagiging madaldal ka na,gusto mo bang mailang si Nicolai?" ani Bless at lumapit na din kay Keez para alalayan itong tumayo. "Ang corny mo." nakangising dagdag ni Bless.

"Kaya ko pa sarili ko. Atleast alam ng mga kaibigan natin ang nararamdaman natin kay Lai. At saka ikaw! Huwag mong pababayaan yan ah?"

"Alam ko,you don't need to tell me." napapailing na wika ni Bless. "Saglit lang ah? Ihatid ko lang ito sa kwarto." at tumayo na din si Keez,inalalayan sya ni Bless papasok sa bahay.

"Na speechless ako." ani Chase at tumungga.

"Pagpasensyahan nyo na ah?" sabi ko na lamang. Hindi ko na kasi alam kung anong sasabihin eh.

"Napaka swerte mo." halos sabay na sabi ni Kyso at Finn.

Kinabukasan ay maaga kaming gumayak papunta sa airport. Tahimik lang kami lahat at kapwa nagpapakiramdaman.

Ngunit ng pumasok na sa loob si Keez matapos magpaalam sa amin ay hinabol ko sya at niyakap ng mahigpit.

"Mag iingat ka. Mamimiss kita ng sobra!" sabi ko habang umiiyak at nakayakap kay Keez.

"Ikaw din. At please lang,iwasan mong masaktan,dahil baka pag nalaman kong nasaktan ka ay uuwi agad ako dito sa Pilipinas."

"I promise. Pero lalaban ako ngayon. Alam kong mahal din ako ni Kipp."

"Ang tigas ng ulo mo Nicolai! Pero wala naman akong magagawa eh." aniya,hinawakan ang mukha ko at tinitigan ako. "Mahal na mahal kita. At kung bumalik ako na may iba ng minamahal,huwag na huwag mong kakalimutan na ikaw ang nauna. Sige na,I love you." at mabilis nya akong hinalikan sa labi at dumiretso na ng pasok sa loob.

Iyak lang ako ng iyak hanggang makauwi. OA siguro para sa iba,pero iyon ang nararamdaman ko,pakiramdam ko may nawalang parte ng pagkatao ko,kahit na alam kong babalik naman sya,ganun lang siguro talaga,lilipas din ito.

Hanggang sa lumipas na ang mga araw,medyo okay na,at ngayon nga simula na ng third semester,naunang pumasok si Bless dahil mas mabigat na ang mga ginagawa nila ngayon,diba nga graduating sya? Pero kahit ganun pa man ay nagtatatrabaho pa din kami sa gabi,sayang ang sweldo,para yon sa mga magulang namin at sa future namin.

"Yeah,I can't believe na magagawa yon ni Emerald." dinig kong sabi ng isang babae sa likod ko habang papasok sa campus.

"Okay lang siguro yon,gwapo naman si Bless at paniguradong mahal sya kaya sya binuntis." sagot pa ng isang babae.

Binuntis? May nabuntis si Bless? Paano nangyari iyon? Ang alam ko ay ibang babae ang dine-date nya dati? At sino yung Emerald?

"Matagal na daw yon,walang ibang nakaka alam,sakto nga sa graduation ang due date ni Emerald,nakakainggit!"

"Magpapakasal siguro sila after graduation? Kung wala pang nakakita sa kanilang dalawa na sweet habang namimili ng gamit ng baby,wala talagang ibang makaka alam."

Bakit ganon? Naglihim sa akin si Bless! Sa amin! Lalo na kay Nanay Beth!

"Kahit yung mga bestfriend nya."

Sa pagkakataong iyon ay nilingon ko na sila. Nagulat sila at agad akong nilampasan. Ako naman ay natulala na.

Sinasabi nyang mahal nya ako pero may nabuntis pala sya? Ang tagal na nya kaming niloloko! Kaya pala palagi syang umaalis,kesyo may group project at kung anu-ano pa.

Hindi ko tuloy maintindihan ang nararamdaman ko. Wala naman akong karapatan dahil bestfriend lang ako,iba ang mahal ko. Pero kasi bakit nya pa sinabing mahal nya ako?

Sa pagkakatulala ko ay nagulat na lamang ako sa sigawan ng mga tao. Paglingon ko ay may humaharurot na sasakyan papunta sa akin. Huli na para umiwas ako dito.

Ang tangi ko na lang ginawa ay ang pumikit.