حلقة 1 :
مشيت نمسح في الطاولات وانا نغزل وننفخ سي برهان مش عوايدو يطول عليا هكذا شفت مع الساعة 6:30 تاع العشية كان لازم يكون هنا من نص ساعة مشيت نحيت مريول الخدمة هزيت ساكي نسمع في الباب رحت نجري نسمع في صوت رجليه داخل
- سي برهان ...ماردش وصلت نشوف فيه واحد دخل ومش اي واحد حضورو طغى ريحتو سبقتو دخلت مع نفس تاعي شعر اكحل ولحية خفيفة حواجب وعينين ضيقين كيما يقولو كيف الصقر لابس كوستيم كحل واقف مع بدنو والطول اه يا ربي واش من طول راهو ضخم تبا نحس في روحي قزمة قدامو شكون هذا ؟
مزلت واقفة نشوف معاه عينيه يخوفو تحسهم باردين وفي نفس الوقت يختارقوك بشوفتهم دخل يديه في الجيب وشاف معايا قلبي يرعش توتر حكمني نزلت عينيا تحت نسمع فيه يقرب
شهاب : سي هارون وين نلقاه ؟
صوتو عميق والنبرة تاعو خشينة مع بحة هزيت عينيا بسرعة فيه جات عيني في عينو زاد توتر تاعي ...عيناه مربكة حد الهلاك .... رديت عليه
-مزال ما رجعش
في هذا الوقت دخل سي هارون كان يلهث
هارون: مسيو شهاب سامحني طولت عليك يمكن ؟
وقف يشوف مع الكافيتيريا وملامح وجه سي هارون ما تتفسرش كنت نقدر نحس بالتوتر تاعو مش غير هو توتر المكان كلو قعدو يحكيو من ملامحهم فهمت بلي كلام كبير مكنتش نقدر نسمع واش راهم يحكيو بعدها وقف هو ملامح غضب في وجهو تلفت ليا شاف معايا بعينين الصقر لي عندو توترت نبلع في ريقي رجع يد في الجيب وخرج ..
كان قلبي مزال يرعش كي تكلم سي هارون
هارون : نجاة بنتي لازم نحكيو
صوتو فيه جدية كبيرة وقلبي ماكان قايلي خير
-نعم سي هارون
هارون: اقعدي هنا
مشيت بخطوات ثقيلة وقعدت مقابلتو وهو كان يحوس علا الكلمات منين يبدأ
هارون: بنتي كيما تعرفي الكافيتيريا تعنا صغيرة و رجعت ستيل قديم والناس ماعادتش تجي ليها كيف بكري
-ايه نعرف رانا في وقت صيف والخدمة شوية عاطلة
هارون: يا بنتي سامحيني على لي راح نقولو نعرف انتي معتمدة بزاف علا هاذ الخدمة لكن مصروفها اكتر من الربح تعها ومعدتش نقدر نسدد الفواتير تعها راني قررت نبيعها
نسمع فيه وغصة كبيرة في قلبي نحسو يتقطع اول شي جا في بالي وين بش نروح منين بش نعيش وين نلقا خدمة كيفها قريبة ليا
- سي هارون تعرف وضعي كي تبيع انت الكافيتيريا انا وين نروح
هارون: بنتي خممت في كلش لي شفتيه من قبيل هذاك مسيو شهاب *** عندو سلسلة فنادق و مطاعم كبرى في كل البلاد وحتى في الخارج وراه حاب يشري الكافيتيريا تاعي يحب يبني فيها مطعم كبير فيه طوابق بزاف ومعاه مول تجاري ووعدني يوفرلك خدمة فيه
حسيت دم نشف في عروقي ويديا تربطو
-سي هارون تعرف بش يبني قداه من شهر يلزمو يعني اذا مش سنوات تتصور كيفاه نعيش انا
هارون: لا اقترحت عليه يخدمك في مطعم كبير من تاعو خممي فيها بلاصة احسن من هذي و خلاص اكبر من هذا وحتى يمكن تستعملي موهبتك في الطبخ مش كيف هنا غير قهوة و ڨازوز
نزلت عينيا من بعد هزيتهم شفت مع الساعة في الحيط
-سي هارون انا نروح توخرت بزاف باش نهز بنتي راني متوخرة بساعة
وقف لعندي حط يدو علا كتافي يطبطب عليه
هارون: غدوة متجيش هنا راهم يتاصلو بيك من بعد تبداي خدمة عند مسيو شهاب
حضنتو نودع فيه دمعة صغيرة على طرف عينيا
-مش معناها مانزيدش نشوفك سي هارون
هارون: تشوفيني و بزاف تاني
ضحك و خرج من جيبو خلاص الشهر تاعي ومدهولي سلمت عليه وخرج قربت السبعة سلطانة ليوم تعمل فيا تكره نطول عليها متفاهمين 6 نهز بنتي من عندها وكل ما نتوخر تطلب زيادة مشيت بخطوات كبيرة دخلت للحومة لي ساكنة فيها حومة شعبية فيها ناس من الانواع كلها صح كلهم قد حالهم لكن كاين القاري ولي عمرو هز كتاب كاين الرجلة وكاين الخواف كاين ولاد الحلال و ولاد الحرام كاين نسناس وكاين لي همو غير روحو يعني الحومات الشعبية تلقاهم هكذا الضد كلو يجتمع فيهم وصلت للبناية تاع سلطانة دخلت عرضني ولدها الصغير هاز سكين
ايمن: اعطيني 5 دينار
شفت معاه و بيدي بعدتو من طريقي وطلعت الدروج
- ايمن بعد من قدامي و راني طالعة لعند امك نقلها راهو يلعب بسكين
مشيت وخليتو يعني واش راح يتعلم من خاوتو راهو يعمل كيف مايشوفهم يعملو اصلا شكون يكبر في حومة كيف هذي و مايتعلمش يهز سكين معاه دقدقت في الباب نسمع في سلطانة تحكي و تسمع فيا
سلطانة: ساعة راهي ساعة كاملة يا نجوى
حلت الباب وانا مسمعت حتى كلمة من لي تحكي فيها بنتي في يديها كي شافتني ضحكت ضحكتها تنسيني الدنيا كل مدت يديها الصغار ليا هزيتها لعندي نبوس فيها و نعاود ونشم في ريحتها لي كيف المسك
-يا حبيبة ماماها يا روحي انتي توحشتك توحشت ريحتك سامحيني طولت عليك حبي
سلطانة: ايه انا هنا خيال مش سامعة بيا تشوفي بنتك تنساي الناس كل وانا هنا معاها من التسعة تاع الصباح شيطتني تبكي
تنهدت وشفت مع سلطانة مديت يدي على كتافها
-يا سلطانة يا للات النسا سامحيني والله تعطلت وعلاه الغش هذا ليوم خلاص الشهر
دخلت يدي في ساكي خرجت خلاصها حق شهر مديتهولها عوجت فمها حسبتهم و دخلتهم تحت ثيابها في صدرها
سلطانة: ايه مرة أخرى ما طوليش عليا حتى انا عندي دار واولاد وراجل لازمني نتلها بيهم
نبوس في يد سلين لافة صوابعها على صبعي - ايه كي حكيتي على ولادك ..ولدك الصغير راهو تحت يلعب بالسكين
مشيت وهي خرجت تصيح تقلو يطلع لعندها ههههه عايلة مهبولة .
وصلت للدار مش بعيدة عليهم سلين تبكي جاعت موالفة نرضعها كي نوصل نسكت فيها ونفتش بيد في ساكي على المفاتح - اسسس يا روحي سايي سايي
دخلت حطيتها على السرير هي ترقد معايا ضروفي متسمحش نشريلها سرير تعها خاص والبلاصة ضيقة لانو مجرد غرفة و كوزينة و صالدوبان حليت الشباك يتبدل الهوا رحت غسلت ورجعت ليها حطيتها في حضني نرضع فيها كبشت فيا بيديها الزوز قعدت نمسح على شعرها الخفيف لي كيف الحرير وخدودها الروز نعشقها ونعشق ريحتها هي كلش عندي في هذ الدنيا معنديش من غيرها و حاجة ماتهمني من بعدها...يتبع فالتعليقات😘😘
نلقا تفاعل نكملها
