ﺍﻟﺤﻠﻘﺔ 14
ﻛﻨﺖ ﻧﻀﻒ ﻛﻲ ﺍﻟﻌﺎﺩﺓ ﻧﺴﻤﻊ ﻓﻲ ﺻﻮﺕ ﺩﺭﺍﻛﻮﻻ ﺧﺮﺟﺖ ﻧﺸﻮﻑ ﻭﺵ ﻛﺎﻳﻦ ﻛﻠﻬﻢ ﻭﺍﻗﻔﻴﻦ
ﺷﻬﺎﺏ : ﻭﺣﺪﺓ ﻣﻦ ﺍﻟﺰﺑﺎﺋﻦ ﺭﺍﻫﻲ ﺗﻘﻮﻝ ﻧﺴﺎﺕ ﺧﺎﺗﻢ ﺩﻳﺎﻣﻮ ﺗﻌﻬﺎ ﻓﻲ ﺍﻟﺼﺤﻦ ﺷﻜﻮﻥ ﺷﺎﻓﻮ؟
ﺳﻜﺘﻮ ﻛﻠﻬﻢ ﻭ ﻧﻔﺎﻭ ﺍﻧﻬﻢ ﺷﺎﻓﻮﻩ ﺗﻠﻔﺖ ﻟﻴﺎ
ﺷﻬﺎﺏ : ﻭﺍﻧﺘﻲ ؟
- ﻣﺸﻔﺘﻮﺵ
ﺷﻬﺎﺏ : ﺭﺡ ﻧﻔﺘﺸﻮﻛﻢ
ﺑﺪﺍ ﻫﻮ ﻭ ﺯﻭﺯ ﻣﻌﺎﻩ ﻳﻔﺘﺸﻮ ﻓﻴﻬﻢ ﻭﺍﺣﺪ ﻭﺍﺣﺪ ﺟﻴﺎﺑﻬﻢ ﻭ ﻛﻠﺸﻲ ﻭﺻﻞ ﺍﻟﺪﻭﺭ ﻋﻨﺪﻱ ﺗﻠﻔﺖ ﻟﻴﺎ ﺩﺭﺍﻛﻮﻻ ﻳﺸﻮﻑ ﻣﻌﺎﻳﺎ ﺑﺶ ﻧﻘﺮﺏ ﻣﻨﻮ ﻳﻔﺘﺸﻨﻲ ﻣﺸﻴﺖ ﻧﺸﻮﻑ ﻣﻊ ﻋﻴﻨﻴﻪ ﺑﺘﺤﺪﻱ ﻛﻲ ﻭﺻﻠﺖ ﻟﻌﻨﺪﻭ ﻋﻘﺪ ﺣﻮﺍﺟﺒﻮ ﻓﻲ ﺑﺎﻟﻮ ﺭﺡ ﻧﺨﻠﻴﻪ ﻳﻔﺘﺸﻨﻲ ﻭﻳﺤﻂ ﻳﺪﻳﻪ ﻋﻠﻴﺎ ﻭ ﻓﻲ ﺍﻟﻠﺤﻀﺔ ﻟﻲ ﻇﻦ ﺻﺢ ﺍﻧﻮ ﺭﺡ ﻳﻔﺘﺸﻨﻲ ﻣﺸﻴﺖ ﻣﻦ ﺍﻣﺎﻣﻮ ﻟﻠﻲ ﺑﻌﺪﻭ ﻭﻭﻗﻔﺖ ﻗﺪﺍﻣﻮ ﻳﻔﺘﺸﻨﻲ ﻧﺸﻮﻑ ﻓﻴﻪ ﻛﻴﻔﺎﻩ ﺗﻜﺒﺲ ﻭﻋﻴﻨﻴﻪ ﻭ ﻧﻈﺮﺍﺗﻮ ﺍﻟﺒﺎﺭﺩﺓ ﻣﺰﺍﻟﺖ ﻋﻠﻴﺎ ﺑﻌﺪ ﻣﺎ ﻓﺘﺸﻮﻧﺎ
ﺷﻬﺎﺏ : ﺭﺡ ﻧﻔﺘﺸﻮ ﺍﻏﺮﺍﺿﻜﻢ ﻭ ﺍﻟﺤﻘﺎﺋﺐ ﺗﻌﻜﻢ
ﻣﺸﺎﻭ ﻳﻔﺘﺸﻮ ﺍﻟﺤﻘﺎﺋﺐ ﻛﻲ ﺳﻤﻌﺖ ﺑﻠﻌﺖ ﺭﻳﻘﻲ ﺣﺴﻴﺖ ﺍﻟﺪﻡ ﻛﻞ ﺗﺠﻤﻊ ﻓﻲ ﺧﺪﻭﺩﻱ ﻣﻦ ﺍﻟﺘﺒﻬﺪﻳﻞ ﻛﻮﻥ ﻳﻔﺘﺤﻮ ﺍﻟﺴﺎﻙ ﺗﺎﻋﻲ ﻣﺸﻴﺖ ﻧﺠﺮﻱ ﻫﺰﻳﺘﻮ ﻭﻫﻮﻣﺎ ﻳﻔﺘﺸﻮ ﻓﻲ ﻛﻞ ﻭﺍﺣﺪ ﺗﻠﻔﺖ ﻟﻴﺎ ﻟﻲ ﻣﻌﺎﻩ
- ﻣﺪﻣﻮﺯﺍﻝ ﻧﺠﻮﻯ ﺳﺎﻙ ﺗﺎﻋﻚ ﻣﻦ ﻓﻀﻠﻚ
- ﻣﻌﻨﺪﻳﺶ ﺍﻟﺨﺎﺗﻢ
- ﻣﺪﻣﻮﺯﺍﻝ ﻣﻦ ﻓﻀﻠﻚ ﻻﺯﻡ ﺍﻟﻜﻞ ﻳﺘﻔﺘﺸﻮ
ﺗﻠﻔﺖ ﺷﻬﺎﺏ ﻳﺸﻮﻑ ﻣﻌﺎﻳﺎ ﻭﺍﻧﺎ ﻣﻜﺒﺸﺔ ﻓﻲ ﺳﺎﻛﻲ ﻣﺨﻠﻴﺘﻮﺵ ﻳﻔﺘﺸﻨﻲ ﻭﻛﻠﻬﻢ ﺍﻧﺘﺒﻬﻮﺍ ﻟﻴﺎ
ﺷﻬﺎﺏ : ﻣﺪﻣﻮﺯﺍﻝ ﻧﺠﻮﻯ ﻣﺪﻳﻠﻮ ﺍﻟﺴﺎﻙ ﻳﺸﻮﻓﻮ ﻭﻳﺮﺟﻌﻮ
- ﻓﻴﻪ ﺍﺷﻴﺎﺀ ﺧﺎﺻﺔ
ﺷﻬﺎﺏ : ﻣﻦ ﻓﻀﻠﻚ ﻛﻠﻬﻢ ﻋﻨﺪﻫﻢ ﺍﺷﻴﺎﺀ ﺧﺎﺻﺔ ﻭ ﻭﺣﺪﺓ ﻣﺎ ﺍﻋﺘﺮﺿﺖ ﻣﻦ ﻓﻀﻠﻚ ﻣﺘﻌﻄﻠﻴﻨﺎﺵ
- ﻻ
- ﻣﺪﻣﻮﺯﺍﻝ ؟
ﺑﻘﻴﺖ ﻣﻜﺒﺸﺔ ﻓﻲ ﺳﺎﻛﻲ ﻣﺶ ﻗﺎﺩﺭﺓ ﻧﺘﺨﻴﻞ ﻛﻲ ﻳﻔﺮﻏﻮ ﻗﺪﺍﻣﻬﻢ ﻛﻠﻬﻢ ﻳﻌﺮﻓﻮ ﺍﻧﻲ ﻧﻬﺰ ﻓﻲ ﺍﻟﻤﺎﻛﻠﺔ ﻣﻦ ﺍﻟﺒﻘﺎﻳﺎ ﻗﺮﺏ ﻣﻨﻲ ﻣﺪ ﻳﺪﻭ ﻳﻘﻠﻲ ﻫﺎﺗﻲ ﺍﻟﺴﺎﻙ ﻭﺍﻧﺎ ﺩﻣﻮﻋﻲ ﺭﺍﺣﻮ ﻳﺠﺮﻳﻮ ﻟﻌﻴﻨﻴﺎ
ﺷﻬﺎﺏ : ﻣﺪﻣﻮﺯﺍﻝ ﻧﺠﻮﻯ
ﺑﺼﻮﺕ ﻏﺎﺿﺐ ﻓﻴﻪ ﺃﻣﺮ ﻟﻴﺎ ﺍﻧﻲ ﻧﻤﺪﻟﻬﻢ ﺍﻟﺴﺎﻙ ﻃﻠﻊ ﺻﻮﺗﻲ ﻣﺨﻨﻮﻕ ﺑﺎﻟﺒﻜﻴﺔ ﻟﻲ ﺭﺍﻧﻲ ﺣﺎﻛﻤﺘﻬﺎ
- ﺗﻘﺪﺭ ﺗﻔﺘﺸﻨﻲ ﻭﺣﺪﻱ ﻣﻦ ﻓﻀﻠﻚ ؟
ﺷﻔﺖ ﻣﻌﺎﻩ ﺑﻌﻴﻨﻴﻦ ﻧﺘﺮﺟﻰ ﻓﻴﻪ ﺍﺻﻼ ﻫﻮ ﺷﺎﻑ ﻋﺎﺭﻱ ﻛﻠﻮ ﺧﻠﻴﻪ ﻳﺰﻳﺪ ﻳﺸﻮﻑ ﻫﺬﺍ ﻟﻜﻦ ﻋﺎﻻﻗﻞ ﻭﺣﺪﻭ ﺑﻴﻨﻲ ﻭ ﺑﻴﻨﻮ ﺣﻚ ﺣﺎﺟﺒﻮ
ﺷﻬﺎﺏ : ﺗﻔﻀﻠﻲ ﺍﻃﻠﻌﻲ ﻟﻠﻤﻜﺘﺐ ﺗﺎﻋﻲ
ﻣﺸﻴﺖ ﻗﺒﻠﻮ ﻭﻫﻮ ﻭﺭﺍﻳﺎ ﺗﻠﻔﺖ ﻟﻴﻬﻢ
ﺷﻬﺎﺏ : ﺣﺒﺴﻮ ﺣﺘﻰ ﻧﺸﻮﻑ ﻣﻌﺎﻫﺎ
ﻃﻠﻊ ﻭﺭﺍﻳﺎ ﻧﻈﻦ ﺍﻧﻮ ﺷﺒﻪ ﻣﺘﺄﻛﺪ ﺑﻠﻲ ﺭﺍﻫﻮ ﻋﻨﺪﻱ ﺍﻟﺨﺎﺗﻢ ﺍﻛﻴﺪ ﻳﻈﻦ ﺍﻧﻲ ﻛﻲ ﻣﺪﻳﺘﺶ ﺍﻟﺪﺭﺍﻫﻢ ﺳﺮﻗﺖ ﺩﺧﻞ ﻭﺭﺍﻳﺎ ﻭﻃﺮﺑﻖ ﺍﻟﺒﺎﺏ ﻗﻠﺒﻲ ﺗﻬﺰ ﻭﺗﻨﻔﺾ ﺑﻠﻌﺖ ﺭﻳﻘﻲ ﻧﺸﻮﻑ ﻓﻴﻪ ﻣﺸﺎ ﻭﻗﻒ ﻳﺪﻳﻪ ﻣﺮﺑﻌﻴﻦ ﻳﺨﺰﺭ ﻓﻴﺎ ﻛﻲ ﺍﻟﻌﺎﺩﺓ
ﺷﻬﺎﺏ : ﻋﻼﻩ ﺳﺮﻗﺘﻲ ﺍﻟﺨﺎﺗﻢ ﺗﺤﺒﻲ ﺗﻔﺴﺪﻱ ﺳﻤﻌﺖ ﺍﻻﻭﺗﺎﻝ ﺗﺎﻋﻲ ﻫﻨﺎ ﺍﻟﺤﺎﺟﺔ ﻣﻀﻴﻌﺶ ﻛﻠﺶ ﻳﻠﻘﺎﻭﻩ ﻳﻤﺪﻭﻩ ﻟﻤﻜﺘﺐ ﺍﻷﻣﺎﻧﺔ
- ﻣﺴﺮﻗﺘﻮﺵ
ﺷﻬﺎﺏ : ﻭﻋﻼﻩ ﺭﺍﻓﻀﺔ ﻧﻔﺘﺸﻮﻙ ﻓﺮﻏﻲ ﺳﺎﻙ ﺗﺎﻋﻚ
- ﺗﻘﺪﺭ ﺗﺼﺪﻗﻨﻲ ﺑﻼ ﻣﺎ ﺗﻔﺘﺸﻨﻲ ﻭ ﺗﺠﻨﺒﻨﻲ ﺍﻻﺣﺮﺍﺝ
ﺷﻬﺎﺏ : ﻧﺴﺘﻨﺎ ﻓﻴﻚ ﺗﻔﺮﻏﻲ ﺍﻟﺴﺎﻙ
- ﻣﻦ ﻓﻀﻠﻚ
ﻛﻨﺖ ﺣﺸﻤﺎﻧﺔ ﻣﻦ ﺍﻧﻮ ﻳﺸﻮﻑ ﺣﺎﻭﻟﺖ ﻧﺴﺘﻌﻄﻔﻮ ﻟﻜﻦ ﻛﻴﻤﺎ ﻗﻠﺖ ﺩﺭﺍﻛﻮﻻ ﻣﻌﻨﺪﻭﺵ ﺍﺣﺴﺎﺱ ﻋﻘﺪ ﺣﻮﺍﺟﺒﻮ ﻻﺯ ﻋﻠﻰ ﺳﻨﻴﻪ ﺧﻄﻒ ﻣﻦ ﺍﻟﺴﺎﻙ ﺣﻠﻮ ﻭﻓﺮﻏﻮ ﻛﻠﻮ ﻋﻠﻰ ﺍﻟﻤﻜﺘﺐ ﻏﻤﻀﺖ ﻋﻴﻨﻴﺎ ﺑﻌﺪ ﻣﺎﺷﻔﺖ ﺗﻔﺎﺣﺔ ﻟﻲ ﻓﻴﻬﺎ ﺯﻭﺯ ﻋﻀﺎﺕ ﻫﺰﻳﺘﻬﺎ ﻣﻦ ﺻﺤﻦ ﺭﺟﻌﻮﻩ ﺷﻮﻳﺔ ﻣﻦ ﺍﻟﻐﺪﺍ ﺗﺎﻋﻲ ﻓﻲ ﻛﻴﺲ ﻭ ﻗﻄﻊ ﺗﺎﻉ ﻟﺤﻢ ﻣﺸﻮﻱ ﺑﻘﺎﻳﺎ ﻭ ﻗﻠﻢ ﻭ ﻣﺤﻔﻈﺔ ﺗﺎﻉ ﺍﻻﻭﺭﺍﻕ ﻭﺍﻟﻨﻘﻮﺩ ﻫﺬﺍ ﻛﻞ ﻟﻲ ﻣﻮﺟﻮﺩ ﻓﻲ ﺳﺎﻛﻲ ﺳﺎﻙ ﺍﻧﺜﻰ ﻣﻘﺪﺭﺗﺶ ﻧﻬﺰ ﻋﻴﻨﻴﺎ ﻓﻴﻪ ﻧﺤﺲ ﺍﻟﺴﺨﺎﻧﺔ ﻃﻠﻌﺘﻠﻲ ﻣﺶ ﻗﺎﺩﺭﺓ ﻧﺸﻮﻑ ﻭﺟﻬﻮ ﻭﺭﺩ ﻓﻌﻠﻮ ﻟﻜﻦ ﻋﺎﻻﻗﻞ ﺭﺍﻧﻲ ﻭﺣﺪﻱ ﺍﻧﺎ ﻭﻫﻮ ﻣﺶ ﻗﺪﺍﻣﻬﻢ ﻛﻠﻬﻢ ﻫﺰ ﻳﺪﻳﻪ ﺟﺒﺪ ﻛﻠﺶ ﻋﻠﻰ ﺍﻟﻤﻜﺘﺐ ﻇﺮﺑﻮ ﻟﻠﺤﻴﻂ ﻫﺰﻳﺖ ﺭﺍﺳﻲ ﻣﻔﺠﻮﻋﺔ ﺑﻠﻌﺖ ﺭﻳﻘﻲ ﻭﺳﺎﻋﻮ ﻋﻴﻨﻴﺎ ﻛﺎﻥ ﻭﺍﻗﻒ ﻇﻬﺮﻭ ﻟﻴﺎ ﻳﺪﻭ ﻋﻼ ﻓﻤﻮ ﻣﻘﺪﺭﺗﺶ ﻧﺸﻮﻑ ﻭﺟﻬﻮ ﻗﻠﺒﻲ ﻳﻀﺮﺏ ﻭﺷﺒﻴﻪ ﻭﺵ ﺭﺍﺡ ﻳﺪﻳﺮ
ﺷﻬﺎﺏ : ﺍﺧﺮﺟﻲ
ﺑﺼﻮﺕ ﻏﺎﺿﺐ ﻣﺸﻴﺖ ﺭﺡ ﻧﻬﺰ ﺳﺎﻙ ﺗﺎﻋﻲ ﻭﺍﻟﻤﺤﻔﻈﺔ ﻧﺮﻋﺶ ﺑﻜﻠﻲ ﺗﻠﻔﺖ ﻟﻴﺎ ﺍﻟﻨﺎﺭ ﺗﻘﺪﺡ ﻣﻦ ﻋﻴﻨﻴﻪ
ﺷﻬﺎﺏ : ﺍﺧﺮﺟﻲ ﻗﻠﺘﻠﻚ
- ﺳﺎ ..
ﻗﺺ ﻋﻠﻴﺎ ﺑﺼﻮﺕ ﻳﺨﻠﻲ ﺍﻟﺮﻋﺐ ﻳﺴﻜﻦ ﻭﻳﻌﺸﺶ ﻓﻲ ﺻﻤﺼﻮﻡ ﻗﻠﺒﻚ
ﺷﻬﺎﺏ : ﺍﺧﺮﺟﻲ
ﺧﺮﺟﺖ ﻧﺠﺮﻱ ﻣﻦ ﻋﻨﺪﻭ ﻗﻠﺒﻲ ﻳﻀﺮﺏ ﺷﻔﺖ ﻣﻊ ﺍﻟﺴﻜﺮﺗﻴﺮ ﻭ ﺑﺪﻳﺖ ﻧﺒﻜﻲ ﻭﺭﺣﺖ
_______
ﻣﺮﺭ ﻳﺪﻭ ﻋﻼ ﺷﻌﺮﻭ ﺑﻌﺼﺐ ﻭﻗﻌﺪ ﻋﻠﻰ ﺍﻟﻜﺮﺳﻲ ﺷﻌﻞ ڨﺎﺭﻭ ﻳﺘﻜﻴﻒ ﻓﻴﻪ ﻭ ﻳﺘﻔﺮﺝ ﻣﻊ ﺳﺎﻛﻬﺎ ﻓﻲ ﺍﻻﺭﺽ ﻣﻦ ﺑﻌﺪ ﻭﻗﻒ ﻫﺰﻭ ﺣﻂ ﻓﻴﻪ ﻣﺤﻔﻈﺘﻬﺎ - ﻛﻴﻔﺎﻩ ﺣﻴﺎﺗﻬﺎ ﻫﺬﻱ ﻋﻼﻩ ﺗﺤﺘﺎﺝ ﺍﻟﺪﺭﺍﻫﻢ ﻫﺬﻭﻙ ﻛﺎﻣﻞ ﻛﻴﻔﺎﻩ ﻣﻌﻨﺪﻫﺎﺵ ﺑﺶ ﺗﺎﻛﻞ ﻛﻴﻒ ﺍﻟﻨﺎﺱ ﻛﺎﻧﺖ ﺗﺨﺪﻡ
ﺧﺮﺝ ﻳﻐﺰﻝ ﺣﻂ ﺍﻟﺴﺎﻙ ﻋﻠﻰ ﻣﻜﺘﺐ ﺍﻟﺴﻜﺮﺗﻴﺮ
ﺷﻬﺎﺏ : ﻭﻳﻨﻮ ﻟﻲ ﻃﻠﺒﺘﻮ ﻣﻨﻚ ؟
- ﺳﺠﻞ ﻋﻠﻰ ﻣﺪﻣﻮﺯﺍﻝ ﻧﺠﻮﻯ ؟؟
ﺷﻬﺎﺏ : ﺍﻳﻪ
- ﻣﺰﺍﻝ ﻣﺎ ﺟﺎﺑﺘﺶ ﺍﻻﻭﺭﺍﻕ ﻟﻲ ﻃﻠﺒﺘﻬﻢ ﻣﻨﻬﺎ
ﻋﺾ ﺷﻔﺘﻮ ﺑﻌﺼﺐ
ﺷﻬﺎﺏ : ﻫﺬﺍ ﺳﺎﻙ ﺗﻌﻬﺎ ﺭﺟﻌﻬﻮﻟﻬﺎ
