ﺍﻟﺤﻠﻘﺔ 11
ﻓﺎﺕ ﺍﺳﺒﻮﻉ ﻭﺍﻧﺎ ﻫﻜﺬﺍﻙ ﻧﺒﺎﺕ ﻓﻲ ﺍﻟﻠﻴﻞ ﻧﺨﻴﻂ ﺣﺘﻰ ﻳﻐﻠﺒﻨﻲ ﺍﻟﻨﻌﺎﺱ ﺍﻟﺒﺎﺭﺡ ﻛﻤﻠﺖ ﻭﺣﺪﺓ ﻭﺩﻳﺖ ﺣﻘﻬﺎ ﺧﺒﻴﺘﻮ ﻣﻊ ﺍﻟﻤﺒﻠﻎ ﺑﻌﺖ ﺳﻠﺴﻠﺔ ﻭ ﺗﻴﻠﻴﻔﻴﺰﻳﻮﻥ ﺍﺻﻼ ﻣﻨﺘﻔﺮﺟﺶ ﻓﻴﻪ ﻧﺮﻭﺡ ﺍﻟﺼﺒﺎﺡ ﺑﻜﺮﻱ ﻧﻤﺸﻲ ﻣﻨﺮﻛﺒﺶ ﻭ ﺭﺟﻌﺖ ﻧﺨﺒﻲ ﺍﻟﻐﺪﺍ ﺗﺎﻋﻲ ﻧﺨﻠﻲ ﻛﻲ ﻳﻜﻮﻧﻮ ﺍﻟﺨﺪﺍﻣﺔ ﻏﺎﻓﻠﻴﻦ ﻭ ﻧﻬﺰ ﻧﺤﻄﻮ ﺗﺤﺖ ﺛﻴﺎﺑﻲ ﻧﺎﻛﻞ ﺷﻮﻳﺔ ﻭ ﻧﺨﺒﻲ ﺷﻮﻳﺔ ﻭ ﻣﺮﺍﺕ ﻳﺮﺟﻌﻮ ﺻﺤﻮﻥ ﻓﻴﻬﺎ ﻟﺤﻢ ﻭ ﺩﺟﺎﺝ ﺣﺮﺍﻡ ﻳﺮﻣﻴﻮﻫﻢ ﻧﻬﺰﻫﻢ ﻧﺨﺒﻴﻬﻢ ﺧﻠﻴﻨﻲ ﻧﺎﻛﻞ ﻋﺎﻻﻗﻞ ﻣﻨﺼﺮﻓﺶ ﻭ ﻣﻨﻄﻴﺒﺶ ﻓﻲ ﺩﺍﺭ ﻧﺮﻭﺡ ﺗﺎﻋﺒﺔ ﻭ ﺍﻟﺨﻴﺎﻃﺔ ﺗﺴﺘﻨﺎ ﻓﻴﺎ ﺍﻟﻴﻮﻡ ﺭﺟﻌﺖ ﻫﺰﻳﺖ ﺳﻠﻴﻦ ﻃﻠﻌﺖ ﻟﻠﺪﺍﺭ ﻧﺤﻮﺱ ﻋﻼ ﺍﻟﻤﻔﺘﺎﺡ ﻟﻘﻴﺘﻮ ﻭﺻﻠﺖ ﻟﻠﺒﺎﺏ ﺟﻴﺖ ﻧﺤﻂ ﺍﻟﻤﻔﺘﺎﺡ ﻧﺤﻞ ﺍﻟﺒﺎﺏ ﻟﻘﻴﺘﻮ ﻣﺨﻠﻮﻉ ﻭﺳﺎﻋﻮ ﻋﻴﻨﻴﺎ ﻭﻗﻠﺒﻲ ﺑﺪﺍ ﻳﻀﺮﺏ ﺑﻌﺪﺕ ﺯﻭﺝ ﺧﻄﻮﺍﺕ ﻭﺭﺍﻳﺎ ﺷﻔﺖ ﻣﻦ ﻭ ﻣﻦ ﻣﺸﻴﺖ ﺣﻄﻴﺖ ﺳﻠﻴﻦ ﻭ ﺳﺎﻙ ﺗﺎﻋﻲ ﻭﺗﺎﻋﻬﺎ ﻫﺰﻳﺖ ﻋﺼﺎ ﻛﺎﻧﺖ ﻣﺮﻣﻴﺔ ﻭﺭﺣﺖ ﺣﻠﻴﺖ ﺍﻟﺒﺎﺏ ﺑﺸﻮﻳﺔ ﻗﻠﺒﻲ ﻳﻀﺮﺏ ﺷﻔﺖ ﻣﻦ ﻭ ﺷﻔﺖ ﻣﻦ ﺍﻟﺪﺍﺭ ﻛﻠﻬﺎ ﻣﻘﻠﺒﺔ ﺳﺎﻓﻠﻬﺎ ﻋﺎﻟﻴﻬﺎ ﺭﻣﻴﺖ ﺍﻟﻌﺼﺎ ﻭﺭﺣﺖ ﻧﺠﺮﻱ ﻟﻠﺪﺭﺝ ﻣﻜﺎﻥ ﻓﻴﻪ ﻭﺍﻟﻮ ﺳﺮﻗﻮﻟﻲ ﺍﻟﺪﺭﺍﻫﻢ ﺳﺮﻗﻮ ﻛﻠﺶ ﺣﺘﻰ ﺗﻼﺟﺔ ﺩﺍﻭﻫﺎ ﻣﺨﻼﻭ ﻭﺍﻟﻮ ﻣﺶ ﻣﺼﺪﻗﺔ ﺣﻜﻤﺘﻨﻲ ﻫﺴﺘﻴﺮﻳﺎ ﺑﺪﻳﺖ ﻧﻀﺮﺏ ﻭ ﻧﻜﺴﺮ ﻭ ﻧﺼﻴﺢ ﻗﻠﺒﻲ ﻳﻮﺟﻊ ﻓﻴﺎ ﺗﻌﺒﻲ ﻫﺬﺍ ﺣﺮﻣﺖ ﺭﻭﺣﻲ ﻣﺶ ﻟﺤﺎﺟﺔ ﻛﻠﻮ ﻝ ﺳﻠﻴﻦ ﻛﻴﻔﺎﻩ ﻧﺪﻳﺮ ﻗﻌﺪﺕ ﻋﻠﻰ ﺍﻻﺭﺽ ﻧﺒﻜﻲ ﺑﺎﻟﺸﻬﻘﺔ ﻧﻔﺲ ﺗﻘﻄﻊ ﻓﻴﺎ ﺳﻠﻴﻦ ﻛﻴﻔﺎﻩ ﻧﺪﻳﺮﻟﻬﺎ ﺗﻔﻜﺮﺗﻬﺎ ﺧﺮﺟﺖ ﻧﺠﺮﻱ ﻫﺰﻳﺘﻬﺎ ﻭ ﺩﺧﻠﺖ ﻗﻔﻠﺖ ﺍﻟﺒﺎﺏ ﻣﻦ ﺩﺍﺧﻞ ﺣﻜﻴﺘﻬﺎ ﻋﻠﻰ ﺍﻟﺴﺮﻳﺮ ﻛﺎﻧﺖ ﺗﺒﻜﻲ - ﺳﻠﻴﻦ ﺍﺳﻜﺘﻲ ﺍﺳﻜﺘﻲ ﻋﻼﻩ ﻫﻜﺬﺍ ﻣﺎ ﺗﻌﺮﻓﻴﺶ ﻭﻗﺘﺎﻩ ﺗﺴﻜﺘﻲ
ﻗﻌﺪﺕ ﻇﻬﺮﻱ ﻋﻠﻰ ﺍﻟﺴﺮﻳﺮ ﻭﺍﻧﺎ ﻓﻲ ﺍﻻﺭﺽ ﻧﺒﻜﻲ ﺷﻔﺖ ﻣﻌﺎﻫﺎ ﻧﺘﻔﻜﺮ ﻳﻮﻡ ﺧﺮﺟﺖ ﻣﻦ ﺍﻟﺴﺒﻴﻄﺎﺭ ﻭﻫﻲ ﻓﻲ ﻳﺪﻱ ﻣﻌﻨﺪﻱ ﺣﺘﻰ ﺣﺪ ﻭﻣﻌﻨﺪﻱ ﻭﻳﻦ ﻧﺮﻭﺡ ﻛﻴﻔﺎﻩ ﻧﺪﻳﺮ ﻣﺸﻴﺖ ﻗﻌﺪﺕ ﻓﻲ ﺟﻨﻴﻨﺔ ﺍﻟﻨﺎﺱ ﺭﺍﻳﺤﺔ ﺟﺎﻳﺔ ﻋﻠﻴﺎ ﻭﻫﻲ ﻓﻲ ﺣﻀﻨﻲ ﻣﺮﺓ ﺗﺒﻜﻲ ﻭ ﻣﺮﺓ ﺗﺴﻜﺖ ﻛﺎﻳﻦ ﻟﻲ ﺣﺴﺒﻮﻧﻲ ﻧﻄﻠﺐ ﺣﻄﻮﻟﻲ ﺩﺭﺍﻫﻢ ﻇﻼﻡ ﺻﻼﺓ ﺍﻟﻌﺸﺎ ﻓﺎﺗﺖ ﻣﺸﻴﺖ ﻧﺸﻮﻑ ﻓﻲ ﺍﻟﻨﺎﺱ ﺧﺎﺭﺟﻴﻦ ﻣﻦ ﺍﻟﻤﺴﺠﺪ ﺟﺎﺕ ﻓﻲ ﺑﺎﻟﻲ ﻧﺤﻄﻬﺎ ﻓﻲ ﺑﺎﺏ ﺍﻟﻤﺴﺠﺪ ﺭﺣﺖ ﺣﻄﻴﺘﻬﺎ ﻣﺤﺒﻴﺘﺶ ﻧﺸﻮﻑ ﻣﻌﺎﻫﺎ ﻧﻌﺮﻑ ﻛﻮﻥ ﻧﺸﻮﻓﻬﺎ ﻣﺤﺎﻝ ﻧﻘﺪﺭ ﻧﺨﻠﻴﻬﺎ ﻣﺸﻴﺖ ﺷﻮﻳﺔ ﻭﻗﻔﺖ ﻧﺴﻤﻊ ﻓﻴﻬﺎ ﻛﻴﻔﺎﻩ ﻧﻤﺸﻲ ﺑﻼ ﻣﻨﺸﻮﻑ ﻭﺟﻬﺎ ﺍﺧﺮ ﻣﺮﺓ ﻣﻨﻘﺪﺭﺵ ﻣﺸﻴﺖ ﻫﺰﻳﺖ ﺍﻟﻠﺤﺎﻑ ﻋﻠﻴﻬﺎ ﻭﺟﻬﺎ ﺍﻟﺼﻐﻴﺮ ﻣﻘﺪﺭﺗﺶ ﻧﺰﻟﻮ ﺩﻣﻮﻋﻲ ﻭﻫﺰﻳﺘﻬﺎ ﻟﺤﻀﻨﻲ ﻭﻧﺒﻜﻲ ﻣﺤﺎﻝ ﻧﺨﻠﻴﻚ ﻣﺤﺎﻝ ﻣﻨﻘﺪﺭﺵ ﻧﻜﻤﻞ ﺣﻴﺎﺗﻲ ﻭﺍﻧﺎ ﻧﻌﺮﻑ ﺑﻠﻲ ﺍﻧﺘﻲ ﻋﺎﻳﺸﺔ ﺑﻌﻴﺪ ﻋﻠﻴﺎ ﻭﻣﻨﻌﺮﻑ ﻋﻠﻴﻚ ﺷﻲ ﺑﻜﻴﺖ ﺣﺘﻰ ﺧﺮﺝ ﺍﻣﺎﻡ ﺍﻟﻤﺴﺠﺪ ﺩﺧﻠﻨﻲ ﻟﻌﻨﺪﻭ ﻭﻫﻮ ﻟﻲ ﻋﺮﻓﻨﻲ ﻋﻠﻰ ﺳﻲ ﻫﺎﺭﻭﻥ ﻭ ﻫﻮ ﻟﻲ ﺷﺎﻓﻠﻲ ﺩﺍﺭ ﻓﻲ ﻫﺎﺫ ﺍﻟﺤﻮﻣﺔ ﺍﻧﺎ ﻭﻋﺪﺕ ﺑﻨﺘﻲ ﺍﻧﻮ ﻋﻤﺮﻱ ﻣﺎ ﻧﺘﺨﻠﻰ ﻋﻠﻴﻬﺎ ﻭﻗﻔﺖ ﻣﺴﺤﺖ ﺩﻣﻮﻋﻲ ﻣﺸﻴﺖ ﻫﺰﻳﺘﻬﺎ ﻧﻴﻤﺘﻬﺎ ﻓﻲ ﺣﻀﻨﻲ ﻭﺍﻧﺎ ﻧﺨﻤﻢ ﻓﻲ ﻋﺮﺽ ﺩﺭﺍﻛﻮﻻ ﺳﺎﻋﺎﺕ ﻭ ﺗﻔﻮﺕ ﻭ ﻧﺠﻴﺐ ﺍﻟﻤﺒﻠﻎ ﻟﻲ ﻧﺪﺍﻭﻱ ﺑﻴﻪ ﺑﻨﺘﻲ ﺭﺡ ﻧﻨﺴﻰ ﻣﻊ ﺍﻟﻮﻗﺖ ﻭ ﺳﻠﻴﻦ ﻋﻤﺮﻫﺎ ﻣﺎ ﺭﺡ ﺗﻌﺮﻑ ﺑﻬﺎﺫ ﺍﻟﺸﻲ
