_________
قبل ساعة تقريبا
شهاب: الو
-مسيو شهاب عندي ليك خبر
شهاب: نعم غير الخير ؟؟؟
-جدك اتصل بالمشفى من شوية و طلب انو يعمل تحليل ابوة لحضرتك انت و بنتك وراهو في الطريق جاي معاها
شهاب: تحكي صح ؟
-ايه اسمك هنا مسجل عندي شهاب**** و سلين ****
شهاب: شكرا راني في الطريق
رجع من الصالدوبان و نحا تريكو تاعو دورت وجهي وقلبي بدا يضرب اففف احساس نكرهو
-كيفاه تنحي ثيابك قدامي
شهاب؛ نحيت التريكو عندك مشكلة تشوفي مع صدري
تلفت ليه وعينيا بقاو يفليو في صدرو من غير ارادتي رد فعل لبدن يفتق مش حاجة بيدي نبلع في ريقي
-لا معنديش مشكل
شهاب: ايه خلاص مالا
مشا قعد طفا الضو ورقد
علاه طفيت الضو مزال ما بدلتش انا
مشيت شعلت الضو تلفتلي راقد على ظهرو حاط يدو علا راسو فوق جبهتو و مغطي الجزء السفلي بالغطا و صدرو عريان تنهدت وقلبت عينيا منو
شهاب: هيا للا مطولة
مشيت هزيت تريكو طويل نبات بيه ودخلت للصالدوبان بدلت حكيت اسناني لميت شعري بصوابعي وانا نغزل و ننفظ في روحي طفيت الضو و خرجت لعندو هز عينيه فيا نظراتو مش طبيعية حيرني علاه يشوف هكذا كاين حاجة غالطة فيا
-خير واش قاعد تشوف
دورت وجهي و مشيت لجهتي كنت نطول بش نغزلو شوية قبل ما نطفي الضو تلفت ليه عدل قعدتو راقد متكي على مرفقو فوق السرير ويشوف معايا و حاجبو لفوق وشبيه هذا
شهاب: هذا لي راكي لابستو سألتيني قبل ما تلبسيه
-لا بقا غير نسأل حضرتك وش نلبس وش ما نلبسش بففف خي حالة
حطيت تليفوني و قعدت على السرير كلي ثقة طلعت رجليا رايحة نغطي انتبهت على كتابة في التريكو بلعت ريقي و حكمتو بيديا من تحت شفت معاه كان مقطع شوية ومكانش مكتوب حسيت بعرق على جبهتي تلفت ليه تبسم على جنب وطلع حاجبو مليح
شهاب: نحيه
شرقت وقلبي رح يوقف
-نحسب فيه تاعي يشبهلو نفس اللون راني رايحة نحيه
جيت رايحة نوض حكمني من يدي رجعني فوق السرير
شهاب: نحيه درك
-ههه بركا بلا هبال ما تكونش كيف الولاد الصغار راني رايحة نحيه
شهاب: انا ولاد صغار
نحيت يدي وجيت واقفة جبدني بحركة سريعة تحتو وهو فوق وساعو عينيا قلبي بدا يضخ في الدم لخدودي نحسهم رح يطرشقو نحس في نفس تاعو يضرب في وجهي بلعت ريقي
شهاب: تعرفي واش هو عقابك كي لبستي تريكو تاعي
غمضت عينيا مش حابة نتخيل عاودت حليتهم بحلقت فيه و مع عينيه لي فيهم نظرة خبيثة وشهقت و فرقت بين شفافي كي حسيت صوابعو لمسو شفتي التحتانية قشعريرة مشات في بدني كلو جلدي نحس بيه يفور همست بصوت يرعش
-بعد عليا
وهو مزال قريب مني صوابعو مزالت تلمس في وجهي نحس في قلبي رح يوقف
-العقد ..
شهاب: هاذا عقاب بش ما تزيديش تقربي من ثيابي
طبس عليا صدرو لصق صدري غمضت عينيا رح يبوسني حسيت شفافو طبعو بوسة على خدي لامس
رقدت وانا نغزل منو كرزني غمضت عينيا مش عارفة يمكن ساعتين ولا اكتر نسمع في صوت سلين تبكي وقفت نجري خرجت رحت لعندها هزيتها نسكت فيها -يا روح ماما وشبيك علاه تبكي شفتي حلم خايب اسسس
شفت باباه طل عليا
صادق: خير يا بنتي وشبيها
-يمكن خافت
صادق : صغيرة تحب ترقد في حضن امها لكن اكيد بش تزعجكم هههه
طلعت حواجبي هههه عايلة متحشمش تع صح
صادق: ارجعي لبلاصتك وخليها ترقد في حضنك
تبسمت و مشيت للغرفة دخلت بشوية مش حابة نفيق دراكولا
-تصبح على خير
صادق: وانتي من اهلو
رجعت الباب بشوية شعل الضو غمضت عينيا ونفخت فطن وجه الشر تلفت بشوية ليه منظرو فايق من النوم يذوب شعرو مفرفش عينيه ذابلين ايي
شهاب: وش كاين
-سلين فاقت كانت تبكي و باباك فطن يعني اضطريت نجيبها معايا
نفخ بالقوي ورجع رما روحو حط المخدة على راسو ويحكي من تحتها
شهاب: مكان لاه نسمع صوتها غدوة لازمني نفيق بكري
-وش نعمل نحطلها كمامة تاع كلاب
هز المخدة من فوق راسو وتلفت ليا
شهاب: اذا كانت عندك وحدة حطيها عليك انتي احسن
عوجت شفتي وضربتو بخزرة تاع احتقار و همست بين شفافي
-دراكولا
شهاب: وش قلتي
-حتى شي
شهاب: اصلا ما عندكش شجاعة تعاوديها
رجع رقد و حط المخدة على راسو وانا هزيت يدي نشبح في صوابعي نتمنا نخنقو آآع يستفزني تع صح
حطيت سلين في وسطنا و رقدت قدامها حكمت يدي حطتها في فمها يمكن سنيها رح يخرجو علا هذي كلش تحطو في فمها غمضت عينيا ورقدت
________
فطن الصباح يدين صغار يخربشو في وجهو عقد حواجبو وحل عينيه بشوية دخلتلو صبعها في عينو
شهاب: آه اففف
بعدها بيدو قعدت وبعدها تلاحت حكمتو من شعرو نتفتو
شهاب: آه يا مجنونة علاه هكذا كيفك كيف امك عايلة تاع مجانين
حكملها وجها بيد وحدة غطاتو كل بعدها وقعد يضحك عليها تحب تحطها في فمها كف يدو كبير وهي تخرج في لسانها لعبها كل نزل على يدو
شهاب: ايييع لعابك تقول عندك مصنع تاع لعاب لداخل في فمك
مسح يدو في ثيابها حكمتها بزوز يدين نزلت حطت صبعو في فمها وهو يضحك تجنن الطفلة هذي وتخليه يتبسم من داخل مد يدو هز تليفونو من فوق الطاولة و صورها و نشرها في الإنستغرام تاعو و كتب هل يمكن اكل هذه المخلوقات؟ 😍😍😍
نحا يدو مسحها وهزها حطها علا راس امها
شهاب: هاه نتفيلها شعرها لمنتف هذاك خلي غلي منها يبرد
حكمتها و بدات تنتف في شعرها
-سلين آي اففف
ضحك و قام من بلاصتو دخل الصالدوبان يسمع
كملت لبست سلين ونزلت للفطور دراكولا ما راحش يخدم قبل ما يفطر بما انو باباه هنا كان سكوت على الطاولة شهاب يشرب في قهوتو و باباه الجورنال في يدو معوج فمو قهوتو قدامو حطيت سلين في كرسي تعها يفطرو قهوة اي تبهديل مقارنة بفطوري
ريتا: مدام فطورك واجد
وساعو عينيا قبل ما نقلها لا بدات تجيب في فطوري اوملات وفرماج و حليب و عصير و توست هههه مقلشة روحي يعني مش دايم هذا العز بعد 6 اشهر نرجع للهم هبطت راسي دراكولا يتفرج فيا بطرف عين تبسمت بديت ناكل وهو حط يدو علا خدو تحت يسند في راسو هزيت عينيا
-خير ؟
شهاب: ربي يقدرك عندي سؤال واحد وين تحطي هذا كل
نفخ باباه طبق الجورنال وحطو علا الطاولة وهز ارتشف قهوتو شفنا فيه في زوز
شهاب: خير بابا مكش مليح
رما الجورنال لعندو
صادق: واش هذا
حل الجورنال تصاورنا انا وهو العركة تاع البارح قدام السبيطار وكاتبين كلام عليه وعليا عاود طبق الجورنال
شهاب: شفت علاه واحد ما حكيتلو على زواجي كي كان كلش مخبي كان احسن
صادق: و درك خليتهم كلهم يسألو منين وكيفاه ظهرت من العدم بين ليلة و نهار والف علامة استفهام
يحكو كأني مش موجودة
شهاب: فسرت كلش قبل وهذي حياتي الخاصة مش مضطر نحكي للناس كل عليها
تلفت ليا وملامح وجهو تبدلت كي لعادة رجعت تخوف
شهاب: نوضي نحتاجك
خرج طلع للغرفة وانا بقيت باهتة نشوف مع باباه تبسمت
-سامحنا
صادق: لا مش مشكل تفضلي
نضت طلعت وراه معندو احترام لحتى واحد تقول غير هو محور هذ الدنيا دقدقت الباب و دخلت كان رايح جاي في الغرفة تلفت ليا
شهاب: اقفلي الباب
قفلت الباب وانا نحضر في روحي للي جاي نعرف ميجيش خير منو كي يقلق بلعت ريقي و ربعت يديا نخلق في درع نحمي روحي علاه قلبي بدا يضرب بقوة وانا قدامو علاه نخاف منو لهاذ الدرجة و علاه نكون ضعيفة صوت نفس تاعو العالي يدل على غشو مش فاهمة علاه مغشش رجعت زوج خطوات لورا وتنهدت بقوة بش يهز راسو يشوف معايا ويبدا يحكي وقف طلع حاجبو وهو يشوف معايا هز يدو يحكي
شهاب: عجبك لي صار كلو من تحت راسك واش فيها كون سمعتي كلامي وخرجتي بلا ما تحكي علاه لازم تعرضيني في كل كلمة
وساعو عينيا وحليت فمي من الدهشة مش مصدقة انو من كل عقلو يلوم فيا على حاجة هو السبب فيها مش فاهمة علاه اصلا لحقني للمشفى
-انت مستوعب لي تحكي فيه ؟ واش ذنبي انا كي انت عندك وسواس في عقلك وش ذنبي انا انت جيت كيف المهبول لي سيبوه من
