ﺍﺍﺍﺍﻩ ﺳﻜﺘﻮﻫﺎ ﻭﻗﻒ ﻭﻧﺰﻝ ﻟﻌﻨﺪﻫﻢ ﺍﻟﺼﺎﻟﺔ ﺩﺧﻞ ﻟﻘﺎﻫﺎ ﻭﺣﺪﻫﺎ ﻭﺗﺒﻜﻲ ﺷﺎﻑ ﻣﻦ ﻭ ﻣﻦ ﺷﻬﺎﺏ : ﻣﺎﻧﻲ ( ﺟﺪﺍﺗﻮ ) ﻣﺎﺍﺍﺍﻧﻲ ... ﻣﻜﺎﻥ ﺣﺘﻰ ﻭﺍﺣﺪ ﻫﻨﺎ ﻣﺸﺎ ﻳﺸﻮﻓﻬﺎ ﻭﻳﻦ ﺭﺍﺣﺖ ﻟﻘﺎﻫﺎ ﻓﻲ ﺍﻟﻜﻮﺯﻳﻨﺔ ﺷﻬﺎﺏ : ﻣﺎﻧﻲ ﺍﻟﻄﻔﻠﺔ ﺗﺒﻜﻲ ﻣﺶ ﺗﺴﻤﻌﻲ ﻓﻴﻬﺎ ؟ ﺳﻌﺎﺩ : ﻣﺶ ﺑﻨﺘﻚ ﺍﻧﺖ ؟ ﺳﻜﺘﻬﺎ ﺭﺍﻧﻲ ﻧﺪﻳﺮﻟﻬﺎ ﻓﻲ ﺍﻟﺤﻠﻴﺐ ﺷﻬﺎﺏ : ﻭﻳﻨﻲ ﺭﻳﺘﺎ ( ﺍﻟﺨﺪﺍﻣﺔ ) ﺳﻌﺎﺩ : ﺭﺍﺣﺖ ﻇﺮﺏ ﻓﻲ ﺭﺍﺳﻮ ﻭﻣﺸﺎ ﻭﻗﻒ ﻳﺸﻮﻑ ﻣﻊ ﺳﻠﻴﻦ ﻭﻫﻲ ﺷﺮﻗﺖ ﻣﻦ ﺍﻟﺒﻜﺎ ﻭﻣﺶ ﻣﻠﻴﺢ ﻟﻴﻬﺎ ﺣﺴﺐ ﻟﻲ ﻗﺎﻟﻮ ﺍﻟﻄﺒﻴﺐ ﻣﺮﺭ ﻳﺪﻭ ﻋﻼ ﺷﻌﺮﻭ ﻭﻣﺸﺎ ﻃﺒﺲ ﻋﻠﻴﻬﺎ ﺷﻬﺎﺏ : ﺍﺳﺴﺴﺲ ﺍﺳﺲ ﺩﺭﻙ ﺗﺠﻴﺒﻠﻚ ﻣﺎﻧﻲ ﺣﻠﻴﺐ ﻋﻼﻩ ﺗﺒﻜﻲ ﻫﻜﺬﺍ ﻓﻔﻔﻒ ﻳﻌﻨﻲ ﻛﻲ ﺗﺒﻜﻲ ﺭﺍﺡ ﻳﻮﺟﺪ ﺍﻟﺤﻠﻴﺐ ﺑﺴﺮﻋﺔ ﻛﺎﻧﺖ ﺗﺒﻜﻲ ﻭﻛﻞ ﻣﺎ ﻳﺤﻜﻲ ﺗﺰﻳﺪ ﺗﻘﻮﻱ ﻓﻲ ﺍﻟﺒﻜﺎ ﺣﻂ ﻳﺪﻭ ﻋﻠﻰ ﻛﺮﺷﻬﺎ ﻳﺴﻤﺢ ﻋﻠﻴﻬﺎ ﺳﻜﺘﺖ ﺷﺎﻓﺖ ﻣﻌﺎﻩ ﺷﻬﺎﺏ : ﺍﺳﺴﺲ ﺳﺎﻳﻲ ﺷﺎﻓﺖ ﻣﻌﺎﻩ ﻭﺯﺍﺩﺕ ﺭﺟﻌﺖ ﺗﺒﻜﻲ ﻭﺗﻔﺮﻓﻂ ﺑﻴﺪﻳﻬﺎ ﻭﺭﺟﻠﻴﻬﺎ ﺷﻬﺎﺏ : ﻭﺍﺵ ﻧﺪﻳﺮﻟﻚ ﺍﻧﺎﺍﺍﺍ ؟ ﺍﺳﻜﺘﻲ .. ﻣﺎﻧﻲ ﻭﻳﻨﻚ ؟ ﺟﺪﺍﺗﻮ ﻛﺎﻧﺖ ﻭﺍﻗﻔﺔ ﻣﺘﺨﺒﻴﺔ ﺗﺤﺐ ﺗﺸﻮﻑ ﻛﻴﻔﺎﻩ ﻳﺘﺼﺮﻑ ﻃﺒﺲ ﻳﺴﻜﺖ ﻓﻴﻬﺎ ﺷﻬﺎﺏ : ﺍﺳﺴﺲ ﺳﺎﻳﻲ ﺍﺳﺲ ﺍﻩ ﻳﺎ ﺭﺑﻲ ﺻﻮﺗﻚ ﺗﻠﻮﺙ ﺳﻤﻌﻲ ﻛﻴﻔﺎﻩ ﻳﺨﺮﺝ ﻫﺬﺍ ﺍﻟﺼﻮﺕ ﻣﻦ ﺣﺎﺟﺔ ﺻﻐﻴﺮﺓ ﻫﻜﺬﺍ ﺩﺧﻠﺖ ﺟﺪﺍﺗﻮ ﺳﻌﺎﺩ : ﻳﺎ ﺣﻤﺎﺭ ﺑﻨﺘﻚ ﺗﺒﻜﻲ ﻣﻦ ﻗﺒﻴﻞ ﻣﻌﺮﻓﺘﺶ ﺗﺴﻜﺘﻬﺎ ﻫﺰﻫﺎ ﺷﻬﺎﺏ : ﺭﺍﻫﻲ ﻣﺶ ﺑﻨﺘﻲ ﻳﺎ ﺭﺑﻲ ﺳﻌﺎﺩ : ﻭﺵ ﻗﺼﺪﻙ ﻣﺶ ﺑﻨﺘﻚ ﺗﺤﺐ ﺗﺮﻣﻲ ﻛﺒﺪﺗﻚ ﻭﺍﻟﻠﻪ ﻧﺤﻜﻲ ﻟﺠﺪﻙ ﻭ ﻧﺤﺮﻣﻚ ﻣﻦ ﺍﻟﻮﺭﺙ ﻛﻴﻤﺎ ﺣﺮﻣﺖ ﺑﺎﺑﺎﻙ ﺍﻣﺸﻲ ﻣﻦ ﻗﺪﺍﻣﻲ ﻗﻠﻴﻞ ﺗﺮﺑﻴﺔ ﺣﻚ ﺣﺎﺟﺒﻮ ﻭ ﺧﺮﺝ ﻭﺧﻼﻫﺎ - ﻫﺒﻠﺖ ﺗﻊ ﺻﺢ ﻫﺒﻠﺖ
