ﺷﻬﺎﺏ : ﻭﻳﻦ ﺭﺍﻳﺤﺔ ﻣﺸﻴﺖ ﻣﺎﺭﺩﻳﺘﺶ ﺣﻠﻴﺖ ﺍﻟﺒﺎﺏ ﻭﺧﺮﺟﺖ ﻣﻌﻨﺪﻳﺶ ﺩﺭﺍﻫﻢ ﺑﺶ ﻧﺮﻭﺡ ﻛﺎﻥ ﻋﻨﺪﻱ ﻏﻴﺮ ﻧﻜﻠﻢ ﺳﻠﻄﺎﻧﺔ ﻧﻄﻠﺐ ﻣﻨﻬﺎ ﺗﺘﺮﺟﻰ ﻭﺍﺣﺪ ﻣﻦ ﻭﻻﺩﻫﺎ ﻳﺠﻲ ﻟﻌﻨﺪﻱ ﻳﻮﺻﻠﻨﻲ ﻭ ﻫﺬﺍﻙ ﻟﻲ ﻛﺎﻥ ﺟﺎ ﻭﻟﺪﻫﺎ ﺍﻟﻜﺒﻴﺮ ﻋﻨﺪﻱ ﻭﻭﺻﻠﻮﻧﻲ ﻟﻠﺪﺍﺭ ﻧﺠﻮﻯ ﺭﺍﺣﺖ ﻫﻲ ﻭ ﺳﻠﻴﻦ ﻭﺳﻌﺎﺩ ﺭﺟﻌﺖ ﻟﺘﻤﺜﻴﻞ ﺗﻌﻬﺎ ﻋﻤﻠﺖ ﺭﻭﺣﻬﺎ ﺩﺍﺧﺖ ﻭ ﺟﺎ ﺍﻟﻄﺒﻴﺐ ﺷﺎﻓﻬﺎ ﺷﻬﺎﺏ : ﻛﻴﻔﺎﻩ ﺭﺍﻫﻲ؟ - ﻣﺴﻴﻮ ﺷﻬﺎﺏ ﺣﺎﻟﺘﻬﺎ ﻣﺶ ﻣﻠﻴﺤﺔ ﻭﺻﻴﺘﻜﻢ ﻣﺎ ﺗﺴﺒﺒﻮﻟﻬﺎﺵ ﺻﺪﻣﺔ ﺷﻬﺎﺏ : ﻭ ﻛﻴﻔﺎﻩ ﺩﺭﻙ ﻣﻊ ﻫﺎﺫ ﺍﻻﻣﻮﺭ ﻟﻲ ﺗﺘﺨﻴﻞ ﻓﻴﻬﺎ ﻭﺍﻟﺤﻞ ﻣﻌﺎﻫﺎ - ﺍﻟﺼﺒﺮ ﻳﺎ ﻣﺴﻴﻮ ﺷﻬﺎﺏ ﺍﻟﺼﺒﺮ ﻣﺶ ﺣﺎﺟﺔ ﺳﺎﻫﻠﺔ ﻫﺬﻱ ﺷﻬﺎﺏ : ﻋﻤﻮﻣﺎ ﻣﺮﺳﻲ ﻛﻲ ﺟﻴﺖ ﺩﺧﻞ ﻟﻌﻨﺪﻫﺎ ﺷﻬﺎﺏ : ﻣﺎﻧﻲ ﻭﺍﺵ ﺣﺎﺳﺔ ؟ ﺳﻌﺎﺩ؛ ﻣﻨﻴﺶ ﻣﻠﻴﺤﺔ ﻭﻳﻦ ﻫﻲ ﺳﻠﻴﻦ ﺟﻴﺒﻠﻲ ﺳﻠﻴﻦ ﻧﺸﻮﻓﻬﺎ ﺷﻬﺎﺏ : ﺳﻠﻴﻦ ﻣﻜﺎﻧﺶ ﺳﻌﺎﺩ : ﺁﻩ ﻭﻳﻦ ﺭﺍﺣﺖ ﺍﻱ ﻗﻠﺒﻲ ﺣﺎﻭﺯﺗﻬﻢ ﺁﻩ ﻣﻨﻚ ﻳﺎ ﺷﻬﺎﺏ ﺁﻩ ﺗﺤﺎﻭﺯ ﻣﺮﺗﻚ ﻭ ﺑﻨﺘﻚ ﻓﻲ ﺍﻟﻠﻴﻞ ﺷﻬﺎﺏ : ﻳﺎ ﻣﺎﻧﻲ ﻣﺶ ﺑﻨﺘﻲ ﺭﺍﻫﻲ ﺍﻓﻬﻤﻲ ﻋﻼﻩ ﻫﻜﺬﺍ ﺳﻌﺎﺩ : ﺍﺧﺮﺝ ﻋﻠﻴﺎ ﺍﺧﺮﺝ ﻣﻨﺤﺒﺶ ﻧﺸﻮﻓﻚ ﻗﺪﺍﻣﻲ ﺍﺧﺮﺝ ﻭﻗﻒ ﻛﺒﺲ ﻳﺪﻭ ﻳﻠﺰ ﻋﻠﻰ ﺳﻨﻴﻪ ﻣﻦ ﺍﻟﻌﺼﺐ ﻭﺧﺮﺝ ...... ﺻﺒﺎﺡ ..... ﺧﺮﺝ ﺍﻟﺼﺒﺎﺡ ﻛﻲ ﺍﻟﻌﺎﺩﺓ ﺭﺍﻳﺢ ﻟﺨﺪﻣﺘﻮ ﻭﺻﻞ ﺑﺪﺍ ﻳﺘﻔﻘﺪ ﻓﻲ ﺍﻟﺨﺪﺍﻣﺔ ﻟﻜﻦ ﺣﺮﻛﺔ ﻣﺶ ﻋﺎﺩﻳﺔ ﻳﺘﻬﺎﻣﺴﻮ ﺑﻴﻦ ﺑﻌﻀﻬﻢ - ﺷﻔﺖ !! ﺗﺎﻉ ﺍﻟﻜﻮﺯﻳﻨﺔ ﻫﺬﻳﻚ ﻇﻬﺮﺕ ﻋﻨﺪﻭ ﻣﻨﻬﺎ ﻃﻔﻠﺔ - ﺍﻳﻪ ﻭﺍﻧﺎ ﻧﻘﻮﻝ ﻋﻼﻩ ﻳﻜﺮﻫﻬﺎ ﻭﺣﺎﺏ ﻳﺨﺮﺟﻬﺎ ﻣﻦ ﺍﻟﺨﺪﻣﺔ - ﺍﻳﻪ ﺍﻟﻨﺎﺱ ﻟﻲ ﻛﻴﻔﻮ ﻫﻜﺬﺍ ﻳﺠﻴﺒﻮ ﺍﻻﻭﻻﺩ ﻓﻲ ﺍﻟﺤﺮﺍﻡ ﻭﻳﺮﻣﻴﻮﻫﻢ ﻟﺰ ﻋﻠﻰ ﺳﻨﻴﻪ ﻭ ﻣﺸﺎ ﻃﻠﻊ ﻟﻠﻤﻜﺘﺐ ﺗﺎﻋﻮ -ﺻﺒﺎﺡ ﺍﻟﺨﻴﺮ ﻣﺴﻴﻮ ﺷﻬﺎﺏ ﺧﺰﺭ ﻓﻴﻪ ﻭﻧﺰﻝ ﻋﻴﻨﻴﻪ ﻟﻤﻜﺘﺐ ﺍﻟﺴﻜﺮﺗﻴﺮ ﻳﺸﻮﻑ ﻓﻲ ﺍﻟﺠﻮﺭﻧﺎﻝ ﻫﺰﻭ ﻭﺩﺧﻞ ﻟﻠﻤﻜﺘﺐ ﻃﺮﺑﻖ ﺍﻟﺒﺎﺏ ﻭﺣﻞ ﻳﻘﺮﺍ ﻓﻴﻪ " ﻋﺎﺟﻞ .. ﻇﻬﻮﺭ ﺍﺑﻨﺔ ﻏﻴﺮ ﺷﺮﻋﻴﺔ ﻟﺮﺟﻞ ﺍﻻﻋﻤﺎﻝ ﺷﻬﺎﺏ *** ﺍﺑﻦ ﺍﻟﺒﺮﻟﻤﺎﻧﻲ **** ﻭ ﺣﻔﻴﺪ ﺍﻛﺒﺮ ﺭﺟﻞ ﺍﻋﻤﺎﻝ ﺧﺒﺮ ﻫﺰ ﺍﻷﻭﺳﺎﻁ "..... ﺭﻣﺎ ﺍﻟﺠﻮﺭﻧﺎﻝ ﻋﻠﻰ ﺍﻻﺭﺽ ﻭﻣﺸﺎ ﻗﻌﺪ ﻫﺰ ﺗﻠﻴﻔﻮﻥ ﻛﻠﻢ ﻣﻘﺮ ﺍﻟﺠﻮﺭﻧﺎﻝ ﻟﻲ ﺧﺮﺝ ﺍﻟﺨﺒﺮ ﺷﻬﺎﺏ : ﻧﺤﺐ ﻧﻌﺮﻑ ﺷﻜﻮﻥ ﻗﺎﻟﻜﻢ ﻫﺎﺫ ﺍﻟﺨﺒﺮ ﺻﺤﻴﺢ ﻣﻜﺎﻧﺶ ﻣﻨﻮ ﻭﺭﺍﺡ ﻧﺤﺎﺳﺒﻜﻢ ﻭﺍﺣﺪ ﻭﺍﺣﺪ ﺭﻣﺎ ﺍﻟﺘﻠﻴﻔﻮﻥ ﻭﻗﻌﺪ ﻳﻔﺮﻙ ﻓﻲ ﻳﺪﻳﻪ ﻳﺨﻤﻢ ﻓﻲ ﺣﻞ ﻗﺒﻞ ﻣﺎ ﻳﺴﻤﻊ ﺟﺪﻭ ﻭﺍﻻ ﺑﺎﺑﺎﻩ ﻟﻜﻦ ﺗﺄﺧﺮ ﺩﻳﺠﺎ ﺳﻤﻌﻮ ﻭ ﺻﻮﻧﺎ ﺗﻠﻴﻔﻮﻧﻮ - ﻓﻔﻔﻒ ... ﺭﺩ ﻋﻼ ﺟﺪﻭ ﺷﻬﺎﺏ : ﺍﻟﻮ ﺻﺒﺎﺡ ﺍﻟﺨﻴﺮ ﺣﺴﻴﻦ : ﻭﺍﺵ ﻣﻦ ﺧﻴﺮ ﻳﺠﻲ ﻣﻦ ﻭﺭﺍﻙ ﻭﺍﺵ ﻫﺬﺍ ﻟﻲ ﻧﺸﻮﻑ ﻓﻴﻪ ﻭﺍﺵ ﻛﺎﺗﺒﻴﻦ ﻫﻨﺎ ﻋﻠﻴﻚ ﺷﻬﺎﺏ : ﻛﺬﺏ ﺧﺒﺮ ﻣﻜﺎﻧﺶ ﻣﻨﻮ ﺣﺴﻴﻦ : ﻣﻨﺤﺒﺶ ﻧﻔﻬﻢ ﻛﺬﺏ ﻭﻻ ﻣﺶ ﻛﺬﺏ ﻣﻜﺎﻧﺶ ﺩﺧﺎﻥ ﺑﻼ ﻧﺎﺭ ﻧﺤﺒﻚ ﺗﻨﻈﻒ ﻫﺎﺫ ﺍﻟﺸﻲ ﺑﺎﺳﺮﻉ ﻭﻗﺖ ﺩﻳﺮ ﻣﺆﺗﻤﺮ ﺗﺤﻜﻲ ﻓﻴﻪ ﻣﻨﺤﺒﺶ ﻧﻌﺮﻑ ﻛﻴﻔﺎﻩ ﻟﻜﻦ ﺩﻳﺮ ﺣﻞ ﺷﻬﺎﺏ : ﺍﻭﻛﻲ ﺩﺭﻙ ﻧﺮﻭﺡ ﻧﺪﻳﺮ ﺗﺤﻠﻴﻞ ﻭ ﻧﺨﻠﻴﻬﻢ ﻳﻨﺸﺮﻭ ﺗﻜﺬﻳﺐ ﻣﻊ ﺍﻟﺪﻟﻴﻞ ﻣﺘﺨﺎﻓﺶ ﺭﺍﺡ ﻧﺤﻠﻬﺎ ﺣﺴﻴﻦ : ﺍﻧﺖ ﻫﺒﻠﺖ ﻭﺍﺵ ﻣﻦ ﺗﺤﻠﻴﻞ ﺗﺤﻜﻲ ﻋﻠﻴﻪ ﺭﺍﺡ ﺗﺨﻠﻴﻨﺎ ﺿﺤﻚ ﻓﻲ ﻭﺳﻂ ﺍﻟﻨﺎﺱ ﻧﺤﺒﻚ ﺗﺮﻭﺡ ﺩﻳﺮ ﻣﺆﺗﻤﺮ ﺗﻘﻠﻬﻢ ﺑﻨﺘﻲ ﻭ ﺍﻧﺎ ﻭﺍﻣﻬﺎ ﻣﺘﺰﻭﺟﻴﻦ ﻣﺎﺗﺨﻠﻴﻨﻴﺶ ﻧﺠﻲ ﺷﻬﺎﺏ : ﻻ ﻣﺎ ﺗﺠﻴﺶ ﺩﺭﻙ ﻧﺪﻳﺮ ﺣﻞ ﺍﻧﺎ ﺣﺴﻴﻦ : ﺍﻻﺣﺴﻦ ﺩﻳﺮﻭ ﺑﺴﺮﻋﺔ ﻣﺘﻨﺴﺎﺵ ﺍﻧﺘﺨﺎﺑﺎﺕ ﺍﻟﺒﺮﻟﻤﺎﻥ ﻗﺮﺑﺖ ﻭ ﺑﺎﺑﺎﻙ ﺭﺍﺡ ﻳﻨﻀﺮ ﻣﻦ ﻫﺎﺫﺍ ﺍﻟﺸﻲ ﺩﻳﺮ ﺣﻞ ﻗﺒﻞ ﻣﺎ ﻳﺴﻤﻊ ﺷﻬﺎﺏ : ﺍﻛﻴﺪ ﺧﻠﻴﻬﺎ ﻋﻠﻴﺎ ﻗﺺ ﻋﻠﻴﻪ ﻭ ﻛﺒﺲ ﻋﻼ ﺍﻟﺘﻴﻠﻴﻔﻮﻥ ﻳﻐﺰﻝ - ﻳﻌﻨﻲ ﻟﺼﻘﺖ ﺍﻧﺎ ﺩﺭﻙ ﺍﻛﻴﺪ ﻫﻲ ﺩﺍﺭﺗﻬﺎ ﺗﺤﺐ ﻧﺘﺰﻭﺝ ﺑﻴﻬﺎ ﺍﻛﻴﺪ ﻫﺬﻱ ﻫﻲ ﺧﻄﺘﻬﺎ ﻭﻗﻒ ﺣﻂ ﺍﻟﺘﻠﻴﻔﻮﻥ ﻓﻲ ﺟﻴﺒﻮ ﻭ ﺧﺮﺝ ﺷﻬﺎﺏ : ﺗﻌﺮﻑ ﻋﻨﻮﺍﻥ ﻣﺪﻣﻮﺯﺍﻝ ﻧﺠﻮﻯ ﺣﺮﻙ ﺭﺍﺳﻮ ﺍﻟﺴﻜﺮﺗﻴﺮ ﺍﻳﻪ ﺷﻬﺎﺏ : ﺍﻋﻄﻴﻨﻲ ﺍﻟﻌﻨﻮﺍﻥ ﻧﺴﺘﻨﺎﻩ ﻳﻮﺻﻠﻨﻲ ﻣﻴﺴﺎﺝ ﻣﺸﺎ ﺧﺮﺝ ﻃﻠﻊ ﻓﻲ ﺍﻟﻄﻮﻣﻮﺑﻴﻞ ﻭﺻﻠﻮ ﺍﻟﻌﻨﻮﺍﻥ ﺭﺍﺡ ﻟﻌﻨﺪﻫﺎ ﻭﺑﻤﺎ ﺍﻧﻮ ﻣﻴﻘﺪﺭﺵ ﻳﺪﺧﻞ ﻟﻠﺪﺍﺧﻞ ﺑﺴﻴﺎﺭﺗﻮ ﻧﺰﻝ ﺷﺎﻑ ﻭﻻﺩ ﺻﻐﺎﺭ ﺳﻘﺴﺎﻫﻢ ﻋﻠﻰ ﻧﺠﻮﻯ ﻧﻌﺘﻮﻟﻮ ﺩﺍﺭﻫﺎ ﺭﺍﺡ ﺩﺧﻞ ﺍﻟﺒﻨﺎﻳﺔ ﺗﻌﻬﺎ ﺑﻨﺎﻳﺔ ﻗﺪﻳﻤﺔ ﻣﻮﺳﺨﺔ ﻳﻤﺸﻲ ﻭ ﻳﻨﻔﺾ ﻓﻲ ﺭﻭﺣﻮ ﻣﻦ ﺍﻟﻐﺒﺎﺭ ﻣﻦ ﺑﻌﺪ ﻭﻗﻒ ﻗﺪﺍﻡ ﺑﺎﺏ ﺍﻟﺪﺍﺭ ﺭﺍﺡ ﻳﺪﻗﺪﻕ ﺟﺒﺪ ﻣﻨﺪﻳﻞ ﻟﻒ ﻳﺪﻭ ﻭ ﺩﻗﺪﻕ ﻭﻫﻮ ﻳﺘﻘﺰﺯ ________ ﻛﻨﺖ ﻣﻊ ﺳﻠﻴﻦ ﻧﺒﺪﻟﻠﻬﺎ ﻓﻲ ﺍﻟﻜﻮﺵ ﺳﻤﻌﺖ ﺍﻟﺒﺎﺏ ﻳﺪﻗﺪﻕ ﻣﺸﻴﺖ ﺣﻠﻴﺖ ﻟﻘﻴﺘﻮ ﻫﻮ ﻋﺎﻭﺩﺕ ﻗﻔﻠﺖ ﺍﻟﺒﺎﺏ ﺣﻜﻤﻮ ﺑﻴﺪﻭ ﺍﻟﺤﻠﻘﺔ 21 ﺟﺰﺀ 2 ﺷﻬﺎﺏ : ﻻﺯﻡ ﻧﺤﻜﻴﻮ ﻃﻠﻌﺖ ﺣﺎﺟﺒﻲ ﻭ ﺭﺑﻌﺖ ﻳﺪﻳﺎ - ﺧﻴﺮ ﻭﺵ ﻋﻨﺪﻙ ﺗﺤﻜﻲ ﻓﻴﻪ ﺷﻬﺎﺏ : ﻧﺤﻜﻲ ﻫﻨﺎ ﻓﻲ ﺍﻟﺒﺎﺏ -ﺍﻳﻪ ﺷﻬﺎﺏ : ﺷﻔﺘﻲ ﺍﻟﺨﺒﺮ ﻟﻲ ﺧﺮﺝ ؟ ﻭﺵ ﻛﺎﻥ ﻗﺼﺪﻙ ﻛﻲ ﺩﺭﺗﻲ ﻫﻜﺬﺍ - ﻣﺎﺵ ﺍﻧﺎ ﻟﻲ ﺩﺭﺕ ﻫﻜﺬﺍ ﻭﺍﻧﺖ ﺻﺪﻕ ﻭﻻ ﻻ ﻣﺎﻳﻬﻤﻨﻴﺶ ﺣﻜﻤﺖ ﺍﻟﺒﺎﺏ ﻗﻔﻠﺘﻮ ﻓﻲ ﻭﺟﻬﻮ ﺣﻂ ﺭﺟﻠﻮ ﻣﺨﻼﻧﻴﺶ ﻧﻘﻔﻠﻮ ﺷﻬﺎﺏ : ﺧﻠﻴﻨﺎ ﻧﺤﻜﻴﻮ - ﻣﻌﻨﺪﻱ ﻭﺵ ﻧﺤﻜﻲ ﻣﻌﺎﻙ ﻧﺤﻲ ﺭﺟﻠﻚ ﺷﻬﺎﺏ : ﻓﻲ ﺧﺎﻃﺮ ﺳﻠﻴﻦ ﻋﻮﺟﺖ ﺷﻔﺘﻲ ﻭ ﺣﻠﻴﺖ ﺍﻟﺒﺎﺏ - ﺍﺩﺧﻞ ﺩﺧﻞ ﻟﺪﺍﺧﻞ ﻭﻫﻮ ﻳﺸﻮﻑ ﻣﻦ ﻭ ﻣﻦ ﻣﻊ ﺍﻟﺪﺍﺭ ﻣﻦ ﻣﻼﻣﺤﻮ ﻭﺍﺿﺢ ﺑﻠﻲ ﻣﺘﻘﺰﺯ ﺍﻳﻪ ﻭﺍﺵ ﺟﺎﺏ ﺩﺍﺭﻭ ﻝ ﺩﺍﺭﻱ ﺣﻚ ﺣﺎﺟﺒﻮ ﻭﺗﻠﻔﺖ ﻟﻴﺎ ﺷﻬﺎﺏ : ﻻﺯﻡ ﺗﻌﺎﻭﻧﻴﻨﻲ ﻧﺪﻳﺮ ﺣﻞ ﺑﻤﺎ ﺍﻧﻮ ﺍﻧﺘﻲ ﺍﻟﺴﺒﺐ ﻓﻠﻲ ﺭﺍﻧﻲ ﻓﻴﻪ - ﺍﻧﺎ ﺍﻟﺴﺒﺐ؟؛ ﺗﺤﻜﻲ ﺻﺢ ﺍﻧﺖ ؟ ﻭﺍﺵ ﺩﺭﺕ ﺍﻧﺎ ﻣﺶ ﺍﻧﺖ ﻟﻲ ﻗﻠﺘﻠﻲ ﺭﻭﺣﻲ ﻣﻌﺎﻳﺎ ﺟﺪﺍﺗﻲ ﻣﺮﻳﻀﺔ ؟ ﺷﻬﺎﺏ : ﺍﻧﺎ ﻣﺎ ﻛﻨﺘﺶ ﻧﺘﺼﻮﺭ ﻳﺨﺮﺝ ﺧﺒﺮ ﻛﻴﻒ ﻫﻜﺬﺍ ﻭ ﺩﺭﻙ ﺟﺪﺍﺗﻲ ﺭﺍﻫﻲ ﻣﺮﻳﻀﺔ ﺗﺤﺐ ﺗﺸﻮﻑ ﺳﻠﻴﻦ ﻭ ﺍﻟﻨﺎﺱ ﻛﻞ ﻇﻦ ﺑﻠﻲ ﻫﻲ ﺑﻨﺘﻲ ﺟﺪﻱ ﻳﺤﺒﻨﻲ ﻧﻠﻘﺎ ﺣﻞ ﺑﺎﺵ ﻧﺴﻜﺖ ﺍﻟﻨﺎﺱ ﻭ ﻧﻐﻄﻲ ﻋﻠﻰ ﻫﺎﺫ ﺍﻟﻔﻈﻴﺤﺔ ﻗﺒﻞ ﻣﺎ ﺗﻤﺲ ﺑﺎﻻﻧﺘﺨﺎﺑﺎﺕ ﺗﺎﻉ ﺑﺎﺑﺎ - ﻭﺍﻧﺎ ﻭﺍﺵ ﺩﺧﻠﻨﻲ ﺣﺎﺟﺔ ﻣﺎ ﺗﺨﺼﻨﻴﺶ ﺷﻬﺎﺏ : ﻣﺴﺘﻌﺪ ﻧﻤﺪﻟﻚ ﺍﻟﻤﺒﻠﻎ ﻟﻲ ﺗﻄﻠﺒﻴﻪ ﻋﻘﺪﺕ ﺣﻮﺍﺟﺒﻲ ﻭﺧﺰﺭﺕ ﻓﻴﻪ ﻧﺎﺱ ﻛﻴﻔﻮ ﻫﺬﺍ ﻫﻮ ﻫﻤﻬﻢ ﻳﺨﻤﻤﻮ ﺍﻧﻮ ﻛﻠﺶ ﻳﺘﺸﺮﺍ ﺑﺎﻟﺪﺭﺍﻫﻢ - ﻣﺎﻧﺤﺘﺎﺝ ﻭﺍﻟﻮ ﻣﻨﻚ ﺍﺗﻔﻀﻞ ﺍﺧﺮﺝ ﻋﻠﻴﺎ ﺷﻬﺎﺏ : ﻣﺘﻜﻮﻧﻴﺶ ﺃﻧﺎﻧﻴﺔ ﻣﺶ ﻭﻗﺖ ﺗﺨﻤﻤﻲ ﻓﻲ ﻛﺮﺍﻣﺘﻚ ﺑﻤﺎ ﺍﻧﻮ ﺑﻨﺘﻚ ﻣﺮﻳﻀﺔ ﺍﻛﻴﺪ ﺭﺍﺡ ﺗﺤﺘﺎﺟﻴﻬﻢ ﺍﻋﺘﺒﺮﻳﻬﻢ ﻣﺴﺎﻋﺪﺓ ﻣﻨﻲ ﻣﻘﺎﺑﻞ ﻣﺴﺎﻋﺪﺗﻚ ﻟﻴﺎ ﺻﺮﺍﺣﺔ ﻟﻲ ﻗﺎﻟﻮ ﻛﺎﻥ ﻋﻨﺪﻭ ﺣﻖ ﻓﻴﻪ ﻣﺶ ﻭﻗﺖ ﻧﺨﻤﻢ ﻓﻲ ﻛﺮﺍﻣﺘﻲ ﻻﻧﻮ ﻛﻞ ﻣﺎ ﻳﻤﺮ ﺍﻟﻮﻗﺖ ﺳﻠﻴﻦ ﺭﺍﺡ ﺗﺘﻌﻘﺪ ﺣﺎﻟﺘﻬﺎ ﺍﻛﺘﺮ - ﻭﺍﺵ ﺍﻟﻤﻄﻠﻮﺏ ﻣﻨﻲ ؟ ﺷﻬﺎﺏ : ﻧﺘﺰﻭﺟﻮ -ﻛﻴﻔﺎﻩ ؟ ﻭﺳﺎﻋﻮ ﻋﻴﻨﻴﺎ ﻭ ﺑﻬﺖ ﻓﻴﻪ ﻧﺸﻮﻑ ﻣﻌﺎﻩ ﻣﻜﺎﻧﺶ ﻳﻀﺤﻚ ﺭﺍﻫﻮ ﻳﺤﻜﻲ ﺻﺢ ﻣﻦ ﻣﻼﻣﺢ ﻭﺟﻬﻮ ﺍﻟﺠﺪﻳﺔ ﺍﺳﺘﻐﺮﻗﺖ ﺛﻮﺍﻧﻲ ﺑﺶ ﻧﺤﻠﻞ ﻫﺎﺫ ﺍﻟﻜﻠﻤﺔ ﻭ ﻧﻌﺎﻭﺩ ﻧﺤﻜﻲ - ﻭﺵ ﻗﺼﺪﻙ ﻧﺘﺰﻭﺟﻮ ﻳﻌﻨﻲ ﺍﻧﺎ ﻭ ﺍﻧﺖ ؟ ﺷﻬﺎﺏ : ﺍﻳﻪ - ﺍﻧﺖ ﻫﺒﻠﺖ ؟ ﻓﻲ ﻣﻨﺎﻣﻚ ﻣﺎ ﺗﺤﻠﻤﺶ ﺑﻴﻬﺎ ﺷﻬﺎﺏ : ﻭﺍﻟﻠﻪ ﺭﺍﺡ ﻧﻘﻮﻝ ﺍﻧﺘﻲ ﻟﻲ ﻓﻲ ﻣﻨﺎﻣﻚ ﻣﺎ ﺗﺤﻠﻤﻴﺶ ﺗﺪﻱ ﻭﺍﺣﺪ ﻛﻴﻔﻲ ﻟﻜﻦ ﺧﻠﻴﻨﺎ ﻧﺤﻜﻴﻮ ﺻﺮﺍﺣﺔ ﺳﻠﻴﻦ ﻣﺴﺠﻠﺔ ﻋﻨﺪﻫﺎ ﻟﻘﺐ ﺗﻌﺮﻓﻲ ﺷﻜﻮﻥ ﺑﺎﺑﺎﻫﺎ ﺧﺰﺭﺕ ﻓﻴﻪ ﻧﻈﺮﺓ ﻗﺎﻟﺘﻠﺔ - ﻧﻌﺮﻑ ﺷﻜﻮﻥ ﺑﺎﺑﺎﻫﺎ ﻣﺶ ﻛﻴﻤﺎ ﺭﺍﻙ ﻣﺘﺼﻮﺭ ﺷﻬﺎﺏ : ﻣﻠﻴﺢ ﻳﻌﻨﻲ ﻋﻨﺪﻫﺎ ﻟﻘﺐ ﻳﻌﻨﻲ ﻧﻘﺪﺭ ﻧﺜﺒﺖ ﺑﻠﻲ ﻣﺶ ﺑﻨﺘﻲ ﻫﺒﻄﺖ ﺭﺍﺳﻲ ﻭ ﻫﻤﺴﺖ - ﻣﻌﻨﺪﻫﺎﺵ ﺷﻬﺎﺏ : ﻣﺎﻻ ﺗﺘﺰﻭﺟﻲ ﺑﻴﺎ ﻭ ﺗﺨﺮﺟﻲ ﻣﻌﺎﻳﺎ ﻏﺪﻭﺓ ﻧﺪﻳﺮ ﻟﻘﺎﺀ ﻧﻜﺬﺏ ﻓﻴﻪ ﻟﻲ ﺗﻘﺎﻝ ﻭﻧﻘﻠﻬﻢ ﺍﻧﺘﻲ ﻣﺮﺗﻲ ﻭﻫﺬﻳﻚ ﺑﻨﺘﻲ ﺍﻧﺎ ﻧﻤﺪﻟﻬﺎ ﻟﻘﺐ ﻛﻴﻒ ﺍﻟﻨﺎﺱ ﻭ ﻧﺪﻳﺮﻟﻬﺎ ﺍﻟﻌﻤﻠﻴﺔ ﻭ ﺑﻌﺪ 6 ﺍﺷﻬﺮ ﻧﻨﻔﺎﺻﻠﻮ ﻭ ﻛﻞ ﻭﺍﺣﺪ ﻓﻲ ﻃﺮﻳﻘﻮ ﻳﻌﻨﻲ ﻓﻲ ﺍﻟﺤﻜﺎﻳﺔ ﻫﺬﻱ ﻛﻞ ﺍﻧﺘﻲ ﺍﻛﺒﺮ ﻣﺴﺘﻔﻴﺪ - ﻳﻌﻨﻲ ﻛﻮﻥ ﻣﺶ ﻣﺴﺘﻔﻴﺪ ﺍﻧﺖ ﻣﻦ ﻫﺎﺫﺍ ﺭﺡ ﺗﻄﻠﺐ ﻣﻨﻲ ﻧﺘﺰﻭﺟﻮ ﺷﻬﺎﺏ : ﻣﻦ ﻓﻀﻠﻚ ﺧﻤﻤﻲ ﻓﻴﻬﺎ ﻗﺒﻞ ﻧﻔﺴﻚ ﺗﻠﻔﺖ ﻝ ﺳﻠﻴﻦ ﻧﺸﻮﻑ ﻣﻌﺎﻫﺎ ﺗﻠﻌﺐ ﺣﺎﻃﺔ ﺭﺟﻠﻬﺎ ﻓﻲ ﻓﻤﻬﺎ ﺗﺎﻛﻞ ﻓﻴﻬﺎ ﻣﺶ ﻋﺎﺭﻓﺔ ﻭﺵ ﻛﺎﻳﻦ - 6 ﺍﺷﻬﺮ ﻣﺪﺓ ﻃﻮﻳﻠﺔ ﺷﻬﺎﺏ : ﺣﺘﻰ ﻳﻤﺮﻭ ﺍﻻﻧﺘﺨﺎﺑﺎﺕ ﺑﻌﺪﻫﺎ ﻧﻨﻔﺼﻠﻮ ﻣﺒﺎﺷﺮﺓ - ﻧﺴﻜﻦ ﻣﻌﺎﻙ ﻳﻌﻨﻲ؟ ﺷﻬﺎﺏ : ﻻ ﻧﺰﻭﺟﻮ ﻭﺍﻧﺘﻲ ﺍﻗﻌﺪﻱ ﻋﻴﺸﻲ ﻫﻨﺎ ﻓﻲ ﻫﺎﺫ ﺍﻟﺨﺮﺍﺑﺔ ﻭ ﺍﻧﺎ ﻧﻌﻴﺶ ﻟﻬﻴﻦ ﻭ ﻧﺒﻘﺎﻭ ﺣﺪﻳﺚ ﺍﻟﺼﺤﺎﻓﺔ - ﺍﻓﻔﻒ ﺍﺳﻜﺖ ﻋﻼﻩ ﺗﺼﻴﺢ ﺷﻬﺎﺏ : ﻗﺮﺍﺭﻙ ؟ - ﺑﻌﺪ ﻣﺎ ﻧﺰﻭﺟﻮ ﺗﻌﻤﻞ ﺍﻟﻌﻤﻠﻴﺔ ﻝ ﺳﻠﻴﻦ ﻓﻲ ﺍﺳﺮﻉ ﻭﻗﺖ ؟ ﺷﻬﺎﺏ : ﺍﻛﻴﺪ - ﻭ ﻧﺒﻘﺎ ﻧﺨﺪﻡ ﺷﻬﺎﺏ : ﻭﻳﻦ ﺗﺨﺪﻣﻲ ؟ ﻋﻨﺪﻱ ؟ ﻣﺤﺎﻝ ﺍﻧﺴﺎﻱ - ﺍﻭﻛﻲ ﻣﺎﻻ ﻣﻜﺎﻧﺶ ﺍﺗﻔﺎﻕ ﺷﻬﺎﺏ : ﺍﻧﺘﻲ ﻫﺒﻠﺘﻲ ﺗﺤﺒﻲ ﺗﺨﺪﻣﻲ ﻋﻨﺪﻱ ﻓﻲ ﺍﻟﻜﻮﺯﻳﻨﺔ ﺑﻌﺪ ﻫﺎﺫ ﺍﻟﺸﻲ ﻟﻲ ﺧﺮﺝ ﻭ ﻧﻘﻠﻬﻢ ﻣﺮﺗﻲ ﻭ ﺗﺨﺪﻡ ﻋﻨﺪﻱ - ﺍﻳﻪ ﻭﺵ ﻓﻴﻬﺎ ﺷﻬﺎﺏ : ﻻ ﻧﻠﻘﺎﻟﻚ ﺧﺪﻣﺔ ﺟﺪﻳﺪﺓ - ﺍﻭﻛﻲ ﻣﻮﺍﻓﻘﺔ ﺷﻬﺎﺏ : ﺍﻋﻄﻴﻨﻲ ﻛﺎﺭﺕ ﺗﺎﻋﻚ ﻣﺎﻻ ﻧﺮﻭﺡ ﺩﺭﻙ ﻧﻮﺟﺪ ﻟﻜﺘﺐ ﺍﻟﻜﺘﺎﺏ - ﺩﺭﻙ ؟ ﺷﻬﺎﺏ : ﺍﻧﺘﻲ ﻣﺎ ﺳﻤﻌﺘﻴﺶ ﻳﻤﻜﻦ ﻛﻲ ﻗﻠﺘﻠﻚ ﻏﺪﻭﺓ ﻻﺯﻡ ﻧﺨﺮﺟﻮ ﻧﺤﻜﻴﻮ ﻣﻊ ﺍﻟﺼﺤﺎﻓﺔ ﻳﻌﻨﻲ ﺑﺤﻠﻮﻝ ﺍﻟﻐﺪ ﺭﺍﺡ ﺗﻜﻮﻧﻲ ﻣﺮﺗﻲ ﺑﻠﻌﺖ ﺭﻳﻘﻲ ﻭﺍﻧﺎ ﻧﺘﺨﻴﻞ ﻓﻲ ﺍﻟﻤﻮﻗﻒ ﺛﺎﻧﻲ ﻣﺮﺓ ﺭﺡ ﻧﺘﺰﻭﺝ ﺑﺨﺪﻋﺔ ﻟﻜﻦ ﺍﻟﻔﺮﻕ ﺍﻧﻮ ﻫﺎﺫ ﺍﻟﻤﺮﺓ ﺑﻌﻠﻤﻲ ﻭ ﺭﺍﺡ ﺗﻜﻮﻥ ﺻﺢ ﺗﻨﻬﺪﺕ ﻭﻣﺸﻴﺖ ﺧﺮﺟﺖ ﺍﻟﻜﺎﺭﺕ ﺗﺎﻋﻲ ﻣﻦ ﺍﻟﺴﺎﻙ ﺣﻄﻴﺘﻬﺎ ﻓﻲ ﻳﺪﻭ ﺗﺒﺴﻢ ﺗﺒﺴﻴﻤﺔ ﺑﺎﺭﺩﺓ ﻛﻴﻔﻮ ﻭ ﻣﺸﺎ ﻧﺸﻮﻑ ﻓﻴﻪ ﻛﻲ ﺟﺒﺪ ﻣﻨﺪﻳﻞ ﺣﻄﻮ ﻋﻠﻰ ﻗﻔﻞ ﺍﻟﺒﺎﺏ ﺣﻠﻮ ﻭ ﺧﺮﺝ ﺑﻔﻔﻒ ﺩﺭﻭﺕ ﻭﺟﻬﻲ ﻣﻨﻮ ﻭ ﻣﺸﻴﺖ ﻟﻌﻨﺪ ﺳﻠﻴﻦ ﻧﺤﻜﻲ ﻣﻌﺎﻫﺎ - ﻳﺎ ﺭﻭﺡ ﻣﺎﻣﺎ ﺭﺡ ﺗﺮﻭﺡ ﺑﻨﺘﻲ ﺗﻌﻤﻞ ﻋﻤﻠﻴﺔ ﻭ ﺗﺮﺗﺎﺡ ﻭﺗﺮﺟﻊ ﺍﺣﺴﻦ ﻣﻦ ﻗﺒﻞ ﻭ ﺷﻲ ﻣﺎ ﻳﻮﺟﻌﻬﺎ ﺍﻗﻌﺪﺕ ﻋﻠﻰ ﺍﻋﺼﺎﺑﻲ ﻧﺴﺘﻨﺎ ﻓﻴﻪ ﻳﻜﻠﻤﻨﻲ ﻧﻔﺮﻙ ﻓﻲ ﻳﺪﻳﺎ ﺭﺍﻳﺤﺔ ﺟﺎﻳﺔ ﺻﻮﻧﺎ ﺗﻠﻴﻔﻮﻧﻲ - ﺍﻟﻮ ﺷﻬﺎﺏ : ﺣﻈﺮﻱ ﺭﻭﺣﻚ ﺭﺍﻧﻲ ﺟﺎﻱ ﺗﻨﻬﺪﺕ ﻭ ﻋﻀﻴﺖ ﺷﻔﺘﻲ ﻗﻠﺘﻠﻮ ﺍﻳﻪ ﻭﺻﻞ ﻭﺍﻧﺎ ﻫﺰﻳﺖ ﺳﻠﻴﻦ ﻭ ﻧﺰﻟﺖ ﻟﻌﻨﺪﻭ ﻛﺎﻥ ﻭﺍﻗﻒ ﻗﺪﺍﻡ ﺍﻟﺒﺎﺏ ﺭﺟﻠﻴﺎ ﻳﺮﻋﺸﻮ ﺷﻬﺎﺏ : ﺍﻋﻄﻴﻨﻲ ﻣﻔﺎﺗﺤﻚ - ﻭﻳﻨﺎ ﻣﻔﺎﺗﺢ؟ ﺷﻬﺎﺏ : ﻣﻔﺎﺗﺢ ﺍﻟﺪﺍﺭ ﺑﺶ ﻧﺒﻌﺖ ﻟﻲ ﻳﺠﻴﺐ ﺣﻮﺍﻳﺠﻚ ﻫﺰﻳﺖ ﺍﻟﻤﻔﺘﺎﺡ ﺣﻄﻴﺘﻮ ﻓﻲ ﻳﺪﻭ ﻭﻫﻮ ﻗﺎﻟﻲ ﺍﻣﺸﻲ ﻣﺸﻴﺖ ﻗﺒﻠﻮ ﻭﻫﻮ ﻭﺭﺍﻳﺎ ﻗﻠﺒﻲ ﻳﻀﺮﺏ ﻭﺻﻠﻨﺎ ﺍﻟﻄﻮﻣﻮﺑﻴﻞ ﺣﻠﻲ ﺍﻟﺒﺎﺏ ﺷﻬﺎﺏ : ﺍﻃﻠﻌﻲ ﻃﻠﻌﺖ ﻭ ﻋﻘﻠﻲ ﻳﺨﻤﻢ ﻓﻲ ﺍﻟﻒ ﺣﺎﺟﺔ ﺷﻔﺘﻮ ﻣﺪ ﺍﻟﻤﻔﺘﺎﺡ ﻝ 2 ﺭﺟﺎﻝ ﻭﺍﻗﻔﻴﻦ ﻣﻌﺎﻩ ﻭ ﻣﺸﺎ ﻃﻠﻊ ﻣﻦ ﺟﻴﻬﺘﻮ ﻗﻠﺒﻲ ﻳﻀﺮﺏ ﺣﺎﺳﺔ ﺑﻠﻲ ﺭﺡ ﻧﺪﻳﺮ ﻏﻠﻄﺔ ﻛﺒﻴﺮﺓ ﻣﺸﻴﻨﺎ ﻭ ﺻﻤﺖ ﺭﻫﻴﺐ ﻭﺍﺣﺪ ﻓﻴﻨﺎ ﻣﺎ ﺣﻜﺎ ﻛﻠﻤﺔ ﻏﻴﺮ ﺻﻮﺕ ﻧﻔﺲ ﺗﻌﻨﺎ ﻃﺎﻟﻊ ﻫﺎﺑﻂ ﻭ ﺳﻠﻴﻦ ﺗﺤﻜﻲ ﻓﻲ ﻟﻐﺘﻬﺎ ﻟﻲ ﺣﺪ ﻣﻴﻔﻬﻤﻬﺎ ﻭﺻﻠﻨﺎ ﺗﻠﻔﺖ ﻟﻴﺎ ﺷﻬﺎﺏ : ﺭﺍﺡ ﻧﻮﻗﻌﻮ ﺍﻟﻌﻘﺪ ﻭ ﻧﻮﻗﻊ ﻝ ﻟﺴﻠﻴﻦ ﻋﻠﻰ
ﺃﻧﻬﺎ ﺑﻨﺘﻲ ﺗﺤﺒﻲ ﻧﺪﻳﺮﻭ ﺷﺮﻭﻁ ﻣﻜﺘﻮﺑﺔ ﻭﺍﻻ ﺗﻘﺪﺭﻱ ﺗﻠﺘﺎﺯﻣﻲ ﺑﺎﻟﻌﻘﺪ ﺑﻼ ﻣﺎ ﻧﻜﺘﺒﻮﻫﻢ - ﻧﻈﻦ ﻣﻜﺘﻮﺑﺔ ﺍﺣﺴﻦ ﺑﺶ ﻛﻞ ﻭﺍﺣﺪ ﻳﻀﻤﻦ ﺣﻘﻮ ﺷﻬﺎﺏ : ﺍﻳﻪ ﻫﻴﺎ ﺍﻧﺰﻟﻲ ﻧﺰﻟﺖ ﻭﺩﺧﻠﻨﺎ ﻟﺪﺍﺧﻞ ﻟﻠﻤﻜﺘﺐ ﻛﺎﻥ ﻛﻠﺶ ﻣﺤﻈﺮ ﻏﻴﺮ ﻧﻮﻗﻌﻮ ﺷﻬﺎﺏ : ﻭﻗﻌﻲ ﻫﻨﺎ ﻭ ﺷﺮﻭﻁ ﺍﻟﻌﻘﺪ ﻏﺪﻭﺓ ﻳﻜﺘﺒﻬﺎ ﺍﻟﻤﺤﺎﻣﻲ ﻭ ﻧﻮﻗﻌﻮﻫﺎ ﻫﺰﻳﺖ ﺍﻟﺴﺘﻴﻠﻮ ﻓﻲ ﻳﺪﻱ ﻛﻨﺖ ﻣﺘﺮﺩﺩﺓ ﺑﻌﺾ ﺍﻟﺸﻲ ﻟﻜﻦ ﺣﺴﻤﺖ ﺍﻷﻣﺮ ﻭ ﻭﻗﻌﺖ ﻛﻴﻤﺎ ﻗﺎﻝ ﻻﺯﻡ ﻧﺨﻤﻢ ﻓﻲ ﺳﻠﻴﻦ ﻫﺰ ﻭﻗﻊ ﻫﻮ ﺗﺎﻧﻲ ﻭ ﺳﺠﻠﻨﺎ ﺳﻠﻴﻦ ﻓﻲ ﺍﻟﺪﻓﺘﺮ ﻋﻠﻰ ﺃﻧﻬﺎ ﺑﻨﺘﻮ ﻋﻄﺎﻧﻲ ﺍﻟﻌﻘﺪ ﻭ ﺍﻟﺪﻓﺘﺮ ﺷﻬﺎﺏ : ﺿﻤﺎﻧﺔ ﻟﻴﻚ ﺧﻠﻴﻬﻢ ﻋﻨﺪﻙ ﺣﻜﻤﺘﻬﻢ ﻭ ﺗﻔﻜﺮﺕ ﺍﺧﺮ ﻣﺮﺓ ﻛﻲ ﺗﺰﻭﺟﺖ ﻛﻴﻔﺎﻩ ﻣﺎ ﺣﺒﺶ ﻳﻤﺪﻟﻲ ﺍﻟﻌﻘﺪ ﻭﺍﻟﺪﻓﺘﺮ ﻋﻠﻰ ﺃﺳﺎﺱ ﺧﺎﻳﻒ ﻧﻀﻴﻌﻬﻢ ﻓﺮﻕ ﺑﻴﻨﻮ ﻭ ﺑﻴﻦ ﺩﺭﺍﻛﻮﻻ ﻛﻴﻔﺎﻩ ﻛﻨﺖ ﻏﺒﻴﺔ ﻣﻨﻌﺮﻑ ﺷﻲ ﻗﺪﺭ ﻳﻠﻌﺐ ﻋﻠﻴﺎ ﺷﻬﺎﺏ : ﻫﻴﺎ ﻧﺮﻭﺣﻮ ﺗﻠﻔﺖ ﻟﻠﺤﺎﺿﺮﻳﻦ ﺷﻬﺎﺏ : ﻟﻲ ﻫﻨﺎ ﻧﺤﺐ ﻳﻘﻌﺪ ﻫﻨﺎ ﻛﻮﻥ ﺗﺨﺮﺝ ﺍﻟﺤﻜﺎﻳﺔ ﻧﻌﺮﻑ ﺷﻜﻮﻥ ﻧﺤﺎﺳﺐ ﺧﺮﺟﻨﺎ ﻭ ﺭﺍﻳﺤﻴﻦ ﻟﻠﺪﺍﺭ ﻋﻨﺪﻭ ﻛﻠﻤﺘﻮ ﺟﺪﺍﺗﻮ ﺷﻬﺎﺏ : ﺍﻟﻮ ... ﻣﺎﻧﻲ .. ﺍﻳﻪ ﻣﻠﻴﺢ ... ﺧﻼﺹ ﺳﺎﻳﻲ ﺭﺍﻧﻲ ﺟﺎﻳﺒﻬﺎ .. ﺍﻳﻪ ﺭﺟﻌﺘﻬﺎ ﻟﻌﻨﺪﻙ ﻭ ﻣﺎﺗﺰﻳﺪﺵ ﺗﺨﻠﻴﻚ ... ﺍﻧﺘﻲ ﺍﺭﺗﺎﺣﻲ ﻭﺧﻠﻲ ﻛﻠﺶ ﻋﻠﻴﺎ ... ﺍﻳﻪ ﻣﺎﻧﻲ ﺻﺎﻟﺤﺘﻬﺎ ﻭﺭﺍﻧﻲ ﻓﻲ ﺍﻟﻄﺮﻳﻖ ﺟﺎﻳﻴﻦ ﻛﻲ ﻧﻮﺻﻞ ﻧﺤﻜﻴﻮ ﻓﻬﻤﺖ ﺑﻠﻲ ﻛﻠﻤﺘﻮ ﺗﺤﺐ ﺗﻌﺮﻑ ﺍﺫﺍ ﺗﺼﺎﻟﺤﻨﺎ ﺍﻟﻤﺴﻜﻴﻨﺔ ﻣﺨﺮﻓﺔ ﻭﺻﻠﻨﺎ ﺗﻠﻔﺖ ﻟﺴﻠﻴﻦ ﺭﺍﻗﺪﺓ ﻣﻦ ﻭﺭﺍ ﺣﻠﻴﺖ ﺍﻟﺒﺎﺏ ﻭ ﻧﺰﻟﺖ ﻭﻫﻮ ﻧﺰﻝ ﺗﺎﻧﻲ ﺣﻠﻴﺖ ﺍﻟﺒﺎﺏ ﻧﻬﺰ ﺳﻠﻴﻦ ﻧﻠﻘﺎ ﻓﻴﻪ ﺟﺎ ﻣﻦ ﻭﺭﺍﻳﺎ ﺣﻂ ﻳﺪﻭ ﻋﻼ ﻛﺘﺎﻓﻲ ﺣﺴﻴﺖ ﻗﺸﻌﺮﻳﺮﺓ ﻣﺸﺎﺕ ﻓﻲ ﺑﺪﻧﻲ ﻛﻞ ﻣﻦ ﺑﻼﺻﺔ ﻳﺪﻭ ﻭ ﻧﺰﻝ ﻣﻊ ﻇﻬﺮﻱ ﻭ ﺯﺍﺩﺕ ﺿﺮﺑﺎﺕ ﻗﻠﺒﻲ ﺑﺼﻮﺕ ﻳﻬﻤﺲ ﺷﻬﺎﺏ : ﻛﺎﻳﻦ ﻟﻲ ﻳﺼﻮﺭ ﻓﻴﻨﺎ ﺗﻈﺎﻫﺮﻱ ﺑﺄﻧﻚ ﻓﺮﺣﺎﻧﺔ ﺗﺒﺴﻤﺖ ﺭﻏﻢ ﺍﻧﻮ ﺑﺼﻌﻮﺑﺔ ﻗﺪﺭﺕ ﻧﺮﺳﻤﻬﺎ ﻋﻠﻰ ﺷﻔﺎﻳﻔﻲ ﻫﺰﻳﺖ ﺳﻠﻴﻦ ﻭﻫﻮ ﻗﻔﻞ ﺍﻟﺒﺎﺏ ﺗﺎﻉ ﺍﻟﻄﻮﻣﻮﺑﻴﻞ ﻭﻃﺒﺲ ﺑﺎﺱ ﺳﻠﻴﻦ ﻣﻦ ﺭﺍﺳﻬﺎ ﻋﻴﻨﻴﺎ ﺻﻮﺭﻭ ﺍﻟﻤﺸﻬﺪ ﻗﻌﺪ ﻳﺘﻌﺎﻭﺩ ﺍﻟﻒ ﻣﺮﺓ ﻓﻲ ﺛﺎﻧﻴﺔ ﺷﻔﺎﻳﻔﻮ ﻃﺒﻌﻮ ﺑﻮﺳﺔ ﻋﻠﻰ ﺭﺍﺳﻬﺎ ﺣﺴﻴﺖ ﻏﺼﺔ ﺳﻠﻴﻦ ﻋﻤﺮﻫﺎ ﻋﺮﻓﺖ ﺣﻨﺎﻥ ﺍﻻﺏ ﻳﻌﻨﻲ ﻳﺴﺘﺎﻫﻞ ﻟﻲ ﺩﺭﺗﻮ ﻫﺬﺍ ﻳﻌﻨﻲ ﻫﻮ ﻳﻤﺜﻞ ﻟﻜﻦ ﺳﻠﻴﻦ ﺭﺡ ﺗﺘﻌﻮﺩ ﻋﻠﻴﻪ ﻳﻤﻜﻦ ﺍﺭﺗﻜﺒﺖ ﻏﻠﻄﺔ ﻗﺺ ﻋﻠﻴﺎ ﺗﻔﻜﻴﺮﻱ ﺻﻮﺗﻮ ﺷﻬﺎﺏ : ﻫﻴﺎ ﻟﺪﺍﺧﻞ ﻣﺎﻧﻲ ﺗﺴﺘﻨﺎ ﻓﻴﻨﺎ ﺗﺒﺴﻤﺖ ﻭ ﻣﺸﻴﺖ ﻣﻌﺎﻩ ﻳﺪﻭ ﻋﻼ ﻛﺘﺎﻓﻲ ﻭ ﺳﻠﻴﻦ ﻓﻲ ﺣﻀﻨﻲ ﺣﻞ ﺍﻟﺒﺎﺏ ﺩﺧﻠﻨﺎ ﻭﺍﻭﻝ ﻣﺎ ﺩﺧﻠﻨﺎ ﻣﺸﺎ ﺑﻌﻴﺪ ﻭ ﻫﺰ ﺗﻠﻴﻔﻮﻧﻮ ﺷﻬﺎﺏ : ﺍﻟﻮ ... ﻛﻠﻢ ﺍﻛﺒﺮ ﺍﻟﺠﺮﺍﺋﺪ ﻏﺪﻭﺓ ﻳﺠﻴﻮ ﻧﻤﺪ ﺗﺼﺮﻳﺢ ﺍﻧﺎ ﻭ ﻣﺮﺗﻲ ﺑﻠﻌﺖ ﺭﻳﻘﻲ ﻭ ﻧﺴﻤﻊ ﻓﻲ ﺟﺪﺍﺗﻮ ﺳﻌﺎﺩ : ﺟﻴﺘﻮ؟؟؟ ﻣﺮﺣﺒﺎ ﻣﺮﺣﺒﺎ ﺟﺎﺕ ﻟﻌﻨﺪﻱ ﺗﺤﻀﻦ ﻭ ﺗﺒﻮﺱ ﻫﺰﺕ ﺳﻠﻴﻦ ﻣﻦ ﺣﻀﻨﻲ ﺳﻌﺎﺩ : ﺍﻳﻴﻲ ﺗﻮﺣﺸﺘﻚ ﻳﺎ ﺻﻐﻴﺮﻭﻧﺔ ﺧﺰﺭﺕ ﻓﻴﺎ ﺳﻌﺎﺩ : ﻛﺎﻳﻦ ﻣﺮﺍ ﺗﺨﺮﺝ ﻣﻦ ﺩﺍﺭ ﺭﺍﺟﻠﻬﺎ ﻭ ﺗﻐﻀﺐ ﻓﻲ ﺍﻟﻠﻴﻞ ﻋﻴﺐ ﻋﻴﺐ ﺷﻬﺎﺏ : ﻋﻴﺐ ﻛﺒﻴﺮ ﻗﻮﻟﻴﻠﻬﺎ ﻣﺎﻧﻲ ﻛﺎﻥ ﻳﺴﺘﻔﺰ ﻓﻴﺎ ﺿﺤﻚ ﻋﻠﻰ ﺟﻨﺐ ﻭﻣﺸﺎ - ﺳﺎﻣﺤﻴﻨﻲ ﺍﺧﺮ ﻣﺮﺓ ﺳﻌﺎﺩ : ﺍﻛﻴﺪ ﺍﺧﺮ ﻣﺮﺓ ﻣﺎ ﺗﻌﺎﻭﺩﻳﻬﺎﺵ ﻫﻴﺎ ﺍﺩﺧﻠﻲ ﺩﺧﻠﻨﺎ ﻗﻌﺪﻧﺎ ﺗﻌﺸﻴﻨﺎ ﺳﻬﺮﺕ ﻣﻊ ﺟﺪﺍﺗﻮ ﻭﺑﻌﺪ ﻣﺎ ﺭﻗﺪﺕ ﺳﻠﻴﻦ ﺍﺳﺘﺄﺫﻧﺖ ﻣﻨﻬﺎ ﺑﺶ ﻧﺮﻭﺡ ﻧﺸﻮﻑ ﺷﻬﺎﺏ ﻃﻠﻌﺖ ﻟﻌﻨﺪﻭ ﻛﺎﻥ ﻓﻲ ﻏﺮﻓﺔ ﺍﻟﻤﻜﺘﺐ ﺩﻗﺪﻗﺖ ﺷﻬﺎﺏ : ﺗﻔﻀﻠﻲ ﺩﺧﻠﺖ ﻭﺍﻧﺎ ﺍﻟﺘﻮﺗﺮ ﻳﺎﻛﻞ ﻓﻴﺎ ﺷﻬﺎﺏ : ﻧﻌﻢ - ﺟﻴﺖ ﺑﺶ ﻧﻘﻠﻚ ﺷﺮﻭﻁ ﺍﻟﻌﻘﺪ ﻟﻲ ﻣﻦ ﻃﺮﻓﻲ ﺷﻬﺎﺏ : ﻧﺴﻤﻊ ﻓﻴﻚ - ﺍﻟﺰﻭﺍﺝ ﻫﺬﺍ ﺭﺍﻫﻮ ﻋﻠﻰ ﻭﺭﻕ ﺑﺮﻙ ﻣﺶ ﺻﺢ ﺿﺤﻚ ﺿﺤﻜﺔ ﺧﺒﻴﺜﺔ ﺧﻼﺗﻨﻲ ﻧﺬﻭﺏ ﻓﻲ ﺑﻼﺻﺘﻲ ﺷﻬﺎﺏ : ﻫﻬﻬﻪ ﻳﻌﻨﻲ ﺻﺢ ﺣﻄﻴﺘﻲ ﻫﺎﺫ ﺍﻟﺸﺮﻁ ﻫﻬﻬﻪ ﻣﺎ ﺗﺨﺎﻓﻴﺶ ﻣﺶ ﻧﻮﻋﻲ ﺍﻟﻤﻔﻀﻞ ﻭﻣﺤﺎﻝ ﻧﻘﺮﺏ ﻋﻠﻴﻚ ﺣﺘﻰ ﻛﻮﻥ ﻧﻜﻮﻥ ﺍﻧﺎ ﻭﺍﻧﺘﻲ ﻭﺣﺪﻧﺎ ﻓﻲ ﺟﺰﻳﺮﺓ ﻣﻬﺠﻮﺭﺓ ﻵﺧﺮ ﻋﻤﺮﻱ ﻛﻲ ﻗﺎﻟﻬﺎ ﻫﻜﺬﺍ ﺣﺴﻴﺖ ﺳﻜﻴﻦ ﺗﻐﺮﺱ ﻓﻴﺎ ﻓﻲ ﻛﺮﺍﻣﺘﻲ ﻛﺄﻧﺜﻰ ﻋﻼﻩ ﻻﺯﻡ ﻋﻠﻴﻪ ﻳﻜﻮﻥ ﻫﻜﺬﺍ ﺑﺎﺭﺩ ﻭ ﺣﺎﻗﺪ ﻧﺰﻟﺖ ﻋﻴﻨﻴﺎ ﻣﻨﻮ ﻧﺸﻮﻑ ﻣﻊ ﺍﻻﺭﺽ ﺷﻬﺎﺏ : ﺍﻳﻪ ﻭﺷﺒﻴﻚ ﺳﻜﺘﻲ ﻛﻤﻠﻲ ﻧﺴﻤﻊ ﻓﻴﻚ ﺧﺰﺭﺕ ﻓﻴﻪ ﻋﻴﻨﻴﺎ ﺗﺠﻤﻌﻮﺍ ﻓﻴﻬﻢ ﻗﻄﺮﺍﺕ ﺩﻣﻮﻉ ﻭﺳﺎﻋﻮ ﻋﻴﻨﻴﻪ ﻭﻗﻒ ﺷﻬﺎﺏ : ﺭﺡ ﺗﺒﻜﻲ - ﺣﻘﻴﺮ ﻣﺮﺭ ﻳﺪﻭ ﻋﻼ ﻃﻮﻝ ﺷﻌﺮﻭ ﻭﺗﻨﻬﺪ ﺷﻬﺎﺏ : ﺳﺎﻣﺤﻴﻨﻲ ﺍﺫﺍ ﺟﺮﺣﺖ ﺍﻧﻮﺛﺘﻚ ﻣﺶ ﻗﺼﺪﻱ ﻟﻜﻦ ﺻﺮﺍﺣﺔ ﺃﻧﺎ ﻋﻤﺮﻱ ﻧﺨﻤﻢ ﻧﺤﻂ ﻳﺪﻱ ﻋﻠﻴﻚ ﺷﻔﺖ ﻣﻌﺎﻩ ﺑﺘﺤﺪﻱ ﻋﻴﻨﻴﺎ ﻳﻘﺪﺣﻮ - ﺷﺮﻃﻲ ﺍﻟﺘﺎﻧﻲ ﻣﺎ ﺗﺤﺒﻨﻴﺶ ﻭﻫﺬﺍ ﺍﻫﻢ ﺷﺮﻁ ﺗﺒﺴﻢ ﺑﺴﺨﺮﻳﺔ ﻭ ﺑﻌﺪﻫﺎ ﺿﺤﻚ ﺷﻬﺎﺏ : ﺗﺘﻮﻗﻌﻲ ﺍﻧﺎ ﻧﺤﺒﻚ ؟ ﻫﻬﻬﻬﻪ - ﻧﻌﺮﻑ ﺭﺍﺡ ﺗﺤﺒﻨﻲ ﻟﻜﻦ ﺍﻧﺎ ﻧﺤﺬﺭ ﻓﻴﻚ ﻣﺎ ﺗﺤﺒﻨﻴﺶ ﻣﻜﻨﺘﺶ ﻋﺎﺭﻓﺔ ﻭﺍﺵ ﺭﺍﻧﻲ ﻧﺤﻜﻲ ﻧﻈﻦ ﺣﺒﻴﺖ ﻧﺮﺟﻊ ﺷﻮﻳﺔ ﻣﻦ ﻛﺮﺍﻣﺘﻲ ﺍﻧﻮ ﻧﻌﻤﻞ ﺭﻭﺣﻲ ﻗﻮﻳﺔ ﻭﻋﻨﺪﻱ ﺛﻘﺔ ﻛﺒﻴﺮﺓ ﺷﻬﺎﺏ : ﻛﻮﻧﻲ ﻣﺘﺄﻛﺪﺓ ﺑﻠﻲ ﻣﺶ ﺭﺍﺡ ﻧﺤﺒﻚ ﻫﻬﻬﻬﻬﻪ - ﺍﻳﻪ ﻭﺍﻟﺸﺮﻁ ﺍﻟﺘﺎﻟﺖ ﺗﻠﻘﺎﻟﻲ ﺧﺪﻣﺔ ﺷﻬﺎﺏ : ﺍﻳﻪ ﺣﺎﻇﺮ ﻭﺍﻧﺎ ﺷﺮﻭﻃﻲ ﻭﺍﺿﺤﻴﻦ ﺍﻟﺰﻭﺍﺝ ﺑﻌﺪ 6 ﺍﺷﻬﺮ ﻳﺨﻠﺺ ﻣﻨﺤﺒﺶ ﺷﺒﻬﺎﺕ ﻣﺎ ﺗﺸﻮﻓﻴﺶ ﻏﻴﺮﻱ ﻓﻲ ﻫﺎﺫ ﺍﻟﻮﻗﺖ ﻭ ﺗﺤﺎﻭﻟﻲ ﺗﺘﻈﺎﻫﺮﻱ ﻗﺪﺍﻡ ﺍﻟﻨﺎﺱ ﻛﻞ ﺍﻧﻮ ﺍﺣﻨﺎ ﻣﺘﺰﻭﺟﻴﻦ ﻭ ﻓﺮﺣﺎﻧﻴﻦ ﺧﺎﺻﺔ ﺑﺎﺑﺎ ﻭ ﻣﺎﻧﻲ ﻭ ﺍﻟﻨﺎﺱ ﺑﺮﺍ .. ﻧﺎﺩﻳﺔ ﺍﺧﺘﻲ ﻋﻨﺪﻫﺎ ﻋﻠﻢ ﺑﺎﻟﻤﻮﺿﻮﻉ ﻭ ﺟﺪﻱ ﺗﺎﻧﻲ ﻋﻨﺪﻭ ﻋﻠﻢ - ﺣﺎﻇﺮ.
