ﺍﻟﺤﻠﻘﺔ 10 ﺧﺮﺟﺖ ﻫﺎﻳﻤﺔ ﻓﻲ ﺍﻟﻄﺮﻳﻖ ﻛﻼﻣﻮ ﻣﺰﺍﻝ ﻳﺘﻌﺎﻭﺩ ﻓﻲ ﻋﻘﻠﻲ ﺭﺣﺖ ﻧﺠﻴﺐ ﺳﻠﻴﻦ ﻣﻦ ﻋﻨﺪ ﺳﻠﻄﺎﻧﺔ ﺍﻛﻴﺪ ﺭﺍﺡ ﺗﺴﻘﺴﻴﻨﻲ ﻋﻼﻩ ﺭﺟﻌﺖ ﻓﻔﻒ ﻏﻠﺒﺖ ﻣﺶ ﻗﺎﺩﺭﺓ ﺣﺘﻰ ﻧﺤﻜﻲ ﻗﻌﺪﺕ ﻓﻲ ﺩﺭﻭﺝ ﺍﻟﻤﺪﺧﻞ ﺗﺎﻉ ﺍﻟﺒﻨﺎﻳﺔ ﺣﻄﻴﺖ ﻳﺪﻱ ﻋﻠﻰ ﺧﺪﻱ ﻧﺨﻤﻢ ﺟﺎ ﺍﻳﻤﻦ ﻗﺺ ﻋﻠﻴﺎ ﺗﺨﻤﺎﻣﻲ ﺍﻳﻤﻦ : ﺍﻋﻄﻴﻨﻲ 5 ﺩﻳﻨﺎﺭ - ﺍﻋﻄﻴﻨﻲ ﺍﻧﺖ 5 ﺩﻳﻨﺎﺭ ﻟﻜﺎﻥ ﻋﻨﺪﻙ؟ ﺩﺯﻳﺘﻮ ﻭﺗﻨﻬﺪﺕ - ﻣﺘﻘﺮﺍﺵ ﺍﻧﺖ ﺍﻳﻤﻦ : ﻣﺰﻟﺖ ﺻﻐﻴﺮ - ﺍﻋﻄﻴﻨﻲ ﺍﻟﺴﻜﻴﻦ ﻫﺬﻱ ﻧﺸﻮﻓﻬﺎ ﻧﺤﻴﺘﻠﻮ ﺳﻜﻴﻦ ﻧﺘﻔﺮﺝ ﻓﻴﻪ - ﻳﻌﻨﻲ ﻣﻠﻴﺤﺔ ﻛﺎﻳﻨﺔ ﺧﺪﻣﺔ ﻧﺠﻲ ﻣﻌﺎﻙ ﺍﻳﻤﻦ : ﻻ ﻭﺍﻟﻠﻪ ﺣﺪ ﻻ ﻗﺒﻞ ﻳﺨﻠﻴﻨﻲ ﻧﺴﺮﻗﻮ - ﺑﻔﻒ ﻛﻴﻔﺎﻩ ﻧﺪﻳﺮﻭ ﺩﺭﻙ ﺍﻳﻤﻦ : ﻭﺍﻧﺘﻲ ﻭﺵ ﻫﺬﺍ ﻻﺑﺴﺔ ﻛﻴﻒ ﺍﻟﻄﺒﻴﺒﺔ؟ ﺿﺤﻜﺖ ﻣﻦ ﻗﻠﺒﻲ - ﻃﺒﻴﺒﺔ ﺗﺎﻉ ﺍﻟﻤﺎﻋﻮﻥ ﻫﻬﻬﻪ ﻭﻗﻔﺖ ﻃﺎﻟﻌﺔ ﺍﻳﻤﻦ : ﺍﻋﻄﻨﻲ ﺳﻜﻴﻦ ﺗﺎﻋﻲ - ﺍﻣﺸﻲ ﻣﻦ ﻫﻨﺎ ﻫﻴﺎ ﺭﺍﻧﻲ ﻃﺎﻟﻌﺔ ﻋﻨﺪ ﺍﻣﻚ ﻧﻘﻠﻬﺎ ﻃﻠﻌﺖ ﻟﻌﻨﺪ ﺳﻠﻄﺎﻧﺔ ﺣﻠﺘﻠﻲ ﺍﻟﺒﺎﺏ ﻭﺟﻬﻲ ﺍﺑﻴﺾ ﺳﻠﻄﺎﻧﺔ : ﻧﺠﻮﻯ ﻭﺵ ﻛﺎﻳﻦ ﻭﺷﺒﻴﻪ ﻭﺟﻬﻚ ﻫﻜﺬﺍ - ﻏﻴﺮ ﻣﺘﺴﻘﺴﻴﺶ ﻳﺎ ﺳﻠﻄﺎﻧﺔ ﺳﻠﻄﺎﻧﺔ : ﺍﺩﺧﻠﻲ ﺍﺩﺧﻠﻲ ﻭﺍﺵ ﻟﻲ ﻣﻨﺴﻘﺴﻴﺶ ﺩﺧﻠﺖ ﻟﺪﺍﺧﻞ - ﺍﻳﻪ ﺳﻜﻴﻦ ﻛﺎﻥ ﻋﻨﺪ ﻭﻟﺪﻙ ﺳﻠﻄﺎﻧﺔ : ﺍﺍﺍﻩ ﺭﺡ ﻳﻬﺒﻠﻨﻲ ﺻﺤﻴﺘﻲ ﺍﺩﺧﻠﻲ ﺍﺩﺧﻠﻲ ﺳﻠﻴﻦ ﺭﺍﻫﻲ ﺭﺍﻗﺪﺓ ﻗﻌﺪﻧﺎ ﻭﺣﻜﻴﺘﻠﻬﺎ ﻋﻠﻰ ﺩﺭﺍﻛﻮﻻ ﻭﺍﺵ ﻗﺎﻟﻲ ﻭﻛﻴﻔﺎﻩ ﻛﻨﺖ ﻧﺎﻭﻳﺔ ﻧﺠﻴﺐ ﺳﻠﻔﺔ ﺍﻩ ﻛﻲ ﻧﺘﻔﻜﺮ ﻧﺎﺭ ﺗﺸﻌﻞ ﻓﻲ ﻗﻠﺒﻲ ﻧﺤﺲ ﺭﻭﺣﻲ ﺭﺧﻴﺼﺔ ﺭﺟﻌﺖ ﻣﻊ ﺳﻠﻴﻦ ﻟﻠﺪﺍﺭ ﺳﻠﻄﺎﻧﺔ ﻣﺴﻜﻴﻨﺔ ﻋﺎﻭﻧﺘﻨﻲ ﻗﺎﻟﺘﻠﻲ ﺑﻠﻲ ﻣﺶ ﺭﺡ ﺗﺪﻱ ﻋﻠﻴﺎ ﺧﻼﺹ ﺍﻟﺸﻬﺮ ﻫﺬﺍ ﺣﻄﻴﺖ ﺳﻠﻴﻦ ﻋﻠﻰ ﺍﻟﺴﺮﻳﺮ ﻭﻫﻲ ﺗﻀﺤﻚ ﻣﻌﺎﻳﺎ ﻃﺒﺴﺖ ﻋﻠﻴﻬﺎ ﻧﺒﻮﺱ ﻓﻲ ﻳﺪﻳﻬﺎ ﺍﻟﺼﻐﺎﺭ - ﺣﺒﻴﺒﺖ ﻣﺎﻣﺎﻫﺎ ﺯﻳﻨﺔ ﻣﺘﺨﺎﻓﻴﺶ ﺍﻣﻚ ﻫﻨﺎ ﺭﺡ ﺗﻠﻘﺎ ﺣﻞ ﻧﻀﺖ ﺣﻠﻴﺖ ﻧﺘﻔﺮﺝ ﻓﻲ ﺣﻮﺍﻳﺞ ﻋﻨﺪﻱ ﺳﻠﺴﻠﺔ ﺫﻫﺐ ﻧﺘﺬﻛﺮ ﻳﻮﻡ ﺧﺮﺟﺖ ﻣﻦ ﺍﻟﻤﻴﺘﻢ ﻣﺪﻭﻫﺎﻟﻲ ﻣﻊ ﺣﻮﺍﻳﺠﻲ ﻗﺎﻟﻮ ﻛﺎﻧﺖ ﻣﻌﺎﻳﺎ ﻳﻮﻡ ﻟﻘﺎﻭﻧﻲ ﻳﻌﻨﻲ ﻫﻲ ﻣﻤﻜﻦ ﺗﻜﻮﻥ ﻻﻣﻲ ﻋﻼﻩ ﻧﺨﺒﻴﻬﺎ ﻣﺘﻌﻨﻴﻠﻲ ﺷﻲ ﻛﻴﻤﺎ ﺗﺨﻼﺕ ﻋﻠﻴﺎ ﻫﻲ ﺍﻧﺎ ﻧﺘﺨﻠﻰ ﻋﻠﻰ ﺫﻛﺮﻯ ﺗﻌﻬﺎ ﺣﻄﻴﺘﻬﺎ ﻓﻲ ﻋﻠﺒﺔ ﺻﻐﻴﺮﺓ ﻗﺮﺭﺕ ﻧﺒﻌﻴﻬﺎ ﺧﺒﻴﺘﻬﺎ ﻓﻲ ﺍﻟﺪﺭﺝ ﻣﻊ ﺷﻮﻳﺔ ﺗﺎﻉ ﺩﺭﺍﻫﻢ ﻗﺮﺭﺕ ﻧﻘﺺ ﺍﻟﻤﺼﺎﺭﻳﻒ ﻏﺪﻭﺓ ﻧﻮﺽ ﺑﻜﺮﻱ ﻧﺮﻭﺡ ﻧﺨﺪﻡ ﻣﺶ ﻻﺯﻡ ﻋﻠﻴﺎ ﻧﺮﻛﺐ ﻛﻨﺖ ﻧﺪﻭﺭ ﻓﻲ ﺍﻟﺪﺍﺭ ﻭ ﻧﺤﻜﻲ ﻣﻊ ﺳﻠﻴﻦ - ﺗﻔﻜﺮﺕ ﻧﺠﺎﺓ ﻟﻲ ﻣﻘﺎﺑﻠﺔ ﺩﺍﺭ ﺳﻠﻄﺎﻧﺔ ﺧﻴﺎﻃﺔ ﺗﺨﺪﻡ ﺍﻟﺤﺮﺝ ﺑﺎﻟﻴﺪ ﻛﻮﻥ ﻧﻌﺎﻭﻧﻬﺎ ﻭﻧﺪﻱ ﺩﺭﺍﻫﻢ ﺑﻌﺪ ﺍﻟﺨﺪﻣﺔ ﻛﻲ ﻧﺮﺟﻊ ﻟﻠﺪﺍﺭ ﻧﺨﻴﻂ ﺷﻮﻳﺔ ﺍﻳﻪ ﺧﺪﻣﺔ ﺑﺎﻫﻴﺔ ﻓﻴﻬﺎ ﻣﺪﺧﻮﻝ ﺭﺣﺖ ﺗﻤﺪﻳﺖ ﻗﺪﺍﻡ ﺳﻠﻴﻦ ﺭﺟﻌﺖ ﺗﻘﻌﺪ ﻋﻨﺪﻫﺎ ﻗﺮﻳﺐ 7 ﺍﺷﻬﺮ ﺩﺭﻙ ﺗﻠﻌﺐ ﻣﺶ ﺣﺎﺳﺔ ﺑﺸﻲ ﻣﺘﻌﺮﻑ ﻭﺍﻟﻮ ﻋﻠﻰ ﺍﻟﺪﻧﻴﺎ ﻭ ﺍﻟﻮﺣﻮﺵ ﻟﻲ ﻓﻴﻬﺎ ﻭﺍﻟﻨﺎﺱ ﺍﻻﺳﺘﻐﻼﻟﻴﺔ
