ﺍﻟﺤﻠﻘﺔ 8 ﺧﺮﺟﺖ ﻣﻦ ﻋﻨﺪﻭ ﺣﻄﻴﺖ ﻳﺪﻱ ﻋﻠﻰ ﻗﻠﺒﻲ ﺍﻟﺴﻜﺮﺗﻴﺮ ﻗﻌﺪ ﻳﺸﻮﻑ ﻣﻌﺎﻳﺎ ﻣﺶ ﻓﺎﻫﻢ _______ ﻧﻄﺮﺕ ﻳﺪﻳﻬﺎ ﻣﻨﻮ ﻭﺧﺮﺟﺖ ﺗﺠﺮﻱ ﻧﺰﻝ ﻳﺪﻳﻪ ﺣﻄﻬﻢ ﻓﻲ ﺍﻟﺠﻴﺐ ﺭﺟﻌﺖ ﺍﻟﺒﺎﺏ ﻭﺭﺍﻫﺎ ﻃﻠﻊ ﺣﺎﺟﺒﻮ ﻭﻗﻒ ﻟﺤﻈﺎﺕ ﻳﺨﻤﻢ ﻣﻦ ﺑﻌﺪ ﻫﺰ ﻳﺪﻭ ﻣﺴﺢ ﻋﻼ ﺣﺎﺟﺒﻮ ﻭ ﺗﺒﺴﻢ ﺑﻼ ﻣﺎ ﻳﺤﺲ ﻗﻌﺪ ﻋﻠﻰ ﺍﻟﻜﺮﺳﻲ ﺗﺎﻋﻮ ﺣﻂ ﻣﺮﻓﻘﻮ ﻋﻼ ﺍﻟﻤﻜﺘﺐ ﻭ ﺻﻮﺍﺑﻌﻮ ﻋﻼ ﺫﻗﻨﻮ ﻳﻤﺴﺢ ﻋﻠﻰ ﺷﻔﺘﻮ ﻭﻳﺨﻤﻢ ﻓﻴﻬﺎ ﺗﻔﻜﺮ ﻛﻲ ﺷﺎﻓﻬﺎ ﺍﻟﺼﺒﺎﺡ ﻭ ﺿﺤﻚ ﺣﺮﻙ ﺭﺍﺳﻮ ﻭﺭﺍﺡ ﺣﻂ ﻳﺘﻔﺮﺝ ﻓﻲ ﺍﻟﻜﺎﻣﻴﺮﺍﺕ ﻳﺸﻮﻓﻬﺎ ﻭﺍﺵ ﺩﻳﺮ _____ ﺩﺧﻠﺖ ﻟﻠﻜﻮﺯﻳﻨﺔ ﻧﻐﺰﻝ ﻣﻦ ﻏﺸﻲ ﺣﻄﻴﺖ ﻧﻐﺴﻞ ﻓﻲ ﺍﻟﻤﺎﻋﻮﻥ ﻫﺬﺍﻙ ﻭ ﻧﺴﺐ ﻣﺶ ﻋﺎﺭﻓﺔ ﻗﺪﺍﻩ ﻭﺍﻧﺎ ﻫﻜﺬﺍﻙ ﻳﺒﺴﻮ ﺻﻮﺍﺑﻌﻲ ﻣﻌﺪﺗﺶ ﻧﺤﺲ ﺑﻴﻬﻢ ﻣﻌﺪﺗﺶ ﻧﻘﺪﺭ ﻧﺤﻜﻢ ﺻﺤﻦ ﺑﻴﻦ ﻳﺪﻳﺎ ﻧﺤﺲ ﻓﻲ ﻭﺟﻴﻌﺔ ﻛﺒﻴﺮﺓ ﻃﻠﻊ ﻟﻮﻥ ﺻﻮﺍﺑﻌﻲ ﺍﺣﻤﺮ ﻭ ﻳﻮﺟﻌﻮ ﻫﺰﻳﺖ ﻳﺪﻳﺎ ﻧﺘﻔﺮﺝ ﻣﻌﺎﻫﻢ ﻭ ﻧﺒﻜﻲ ﻣﻦ ﺑﻌﺪ ﻗﻌﺪﺕ ﻋﻠﻰ ﺍﻻﺭﺽ ﻇﻬﺮﻱ ﻋﻠﻰ ﺍﻟﺤﻴﻂ ﺣﻄﻴﺖ ﻳﺪﻳﺎ ﺗﺤﺖ ﺫﺭﺍﻋﻲ ﻳﺪﻓﺎﻭ ﻭﻧﺒﻜﻲ ﺑﺸﻬﻘﺔ ﻣﻨﻘﺪﺭﺵ ﻧﻘﻌﺪ ﺑﻼ ﺧﺪﻣﺔ ﺳﻠﻴﻦ ﺗﺤﺘﺎﺟﻨﻲ ﻣﻌﻨﺪﻫﺎ ﺣﺘﻰ ﺣﺪ ﻣﻦ ﻏﻴﺮﻱ ﻣﻨﺨﺬﻟﻬﺎﺵ ﻛﻴﻤﺎ ﺧﺬﻟﻮﻧﻲ ﺍﻧﺎ ﻗﺒﻠﻬﺎ ﻣﻨﺨﻠﻴﻬﺎﺵ ﻛﻴﻤﺎ ﺗﺨﻼﻭ ﻋﻠﻴﺎ ﻗﺒﻠﻬﺎ ﺍﻟﺤﻴﺎﺓ ﻟﻲ ﻋﺸﺘﻬﺎ ﻓﻲ ﻣﻴﺘﻢ ﻣﻨﺴﻤﺤﺶ ﺗﻌﻴﺸﻬﺎ ﺑﻨﺘﻲ ﻣﺴﺤﺖ ﺩﻣﻮﻋﻲ ﻭ ﺭﺟﻌﺖ ﻧﻐﺴﻞ ___________ ﻛﺎﻥ ﻳﺘﻔﺮﺝ ﻓﻴﻬﺎ ﻋﻮﺝ ﻓﻤﻮ - ﺭﺍﺳﻬﺎ ﻳﺎﺑﺲ ﺻﺢ .. ﺷﺎﻓﻬﺎ ﺗﺒﻜﻲ ﻭ ﺗﺘﻔﺮﺝ ﻣﻊ ﻳﺪﻳﻬﺎ ﻗﻠﺒﻮ ﻭﺟﻌﻮ ﻋﻠﻴﻬﺎ -... ﻳﻤﻜﻦ ﺯﺩﺕ ﻓﻴﻬﺎ ﺷﻮﻳﺔ ﻫﺰ ﺗﻠﻴﻔﻮﻥ ﻛﻠﻢ ﺷﺎﻑ ﺗﺎﻉ ﺍﻟﻜﻮﺯﻳﻨﺔ ﻃﻠﺐ ﻣﻨﻮ ﻳﺮﺟﻊ ﺍﻟﻤﺎ ﺍﻟﺪﺍﻓﻲ ﻋﺎﺩﻱ ____________ ﻛﻤﻠﺖ ﻧﻬﺎﺭ ﺗﺎﻋﻲ ﺑﻌﺪ ﻣﺎ ﺭﺟﻊ ﺍﻟﻤﺎ ﻋﺎﺩﻱ ﺧﺮﺟﺖ ﻧﺤﺲ ﺑﻐﺼﺔ ﻭ ﻏﺶ ﻛﺒﻴﺮ ﺭﺟﻌﺖ ﻟﻠﺪﺍﺭ ﺑﻌﺪ ﻣﺎ ﺟﺒﺖ ﺳﻠﻴﻦ ﻣﻦ ﻋﻨﺪ ﺳﻠﻄﺎﻧﺔ ﻗﺎﻟﺘﻠﻲ ﺑﻠﻲ ﺭﺍﻫﻲ ﺗﻜﺢ ﻓﻔﻔﻒ ﻻﺯﻣﻨﻲ ﻧﺪﻳﻬﺎ ﻟﻠﻄﺒﻴﺐ ﺣﻄﻴﺖ ﻧﺘﻌﺸﺎ ﻭﻫﻲ ﻣﺴﻜﺘﺘﺶ ﻣﻦ ﺍﻟﺒﻜﺎ ﻧﻌﺮﻓﻬﺎ ﻛﻲ ﺗﻤﺮﺽ ﺗﺮﺟﻊ ﻫﻜﺬﺍ ﺣﻄﻴﺖ ﻳﺪﻳﺎ ﻋﻠﻰ ﺭﺍﺳﻲ ﻧﺤﺲ ﻓﻴﻪ ﺭﺡ ﻳﻄﺮﺷﻖ ﻣﻦ ﺻﻮﺗﻬﺎ ﻣﺮﺍﺕ ﻧﺤﺲ ﺭﻭﺣﻲ ﺗﻌﺒﺖ ﻣﻨﻬﺎ ﺻﺢ ﻧﺘﻤﻨﺎ ﺗﻜﺒﺮ ﺑﺴﺮﻋﺔ ﻧﺘﻤﻨﺎ ﻛﻮﻥ ﺗﻔﻬﻢ ﻭﺗﻌﺮﻑ ﺍﻟﻮﻗﺖ ﻟﻲ ﻻﺯﻡ ﺗﺒﻜﻲ ﻓﻴﻪ ﻭﻟﻲ ﻻﺯﻡ ﺗﺴﻜﺖ ﻧﺘﻤﻨﻰ ﺗﻌﺎﻭﻧﻲ ﻛﻮﻥ ﺗﺤﻜﻲ ﻭﺗﻘﻠﻲ ﻭﺍﺵ ﺗﺤﺐ ﻣﻨﻲ ﺑﺎﻟﻀﺒﻂ ﻭﻗﻔﺖ ﺭﺣﺖ ﻟﻌﻨﺪﻫﺎ ﺗﻤﺪﻳﺖ ﻗﺪﺍﻣﻬﺎ ﺣﻄﻴﺖ ﻳﺪﻱ ﺣﻜﻤﺘﻬﺎ ﻧﺴﻜﺖ ﻓﻴﻬﺎ ﻣﺤﺒﺘﺶ ﺗﺴﻜﺖ ﺑﺪﻟﺘﻠﻬﺎ ﺭﺿﻌﺘﻬﺎ ﻋﻤﻠﺖ ﻛﻠﺶ ﻋﻼﻩ ﺭﺍﻫﻲ ﺗﺒﻜﻲ ﻏﻤﻀﺖ ﻋﻴﻨﻴﺎ ﺗﻨﻬﺪﺕ ﻣﻦ ﺑﻌﺪ ﻧﻀﺖ ﻫﺰﻳﺘﻬﺎ ﻫﺰﻳﺖ ﺳﺎﻛﻲ ﻭ ﻣﻔﺎﺗﺤﻲ ﻭﺧﺮﺟﺖ ﻧﺪﻳﻬﺎ ﻟﻠﺴﺒﻴﻄﺎﺭ .. ﻭﺻﻠﻨﺎ ﻟﻠﺴﺒﻴﻄﺎﺭ ﺩﺧﻠﺘﻬﺎ ﻟﻌﻨﺪ ﺍﻟﻄﺒﻴﺐ ﺷﺎﻓﻬﺎ - ﻣﺪﺍﻡ ﺑﻨﺘﻚ ﻋﻨﺪﻫﺎ ﻓﺘﻖ ﺣﻠﻴﺖ ﻓﻤﻲ ﻛﻴﻔﺎﻩ ﻃﻔﻠﺔ ﺻﻐﻴﺮﺓ ﻋﻨﺪﻫﺎ ﻓﺘﻖ - ﻛﻴﻔﺎﻩ ﻓﺘﻖ؟ -ﻧﺴﻤﻴﻮﻩ ﻋﻨﺪﻧﺎ ﻓﺘﻖ ﺃﺭﺑﻲ ﻳﺠﻲ ﺍﺳﻔﻞ ﺍﻟﺒﻄﻦ ﻳﺘﻮﻟﺪﻭ ﺑﻴﻪ ﺍﻻﻭﻻﺩ ﺍﻟﺼﻐﺎﺭ ﻟﻲ ﻳﺴﺒﺒﻮ ﺍﻣﻮ ﻋﻀﻼﺕ ﺍﻟﺒﻄﻦ ﻣﺘﻜﺘﻤﻠﺶ ﺍﻟﻨﻤﻮ ﺗﻌﻬﺎ ﻛﻲ ﻛﺎﻧﺖ ﺟﻨﻴﻦ ﻳﻌﻨﻲ ﺑﻠﻌﺖ ﺭﻳﻘﻲ ﻭﺍﻧﺎ ﻧﺴﻤﻊ ﻓﻴﻪ - ﻭ ﻛﻴﻔﺎﻩ ﻫﺬﺍ ﺷﻲ ﺧﻄﻴﺮ ﻳﻌﻨﻲ؟ - ﻫﻮ ﻣﺶ ﺧﻄﻴﺮ ﻓﻲ ﻭﺿﻌﻬﺎ ﺩﺭﻙ ﻟﻜﻦ ﻋﻨﺪﻫﺎ ﻛﺤﺔ ﺗﺘﺴﺒﺐ ﻓﻲ ﺍﻧﺘﻔﺎﺥ ﺍﻟﻔﺘﻖ ﻳﻮﺟﻌﻬﺎ ﻭﻻﺯﻡ ﻧﺪﻳﺮﻭ ﻋﻤﻠﻴﺔ ﺑﺎﻩ ﻧﻘﻔﻠﻮﻩ ﻻﻧﻮ ﻣﻊ ﺍﻟﻮﻗﺖ ﻳﻄﻮﺭ ﻭﻳﺴﺒﺒﻠﻬﺎ ﻣﻀﺎﻋﻔﺎﺕ ﺍﻛﺒﺮ ﻣﻦ ﻫﻜﺬﺍ - ﻭﺍﻟﻌﻤﻠﻴﺔ ﺻﻌﻴﺒﺔ ؟ ﻓﻴﻬﺎ ﺧﻄﺮ ﻋﻠﻴﻬﺎ ؟ - ﻻ ﻣﺶ ﺻﻌﻴﺒﺔ ﻧﺪﻳﺮﻭ ﺷﻖ ﺻﻐﻴﺮ ﻭ ﻧﺨﺮﺟﻮ ﺍﻟﻜﻴﺲ ﺗﺎﻉ ﺍﻟﻔﺘﻖ ﻭ .. ﻗﻌﺪ ﻳﺤﻜﻲ ﻭ ﻳﺸﺮﺣﻠﻲ ﻳﻔﻬﻢ ﻓﻴﺎ ﺳﻠﻴﻦ ﻓﻲ ﺣﻀﻨﻲ ﺗﻠﻌﺐ ﺑﻴﺪﻳﻬﺎ ﻭﺍﻧﺎ ﺗﻔﻜﻴﺮﻱ ﻛﻠﻮ ﻛﻴﻔﺎﻩ ﻳﺤﻄﻮﻫﺎ ﻋﻠﻰ ﻃﺎﻭﻟﺔ ﺍﻟﻌﻤﻠﻴﺎﺕ ﺍﻟﺒﺎﺭﺩﺓ ﻭ ﻳﺸﻘﻮﻟﻬﺎ ﻧﺤﺲ ﺑﻐﺼﺔ ﻛﺒﻴﺮﺓ - ﻓﻬﻤﺘﻴﻨﻲ ﻣﺪﺍﻡ - ﺍﻳﻪ ﻓﻬﻤﺘﻚ ﻭﻗﺘﺎﻩ ﻻﺯﻡ ﺍﻟﻌﻤﻠﻴﺔ - ﻫﻲ ﺿﺮﻭﺭﻱ ﺑﺎﺳﺮﻉ ﻭﻗﺖ ﻣﻤﻜﻦ - ﻭ ﺷﺤﺎﻝ ﺗﺴﻮﻯ ﻫﺎﺫ ﺍﻟﻌﻤﻠﻴﺔ ؟ ﺻﺪﻣﻨﻲ ﺑﺎﻟﺠﻮﺍﺏ ﺗﺎﻋﻮ ﻧﺤﺲ ﻓﻲ ﺭﺟﻠﻴﺎ ﺗﻘﺼﻮ ﻓﺸﻠﺖ ﺑﻠﻌﺖ ﺭﻳﻘﻲ ﻣﻨﻴﻦ ﺑﺶ ﻧﺠﻴﺐ ﻫﺎﺫ ﺍﻟﻤﺒﻠﻎ ﻟﻲ ﻧﺪﻳﻪ ﻳﺎ ﺩﻭﺏ ﻧﺴﻠﻚ ﺍﻟﻜﺮﺍ ﻭ ﺍﻟﻔﻮﺍﺗﻴﺮ ﻭ ﻣﺼﺮﻭﻑ ﺳﻠﻴﻦ ﺍﻧﺎ ﺍﺻﻼ ﻟﺮﻭﺣﻲ ﻣﺶ ﻻﻗﻴﺔ ﻣﻦ ﻳﻮﻡ ﺟﺎﺕ ﺳﻠﻴﻦ ﻣﻨﺘﻔﻜﺮﺵ ﺷﺮﻳﺖ ﺣﺎﺟﺔ ﻟﻴﺎ ﺗﺒﺴﻤﺖ ﻟﻠﻄﺒﻴﺐ ﺷﻜﺮﺗﻮ ﻭﻧﻀﺖ ﺧﺮﺟﺖ ﺟﻬﺎﻣﺔ ﺑﻼ ﺭﻭﺡ ﻗﻌﺪﺕ ﻋﻠﻰ ﺩﺭﻭﺝ ﺗﺎﻉ ﺍﻟﺴﺒﻴﻄﺎﺭ ﻧﺘﻔﺮﺝ ﻓﻲ ﺍﻟﻨﺎﺱ ﺩﺍﺧﻠﺔ ﺧﺎﺭﺟﺔ ﺍﺻﻼ ﻭﺍﺣﺪ ﻣﺎ ﺟﺎﺑﻮ ﺍﻟﺨﻴﺮ ﻫﻨﺎ ﻧﺎﺱ ﻛﻠﻬﺎ ﻣﻬﻤﻮﻣﺔ ﺣﻀﻨﺖ ﺳﻠﻴﻦ ﻭ ﻭﻗﻔﺖ - ﺣﺒﻴﺒﺔ ﻣﺎﻣﺎﻫﺎ ﻣﺘﺨﺎﻓﻲ ﻣﻦ ﺷﻲ ﻋﻨﺪﻙ ﻣﺎﻣﺎ ﺗﺤﺒﻚ ﻭﺗﻌﻤﻞ ﻛﻠﺸﻲ ﻋﻠﻰ ﺧﺎﻃﺮﻙ ﺭﺟﻌﺖ ﻟﻠﺪﺍﺭ ﺣﻄﻴﺘﻬﺎ ﺭﺍﻗﺪﺓ ﺑﺪﻟﺖ ﻭ ﺗﻤﺪﻳﺖ ﻗﺪﺍﻣﻬﺎ
