ونديو الاولى لي قستي
-اوكي
دخلت بدلت وخرجنا لقيت نادية لمت كلش شريناه و رايحة تدفع
-لا خلي عليك درك ندفع راهو خلالي مسيو شهاب بطاقتو
نادية: احسنلك تنتابهي على مسيو شهاب هذي ما تحكيهاش قدام بابا ولا الناس
-ايه راني نسيت
نادية: ايه ادفعي حق اغراضي هههه حق تعبي معاك نستاهل
-اكيد تستاهلي
دفعت حق اغراضها ايه تستاهل تعبت معايا وحتى هو يستاهل
مشينا للصالون مشطت شعري ورجعنا للدار
نادية: ماني رانا هنا
سعاد: اسسس جدك هنا
تلفتت ليا وعملتلي بيدها
سعاد: امشي بدلي ثيابك بسرعة اطلعي لغرفتك
بقيت باهتة فيها مش مهبولة هذي بفف
طلعت لغرفة شهاب حطيت الاكياس و بدلت لبست سروال كلاسيك و شوميز معاه لميت شعري لفوق حطيت برفان شريتو خيرتو نادية شفت مع روحي في المرايا بففف نبان صح من الطبقة لي لاباس بيها نزلت لعندهم نسمع في صوت ضحكهم دخلت سلين قاعدة في بلاصة مخخصة ليها والالعاب دايرة بيها و تلفت ليا جدو حسيت رجفة في رجليا من التوتر تبسمت و دخلت وهو وقف قربت منو مد يدو يسلم عليا مديت يدي
حسين: مرحبا بيك بيناتنا
-يعيشك
قعد وانا قعدت سكوت عم كلهم يشوفو معانا
حسين: ايه واش اخبارك
-مليحة
حسين: وينو راجلك
سكتت و انا نخمم علاه يتصرف هكذا هو يعرف بلي دراكولا مش راجلي
-اكيد راهو في الطريق جاي
حسين: ايه جيبيلنا قهوة
هزيت عينيا فيه تبسمت و نضت رحت نجيبلهم قهوة بففف شبيه هكذا يعامل فيا تقول خديمة
وجدت قهوة و مشيت حطيتها سمعت ريتا كي حلت الباب اكيد يكون شهاب تفلت لقيتو واقف في باب الصالة وفي يدو باكي ورد احمر تبسم وجا لعندي حط يدو علا راسي وطبس باسني من جبهتي و مدلي الورد بلعت ريقي خدودي طلعو حمر جبهتي تحرقت من شفافو عليها شفت معاه مش فاهمة
شهاب: حطيهم في الما قبل ما يذبالو هيا
مشيت رحت نحطهم في الما ومزلت داهشة في لي صرا
__________
قبل 3 ساعات
-مسيو شهاب سي حسين راهو هنا
شهاب: دخلو
وقف و جدو دخل مشا حضنو بزوز يدين وسلم عليه
شهاب: توحشناك
حسين: توحشك الخير غبت شوية فسدت كلش
شهاب: علاه درت لي طلبتو مني
حسين: ايه انا قصدي تتظاهرو مش تروح تعقد عليها و تحط الطفلة بأسمك شكون هذي بش تهز اسم عائلتنا شكون عطاك الحق تتصرف في اسم العايلة تعرف بلي كون تموت راح تورث هاذي الطفلة لي منعرفوش حتى اصلها
شهاب: في رايك كون كذبت الصحافيين مش راح يفيقو راهم حتى هوما واصلين وفي امور كيف هاذي اكيد كانو
مشيت للكوزينة حطيت الورد في الما ونخمم في تصرف تاعو لي مش نورمال تلفت لقيتو جاي لعندي ضيقت عينيا وحطيت يديا على وسطي
-واش هذا ؟
شهاب: اسسس
عملي بصبعو على فمو نسكت و قفل باب الكوزينة
شهاب: راهو خرج جدي من الحكاية لازمك تمثلي عليه هو تاني بلي رانا صح متزوجين و سلين بنتنا
-علاه وش صرا
شهاب: مش وقتو كيما قلتلك نفذي
عاود حل الباب وخرج وانا تنهدت و رجعت لعندهم كي سمعت سلين تبكي دخلت مشيت هزيتها
حسين: اعطيني نشوفها
شفت معاه وحركت عينيا نشوف معاهم سعاد ساكتة و نادية طلعت حواجبها ودورت عينيها مشيت حطيتها في حضنو هزها وهي سكتت اكيد تسكت هي اصلا تحوس على اي يد تهزها والفت عند سلطانة ولادها ميحطوهاش خلاص قعدت تاكل في صوابعها تحشي في يديها في فمها وهو يشوف معاها تقول سلعة يقلب فيها
حسين: متشبهش ل شهاب ولا لعايلتنا
-ههه تشبه ليا ههه
حسين: ايه هزيها هزيها لعابها كل راهو عليا
مشيت هزيتها و خرجت بففف لعابها عليا هه فكرتني في واحد نسخة منك انشاله ميطلعوش ولادو كيفكم
صلعت لغرفة سلين قعدت على الكرسي بش نرضعها كي كملت رقدتها حطيتها في بلاصتها و خرجت لقيت نادية
نادية: ايه انا نروح نوجد روحي للحفلة مزال عندنا ساعة و نص راني نسبقك انا و ماني و جدي وانتي تجي مع شهاب
-اوكي
دخلت للغرفة تاع جداتها من بعد طلت عليا
نادية: ارواحي نحطلك مكياج قبل ما نروح
دخلت معاها بدات تحطلي في المكياج وانا نقلها ما تحطش بزاف
نادية: هذا روج خليه عندك كي تلبسي حطيه على شفافك هيا امشي خليني نلبس
خرجت و مشيت لغرفة المكتب تاع دراكولا دقدقت
شهاب: ادخل
حليت الباب ودخلت هز عينيه فيا نظراتو حادة تربك الواحد
شهاب: نعم
-واش لي صرا مع جدك
شهاب: صراو تعقيدات اضطريت اني نكذب عليه قلتلو بلي نعرفك و كنا في علاقة و سلين بنتي صح
-اوو واش قال هو
شهاب: شي معندو واش راح يقول هيا انتي كملي حضري روحك
-وانت ؟
شهاب: ايه راني رايح
حط من يدو ووقف وانا خرجت وهو ورايا
شهاب: ريتا راهي تسهر هنا مع سلين لانو مريضة كون منتعبوهاش احسن في الحفلة
-ايه اكيد مش مشكل
مشا دخل للغرفة وانا طليت على سلين من بعد مشيت للغرفة دقدقت ما ردش يمكن خرج حليت الباب ودخلت مشيت نشوف في الاكياس ويني الروب لي رايحة نلبس سمعتو خرج من الصالدوبان تلفت اه نضن عندي صدمة قلبي بدنو يقطر من الما لاف غير منشفة عليه صدرو و كرشو مسكل مشافني _______
سمعها تلفت يشوفها سحرتو بروب روج هذيك بلع ريقو ومقدرش ينطق كلمة كبس يدو من بعد ضحك ضحكة خفيفة حك حاجبو
شهاب: هيا راح الحال علينا
فاتت قدامو وهو يشوف مع خدودها لي طلعو حمر اكتر من الروب ولا شفايفها المنفوخين بروج سكسي عليهم نزلت قبلو ظهرها كلو يبان خصرها صغير و فقرات من عمودها الفقاري ظاهرين مش باشعين زادو بهاوها مقدرش يمنع عينيه من انهم يشوفو مع كل انش منها مرر يدو علا شعرو يتمالك في روحو وصلو للباب قرب حللها الباب خرجو رجع قفلو و مشاو طلعو في الطوموبيل طريق كل ساكتين هي حشمانة من الروب وهو مقدرش يحكي وصلو نزل الشوفور حللها الباب و هو نزل وحدو و راح من جيهتها مدلها ذراعو حكمت فيه ودخلو مع بعض للحفلة
