البيت
انا اسمي ايه حسن عندي 18 سنه من قريه ريفيه وطبعا كل بنت في سني لازم تكون دلوقتي متجوزه امال ايه الي مش متجوزه دلوقتي بيقولوا عليها عاااانس العادات والتقاليد الي عمرها ماهتتغير
في القريه بتاعتنا كان التعليم بيقف لحد ثانوي بس الي تدخل جامعه دي يكون ابوها غني ومن عيله غنيه اووي اما بالنسبه للشباب كانوا بيسيبوهم يعتمدوا على نفسهم يشتغلوا ويحوشوا قرشين يدخلوا بيهم الجامعه
انا كنت مختلفه شويه كان عندي واحده صاحبتي اسمها اميره دي كانت دخلت الجامعه وهي دلوقتي في سنه تانيه كانت بتجيبلي كتب السنه الي فاتت بتاعتها وانا كنت بخبيها تحت السرير علشان اذاكر منها لاني كنت بعشق التعليم ابويا كان متشدد جدا لما يقول مافيش تعليم يبقا مافيش تعليم
وفي يوم كانوا كلهم نايمين دخلت اوضتي وقفلت الباب وطلعت الكتب والملازم وبدات اقرا فيها واتشديت اوي ولسوء حظي والدي دخل عليا اتعصب جدا واخدت كميه توبيخ وشتايم و اخد الكتب وطلع من البيت
انا ماستحملتش جريت وراه وكان الشارع ضلمه كحل بس كنت شايفاه اتسحبت وراه لقيته راح لبيت كان يعتبر مهجور السقف بتاعه واقع والسلالم متكسره وماحدش عايش فيه انا كنت عارفه البيت ده كويس من صغري وكانوا بيخوفونا منه و لو حد راح هناك هيطلعله ابو رجل مسلوخه وياخده هناك هه التخاريف الي كلنا بنسمعها
والدي اخد الكتب والملازم ورماها فيه رماها على السقف وطبعا السقف مش موجود اصلا الكتب وقعت جوه واتلفت ورجع طلعت انا جري على البيت ودخلت اوضتي وقفلت الباب وعدت الليه
تاني يوم انا ماسكتش روحت البيت الابواب كلها مقفوله بخشب مكن بره واضح فعلا انه مهجور كان في شباك صغير اوي ماعليهوش خشب انا دخلت منه ولحسن حظي انه كان قريب من الارض ومش عالي الدنيا جوه منوره لان مافيش سقف دخلت ولقيت كتبي اخدتها بسرعه بس لاحظت ان في صندوق صغير خشب الصندوق شكله حلو من الي بيتحط فيه الدهب قررت اخده مع اني ما عنديش دهب بس هخده احطه في الاوضه يكون شكله
فتحت الصندوق لقيت في قماشه سوده ملفوف فيها حاجه وقطه صغيره اووي ميته شلت الفار ورميته وفتحت القماشه لقيت فيها ورق متحلل والقماشه الا بمجرد مافتحتها اتقطعت الحراره عملت عمايلها معاها اخدت الورق وسبت القماشه واخدت الصندوق والكتب ومشيت روحت البيت خبيت الكتب مع الهدوم في الدولاب واخدت الصندوق لمعته ونضفته والورق اخدته وقعدت على المكت افتحه براااااحه علشان مايتقطعش قدرت افتحهم لقيت فيهم حروف كتر وكلمات متلخبطه قراتهم وانا بحاول افهم اتنفضت من مكاني وعرفت ان ده عمل وانه تحضير جن خدت الورق قطعته ورميته في الزباله بسرعه ايه الي انا عملته ده قعدت على الارض ابص في الورق الي رميته وانا بفكر ايه الي هيحصلي انا قراته معنى كده اني حضرته وهيجيلي قعدت اعيط ايه الي عملته في نفسي ده ونمت
صحيت لقيت نفسي لسه على الارض والساعه كانت 8 بليل انا نمت كتير اووي ماكنش في نور غير نور القمر من شباكي قمت على السرير اكمل نومي بس لقيت صوت جاي من ورايا صوت خشن اووي بيقولي :ماشبعتيش نوم
انتفضت من مكاني ادور في الاوضه مين الي بيتكلم وقلت بتردد: ا..انت مين
ضحك بسخريه وقالي : خدامك... انتي حضرتني علشان اكون خدامك
قمت قعدت على السرير وقلتله : انا مش فاهمه يعني ايه خدامي
ضحك تاني بصوته الخشن والمرعب وقالي : انتي حررتيني من الصندوق ده وانا وعدت ان الي هيحررني منه هكون خدامه للابد
بدات اهدى شويه وقلتله :انت مش هتاذيني مش كده
قاالي وصوته بقا هادي وخشن : مستحيل
قلتله بس انت فين انا مش شايفاك
قالي: عايزه تشوفيني ساعتها افتكرت ان الجن بيكون شكلهم مخيف جدا جاوبته بسرعه : لا مش عايزه قالي: بس انا مش هاذيكي انا هطلعلك بصوره الي انتي عايزاها
ولقيت فجاه بنت صغيره شعرها بني ناعم وعينيها بني ولابسه فستان ابيض وقالتلي انا مش هاذيكي قلتلها انت....انتي مش المفروض انك....راجل ردت عليا بهدوء وقالت انا لازم امشي وهجيبلك بكره رديت بسرعه لا استني اتلفتتلي وقالتلي :عايزاني افضل ؟؟
اترددت وقلتها: لا...اه لقيتها قعدت على الارض وبتقولي : اساليني انا عارفه ان في اسئله كتير في دماغك
نزلت بهدوء شديد من على السرير وقعدت قدامها وانا بتاملها وقلتلها انتي مسلمه قالتلي ايوه قلتلها كنتي محبوسه ليه في الصندوق
بصتلي بتعمق وقالتلي عايزه تعرفي قلتلها بسرعه اه اخدتني من ايد وكان جسمها كله حراره وطلعنا من البيت عديت من قدام والدي ووالدتي ماشاوفوناش بصيت لها ولسه هسالها لقيتها بتقولي ان اخفيتك لاني عارفه انهم مش هيوافقوا وروحت وراها خرجنا من البيت وروحنا البيت المهجور دخلنا واختفت ناديت باعلى صوتي ماحدش بيجاوب لقيتها جت من ورايا وحطت ايدها على عيني وشوفت البيت مافيش اي حاجه واحده مكسوره بيت عادي جدا وبدات اتمشى فيه ولقت باب صغير خشب نزلت فيه لقيت راجل معاه كتاب كبير وقديم وقدامه جثتين واحده لست كبيره وواحده شابه والرجل بيردد كلام غريب انا مش فاهمه منه حاجه ولقيته بيقول هذا قرباني لكم هذا قرباني لكم دمروا اهل القريه هذا قرباني لكم دمروا هل القريه ولقيت الطفله ايوه واقفه قدامه وبداو يتكلموا بلغه غريبه ان مش فاهمه حاجه بس لاحظت ملاامح الرعب على وش الرجل وفجا فتح الصندوق والبنت وقعت على الترابيزه وهو قفل الصندوق والبنت شالت يديها من على وشي وقالتلي انا منعته من انه يدمر قريتكم وروحت البيت وهي نايمه جنبي ومابتفارقنيش ابدا واي حاجه كنت عايزاها بتجبهالي لحد ماعدى سنتين وهي مابتفارقنيش حتى لما تجوزت عمرها ماسبتني ودلوقتي بس عرفت ان الجن اوفى من البشر..
