#رواية_عاشقة_الليث💫
دخل النت للعراق وجدي من الناس الاوائل الي دخله للبيت جاب حاسبه للبيت اني وزهراء بالبيت صرنا الكبار لهذا من جان يشتغل جنت اباوع عليه واتعلم من الشغل مالته جان يدز ايملات ورسايل للخارج كله شغل تعلمت هواي واني ادرس للثالث متوسط نجحت صرت رابع اعدادي وريمو صارت اول كليه جنا متفوقين لمياء اخت ليث جانت ويايه بالمدرسه جانت شاطره واني وياها جنا صديقات بس مو كلش مقربات لؤي جان يجي لبيتنا ولد عمتي ايمان جانوا يجون عندنا اثنين منهم متزوجين بس الصغار ممتزوجين سرمد جانت عينه عليه يطب ويطلع جانت عينه قبيحه وواني ابد مانطيته مجال ولاجنت اعرف اي شئ عن الزواج من جتني العاده عمتي انسام شرحتلي اياها واني شرحتها لريماس علمود من تجيها تتعلم من صدك جنت ام لريماس ومااقبل احد يغلط او يتجاوز عليها جانن ملابسي راقية كلش لهذا البنات يفكرن الف مره يالله يحجن وياي عمتي جانت تجيبلي نفس ملابس لمياء لهذا عبالهن خوات بالمدرسه .....
رحت للاعدادية مابطلت تعلم من جدي على الشركه والي يدخل بيها والي يطلع حتى جنت اني اذكر جدي ..جدي كام يعتمد على شغله اني اسويه اله بالبيت .... سنواتي مال دراسه كلهن اني وريماس كضيناها اعفاء ... الا ان وصلت للخامس اعدادي جدي تمرض ومرضه خطير ..اني كلش انقهرت عليه وجنت يمه يمه اني وبيبيتي توفه جدي وصابتني صدمه اغمي عليه من وراها كلهم كالوا راح تموت وراه وريماس حبيبتي يمي بقيت 2شهر عايشه على المغذي مااكل ولااشرب وضليت اقوي بروحي علمود ريماس لان هالسنه هي ثالث ولازم اكون وياها كمت من انتكاستي المرض صح ضعفني بس رجعت اقوى ...وره الاربعين مال جدي كعدوا عمامي قسموا الملك بينهم بس استغربوا من وصية جدي انه سجل وكاله اني ادير الشركة مالته بعد وفاته وخلا وصي عليه عمامي الا ان اخلص السادس عمامي وولدهم انصدموا وكلهم وماقبلوا لان الشركه للكل ومحد يتحكم بيها وجماله لبنيه ناطيها هذا الي مافهموا بس جدي جان يكلي دائما انت نجره ومينخاف عليج والشركه اذا بأيدج تتحسن .......
ليث: جنت مسافر7سنين ادير شركات ابويه بأمريكا على زواج حسن واخوته ولد خوالي جان عرس ضخم ومحد مسوي قبل وبي نسوان هواي بس اني عيني جانت من ريناد الي عرفتها من عيونها جانت كلش حلوه طالعة وكبرانه بس جانت تحجي بتنتر .... رجعت لامريكا لؤي وبابا جانوا يدرون الشغل لبغداد شفت شركة جدي خلال ايامه الاخيرة كلش اتطورت وكامت تتحسن تفاجأت اكيد اكو سر ...رجعت بوفاة جدي حد ماخلصت الفاتحه ورجعت لامريكا جانن عندنا شركتين بأمريكا واني اديرهن عرفت من امي جدي جان مسجل وكاله للشركه بأسم ريناد اتفاجأت وكمت افكر ليش ووصلت انه شركه جدي تطورها صار يمكن بسببها لهذا سجل الوكاله بأسمها .بس متأكد عمامي وولدهم مراح يعفوها ....
ايمن:من عرفت ابويه مسجل الوكاله بأسم ريناد رغم انه هي قاصر وفوكاها بنيه اتخبلت قررت بليله ضلمه احول نقل مدارسهن وارجعهن لامهن وفعلا عرفت عنوان امهن وباليله ضلمه رجعتهن ريناد جانت تقاوم وتلغي هواي بس اني ماسمحت الها ودكيت الباب على نرمين طلعتلي بس مو هي عبالك ذبلانه للاخر كتلها ذني بناتج وشيصير بيهن خل يصير احنا ممسؤلين عنهن بعد ....
نرمين :جنت متزوجه بس مصار عندي اولاد لان هو طلع عقيم ضليت متزوجه 3 سنين ومات زوجي كام يحجون عليه الناس على انه اني كراطه زلم واني واني انقهرت قررت انه اضل اداوم على امل الكه بناتي ذبلت عيوني من البجي كم مرة خابرت ايمن بس مينطيني جواب والغريب انه بعد 5سنين رجعولي بناتي اني كلش كيفت حبيباتي كبرانات وصايرات نسوان كمت احضن بيهن ريماس حضنتني حيل وكامت تبجي بس ريناد مترد عليه ولا حتى حجت وياي على ابوها طالعه كل حركاتها تصرفاتها نضراتها وكلشي بيها جانت مهتمه بس قرايتها وغرفتها وحد متقبل لاتطلع ولاتسلم بس دوام وغرفتها حتى اكل تجيب من بره تاكل جنت اخليلها مصروف جانت متاخذه لهذا تعجبت منين داتجيب الفلوس متسمح ادخل بحياتها ريماس تكلي جدو جان ينطيهاوهي تجمعهن... ريناد:جنت حيل مفزوعه بموت جدي بس الي صدمني اكثر عمي ايمن والكل وياه بس بيبيتي مانعته طلعنا بليلة ضلمه واخذنا على امنا من شفتها ردت احضنها ردت اعاتبها وهي بس تبجي ذبلانه كلش اني مااقتنعت بجيها حسيت روحي انه هي ظالمتنا ردت ارجع لبغداد ااجر بيت عندي كومه فلوس جدي جان كل صفقه يسويها وتربح ينطيني مبلغ جبير فجمعتهن عندي ومن دانطلع خليتهن وي ملابسي بالجنط محد جان اله دخل بيه لهذا محد يدري عندي هالمبلغ من الفلوس ريماس ماقبلت ترجع لبغداد وجانت دايما تبررلي عن امي واني قافلة مااريد احجي وياها ولااكل منها ريماس خلصت منها ومن نكتها ومن قرايتها جانت امي تقريها ....نجحت للسادس...صدك جابنا عمنا وره عطله نص السنه مال خامس... نجحت ريماس للرابع اني كلش كيفت جان نجاها يرفع الراس معدلها عالي ....قريت للسادس مقبلت ادخل خصوصي رغم جانت تحجي وياي امي وتكلي ارجعي ..بيبيتي مجانت تزونا لاهي ولا ام امي ماادري ليش بس يمكن ماما مانعتهم ....درست للسادس تخرجت منه معدلي جان97 ريماس كلتلي ادخلي طب اني ماقبلت وامي كالتلي اذا تردين صيدله كان كل بالي ادخل هندسه كيمياوي وفعلا دخلت هندسه كيمياوي بغداد بجامعة بغداد اني ردت جنت اطلع اوائل اجرت شقه اني و2بنات ماحبيت ادخل اقسام داخليه لان مااحب الهوسه جان عندي فلوس جدي كفتني وزادت رغم هذا جانت امي ادزلي فلوس كل شهر بس اني مااصرف منهن ...ماجنت اعرف انه جدي مسوي الوكاله مال شركة بأسمي والا جنت راح اخذها من عيونهم .
يتبع...
