عاشقة الليث

5

#رواية_عاشقة_الليث💫

ريماس:جانت ريناد كله تهتم بيه وماتردلي طلب واني متعلقه بيها هواي ...جانت تجينا كل شهر تحجيلي عن الكليه والي بيها اكثر من واحد تقدملها بس هي رافضة الفكرة ..مرت سنتين  واني دخلت سادس طلعت بمعدل 92  ماجانوا يقبلوني مجموعة طبية فماما قررت ادزني اهلي ريناد مقبلت وصار نقاش بينهم ..
ريناد:متروح طب او صيدله تروح هندسة
نرمين:انت شيافة روحج اني امها وراح ادزها على حسابي اهلي
ريناد:رجاءا خليها هندسة مو هاي امنية بابا
نرمين:ابوج جان بعصرنا الي كان للمهندس هيبه وقيمة مو هسه المعهد الطبي صار احسن منها والمهندس لو يكعد يفتح محل لو يبيع بالشارع وانت ماكو منج امل ماكو تعين الج كله سنتين وترجعين لبيتج هنا وراح تزوجين وسنين دراستج تروح لا من تعين ولا من شغل حتى الشركات الاهلية تاخذ بس الرجال يشتغلون والبنات مكانهم بالبيت والمطبخ ....ريماس مراح ادزها هندسة فهمتي ريناد لولساج ممستوعبه الي تردي انت ميصير لاتحاولين شركة جدج راحت وياه انت لاتضلين تركضين وره سراب وبالاخير تنصدمين
ريناد:باوعت على ريماس وهي تتفرج علينا وعيونها دموع كلها ...ريماس اذا ترحين مجموعة طبيه فأحلمي احجي وياج بعد ...طبيت لغرفتي وقفلت الباب عليه وماما عندها حق اصلا تعينات ماكو دمرت معدلي ونفسي من وره شئ ادري بي مراح يصير الي بس ياربي انت موجود وانت تساعدني فساعدني يارب
ريماس:من حجت هيج ريناد ويايه حسيت اكو شئ نغزني كلشي ولا ريناد تزعل ومتحجي هاهيه وسه هي صارلها شكد محاجية وي ماما رغم ماما كلش تحبها حتى ريناد هم تحب ماما بس هي مكابرة ومتقبل تسمع  ..ماما كعد تبجي وتكول ياريتني متت وي ابوكم ولا اشوف بناتي هيج يكسرن كلمتي رحت حضنت ماما وبجيت وياها بس ريناد شلون لازم الكل يرضي ريناد رغم كلشي خضعت لريناد وطبيت هندسة لاجلها بجامعة بغداد انقبلت ميكانيك اجرت اني وريناد شقه بس النا وماما بقت بتكريت لان دوامها هناك صارت سنتين ريناد تخرجت وسوينا حفل الها ماما اجت لجامعة بغداد وكرموا ريناد لانها اولى امي حضنتها وكامت تبجي ريناد جانت فرحانه بس لساها محجت وي ماما بعد شهر من التخرج طبعا ريناد واني بقينا بنفس الشقة لان ريناد متقبل تعوفني وكامت تشتغل بمول امي ماقبلت بس هي ريناد محد يكدر الها وبيوم من الايام اجتها فرصة عمل بشركة وبما انها اوائل اختوروها ريناد جانت كلش فرحانه لانها راح تبدي بخطواتها الاولى علمود تحصل شركة جدي ...
ليث:كنت بأمريكا قبل شهر اتصل بيه ابويه وكالي لازم تجي رجعت للعراق وطبعا تركت الشركات بأيد صديق ابويه الي هو ثقة وعنده ابن اسمه احمد كلش حباب وصديقي اصغر مني بسنه وهم مضرب عن الزواج ..رجعت للعراق ابويه ولؤي استقبلوني ولمياء حبيبتي كبرانه وهسه داداوم صيدله مرحلة رابعة على حسابنا طبعا...الله  صار شكد مشايف اهلي تقريبا سنتين ..ابوية متعارك وي خوالي علمود الشركة لان الصفقة الاخيرة دمروا كلشي وخسرونا هواي لهذا تعارك وياهم وهو تعب ويريد الشركة الي بالعراق اني اديرها لان لؤي دايكمل دراسات هو مهندس ميكانيك وبالواسطات خليناه يقدم محاظرات بالهندسه لان هو يريد هيج مقبل يكمل شغل بشركة بابا لهذا اني اجيت ...اول ماداومت اكتشفت خيانة سكرتيرنا لهذا طردته وكلتلهم اريد من جامعة بغداد من هندسة الكمياوي والنفط سكرتير ....تقدمت الاسماء والمعدلات كدامي ...بس اني ماقريتهم جنت ملتهي بشغلي والمعاملات الي كدامي ..
الموظف:استاذ جامعة بغداد قدمولنا سبعه من خرجي هالسنه والسنه الي فاتت بس وجدنا اعلى معدلات هالسنه واكو واحد بقسم النفط معدله عالي والثانيه بقسم الكمياوي
ليث:واني مندمج بالاوراق ..مااريد بنيه ماتشتغل زين وجوز ماعدها علاقات عامه اقبل الولد وخلاص جيب اوقعهن ..
الموظف:ماشي استاذ ....كمل الموظف الاوراق وراد ينطيني اياهن ...
الموظف:غريب اسم هاي لبنية يمكن كردي لو تركماني بس والله صورتها حلوه
ليث:انطيني الاوراق قبل مااطلع
الموظف:تفضل استاذ
ليث:دااقره الاسامي ورفض رفض انطي الى ان وصلت لوثيقة ريناد تعجبت من شفتها  هي نفس العيون معقوله قريت اسمها ريناد عله صوتي
الموظف:استاذ اسمها غريب شنو معناه
ليث :اقبل ريناد وارفض الي كتلك عليه
الوظف :بس استاذ ..
ليث:بلا بس جهز الاوراق دااوقعهن
الموظف:استاذ هاي جدها علوان نفس شركة ...
ليث:مالك دخل جهز الاوراق دااكول ..
الموظف:ماشي استاذ
ليث:صفنت ونزلت القلم معقوله بعد كل هاي السنين التقي بيج معقوله انت لساج مثل ماكنتي واالله وواجيتي برجلج ...اخ يابزونتي هلا بيج تعاي وخل اشوف شراح تبدعين ويانا .....
ريناد:اتخرجت اجت ماما فرحت بوجودها بس لساني ضامه بكلبي عليها ريمو ويايه نفس الشقه اول ماتخرجت اشتغلت بمول صديقتي عرفتني واشتغلنا بي خابروني من الجامعه اني من السبعه المرشحين بشركة .....للكمياويات كلش فرحت بس ياترى راح يقبلوني ....
ريماس:اليوم كلش تعب التربو دمرونا بي مو ماده تكول جلطه النا ...
ريناد:عادي تمشي بس اصبري وان شاء الله اتعين ويطلع اسمي واعينج ويايه ..
ريماس:باجر عندنا امتحان هيت والله ماادري شلون انجح بي رينو تدرين اليوم استاذ شاب جانه بالمختبر بس شكد حلو
ريناد:ريمو كم مره اكلج ديري بالج من كلشي لاتثقين بأحد
ريماس:اذا يعترفلي راسا اوافق ومااتحرك من اي مكان اصلا حتى الج مااكلج
ريناد:علمود من صدك بعد مااحجي وياج
ريماس:اشاقة حبيبتي شعندي غيرج ..كمت وبستها وحضنتها
ريناد:لليل واني افكر شلون اذا واحد تعرض لريماس ووهواية افكار توديني وتجيبني اتصلت امي حجت وياها ريماس خطيه وحيده هناك اني بس اسلم عليها متقبل تجي لبغداد لان عندهم شغل ....الشئ الي يخوفني انه داعش بده تحركاته ولاسامح الله اخاف يدخل للعراق واني كلش خايفة عليها لان تكريت اول المعرضين للخطر وجماله هي بشركة للكمياويات اتداوم فكلش خفت وافكر بالاف الطرق علمود اجيبها لبغداد .....
ثاني يوم ساعة ب10اني بالدوام اجاني اتصال من رقم اول مكلت الو
الموظفة:السلام عليكم انت ريناد احمد علوان
ريناد:نعم منو ويايه
الموظفة:معك شركة....للكمياويات يسرنا اعلامكم انكم قبلتم  كموظف لدى شركتنا ستبلش خدماتكم من يوم السبت القادم وشكر اكرر قبلتم مبروك....
ريناد:جانت فرحة متنوصف ...شكرا شكرا ...رجعت للبيت ريماس جانت بالدوام مااعرف شسوي اصرخ اعيط الفرحة بداخلي محد حاملها الف الشكر لله رحت صليت ركعتين شكر وسويت غده انتظر ريماس .
يتبع...