#رواية_عاشقة_الليث💫
ريماس:اني جنت بالكلية تعبانه انوب ازدحامات الجاذرية هواية ومتت علمن وصلت للشقة رغم مابعيده هواي عن الجامعة بس تعب وحارة الدنيا فتت جوه لكيت ريناد محضرتلي غده وتتبسم يمكن اول مره اشوفها هيج فرحانه ...رينو جايه من وكت اليوم وغده خير شكو زودوا راتبج
ريناد:ريمو انقبلت بشركة انقبلت
ريماس:ذبيت جنطتي ورحت حضنتها كمت اعيط من الفرحه خطيه هي هم جانت كلش فرحانه خابرت ماما فرحت لفرحنا ريناد اشرتلي انه اكلها خل تجي هنا وخل تعوف شغلها بتكريت امي رفضت وكالت هنا اني عشقت ابوكم ومستحيل اعوف الشغل ..ريناد ضاجت كلش من ماما اكثر من الاول ....خلصت الايام واجه يوم الاحد الي ريناد مخبوصه بي خبص شتلبس بي اني واكفه اعدل روحي على المرياية واضحك عليها اجت ضربتني على راسي
ريناد:بدل متوكفين وياي وتقررين شلبس واكفة تضحكين عليه
ريماس:شبيج جنج وحده يردون يخطبوها بابا البسي هاي الستره والبنطلون والله حلوات وشئ رسمي
ريناد:ولج اطلع جني ولد بيها
ريماس:دلبسي وياها لعد هاي التنوره القصيرة
ريناد:شلون بالله طلعوا محتشمين شسوي
ريماس:رينو ورايه امتحان وكلش صعب دوختيني البسي الي تردي
ريناد.:طالعة عينج ولج وتصيحين بوجهي اني اعلمج من ارجع هسه داادور ملابس موبحالج راح البس هاي التنورة السوداء وياها هذا الكعب ..
ريماس:دادتي على راحتج ...لبست وطلعت كلش حلوه وشعري سويته ضعفيرة جانبية طلعت بنت كليه مو موضفة رجعت فتحته وشلت بس الخصل الفوك ورجعته ليوره وفتحته شعري شوي طويل ولونه اصفر على برتقالي حلو ومن فتحته صار احلى ...رحت للشركة وجنت كلش متوتره ....سويت مقابلة اولى وي رئيس الموظفين وبعدين صعدوني للمدير ...
ليث:جنت مشغول كلش بالاوراق والشركه بيها شغل متراكم كلش ..صعدولي ريناد اول ماشفتها ضحكت بكلبي شصايره صايرة ورده مفتحه عيونها تجنن انوب حاطتلهن كحله وشعرها هي هاي بني ادم لو حوريه ..حلكها نفس تعبوسته الي جانت بزونه خايفه ردت اول ماشفتها اروح احضنها واضمها لصدري شكد مشتاقلها ابتسمت ..تفضلي انسه ريناد ..كعدت والتوتر بعينها ذكرتني اول يوم شمرت عليه الحصوايه ...انسه ريناد انت انقبلتي عن 7اوائل اتقدموا النا ياريت تكونين جديرة بالمنصب تفضلي هاي الاوراق دقيقيهن وابدي شغلج اي شئ متعرفي ..الموضف سرحان يساعدج ...تكدرين تطلعين ومكتبج راح يكون مقابلي هناك تفضلي...
ريناد:بس استاذ اني هسه اشتغل
ليث:خزرتلها ورفعت حاجبي شنو لعد شوكت من يبيض الديج اني ماعندي اي كسل واي يوم استراحه كومه شغل متراكم ياريت تبلشين وتشوفينا مهارتج
ريناد:كمت واني خايفة منه ومن نضراته بس هاي فرصتج صدك ريناد شوكت تشتغلين ..جاوبته وعندي حماس حاظر استاذ الي تأمر بي
ليث:كلش عجبتني حماسها بس حاليا اريد اكوم شركة ابويه الي وكعت ....خلال اسبوع كدرت ارجع بمساعدة ريناد ربع من الي خسرنا بس بعد ورانا كومه شغلات ..عيني متنشال عن ريناد هي ماعرفتني ماادري ناسيتتني او شكلي متغير ..نسيت اكلكم اسم شركتنا غيرنا بعد خصام مع خوالي طبعاً ....
ريماس:جنت بالكلية وجان استاذ جديد علينا ينطينا محاظرات هو عينه كلش مني ..جنت احجيلها لريناد ريناد تكلي ديري بالج منه ....
ليث:رجعت فديوم لبيتنا متأخر ب1 بالليل طبعا هالاشهر كله شغل بشغل ابقى بالشركة لهذا الوقت مرات ابقي ريناد ويايه بس لحد ال5واخليها ترجع لان اخاف عليها وانوب دريت انه هي شقة وحدها هيواختها تمنيت انه ارجعها وتعيش ويانا ..رجعت لكيت لؤي كاعد وصافن بالمطبخ ..هاولك خايس شمكعدك ليهسه هنيالها الي ماخذه عقلك
لؤي:عوفني ولك ليوث اليوم دخلت صف ثالث محاظرة اضطريت اخذهم هذا ياسر خابرني يتوسل بيه والكالك ذيج لبنيه الي متربعه بنص الطلاب
ليث:ها انت عوايدك كل يوم جايبلنا وحده وتقشمر عليهن وهن هم ميصدكن
لؤي:لا صدك هاي غير ثكيله حتى من تمشي بالممر ثكيله ولك قوائم الاسماء انوب مو يمي دااعرف اسمها
ليث:دير بالك من هيج نسوان تره مرات يوكعن
لؤي:شوف انت شدتحجي ولك لو تشوف عيونها تكول لؤي خليلياها ..صدك شخبار بنت خالنا ليث:اسكت لك قشمر هسه يسمعك بابا ...ماادري والله يالؤي بس مجده بالشغل مو مال سوالف حبجيات خل تكوم الشركة على حيلها واني اخطبها شائت ام ابت
لؤي:دخيلو القاسي ..
ليث:دولي قشمر ...اكلك صدك باجر سؤدد راح يجي للعراق
لؤي:يبو ياام حسين جنتي بواحد صرتي بثنين
ليث:طلبت منه مساعده والله مدااكدر الشغل وحدي وراسي راح ينفجر ...صدك اشو امي ماكو جانت تسويلي جاي
لؤي: الله يساعدك من صدك اني اسف بس تدري بيه مو مال الزم شغل ...سوته خطيه وعافته اليوم تعبانه هسه احمي الك
ليث:دكوم كوم صارلك ساعه بس تحجي عبالك مره ..
لؤي:هو مو صوجك صوجي اني الزمال الي احجيلك
ليث:يايابه هستوك يالله حسيت على روحك زمال هههههه ...صدك خل اعرفكم على سؤدد هذا ابن صديق بابا اصغر مني بسنه اني وياه كلش نتشابه بالتصرفات واشياء هوايه نتشابهه بيها صديقي من الطفوله جنت اني وياه وحسن دوم طلعاتنه سويه بس هسه حسن خوالي محد يقبل يحجي وياي واعتقد هو هم ..سؤدد جان خاطب بنيه بس اكتشف خيانتها اله وفسخ الخطوبه منها ومن ذاك الوكت ليهسه ممتزوج معتزل مثلي عن الزواج على كولته لساه مشاف البنيه الثقه .....ثاني يوم رحت استقبلته من المطار وماخليته ولا هو قبل يرتاح كبل للشركه اول مشاف ريناد استقبلتني بأوراق اشو هذا ضل يباوع عليها اني من صدك كمت اغار حركتله وجه وخليته يباوع على الاوراق ...هاي الي اياك اشوفك تباوعلها
سؤدد:خرب بيومك شنو هالجمال
ليث:ليش متنجب كبل ميجيك بوكس براسك لو بحلكك واطيح الك سنونك
سؤدد:دضمها لعد شكو مطلعها كدام العالم شوف شعرها
ليث:ضربته على خاصرته تسكت لو شلون
سؤدد:حطيت ايدي على حلكي وسكتت ...
ليث:مر شهر وشويه واحنا الشغل عامينا كلما اشوف شعر ريناد اموت من الغيرة واتمنى اكلها تحجبي بس متجيني الجراءة اخاف تردلي بكلام ميليق بيه كمدير وينزل من كرامتي ....
ريناد:مشى الشهر بسرعة واني راتبي استلمته جنت ابقى لل5بالشغل لهذا راتبي كلش توب ..وبيوم من الايام ساعه ب10الصبح واني بالمكتب بقمة شغلي ... اجاني اتصال من ريماس..الو ريمو مو وكتج هسه عندي شغل ....
ريماس:اتصلت بيه امي وجانوا هاجمين على تكريت وهي خايفة وعايفة البيت واني كلش خفت جنت بالكليه صديقتي يمي تواسي بيه اتصلت على ريناد واني ابجي ..
ريناد:ريمو بيج شئ وكفت خفت لااحد معترضلها
ريماس:ماما بتكريت وهاجمين على بيتهم والشركه وهي مهزومه ومتعرف شتسوي
ريناد:وينها هسه
ريماس:انكطعت الشبكه واني صار ساعه اتصل بيها
ريناد:ريماس حبيبتي اهدئي اني هسه اتصرف واتصل بيها انتي ارجعي للشقة ولاتطلعين منها ...جنت كلش خايفة على ماما صحيح هي عافتنا ومااحجي وياها بس كلبي يحبها ومااكدر اعوفها ...اتصل عليها ماكو مغلق فوك النص ساعة واني مكتبي ماخليت روحه جيه واني اتصل عليها مغلق اخر شئ شالته ...ماما جاوبي وينج
نرمين:ريناد هاي انت
ريناد:الله يخليج يوم وينج
نرمين:اني بفلان منطقه
ريناد:ماما تكدرين توصلين لفلان منطقه عند فلان نقطه
نريمين:ريناد شلون ليش
ريناد:ماما راح اجيج لاتخافين
نرمين:لا لاتجين والله يكتلوج
ريناد:ماما لاتخافين راح اجيج بس ابقي بالمكان الي كتلج عليه.
يتبع....
