#رواية_عاشقة_الليث💫
ريناد:ماما ابقي بالمكان الي كتلج عليه لاتتحركين لان اخاف ينكطع الشبكه ..غلقت التلفون اني اعرف كل نقاط الداله بين تكريت وبغداد 4سنين بالكليه وتعلمت نزلت جوه بدون مااخذ اذن احد او اكول لاحد ....ااشر لاي تكسي محد يوكف من اكله تكريت الكل ينهزمون انوب اني مشايله مبلغ هواي علمود انطي ...دااشر لابو تكسي مااسمع الا صوت ورايه ريناد ..
ليث:جانت عندي ملفات يم ريناد لازم تجيبهم وانتظر وماكو طلعت عليها شفتها ماكو ضل بالي عليها اول مره هيج اتصل عليها متجاوب كتله لسؤدد يدير باله عل الشغل علمن اشوف شكو ..نزلت اشوفها تأشر لابو التكسي تحجي وياه كلمتين يعوفها ويروح صحت عليها.. ريناد ...ريناد...شبيج شكو صاير شئ
ريناد:استاذ ماما محصوره بتكريت ولازم اروح الها
ليث:شلون ترحين الها بتكريت خطره
ريناد:استاذ ماما هاي واي شئ يصير بيها مااتحمل رجاءا ...انوب ولاتكسي توكف كلها تنهزم
ليث:انتظري خل اروح اجيب سيارتي ونروح عليها ...شفت دموعها واصرارها وماقبلت اعوفها وحدها ...جبت سيارتي وصعدت يمي بالصدر باوعت على ملابسها شلون راح تروح هيج مشيت جان اكو مول وكفت السيارة كتلها انتظري هسه اجيج رحت اشتريتلها صاية وشالها كانت راقية كلش نطيتها اياها من الجامه ...
ريناد:باوعت عليه جابلي علاكه من المول ...باوعت للعلاكة ..شنو هاي
ليث:البسي ذني بسرعه
ريناد:بس ..اني ..
ليث:شبيج احنا بمنطقة خطره راح نروح ان شاء الله ناويه ترحين هيج ..
ريناد:خزرته واول مره من صدك استحيت احد انتقدني بملابسي محد جان يكلي لبسج عيب ولااني حسيت فد يوم على روحي لبست الصاية والشال وانطلقنا لتكريت هو جان يقود بكل سرعته واني اريد اتصل بماما متجاوب اخر شي ...الو هلو ماما انت هناك اطمئني حبيبتي احنا جايج ماما الله يخليج لاتسوين شئ ولاتتحركين... لا مو وحدي ويايه المدير مالتي ...لا لا تخافين ان شاء الله نوصلج ..ماما ..نزلت دموعي بعد ماكمت اسيطر عليهن ...اني احبج ..غلقت المبايل واشهك بالبجي
ليث:شفتها تبجي حسيت بكلبي نغزه ...لاتخافين راح نوصللها منا مو الطريق
ريناد:مسحت دموعي اي اي منا الله يخليك استاذ بسرعه
ليث:يمكن نطيتها للسيارة كل سرعتها بكد ماسريعه احس روحي راح اطير بيها وصلنا يم سيطره طلعتلهم الباج مال شركة وكلتلهم عندي شغل سمحولي افوت ...وسيطرات كلهن الا ان وصلنا لمدخل تكريت ومنا بده الخطر خابرت امها ريناد
ريناد:ماما حبيبتي احنا وصلنا تكريت ....انتي بالمكان مو ..
نرمين:ريناد اني مو سبب الي عفتكم جان خالج وعمامج
ريناد:ماما مو وكته هالكلام سامحتج حبيبتي بس ابقي عايشه الله يخليج
نرمين:ريناد ريماس امانه عندج
ريناد:ماما لاتكوليها الله يخليج ...ذيج المره كلتيها ووكعنا بيد عمامي ..هسه لاتكوليها اذا تردينا وتحبينا ابقي عايشه والله مااسامح روحي الله يخليج ماما
ليث:اني اسوق بالسيارة واحس دمعتي تريد تفلت من عيني وكفتنا سيطره مال داعش يمكن
ريناد:وكع مني المبايل من شفت داعش وواني كلبي كام يدك سريع
ليث:شفتها ارتبكت كلش لزمت ايدها وعصرتها حيل لاتخافين اني وياج ...باوعتلي عيونها الخضر والدموع وياهن فد مرة صارن حلوات ...غمضي عيونج غمضيها ...صحت بيها غمضتهن
ليث:وكفنا بالسيطره
الشخص:شسمك وشتسوي هنا
ليث:اني ليث اسمي وو جاي اخذ ام زوجتي هنا ...باوع الشخص على ريناد من الجامه
الشخص:انطيني سنوية والجنسية مالتك ومالتها
ليث:شفتها تريد تطلع الجنسية لزمت ايدها نطيته السنويه والجنسية مالتي
الشخص:ومرتك
ليث:ماجايبه جنسيتها بس هويتها تريدها
الشخص:لا ..اتحرك
ريناد:من تحرك وعاف سيطرة اخذت نفس عميق كلش خفت باوعت على ايدي لساه لازمها سحبت ايدي منه ...انوب مباايلي ضاع بالسياره وادور وماكو
ليث:وين هسه امج دليني
ريناد:اكف مبايلي ماادري وين راح
ليث:وقته هسه ددوري عدل راح يهجم الليل استغفر الله
ريناد:عوفه اني اندل النقطه روح بهل الاتجاه اي اي .. كمت ادلي بي والمبايل ماادري وين طار ..لمحتها لماما كاعده من بعيد
ريناد:استاذ ذيج هي اي والله ذيج هي ....ردت انزل والسيارة مشغلة ...لزم زندي وسحبني قوي
ليث:وين تهورتي متشوفين الخطر دكعدي راحه ...وصلت يم امها اشرتلها تصعد صعدت واني ديورت علمود ارجع اندارت عليها حضنتها وكامت تبجي داامشي بالسيارة مااسمع الا ضرب كام يصير على سيارتي ...
ريناد:التافيت على ماما نصي راسج ماما لاترفعي
ليث:لزمت راسها نزلته لان جان مديور وايد الاخرى اسوق بيها سريع ...شنو انت تردين تموتين ...ماما
ليث:خاله نرمين نامي نامي
نريمن :نايمه ابني الله يخليك بسرعه
ريناد :جان مخلي ايده على راسي ودايس بي حيل واني بس اريد اطمئن على ماما كام الطلق يجي من كل مكان واني فد مرة صرت وراسي لساه دايس عليه مشينا سريع كلش بالسيارة واصلا عبالك كمنا نطير ....وره نص ساعة عبرنا الخطر والسيارة لساها سريع وايد ليث لساها ضاغطه على راسي مااشوف الا فد شئ حار كام ينكط على راسي باوعت على ايده تنكط وخرتها ...استاذ ايدك شبيها
ليث:اني عين على الطريق وعين عليها...ماادري يمكن انجرحت ...باوعت على امها انت زينه خاله خو ما بيج شئ
نرمين:الله يرضى عليك وليدي لا حمد الله ماكو شئ
ريناد:من اطمئنيت على ماما وبستها...باوعت عى ايده لساها تنزف خاف يصير بيها شئ نزعت الشال ولفيتها بي
ليث:شدتسوين
ريناد:اخاف يصير بيك شئ
ليث:اني الليث ماكو عليه شئ
نرمين :الله يحفظك ابني
ريناد:اباوع عليه كل معنى الرجوله بي ...اخذت نفس قوي ..ساعة ب11بالليل وصلنا للشقة نزلت نزلت امي باوعت عليه من الجامه ...مااعرف شلون اشكرك
ليث:تنهدت وابتسمت الها .. بعدين نتصافى
ريناد:تفضل يمنا ..
ليث:لا شكرا اهلي مامنطيهم خبر ...
ريناد:شكرا ربي يحفظك ...
نرمين :الله يحفظك ابني ان شاء الله ينور طريقك
ليث:الله يسلمج خاله ..مع السلامه ...ديورت ورحت لبيتنا
ريناد:ردت اخابر ريماس اتذكرت المبايل بسيارته وكع وبعد ملكيته ..دكيت باب الشقة طلعت ريماس حضنتني وحضنت ماما وتبجي ..اول مرة احس بشئ عزيز راد يروح مني طبت امي سبحت واني سبحت وراها ونمت
ماكعدت الا ثاني يوم ورحت للدوام
ليث:رجعت للبيت وكفت يم البيت خابرت لؤي كتله لهي امي ونيمها ..وصدك نيمها خفت لاتشوفني بالمنظر هذا ..اجه لؤي عليه
لؤي:هاي شبيك وين جنت
ليث:تعال تعال وديني للمستشفى
لؤي:شبيك يمصخم بيك شئ
ليث:جنت بمغامرة
لؤي:صدك تحجي هسه اطلع سيارتي شوف سيارتك شمعمول بيها
ليث:بلا لغوه شكتلها لامي ..
لؤي:صدك تره كتلها راح يبات يم سؤدد
ليث:خوش لعد من المستشفى صدك وديني يم سؤدد وارجع خاف يضل بالها ...رحنا للمستشفى مبين طلقة خادشتني واني ماحاسس عليها عقمولي الجرح ونضفوه ونطوني كم علاج اخذني لؤي يم سؤدد خطيه تخبل عليه رجع لؤي يم امي وابويه ولمياء ...بتت يم سؤدد حجيتله كل الي صار كام يكمز وكال لو رايح بيها ..ابتسمتله وكتله يهون يهون
ريناد:كعدت الصبح داابدل واني داامشط شعري دااسوي تسريحه تذكرت كلامه راح ترحين هيج ليش اني بارزه جمالي للعالم من صدك ربي اسفه لازم اصونه وجانن عندي شالات الفهن على ركبتي لبست واحد منهن ولبست بنطلون وفوكاه شئ طويل لبس مال محجبات وطلعت جانن ريماس وماما نايمات ماحسن عليه من طلعت .
يتبع.....
