#رواية_عاشقة_الليث💫
ليث:اخذت رقم ريماس اتصلت بيها
ريماس:خابرني لؤي كالي ليث راح يتصل بيج طبعا اني حجيت وي لؤي انه نجمع ريناد بليث ولؤي كالي انه ليث يحبها واني ادري انه ريناد تحبه بس متقبل تعترف ...
الو هلو ليث شلونك
ليث:هلو ريماس شلونج عرفتيني
ريماس:اكيد لؤي كالي
ليث:هاا خوش ..باعي ريماس اريد اطلب منج طلب
ريماس:اي تفضل ......
-----------------------------------------
لؤي:اخذت اجازة لريماس والي لان باجر الخطوبه مالتي حجزت القاعة لان مترهم بالشقة يابوي لولو جان لازم تكون هنا خابرتها باركتلي اجني خالتي وبنات عمتي ولد خالتي حجوا وي امي وريمو حبيبتي قلقانه لان راح تواجههم وهي قبل مشايفتهم بس اني خابرتها وطمئنتها انه اكون وياها
ليث:داامشي بالممر وبيتنا هوسه لان بي نسوان هواي ردت اروح للشركة بس امي منعتني كالت لازم احظر للخطوبه ...خالتي هلو شلونج خالتي:هلو يمه ليث تعال احجي وياك موضوع ضروري البارحه حجيت وي لؤي بس مااعتقد كلك
ليث: اي خاله احجي . . ...
ريماس:رينو كلش متوتره
ريناد:دباعي لروحج شوفي نفسج راح تخلين الولد ينهزم منج وج راح تطلعين زوعه
ريماس:لا دخيلج لاتوتريني
ريناد: ولج نامي نامي خل يرتاح وجهج هي بس خطوبه
ريماس:بس ناس هواي راح تكون وعمتي وبنات عمامي
ريناد:بس لانشوف زهراء
ريماس:ههه الله يعينا سمعت من لؤي هي مطلكه
ريناد:اي الله يساعد الي ياخذها
ريماس:تذكرين من فجرتي راسها دم
ريناد:ولحد الان مستعده افجر راسهم كلهم دم
ريماس:يوو ريناد رجعنا ...الله يخليج لخاطري خل يوم خطوبتي يمر على خير
ريناد:دنامي باجر ورانا روحه للصالون واني كلش تعبت اليوم بالشغل جماله هو مجاي هو اله حق ياخذ اجايز واني لا اخ لو بأيدي جان موته
ريماس:ههه دنامي حبيبتي نامي ...
ريناد:اي صدك ماشفت الفستان الي جايبته الي
ريماس:اه والله راح يعجبج بس نامي وخليني انام
ريناد:هسه اني الي متخليج تنامين مو
ريماس:اشاقة عمي اشاقة ها اها خمدت
ريناد:من نامت ريماس رحت لغرفة ماما لكيتها تصلي صلاة الليل ...قبل الله ماما
نرمين:منا ومنكم حبيبتي تعاي رينو تعاي ..اجت ريناد وكعدت يمي حضنتها ....شبيج شنو الي مسهرج
ريناد:يمه العائلة الي ظلمتنا ليش قبلتي نرجعلها
نرمين:شوفي ريناد اذا جان الماي ينبوعه ومجراه صافي فمتأثر بي اي شائبه وبما انه عمتج ورجلها حبابين وخوش ناس والهم مواقف وياي فأكيد ولدهم همات نفس الشئ ...والدليل اني شفت ليث شلون حريص عليج من اجيتوا نقذتوني من داعش وشفت حرصه عليج ومن سألته كال انتوا عرضي ولازم احافظ عليكم مفهمت قصده بس اليوم فهمت من شفته هو وامه واخوه شلون فرحوا من عرفوا انه انتن بنات المرحوم
ريناد:والله ماادري يوم ..تدرين هسه يالله اتذكرت من صاحلج خاله نرمين واني ماكايلتله عن اسمج لو من ذيج اللحظة عارفة انه هو يكون ابن عمتي جان مااشتغلت بشركته ولاشئ
نرمين:شوفي حبيبتي الله يريد شئ واحنا نريد شئ ...مثلا لو مدخله ريماس صيدله اولا منين راح اجيب فلوس الها ثانيا جان ماالتقت بأبن عمتج ..لهذا الله جعلها سبب
ريناد:ماما تذكرين بوقتها عاندتوا وماقبلتوا ...بس بابا الله يرحمه جان يعرف مصلحتنا....
نرمين:الله يرحمه ....
ريماس:كعدت ثاني يوم لكيت ريناد يم ماما نايمه ....اي نامن لساني هنا وانتن كمتن تنامن سوه لعد لو اروح شتسون عيني ...
ريناد:اخ شبيج روحي منا روحي لرجلج عوفي امي
ريماس:اعوف امج مو
ريناد:اي يالله ...كمزت عليه ريماس وكامت تدغدغ بيه حبيبتي كلش فرحانه بخطوبتها رحنا للصولون اني وياها وماما لبست الفستان الي مشترياته الي جان منفوش من جوه وقصير ومن فوك بدون كتف لونه بيج وبي شذر من الصدر حبيته كلش لبست وياه كعب اسود فتحت شعري الي جان لونه يخبل حطيت كحلة لعيوني ومكياج خفيف طلعت كلش حلوه
ريماس:واو رينو ماادري بيج هالكد انثى
ريناد:ياحقيره انت همات طالعة تخبلين حبيبتي ....
ريماس:شكرا يروحي من الدنيا انت
ريناد:ريماس البسي هذا
ريماس:شنو ..هاي سوار ..ليش عذبتي نفسج
ريناد:حبيبتي اقل هدية ممكن اقدمها الج
ريماس:نزلت دمعة من عيني ...رينو اني كلش احبج ومن حبي الج سويت هيج ..
ريناد:شسو...قاطعتني امي
نرمين:بناتي الغاليات الله يحفظجن لبعض
اني وريماس:امين وحضنا بعض ....
يتبع...
