#رواية_عاشقة_الليث💫
ليث:بالقاعة جنا الزلم وحد والنساء وحد من اجه الشيخ جابوا ريماس محجبه ...وبدوا بالعقد .....اثناء هاي الفتره شفت حسن رحت دااحاسبه شكو جاي جان وراه خالي ايمن ...انتوا
ايمن:الضاهر ماعجبك يابن انسام ..
ليث:اعتقد ماالكم دخل عندنا
ايمن:احنا ماجاين لبيتك احنا جاين ناخذ بنات اخونا
ليث:هههه يااخ الي شمرتوهن قبل سنين وهسه جاي ادوروهن...
ماكو طبه ..
حسن:ليث خلينا نفوت قبل ميصير شئ ميعجبك
ايمن :اذا اتزوجن واحد غريب فأذبحه هو وياها
ليث:ابن اختك غريب
ايمن:ابتعد عن الدرب لا احركك حرك
ليث :لاوالله متفوتون الا على جثتي
ايمن:اشرت براسي للحمايه الي واكفة هجموا عليه كام يضرب بيهم
ليث:صحت الحمايه الموجوده صار ضرب بينا ضرب واحد واتجهت لقاعة النسوان ...يمه تعاي امي جانت بباب القاعه منتظرين ريماس
امي:خير شكو يمه
ليث:يمه طلعيلي ريناد بسرعه
امي:شكو شصاير ...
ليث:عله صوت الدجي ...يمكن الشيخ زوجهم لريماس ولؤي ..سمعت صوت الهلاهل امي راحت تهلهل اني متحملت طبيت لقاعة النسوان بس بالباب هي جانت واكفه هناك فرحانه سحبتها من يم امها ...
ريناد:شبيك شكو تخبلت عوف ايدي ..
ايمن:دخلنا للقاعه مال زلم
لؤي:جنت فرحان بمرتي صارت الي بأثناء الهلاهل والدجي صوته عله دخل خالي ايمن وياه حسن وحمايه ..
ايمن:وين بنات اخونه
ريماس:خفت كلش لزمت ايد لؤي ..
لؤي:اباوع على ريماس مغطيه بكبوس بس مبين خايفه من لزمت ايدي ...شكو شصاير ماكو ادب
ايمن:صعدت للمنصه جريته من ياخته اتعلم الادب ياابن انسام
انسام:شبيك ايمن ماتريد نفرح
ايمن:افرحي بس مو بنات اخوي
نرمين:من اجه ليث وسحب ريناد ضليت متفاجأة بس هو كالي خاله لاتخافين على بنتج وياي راح تبقى شفت ايمن وره شوي دخل لقاعة الزلم ..لبست عبايتي وطبيت شبيك خير ليش ملاحك بناتي ..
ايمن:هلا بمرة اخوي ....هههه بناتج الي تزوجتي وعفتيهن
نرمين:اسكت ...مايوم عفت بناتي انتوا الي ضلمتوهن
ايمن :جريت ايد ريماس ومشيت تعاي انت . .
لؤي:لزمت ايده لخالي ...عوف مرتي
ايمن :عقدت يبن انسام
انسام:اسكت احسن الك هاي جنتي ومراح تتحرك من هنا
ايمن:انت ياهي منهن ..
لؤي:حتى اسمائهن متعرفهن
ايمن:لزمت ياخته للؤي..هاي ريناد
ليث:اجيت من شفته لازم ياخة لؤي ....ريناد مرتي اني
ايمن:شنو
ريماس ونرمين وام ليث ولؤي والجميع مصدومين
ايمن:انت شداتحجي
ليث:هاك هذا عقد محكمه وتوقيعي وتوقيعها ومو مزور شوف
ايمن:انت تجذب
ليث:اعتقد نسوانه وجنانين انسام مالك دخل بيهن لان وراهن زلم
ايمن:ريناد لساها ممتزوجه ولا راح تتزوج الا على جثتي ..وينها
ليث:اصلا تزوجت واكو شهود على زواجنا وهسه راح اعقدلها عقد سيد وكدامكم مدام الشيخ بعده موجود
ايمن:انت شنو تحجي ياابن انسام
ليث:مالك دخل لابيه ولابأنسام ولا بأبنائها وجناينها ..اطلع بره
ايمن:هيج ربيتيهم ياانسام
اننسام:يمكن سمعت الي كاله الك ليث اطلع بره مجلسنا مايشرفك
ايمن:ريناد ماتتزوج اذا متوقع على هالعقود
ليث:هه بعد اتزوجت ومراح تمسون شعره منها ولا راح توقع اي شئ اطلعوا بره
ايمن:ماانتهت ياليث راجعلك ياابن اختي ..
ليث:راح ترجع مو بس انت وترجع الحق مال ناس وياك ...اشرتله براسي انه يطلع
طلع وراها طلعت اني دااجيب ريناد الي بالسياره بقيتها
----------------فلاش باك عوده للوراء
ليث:الو ريماس شلونج
ريماس:اهلا ليث
ليث:ريماس اريد المستمسكات مال ريناد
ريماس:شتسوي بيهن
ليث:انت تعرفين انه حياتجن انتن الاثنين بخطر ولهذا ناوي اعقد على ريناد عقد محكمه بس على الاوراق وحابب احميها بهل عقد مناوي غير شئ
ريماس:بس ريناد مراح توافق
ليث:اعرف لهذا كتلج اريد مستمسكاتها بدون علمها انطيهن للؤي وهن يوصلني
ليث:رحت للمحكمه سويت عقد زواج وكلشي مشى تمام ببعض مساعدة من معارفي بالمحكمه ...وكف على توقيعها كلت وره زواج ريماس ولؤي اخذها توقع واعترف بحبي الها ....بس من صار واجوي خوالي بالخطبه مال لؤي خفت عليها هواي لهذا جريتها من ايدها جان العقد عندي خليتها توقعه بس بعد معاناة والتجئت للخطه الي رسمتها بعقلي الها ..من رحت سحبتها لريناد من يم امها جانت ذابه شال على راسها ..ريناد:عوفني شبيك شكو
ليث:هاج وقعي
ريناد:شوقع هاي شنو
ليث:ماعندي وقت وقعي بسرعة
ريناد:هذا عقد زواجي بيك انت
ليث:شكو معاجبج
ريناد:مستحيل اتزوجك انت مستحيل
ليث:اذا متزوجتيني الي واحد من ولد عمامي راح يتزوجج
ريناد:اصلا عسى منو مجان يتزوجني ولااتزوجك الك
لييث:زهكت عليها حيل جريتها من زندها وعصرتها حيل ...توقعين وتتزوجيني اني ومتتزوجين احد غيري والا هسه فضيحتج اخليها على رايح والجاي
ريناد:حسيته راح يزرف ايدي من كثر الضغط ...عوفني مستحيل اتزوجك
ليث:خوش شنو رأئيج انه انشر هاي الصور وبعرس اختج طلعتلها التلفون وشوفتها صورها طبعا اني ركبتهن وجانن صور فاضحه الها
ريناد:انت منين ..شلون ..ليش ...شنو هالحقاره
ليث:شكلتي واختج وامج يصيرن بحلوك اليسوه والي مايسوه من وراج
ريناد:هاي مفبركه والعالم مراح تصدك بيك
ليث:خوش خل اعرضهن واشوف منو الي ميصدك
ريناد:انتظر ...راح اوقع
ليث:يالله كدامي
ريناد:كمت ابجي حيل ودموعي تنزل عشره على عشره معقوله راح اتزوج بهاي الطريقه معقوله ..وقعت وردت انهار من البجي طببني بسيارته وقفلها عليه وطب للقاعه ماادري يعد شصار
ليث:انقهرت كلش عليها بس هاي لمصلحتها ومااخلي احد يتزوجها غيري هاي صبر السنين وتعب انتظاري مااريده يروح لايمن وولده وطبيت للقاعه وصار الي صار.
يتبع....
