#رواية_عاشقة_الليث💫
ريناد:جنت محظره كلام هواي لمن يججي ليث احجيله اياه واعتذر منه عن كلشي ..كعدت انتظره بالغرفة ..
ليث:اجيت وخالي وياي دخلته لصالة الضيوف..رحت على امي اشرتلها وكتلها دمعتها رادت تنزل من عرفت ابويه على كرسي متحرك بسببهم بست راسه يابه اسف جبت ودخلت الي كان السبب بحالتك اشرلي براسه ويحجي حجي خفيف كوه ينسمع
ابويه:لاتنطيهم بنتهم النا هي حافظ عليها هاي جوهرة ..
ليث:يابه انت وين تعرفها وشايفها
ابو ليث:اني مااعرفها بس ابوها اعرفه وهي على ابوها الي تقيم بعائلتها امها واختها امنها على جهالك واحفاذي ميربون الا على ايدها فهمت ليث..
ليث:اسف يابه بس الامر مو بأيدي هسه.. بأيدها الامر عمامها يردوها وقرار بأيدها سويت علمودها كلشي بس هي ما قدرت ولااي شئ ..كمت طلعت من يم ابويه واني مخنوك خايف لاتروح وبعد مااشوفها ..صعدت ليفوك ...ريناد جاج عمج ايمن يريدج جوه ...باوعت على عيونها بيهن دمع للحضة ردت اكلها ابقي لاتطلعين بس اتكرت شلون جانت تحجي عليه كدام سرمد نزلت كعدت وي امي وخالي وره شوي دخل لؤي وريماس عبالي هي ...ورها لحضات دخلت ام ريناد سلمو على خالي ايمن كعدو بدون ميحجي احد اباوع على خالي ايمن بعيونه اكو انتصار واحس روحي راح اطك ..انفتحت الباب اجت ريناد..كعدت بدون ماتسلم
ايمن:بنتي اني نادم على كل شئ سويت بيكم وبأمكم واتمنى تسامحوني واني راح اشتغل واصير ايدج اليمنه بالشركه بس اريد منج طلب ترجعين لعند اهلج لان بيبيتج هواي مشتاقتلج ..كامت ريناد ماحجت شئ راحت طلعت وره شوي رجعت ... لابسه حجاب وصاية الي اشتريتها الها اخر شئ مو من عوايدها تلبس بالبيت عرفت راح تطلع ...
كالتله اني راح اروح وياك بس بالاول اريد محامي واريد اشوف شركة جدي اني تخاذلت طلعت من الصاله وركعت الباب حيل وطلعت ..
ريناد:بعد ماحجه عمي وياه قبلت اروح بس مو لسواد عينه لا غايه بنفسي ..رحنا للشركه المحامي طلع اوراق الوكاله والملكيه اني طلبت منه اوراق تحويل الملكيه فعلا حولتها بأسم ليث وكلشي خلتهن بأسم ليث وطلعت من عمي الي كام يكفر ويصيح عليه اني طلعت مااهتميت لشي كتله للمحامي يوصل الاوراق ليث رجعت لشقتنا الي جنا بيها بجيت طلعت كل حركتي كعدت بالغرفة مالتنا وضليت فوك الساعه ابجي وبعدها نمت وماحسيت الا و..
ليث:بعد ماطلعت ريناد كل امل مابقى عندي انتهيت طلعت غلقت التلفون وتوجهت للشركه يمكن اليوم كله طالع طاب للشركه وبقيت لليل رجعت للبيت ريماس وامها جانو يبجون ومن شافوني سكتوا وامي كامت عليه سألتني عنها ماجاوبتها صعدت للغرفة كسرت كلشي بيها طلعت ملابسها ونثرتهن بالغرفة وكعدت ابجي مثل المره ..اجه لؤي يدك بالباب ماكو قفلتها وضليت لوجه الصبح كاعد كمت غسلت وصليت وبدلت ورحت للشركه بالدوام اتصل عليه سؤدد كال باجر جايين كتله كل الهلا يمكن جنت محتاجه هالفتره وياي ..صارت ساعه ب10الصبح اجه المحامي عليه ..سلمت عليه كعد انطاني اوراق ..شنو هاي
المحامي:هاي اوراق ملكيه ووكاله لشركه علوان حولتها المدام ريناد بأسمك ومن خلال شغلي كدرت اجيبها الكم بساع ...
ليث:ريناد سجلتها ...معقوله
المحامي:بعد هذا الشي الي صار البارحه المدام ريناد طلعت بره الشركه وكالتي اوصلهن الك تعرف الاستاذ ايمن صابته جلطه وهسه هو حاليا بالمستشفى
ليث:معقوله ...شنو ..ريناد وين هسه
المحامي:والله مااعرف بس البارحه طلعت من الشركه وماادري وين ...
ليث:ريناد..معقوله بس مااجت ..ياربي وين معقوله تروح وحدها ..
المحامي:والله مااعرف ..مبروك استاذ لحصولك على الشركه واتمنى انك تطورها ..
ليث:صافحني المحامي واني افكر وين راحت ريناد ..خابرت ريماس مباشرة سألتها عنها كالت مااجت بس اعتقد راحت لشقتنا اذا مالكيتها يمكن سوت بروحها شئ ..اني اتوجهت بسرعة للشقة مالتهم وعفت الشركه وطلعت .....ماكو الطريق صار شطوله جماله ادك عليها مغلق ...اوووف وينج وينج ...رحت صعدت للشقه مالتها كمت ادك بالجرص ماكو متطلع دكيت الباب حيل الجوارين طلعوا وهي ماكو ...ردت اكسر الباب والجوارين يتفرجون عليه ...وره شوي بعد ماوكعت ايدي طلعت الخاتون وعيونها ماليهن النوم ...اول مافتحت ابتسمت باوعت على الجوارين اشرتهلم زوجها مااكدر احجي جماله حتى حلقه ملابس اوو شسويلهم لزمتهامن زندها طبيت جوه قفلت الباب ....انت شنو متعرفين انو احنا نقلق عليج متعرفين امج البارحه الليل كله منايمه اختج ..ان....اني ريناد محسيتي بيه متعرفين شسويتي بيه ليش هيج سويتي ليش
ريناد: استاذ ليث اني اسفه والله ماكنت ادري اول مره يتصل بيه واصلا بس البارحه التقيت بي واني ماكنت اعرف غايته ..استاذ اني احبك الك والله مااخونك لو وي اكبر واحد انت زوجي ومستحيل اخونك ...
ليث:ريناد انت تحبيني
ريناد:اني ماعرفت الحب الا وياك ماعرفت الاهتمام الاوياك من يوم الي نقذت امي وشفت شهامتك اني احبك ...
ليث:ريناد تدرين من شوكت اني احبج من جنتي هالكدج اشرتلها بأيدي من جنتي طفله شوفي هاي الطبره الي بحاجبي كلمن اشوفها اتذكرج واتذر حبي الج اني احبج ريناد
ريناد:استاذ واني همات
ليث:ريناد هسه اني مو استاذ اني حبيبج وزوجج كوليلي حبيبي
ريناد:نصيت راسي ودموعي كامن يوكعن بالكاع مثل البوري المفتوح بسرعه بسرعه يجرن ...حبيبي
ليث:ايروحلج فدوه حبيبج ..حضنتها ورفعت الي راسها وكمت ابوس بيها من وجهها الا ان وصلت لشفايفها الي هن ضمأ العطشان رويت عطشي الي قبل سنين اني ماراوي رفعتها الي وهي تتجاوب وياي ردت افقد وياها ...ريناد باجر اريد اعقد عليج ونتزوج ..
ريناد:بكيفك
ليث:ولج اموت عليج ورجعت رويت عطشي من شفتها الحلوه ....وره ساعات واحنا بشقتهم وهي كاعده بحضني واني امشطلها شعرها يالله حبيبتي خل اوديج للبيت باجر لمياء هي وزوجها يجون وان شاء الاسبوع الجاي حظروا روكم انت وريماس بنفس اليوم زواجن
ريناد:لا ليث تره هي تريد بعد شهر
ليث:ولج شيخلصني من لؤي اذا اتزوجت وهو لا ولج هسه هو ثابرني ثبر ..يمعوده خل اخلص منه وافرغلج علمود اسافر لامريكا
ريناد:اوو هم امريكا
ليث:ها صدك عندي الج شغله بعد منروح لامريكا اكلج اياها
ريناد:شنو هي الله عليك حباب
ليث:مفاجأة حبيبتي مفاجأة
ريناد:اوو شراح يصبرني ..باسني من خدودي يالله كومي حضريلي روحج دانرجع للبيت وهاي الشقه بعد ماكو رجعه الها
ريناد:لا ليث والله احبها اصلا فكرت اشتريها
ليث:اي شعندي علمود يوميه زعلانه وجايه هنا لاحبيبتي ماكو كله بيتنا يالله كدامي البسي واطلعي ...
ريناد:لبست وطلعت اله هو مبتسم حبيبي شكد احب ابتسامتك بسته من خده ..
ليث:ولج كافي مو هسه افقد عليج والله
ريناد:ضربته على كتفه خفيف ..طلعنا وصلنا للبيت استقبلتني امي وريماس خبرتهم بالي صار امي لامتني بس بعدين كالت ليث يستاهل هو ولؤي ...طبيت على ابو جان وحده بالغرفه ماكو الممرضه عمو رديت الي الكم ورديت حق ابويه بسته من راسه وطلعت صاحني ..كالي ديري بالج على ليث ابتسمت اله ..احطه بعيوني قبل راسي ...طلعت خبرت ريماس على موعد العرس اتخبلت كامت تفتر بالغرفة وكامت تعدد الاشياء الي لازم تشتريهم ....ثاني يوم اجت لمياء هي وزوجها اني كلش تفاجأت بيها كبرانه وحليانه اتحاضنا اثنينه وكمنا نسولف من جنا صغار ليث جان كله يباوع عليه امي حرمته من ان يلمسني او ينام بنفس الغرفه هو كلش ضاج بس شيسوي هاي امي ......ضلينا اني وريماس ويانا لمياء نفرفر بالسوق نشتري بالبدلات والفساتين والذهب الي لان بس اني الافندي ليث مااخذلي ذهب اشترينا حلقات الي واله طبعا على ذوقي ...وصاني مااشتري اي سيت نوم لان هو راح يشتري كال بس سؤدد يشتري هههه....
_______________________________
بعد مرور اسبوع
رينادتدخل القاعة بفستانها الابيض و ريماس وامهن بوسطهن كايدتهن اثنينهن ....استلم ليث زوجته وقبلها من يدها ولؤي فعل ذلك ايضا ....بعد انتهاء الحفلة اخذ ليث زوجته الى شقة سؤدد بعد ان اخذها منه بالقوه رغم ان سؤدد لم يقبل ولكن ليث اجر له غرفة بفندق هو ولمياء اما ريماس ولؤي ايضا بالفندق ...
لؤي:ريماس حبيبتي اني ممصدك اليوم اني وياج سويا ....رفع الطاء من عليها ...ماشاء الله طالعه تخبلين ...ريماس احبك لؤي ...واني همات ...بستها بوسه عاشق واخذتها بالاحضان وحملتها برفق على السرير .....وووووو......
لمياء:ليش ليث اخذ شقتنا
سؤدد:اني ادري يكول عندي بيها ذكريات وي ريناد وماا يد بالفندق ...تعالي عندي انجدد ايام الخوالي ...
لمياء:انت يوميه مجدد
سؤدد:دتعاي ...باسها وعلى السرير ...وووو....
اما عند ليث وريناد
ليث:رفعت البرقع من عليها ...اه اني وياج ومحد هنا والي الحق بيج والعبلج اليوم لعب
ريناد:ليث ..ضربته برفق على صدره ..
ليث:ريناد هاج البسي هاي السيت النوم الابيض وهاي الصايه
ريناد:باوعت عليها معقوله هاي ...انت اخذتها من خانتي واني ادور عليها ...اعشقك ليثي
ليث:اكلج شنو تعاي ...حضنتها مااريدج تلبسين تعاي
ريناد:عوفني ...انهزمت منه طبيت للحمام بدلت ولبست الصايه وطلعتله حضني كام يبوس بيه
ليث:احس روحي محصل جائزه .....بستها من شفتها وشوي شوي نزلت فتحت صايتها وبرز جسمها الابيض الي محلي السيت مال نوم ...شلتها على السرير وكمت ابوس بيها ......وووووووو...واخيرا الي انتظرته وصارت مرتي على سنه الله ورسوله وامام الجميع ....ثاني يوم كعدنا جنت حاجز لامريكا اما ريماس ولؤي حجزوا لتركيا ....اني هم جنت ناوي احجز بس امريكا احلى ذكرياتي وي ريناد رحنا للشقة فتحتها .....غمضت عيونها وطببتها لغرفة النوم ...فتحت عيونها ....معقوله معقوله هاي شلون اخذتهن
ليث:اني الليث ...وانت عاشقتي لهذا الي تتمني والي بالج والي اريده والي تردي احقق الج اياه ....جانت كل صورها مجيمهن ومعلقهن بالحايط واكو صور الها بأمريكا اخر شئ من اجينا اخذتهن الها اياه غفل وهمات جيمتهن وكبرتهن وعلقتهن ...
ريناد:حضنته وبسته ...ليث اني مو احبك ...اني اعشقك ...باوعت على حاجبه ..صدك شلون اني سبب هالطبره ..
ليث:شلتها واخذتها للسرير تعاي اسولفلج هنا
ريناد:لا لا ليث تعبانين من السفر ....ههههه ....ووووووو......
_______________________________بعد مرور سنه ...
عمامي اجوا اعتذروا مني ومن ليث ...ليث بعد ان فكر ولخاطر امه شغلهم عنده بالشركه عمي ايمن انشل سرمد بعد الي صار اخذ مرته وجهاله وسافر مااعرف وين ...لمياء وسؤدد صار عندهم ولد وسموه ليث وكلش لازم عليهم الدرب مالتهم مثل خاله ....ريمو ولؤي صار عندهم ولد سمو احمد على اسم ابويه الله يرحمه .... امي راحت للحج هي وعمتي انسام وابو ليث ...اما اني وليث صارت عندنا بنوته سماها ليث غسق ...هو رادها عشق بس اني حورتها اله وكتله احلى واحسن ... ههه كلش يخاف عليها لان حلوه مثلي وخاصه من ليث ابن سؤدد .....واني مو بس احبه لليث اعشقه ....
*****
الى هنا تنتهي قصتنا يارب عجبتكم و اعذروني عن التأخير و التقصير و شكرا لدعمكم و تعليقاتكم الحلوة 😻 واسفة على الاخطاء الاملائية 📝
رايكم بالقصه يهمني ....شكرا لعيونكم ولمتابعتكم 💖
تحياتي الكم ☺️
