#رواية_عاشقة_الليث💫
ريماس: بعد سالفة حسام ماكمت احجي وياه حاول وياي اكثر من مرة واني مانطيته مجال اما بالنسبة لؤي كان بينا سلام كلش استحيت احاجي بعد الي صار حسيت روحي غلطانه وياه ...
-----------------------------------------
في امريكا
ليث:رحنا حسب موعد الشركة علمود نشوف البضاعة اخذت ريناد وياي رغم انه اني ماقبلت بس هي اصرت ....افترينا بالمصنع مال شركة ماكو شئ مريب وحتى البضاعة توب وكله اصلي ...
ريناد:اني مليت استاذ خلينا نشرب شوي ماي
ليث:باوعت عليها حسيت انه استسلمت لان كلامها كله طلع غلط اشرتلها على كرتونه مبين مال ماي كتلها روحي اشربي
ريناد:باوعت عليه وهو مبتسم من الانتصار الي انتصره عليه كلش ضجت رحت دفرت الميز الي محطوطه عليه الكارتونه ...اشو هذا الميز وكع اني رجعت ليوره
ليث:من وكع الميز رحت ركض عليها والعمال جانوا موجودين والمساعد مال مال مدير الشركه همات موجود ....ريناد انت بخير
ريناد:اتفاجأت بالي شفته كواني للحيل مخدرات ومحطوطات ضليت فاتحه عيوني اشرتله
ليث:باوعت شنو هاي شنو هالفساد ياربي نجيتنا من شئ عظيم انداريت للمساعد رزلته ورزلت العمال وتواعدتلهم اخابر الشرطه وفعلا خابرت الشرطه الامريكيا اجوي اعتقلوهم بس بعد مشاحنات بيني وبين مساعد المدير وراد ياخذ مني التلفون بس ريناد جانت اشطر مني واتصلت عليهم بسرعة واجوي بس للاسف المدير مال شركة انهزم المهم دمرنا شركتهم بليلة وضحاها ....
ريناد:بعد انتصاري كلش ضجت من الشقة وجنت حابة اطلع قبل رجعتنا وفعلا ردت اطلع بس صادفت ليث كدامي
ليث:وين طالعة
ريناد:حابه افتر بالاسواق
ليث:اني همات تجين اني وياج نطلع
ريناد:طرت من الفرح بداخلي بس هزيت راسي وكتله ميخالف...... افترينا السوق كله كان يندل محلات كلش جبيرة وضخمة ماردت افشل روحي واكله ماعندي فلوس كافية افتريت واشتريت لريماس غراض ولامي اشتريتلها باوعت على فستان كلش عجبني بس جان سعره همات يعجب لهذا جريت حسرة ومشتريته ...... عزمني على عشه كعدت انتظره واني اباوع البنات الي يجذبن اكبر واحد واكيد هسه هو يباوع عليهن وعلمود هاي جابني دايكلي انه انت متدخلين عيني ...منو اني علمود يباوع عليه اوووف هسه شجابني وياه بيني وبين نفسي احجي
ليث:شفتها تعبت حيل بالسوق واني عيوني وتفكيري مشلتهم عنها جبت اكل ورجعت للطبلة اباوعها ملكة وكاعدة بنص النسوان خصوصا بفستانها الطويل وشالها ليجنن الي لافته لفة بسيطه اتذكرت كلام لؤي من كال النسوان كلهن بكف وهي بكف اتمنى ابقى بجانبها لازم اعترفلها بحبي الها لازم اخليها قريبه الي .....قدمت الاكل كدامها بدت تاكل واني صافن بيها ....ريناد اريد اكلج شغلة .....
ريناد:تفضل استاذ
ليث:ريناد ان.... اجاني اتصال ...جاوبته ...الو ...وكفت شنو شوكت
ريناد :استاذ اكو شئ
ليث:جايك جايك بسرعة .....شركتنا شاب بيها حريق
ريناد:استاذ عندكم شركة هنا
ليث:تعاي وياي مااكدر اعوفج هنا تعاي
ريناد:ضليت مستغربة واباوعله هذا شبي وليش مكالي عندنا شركة ركبنا سيارته الي استأجرها ماادري منين اله رحت وياه شفت الشركة وقريت اسمها رجعتلي ذكريات جدي ....شركة....هاي شركة صغيرة يملكها رجل بنتي وعند ابوه شركة ثانية وبالمستقبل راح تصير اله ردت اسوي وياهم عقد شراكة بس مالي خلك امريكا وامريكا كله خلع دلع وبيبيتج تغار عليه ...ضحكت بوكتها عليه .....رجعني من ذكرياتي صوت ليث الي جان يصيح شلون احتركت ...
ليث:اني احاجي عمي ..صحيح ملحكين عليها بالوقت المناسب بس حرامات بضاعة الموجوده بالمخزن صافية بس البناية لساها سليمه مجرد شوي صخام مال نار
المحقق:نحن نبحث الان عن سبب الحريق ربما هناك تماس كهربائي ..
ليث:لا ايها المحقق لا يمكن فالعامل الموجود هنا لايغفل عن شئ
المحقق:سنحقق مع الجميع ونرى
ليث:غمضت عيوني ...ابويه لازم ماايدري باوعت على عمي ابو سؤدد وحجيت
ابوسؤدد:لاتقلق اني اصلا مراح اجيب هالعمل لاحد لاتخاف
ليث:التفتت على ريناد الي نسيتها ...ريناد يالله امشي لازم اوصلج .ارجع
ريناد:شتعرف عن علوان
ليث:بقيت متبسمر
ريناد:انت ليث جليل الفتاح الي يصير جده علوان من امه الي هي اما انسام او ايمان الي هن عماتي انت جنت تعرف بيه اني بنت خالك
ليث:التفتت عليها ...غمضت عيوني ريناد مو وكتج هسه داتشوفين وين اني وانت وين
ريناد:انت واحد جذاب انتوا ملة جذابة وحقراء مستحيل ارجع وياك ...التفتت ردت استأجر تكسي
ليث:كلش تعصبت منها لزمتها من زندها وركبتها بالسيارة وانطلقت بدون مااحجي كلمة
ريناد:عوفني انتوا كلكم جذابن واستغلالين
ليث:اسكتي مو وكتج هسه ..لو اني استغلالي مجان عينتج من دون العالم بشركتي
ريناد:ضليت صافنه عليه شيحجي هذا بس بسيطه ياليث اذا مشوفتك نجوم الظهر ...نزلني لشقتي خابرت حجزت على موعد بالطيارة ثاني يوم الغبشة نزلت للعراق بدون علمه ....
ليث:التهيت بتحقيق الحريق وطلع نيتجة فعل فاعل ...اتخبلت واتخبلت اكثر من عرفت بريناد نازله للعراق بدون علمي .....نزلت اني همات للعراق وكلت المهمة مال استرجاع بضاعة الشركة والتحقيق لعمي ابو سؤدد نزلت وره يوم ماصدكت رحت داومت بالشركة .... ريناد:من رجعت للعراق استقبلني امي وريماس قدمتلهن هداياهن ...انتبهوا اليه انه متغيرة وجهي ميتفسر وكله عصبيه ومااضحك وياهن رغم شكد شاقني رحت نمت واني اتذكر شلون صاح خالتي نرمين فعلا هو شمعرفه لو مو يعرفني شكد غبية اني ماانتبهت الهم اخ بس اندي اتذكر اسم شركتهم غير معقوله غيروها زين ليش نمت واني افكر بكل لحضة عشتها وياه واتذكرهها واحس بأحساس غريب كلش بس مستحيل اني اريد انتقم منهم مو اشتغل عندهم لازم اقدم استقالتي بس اداوم ....ثني يوم كعدت امي وريماس حجيتلهم عن كل السالفة
نرمين:يا هذا ليث ابن انسام شلون منتبهت اله متغير كلش لا لا شنو هالصدفة
ريماس:معقولة رينو يطلع يريد يذلنا ويعذبنا
ريناد: لاتخافون اني راح اقدم استقالتي وباجر لازم اكتبها وادظلهم اياها من يجي من امريكا يوقعها واروح اقدم بغير شركة
ريماس:رينو لاتستعجلين لازم اكو حل وجوز يطلع مو نفس عمامي
ريناد:كلهم ملة حقيرة ولازم نبتعد عنهم وعن انانيتهم ونكون روحنا يم غيرهم مو عندهم وهذا ليث انتقامه عندي غير .... .
ليث:اتفاجأت من شفت ورقة استقالتها على مكتبي وفرت للستار رحت على مكتبها ماكو ورجعت خابرتها مغلق اتذكرت رقم امها خابرتها....
ليث:الو شلونج خالة ..
نرمين:نعم رايد شئ
ليث:خالة اريد افهمج
نرمين:اسمع لازم تعرف انه لااني ولابناتي نريدكم كافي عاد اطلعوا من حياتنا ...قفلت الخط
ليث: اخخ ...شمر المبايل وكسره وعيونه كامت تجدح مثل النار ....مو على الليث ياريناد تلعبين وتتأمرين مو بكيفج ....ذهب الى مكتبه واخرج ملف من درجه وبدء بأبتسامة سطحية ....
سؤدد:دخلت على ليث شفت وجهه ميتفسر ...ها ابو الاسد شلونك شبيك عبالك متعارك وي عشره وليش ادك عليك ماكو وليش جاي متخابرني لو اني مسوي وياك هيج جان شلتني ......لم يجد جوابا منن ليث لانه كان يقلب بالملف ....ليث مو دااحجي وياك
ليث:ها سؤدد شلونك تعال شوفلي هذا الملف
سؤدد:هو انت هيج مااشتاقيتلي ادري بيك مقهور على البضاعة بس شتسوي لازم تكون قوي مو هالدرجة حتى سلام مثل العالم متسلم عليه شسوت بيك امريكا ...ليث شبيك شبيك
ليث:سؤدد واصل للستار لاتتحجي وياي
سؤدد:على كيفك عمي يالله اني طالع ....لم يجد جوابا ايضاً من ليث ...دك على الميز بقوة وطلع .....ليث رفع رأسه.... وين ترحين مني ياريناد اجيبج اجيبج ....
ريماس:داافكر بالممر وامشي وحدي بعد مرور ثلاثة اسابيع على سالفة حسام هواي ارتاحيت منه رغم اكو نغصه بكلبي عليه بس حمد لله متعلقت بي والا جان مصيري مجهول وحياتي راحت ...رفعت راسي لكيت كبالي لؤي ...مرحبا استاذ شلونك
لؤي:هلا ريماس شخبارج ان شاء الله زينه
ريماس:حمد لله استاذ
لؤي:شلونج بالفلود خوما صعب
ريماس:والله استاذ خاصه التربو مداافهم منه شئ
لؤي:تعاي بالأستراحة اني ادرسج عود
ريماس:شكرا استاذ
لؤي:تدللين ....راحت من يمي وكلبي بس الها نبض ياربي شنو هالبنية .....
ريناد:سمعته يحجي وي ماما بس ماما رزلته وسدته بوجهه همزين انسان حقير مثله مثل اهله الحقراء رحت لغرفتي ساعة ب12 اندكت الباب عبالي ريماس بس ريماس عندها المفاتيح طلعت اشوف منو لان ماما هم نايمة لبست على راسي فتحت الباب شوي ...انت شتسوي هنا ..
ليث:باجر اذا متداومين حظري روحج ترحين للمركز وتدفعين غرامة قدرها 25مليون
ريناد:شنو ..قفلت الباب بوجهه
ليث:بسيطة باجر نتفاهم يم مركز الشرطة هاج هاي الورقة راح تفتهمين شدااحجي ..شمرت الورقة الي تحتوي على العقد وعلى الغرامة من جوه الباب . .ورحت للشركة واني بالي كله يمها خليته
ريناد:قريت الورقة بما انه هو مدير الشركة يحق اله يتخذ هذا الاجراء اذا بطلت من شغلي اني كلش اتفاجأت اجتي ريماس وكعدتها هي وامي وحجيت وياهن على الموضوع
نرمين:شوفي ريناد اني بناتي ميدخلن مراكز شرطه واني كلش خايفة عليجن من يوم سافرتي واني كلبي ممطمئن امانه عليج ريناد ارجعي
ريناد:ماما لو يحكم 100سنه قابله على انه ارجع وياه
ريماس:انوب فلوسنا كلهن مايطلعن 25مليون
ريناد:هاهية خل انسجن
نرمين:لابكيفج تصرفين والله مااكل اي لكمه اذا انت بقيتي هيج مصرة اخر عمري بناتي يدخل سجون وين لاكيتها شبيج بياعصر احنا شايفة روحج
ريناد:مااريد احد يضغط عليه
نرمين:مو بكيفج كافي تصرفين من كيفج ريماس كومي جبي مبايلي
ريناد:شتسوين بي
نرمين:ريماس كومي ....جابت ريماس مبايلي خابرت ليث ..الو هلو ابني ليث ..اسمع منريد مراكز شرطه ولا اي شئ كافي باجر راح تداوم الغي سالفة مركز الشرطه ..خوش مع السلامه
ريناد:ها والله قررتي خوش راح ارجع بس... اخ...اخ.... اووو ..منكم ...اووف ...طبيت للغرفة معقولة راح ارجع اكابل وجهه اووف منهم اووف
ليث:من خابرتني كلش طرت من الفرحة حسيت الدنيا ماواسعتني واخيرا راح ارجع اشوفها ...
يتبع....
