#رواية_عاشقة_الليث💫
رييناد:ردت اكسره واحركه ومايشفى غليلي بس حرامات مجبوره اشتغل وياه بس تزوج ريماس بعد ماحد يهمني استقيل وخل يحطني بالسسجن اصلا اني مااحد يهمني بس لازم ازوج ريماس بسرعة ...اوف صار لازم احجي وي لؤي لان ماعندي غير حل ...طلعت رقمه من مبايلي انطاني اياه من التقيت بي خابرته ...الو مرحبا استاذ لؤي شلونك ...اي صحيح اني هي ...ممكن نلتقي ...اوك اني اخلص شغلي والتقي بيك ...اني اكلك وين ماشي شكرا ...
سؤدد:وزعت البطايق مال دعوه على الموظفين وماصدكت فلتت للبيت مال ليث طبيت شفت امها بستها وابوها هم بوسته هي لساها نايمه صارلها يومين من ماخذه اجازه علمود تحظيرات العرس صعدتلها ليفوك ...اذا غاب القط العب يافار هههه ....فديتها حبيبتي نايمه بستها خفيف من شفايفها كعدت رادت تعيط لزمت شفايفها بأيدي ...اسكتي راح تفضحينا ...جانت لابسه كيمونه ...يمه القلب مالتي شلابس
لمياء:شجابك شلون قبل ليث
سؤدد:وج ليث بعد الزواج متحجين وياه فهمتي
لمياء:خل اخابره اكله سؤدد هيج يكول
سؤدد:دتعاي اشوفجج بستها من شفايفها يالذتهن ...حضنتها ...لولو تذكرين من اجيتج اول مرة واعترفتلج
لمياء:شلون انسه مستحيل عود محدد الخطوبه والزواج
سؤدد:خفت تفشليني وترديني بس تفاجأت منج
لمياء:من جنت تراقبني بالكلية صديقاتي جانن يباعن عليك ويكولن شوفي لولو معقوله عليج استفسرت عنك من خلال ليث اعتقد حس عليه احبك لهذا وافق ينطيني الك
سؤدد:بالله منو يحجي غليه هاي صديقتج ام الوردي دايما تلبس
لمياء:ضربته خفيف على صدره وعدلت كعدتي انت جنت تباوع عليه لو على البنات
سؤدد:شبيج اشاقه اصلا انت الي دايما تلبسين وردي
لمياء :اني ...احبك سؤدد
سؤدد:يايمه يايوم الحكيلي تعاي من امريكا واخذيلي مرتي من سنون الليث
لمياء:سؤدد لاتحجي عليه
سؤدد:وج اموت عليج بس هالبوسه علمود اطلع
لمياء:دروح لك روح ...هههه
-------------------------------------------
ريناد:صارت ساعة ب3 والولد قابل ينتظر اوووف خل اطلع وشيصير خل يصير
ليث:شفتها تريد تطلع جان الباب مفتوح ....كمت وراها ...ريناد...ارجعي
ريناد:اوف ...وكفت درت عليه خزرته ..اريد اطلع
ليث:اخذي اذن من عندي وبعدين اطلعي
ريناد:تسمح اطلع استاذ
ليث:لا اكيد ارجعي كملي شغلج
ريناد:اوك لعد ..باي ..داامشي مااحس الا واحد سحبني من زندي وكعدني بالمكتب مالتي وقفل الباب وطلع ...اوو طلعني مالك حق طلعني ...بقيت اصيح عليه ماكو اجوي الموضفين على صوتي اشررلهم ارجعوا لمكانكم ....رجعت لمكتبي خابرت لؤي اعتذرت عن الموعد....كمت اشتغل وضليت لل5 اتصلت بيه امي حجيتلها مبين متصله بي طلع فتح الباب الي اني ردت اطلع لزمني من ايدي اكفي اني اوصلج راح يأذن
ريناد:كلشي مااريد منك
ليث:موبكيفج ...هنا اني مديرج فاهمة ..
ريناد:هد ايدك عني ...
ليث:هم بكيفي فاهمة
ريناد:كمت اسحب ايده كوه بس متنسحب كلش قوي الموضفين كلهم طالعين وبس اني وياه خفت شعور خوف...هو لازم ايدي طببني للمكتب مالته ...واني خفت لايستفرد بيه ...عوفني ...عوفني ...لو تموت متلزم شعرايه مني ...عوفني ..عوفني
ليث:ابتسمت على تفكيرها باوععتلها قربت روحي منها واني اشوف البزونه الي هستوها جانت تخرمش شلون صارت مطيعه وخايفة وعيونها ترجف قربت راسي من اذانها فتحت عيونها كلهن ....مو ليث الي يتهجم على عرضه ..اصبريلي مو هسه
ريناد:كلامه جان متقطع ابتسامته وكلامه فد مره خوفني واحساس كلش غريب غمضت عيوني اطمئنان مااعرف ايش ...اخذ وياه ملف وقفل باب مكتبه وهذا كله وهو لازم ايدي ...نطه المفاتيح للحارس وشغل سيارته وصلني للشقة مالتنا نزل ونزلت صعد وياي للشقة الان دخلت للشقة يالله نزل بسرعة
ليث:نزلت بسرعة بعد مااطمئنيت انه هي وصلت علمود لااحد يشوفني وياخذون نضره عليها
--------------------------------------------------
ريناد:دخلت للبيت واني كلبي كلش يدك سريع ...شافتني ماما كالت خو مابيج شئ ماحجيت كتلها لا بس هو الي وصلني ...باوعت على ريماس ...بنفسي حجيت ياروح اختج اامن عليج وبعد مايهمني شيصير خل يصير ...طبيت للغرفة دزيت مسج لؤي اريد احجي وياك بالهاتف ساعة ب10...خطيه هو منتظرني ....صارت ساعة ب10 ...طبيت للحمام علمود لااحد يعرف انه دااخابره ....الو هلو استاذ لؤي شلونك
لؤي:الو هلو ست ريناد خيرج
ريناد:اسفة اليوم مااجيت على الموعد بس تدري الشغل مو هين
لؤي:الله يساعدج ست شنو انت تشتغلين
ريناد:اني مهندسة كيمياوي
لؤي:اها الله يوفقج ..خير ست محتاجة شئ
ريناد:شوف اخ لؤي راح تتعجب من الي راح اكوله بس لازم اامن على اختي شوف لازم تجي تخطب اختي ...قبل لاتجاوب احب اكلك انت تعرف ريماس كل الزين واني فضلك ماانساه ابد بس حابه ازوجك اختي لان حسيتك انت من صدك مناسب لاختي واذا متحبها او ببالك وحده غيرها كيفك ...استاذ لؤي احنا مو بنات نذب روحنا على الرجال بالعكس بس استاذ لؤي احنا بس نسوان واني مسؤلة عن ريماس لهذا حبيت احطها بأيدك لان اني وراية قضية فياريت تجيب اهلك وتخطب اذا ماعندك مانع ...بس قبل كلشي لازم تحجي وي ريماس انت
لؤي:ست صدك تحجين ...اني ...اني...
ريناد:اعرف متفاجئ من فعلي وماممكن اني اسويها وي احد بس لان اختي مستعده اسويلها كلشي
لؤي:لاست انت فاهمة غلط بالعكس اني كلش فرحان وباجر احجي وي ريماس ...تدرين ست اني كلش احب ريماس واتمنى اخطبها اليوم قبل باجر بس ست انت سهلتي عليه ...كلش اشكرج
ريناد:شكرا الك ...استاذ لؤي ريماس ماتدري بالموضوع انه اني خابرتك فلاتجيب الها سيره مفهوم ...
لؤي:ماشي ست كلش اشكرج ..غلقت الخط منه واني اريد اطير من الفرح ....معقولة الي جنت اركض وراها تقدمت الي هسه على طبق من ذهب ياربي والله فرحتي مسايعتني....ياااااااا
ليث:سمعت صوت لؤي يعيط واني تفاجأت عبالي بي شئ ...طلعت شفت لمياء بوجهي ...شبي هذا
لمياء:ماادري دشوفه ...
ليث:اول مافتحت الباب حضني وكام يركص
لؤي:وراح اتزوجها وراح اتزوجها يالله اخطبلياها انت وعدتني يالله
ليث:هي انت شبيك تخبلت
لمياء:خطيه هو شوكت عاقل
لؤي:عادي مااهتم الج راح اتزوج حبيبتي
ليث:وافقت..
لمياء :منو
ليث:لولو عوفينا وحدنا
لمياء:شكوو اسرار وكذا شبيكم
ليث:لولو
لمياء:خوش عيني طالعه من هسه سويتوني غريبه
ليث:بعد ماطلعت لمياء ...ها شبيكك
لؤي:ولك اختها خابرتني
ليث:وشعدها اختها وياك
لؤي:.......وحجيتله كلشي
ليث:شبيك تخبلت مااخطبها شمدرينا شنو قضية اختها ماادري يطلعون دعاره ماادري شنو مااخطبها الك دروح
لؤي:ليث وعدتني انت
ليث:اعتبرني محاجي
لؤي:والله اسوي بروحي شئ
ليث:شبيك اكو عائلة تثق بغريب شبيك تخبلت ولك شافنك طاك وكالن نجلب بي هسه تطلع هي واختها متفقات على هيج شئ
لؤي:لاتحجي على مرة اخوك
ليث:لؤي والله اذا طلع بيها ولو قطرة عيب متندم الا نفسك وافضحهن بالعراق كله
لؤي:ولك والله اشرف من الشرف هن
ليث:زهكت عليه وطلعت ...دخل اشوف بيهن غلط ..
لؤي:مااهتميت لليث ثاني يوم بالكلية رحت اعترفت لريماس عن حبي الها الي كابحه صار اشهر
ريماس:اعترفلي لؤي صحيح اني مارديتله بس كلبي ردله وخجلت ومشيت...رجعت حجيت لرينو وماما رينو كالت وافقي ورديله خبر يجي يخطب الاسبوع الجاي وفعلا رديتله خبر انه يجي يخطب الاسبوع الجاي ...كال الاسبوع الجاي زواج اختي من يخلص الزواج اجيب اخويه وامي واجيكم .....
يتبع...
