#رواية_عاشقة_الليث💫
حسام:مر اكثرمن اسبوع واشوف تجاهل ريماس الي الا اندمج رحت اشتريت ناس وسويتهم على انهم اهلي علمود اتقدم لخطيتها وهن بس بنات اكيد مراح يدورن وراي واني لازم اخذها لريماس واكسر خشمها واربح الرهان ...
ريماس:خابرني حسام كال راح نجي خطابه اني وامي واختي كلت لريناد وماما كلش فرحن
ريناد:كالتلي ريماس صحيح اني ضايجه من هذا حسام لان حسيت اكو خطر مرافقه وياه كتلها يجي يخطب وهو وره سبوعين جاب امه واخته وحجوا بالموضوع وي ماما رغم هذا حسيت كلبي مو مرتاح قررت اروح للجامعة مالتها لريماس بدون علمها واسأل عن هذا حسام
لؤي:داامشي بالممر بعد ماانقهرت على ريماس لااكدر اكلها ولااكدر امنعها بس كل الي اكدر اسوي انه احذرها فقررت انه احجي وياها ..شفتها بالممر هي وصديقاتها صحتلها وهاي اول مرة احجي وياها ..
ريماس:هلو استاذ خير اتريد شئ
لؤي:اهلا ريماس اني حابب اكلج كلام وياريت ماتفهمين غلط
ريماس:شنو
لؤي:ياريت نتكلم على انفراد
ريماس:بس استاذ
لؤي:لاتخافين كلام ضروري
ريماس:رحنا اني وياه بمرر وكفنا لوحدنا ماكو احد جان اني خفت ...ممكن تحجي استاذ بسرعة
لؤي:شوفي ريماس ..اني اريد اكلج انه هذا حسام دايضحك عليج
ريماس:شنو شتكول ...انت شتحجي
لؤي:هو اصلا متراهن عليج
ريماس:من سمعت هيج يحجي لااراديا ضربته كف ...اسمع زين هواصلا راح يصير خطيبي ودز امه واخته عندنا
لؤي:اتفاجأت من الي كالتلي وانقهرت معقوله الي صار ....
ريماس:بعد لاتحجي شئ ضد خطيبي اليوم سكتت الك مرة الاخرى اكله والك حساب وياه
لؤي:لزمتها من زندها ...ولج هو اصلا متزوج وعنده ولد
ريماس:لك هد ايدي شدتسوي ..انت جذاب لالالازم احجي وياه فلتت ايدي بسرعة منه وانهزمت
لؤي: رجعت للبيت واني التعب داك راسي دك شراح اسوي وياهة نمت ماحسيت على شئ حتى لمياء نسيت مامريت عليها ...
لمياء:يوو هذا لؤي ولايعدل روحه اليوم همات تأخر وادك عليه مغلق ...خل ادك على ليث ...
ليث:جنت بالاجتماع دااحجي وسؤدد يم المبايل
سؤدد:التفتت للمبايل شفت لولو مكتوب عرفت اخته اشرتله ليث ..اشرلي جاوب ..طلعت بره اجاوبها ..الو
لمياء:ليث حباب الله عليك هذا لؤي مااجه تعالي فدوات اروحلك
سؤدد:اني الي اروحلج فدوات ...جايج ..طبيت للاجتماع اخذت ليث على صفحة كتله كال روحلها انت واني راح اكمل الاجتماع ...فرصة وجتني ..او حسيت ليث يعرف بمشاعري لاخته فهو همات يحاول يقربني منها ....المهم فرصة واجت ....
ريناد:كاعدين بالاجتماع مبايل ليث ايدك سؤدد شافه ..جاوبه رد ...حسيت اكو مرة بالموضوع بس لاتطلع زوجته ..انوب هذا سؤدد اجه وحجه وياه كلام وطلع خاف صاير شئ اني ..ضليت بين قلقانه وبين خايفة انه متزوج يطلع بس لليوم مسامعة شئ عن زوجته او اولاده ..
سؤدد:رحت للجامعة طبكت السيارة جانت كاعدة وحدها نزلت عليها ...مرحبا ياحلوة تعاي اوصلج
لمياء:من جاوبني بالتلفون عرفت هو كلش ضجت انوب طبك السيارة ونزل عليه وجماله يحجي حجي صاعد نازل ...خزرته روح منا مااصعد وياك
سؤدد:غير افتهم ليش زعلانه مني
لمياء:ليث ليش مااجه
سؤدد:عنده اجتماع
لمياء:اي اوك خل يخلص واني انتظره
سؤدد:لاتضوجينا كومي اوصلج انت امانه يمي
لمياء:خزرته وكمت صعدت ليورة
سؤدد:ابتسمت على طفوليتها وخزرتها خليتها على راحتها وصعدت وصلتها لبيتها واني كلش سعيد بيها والطريق كله ابتسم الها ...
لمياء:صعدت ليوره وماخلصت منه انوب بس يتبسم اووو شكد مكروه ....نزلت للبيت ماما جانت راجعه من الدوام بوست بابا صعدت على لؤي خطيه ماادري شبي بس ليث يعرف شبي رغم جنت كلش ضايجه منه بس من شفت حالته انقهرت عليه ....
ليث:وصلت لليل للبيت سألت عن لؤي لمياء اشرتلي لان نخاف على ماما وبابا خطيه خاف ينقهرون صعدت عليه انوب هذا حتى بجي يبجي حجالي عن كلشي ...دعوفها طبها مرض لاتحجي وياها
لؤي:ولك بابا احبها احسها اخذت هذا ..واني ااشر على كلبي...وياها ولك اليوم ضربتني كف تعرف لازم الواحد ينتقم منها على هالشي بدل ماانصحها انوب هي ولاكأنما
ليث:شبيك انته تخبلت تخبلت رسمي ...عوفها يابه طز بيها اني الكالك اغاتها
لؤي:ولك ليث افهمني افهمني ...
ليث:شبيك ياعيني تبجي والله عيب شو دتعال ..حضنته ..اذا هي متاخذ النصيحه شنسويلها قابل نموت عليها ياعيني دعوفها ...
لؤي:شسوي ليث فهمني شسوي
ليث:نكتل حسام وازوجك اياها علمود تاخذ ارمله ههههه
لؤي:هه دعوفني لخاطر الله ....
ليث:دكوم اتعشه كوم شلون بيتزا جبتها من مول المنصور هاي الي تعجبك ..كوم لك قشمر راكض وره وحده ...دكوم ...كمنا اتعشينا واكلنا وضحك وسوالف نسيناه شويه .....
ريماس:رجعت للبيت وافكر بالي كاله استاذ لؤي بس لا مستحيل حسام هيج يطلع ...اجت ريناد كتلها على الي صار
ريناد:وليش هيج يكلج
ريماس:والله ماادري رينو بس كلش خفت منه
ريناد :ديالا كومي خل نسوي عشه والله يدبرها ..ها لاتحجين وي حسام هسه الا اني اكلج
ريماس:لا محجيت وياه ولا دااحجي اصلا بس من دز امه حجيت وياه
ريناد :تعشينا وناموا الكل واني ضل بالي يم ريماس خاف صدك هذا هيج حجه لان خاف عليها لازم باجر مااتماهل واخذ اجازه زمنيه واسأل عليه لهذا حسام .....طلعت ثاني يوم واني كلي هدف اريد احمي ريماس من كل خطر وفعلا اخذت اجازه ورحت لقسم الميكانيك طبعا ماخليت ريماس تعرف اني جاية انوب هذا لؤي مااعرف بس اسمه لا اسم ابوه لاشئ سألت الاستشارية عنه ودلوني غرفته جان بغرفة وي دكتور كاعد ..دخلت سلمت
ريناد:العفو استاذ انت استاذ لؤي
الدكتور:اشرلي على لؤي
ريناد:اهلا وسهلا استاذ لؤي مممكن كلام
لؤي:جنت وي دكتوري دااحظر المحاضرة دخلت وحده علينا عيون ريماس بس هيئة وشكل احلى منها وفوكاها محجبه
لؤي:تفضلي تردين شئ
ريناد:ممكن على انفراد لو سمحت
لؤي:اي ممكن اخذتها لغرفة من غرف المختبر الفارغة
ريناد:العفو استاذ اجيتك ومااعرف اذا مشغول بس احب اعرفك على نفسي اني ريناد اختها لريماس الكبيرة
لؤي:انت اخت ريماس اهلا وسهلا
ريناد:وبيك اكثر ..استاذ اعتقد تعرف الموضوع الي جايتك عليه فممكن تحجيلي عنه بالتفصيل لان اني اختي مااكدر اذبها بأيد ياهو الجان
لؤي:اني كلش اشكر حرصج بس البارحة اني فهمتها لاختج بس الضاهر اختج ممقتنعة واني من حرصي عليها
ريناد:اشكر نصيحتك بس ممكن تحجيلي التفاصيل...
لؤي:اي طبعا باعي اني اعرفج على حسام ..هو واحد قذر واصلا متزوج وعنده ولد هو متراهن وي واحد على ريماس ..
ريناد:استاذ بس هو دز امه واخته علمود يخطبوها لريماس
لؤي:ههه هو اصلا امه ميته من عمره خمس سنوات وماعنده لااخت ولااب بس هو عايش لوحده ومرته
ريناد:استاذ عندك دليل
لؤي:حاليا قولي دليل بس اذا تردين اجيبلج جنسيته من القسم وملفة
ريناد:ياريت استاذ وانطيهن لاختي خليهن بضرف لان هي مراح تصدكك ..اني كلش اشكرك لانك وكفت ويانا
لؤي:لا عيني واجبي هذا
ريناد:شكرا استاذ ..استاذ ريماس امانتك هنا بالقسم خاف حسام يوم يتعرض الها بعد الي راح اسوي بي
لؤي:لاتخافين اني راح احميها
ريناد:مع السلامة استاذ
لؤي:ودعتني واني بقمة الفرح معقولة معقولة الي دايصير والله حسام الا اندمك بس شلون جاب امه واخته ...رحت سألت ياسر ياسر استفسر على الموضوع وكال انه مستأجر ناس ياحقير ..ثاني يوم طلعت ملفة من القسم وحطيته بفايل ودزيته بأيد الحارس لريماس توصله لاختها .
يتبع....
****
لا تنسون التصويت ⭐️ احبكم
