#رواية_عاشقة_الليث💫
قرر جد البنات انه يبقين يمه واني ارجع وي اهلي ...
اجه ابويه كلي كلامه اني دخلت لمجس الزلم وعيوني تبجي على بناتي
نرمين:عمي الله يخليك والله الي تردوا اسوي بس خل بناتي يربن بحظني
ابو ايمن:شنو هاي بنتي شدخلج هنا
نرمين :يالجمع بناتي اذا ربن هنا بهل بيت معناها انه مستقبلهن يدمر انتوا قرروا شراح يصير بيهن واحمد جان ناويهن مهندسات وواصلات قرروا اذا ربن هنا واني شغلي بتكريت ومحد الهن هنا شراح يصير بيهن راح ينظلمن اكيد الله يخليكم شتردون اسوي حتى اذا تردون من يخلصن يرجعن الكم اني موافقه ..جان اكو بيهم شيخ مبين عليه عاقل وحكيم كاللهم تربيهن وتوصلهن ويرجعن الكم على انهن زوجات لابناكم
ابو ايمن:خوش فكرة ولازم نقتاد بيها
ابو نرمين:هاهيه هم خوش فكرة على بركة الله ابو ايمن قبلت
ايمن:لا شنو يقبل ...قاطعه ابو ايمن :لخاطر تراب ابني اني راح اقبل يربن بعاد عنه بس ماتدخلين بزواجهن ومن يردن يصيرن كليات راح يرجعن هنا يكملن يم ازواجهن الي احنا نختار الهن اياهم واذا رادن يزورنا فد يوم لاتمنعيهن مفهوم وممنوع تزوجين بس اسمع بيج تردين تزوجين متشوفين بناتج بعد ...
نرمين:ابتسامتها جانت مخبوطه وي دموعها ...اكيد عمي والله بس اوصلهن وهن الكم بس لازم اوفي بوصية احمد ..
ابو ايمن:على بركة الله اذن ..اخذوا بنتكم وبناتها في امان الله ....فعلا اخذت بناتي ورجعنا لتكريت ...ضليت بيت اهلي جانوا حبابين ويعتنون ببناتي عدا امي لان متحب البنات ..بس ابوية جان كلش يحبهن واخواني 2 كلش يحبوهن ...ريناد سجلتها بالمدرسة وجانت شطورة كله اوائل ضل الحال حتى صار عمر ريناد 12سنه وعمر ريماس10سنوات كلمن يكبرن يحلون حبيباتي بيومها جنت بالدوام وشغلي هواية ودايضغطون علينا بالشغل جنت مخلية بناتي يم امي واخواني ونسوانهم ...
ام نرمين:اكلك رافد اني بعد مااتحمل هذن البنات تعبني...
رافد اخو نرمين الكبير :يمه لخاطر نرمين تحمليهن ..
ام نرمين:حتى نرمين اجاها ناس تقدمولها واني وافقت ..
رافد:يمه شلون توافقين بدون علم نرمين والله تكلب الدنيا علينا
ام نرمين:لاوالله انوب عليه اخاف من نرمين دكوم حول اوراق نقلهن من هالمدرسه لبغداد اريد اني ارجعن لبيت جدهن
رافد:صدك يمه تحجين
ام نرمين:شنو ابنهم يخلف بنات ويشمروهن عليه
رافد:يمه ذولي بنات بنتج صدك تحجين
ام نرمين:والله لو ولد بيهم باب وجواب بس بنات اني شراح يسولي البنات جان فادتني امهن كبل اشو ها رجعتلي ..فوك متزوجت العربي الهمجي (نرمين تركمانية) انوب تريدني اربي بناته لا جماله نوصلهن ويتزوجوهن دكوم كوم دااكول رجعهن لبغداد
رافد:يمه ماادري شكلج بس ذني ايتام حرام عليج
ام نرمين:ولك يالله طلع من ....طير كام يعلمك على الطيران لو غيري جان اوراق نقلهن مااسوي بس ها ولك مااريد نرمين تدري بشئ ...
رافد:سويت اوراق نقلهن لبغداد وره يومين سافرت لبغداد علمود احجي وي ابو ايمن واكله ياخذ حفيذاته ...
