#رواية_عاشقة_الليث💫
ريناد:وصلت للشركة متاخرة ساعة الكل يباوع عليه الي يعرفني كام يهنيني على الحجاب وناس كالتلي شنو موضه او شئ كتلهم لا ايمان من الله والحمد لله ... دخلت لمكتبي بديت اشتغل بالاوراق الى ان صارت ب11 كملت بسرعة علمود ادخل على المدير اسلم عليه واطمئن عليه واشكره دخلت والمفاجأة جان استاذ سؤدد مو ليث ..
سؤدد:كلش اتفاجأت من شفتها لابسه الحجاب ...هلو ست ريناد مبروك شنو هاي لابسه حجاب الف مبروك ان شاء الله يارب ستر وعافية
ريناد:شكرا استاذ ..هاي استاذ اوراق لاستاذ ليث هووينه
سؤدد:شوية مريض ...ضحكت ضحكه صفرة بمعنى اعرف الي صار ..
ريناد:ممكن تبعثله سلامي وتكله مابيك غير العافية
سؤدد:اكيد تدللين ...طلعت واني ضليت صافن عليها وعلى لبسها الي تغير 180 ....يبكلبي كلت خرب بيومك ليث هاي شنو شمسوي للبنيه ولا كأنما هي .......
ريماس:جنت نايمه يم ماما وحاضنتها كعدت ساعه ب11الصبح كتلها لريناد باجر مااداوم خطيه ماكعدتني ..شفت ماما نايمه يمي بستها عبالك بحلم مو بعلم الف الحمد لله على سلامتها ...رحت سويت ريوك وكعدتها وكلتها سألت على ريناد كتلها بالدوام ...سولفتلي ماما شصار هي وريناد البارحه بس اني هذا ليث كلش عجبني ومن كملت ماما سألتني
نرمين:ريماس
ريماس:عيوني ماما امريني
نرمين:بين ليث وريناد اكو شئ
ريماس:هههه ماما بين منو ومنو هههه بين العالم كله تلكين جوز علاقة حب بس اختي ريناد تحب هذا مستحيل ...لا ماما جوز هو حباب وساعدها
نرمين:والله ياريماس يمكن بس لو تشوفين شكد جان حريص عليها وهي همات شلون شدتله الجرح
ريماس:ماما عادي اي اثنين هسه بمكانهم نفس الشئ عراقين بعد غيرتنا تغلبنا ههههعه
نرمين:بس ياريمو للمرة تمنيت انه يصير نصيبها من صدك خوش رجال
ريماس:يمه خاف متزوج معقوله مدير شركة وممتزوج هسه تلكي اصلا اثنين متزوج مو وحده وخاصة ريناد جانت تكول عنه عمره ب40يطلع
نرمين:لا ولج اصلا جوز بداية الثلاثين لان مبين لساه شاب
ريماس:اوو ماما تدرين هدفها لريناد شنو وبعد كم شهر كالت اذا الله سهل راح توصله وخصوصا انه الشركه الي تشتغل بيها يكرهون شركه جدو وعندهم عداوه وياهم بس ماتعرف ليش ...
نرمين:الله كريم بس لاتوكع بمصيبه الها اول ماالها تالي
ريماس :ماما هاي ريناد يعني رينو يعني سوبرومن ههنههه
.........واني اسولف وي امي لل4 ودخلت علينا ريناد جانت محجبه واول ماشفناها تفاجأنا
ريماس:تحجبتي ريناد
ريناد:اي الحمد لله
نرمين:ماما الف مبروك تعاي احضنج ...اجت ريناد عليه وباستني وحضنتني
ريماس:شنو شلون وليش
ريناد:الله يهدي ولهذا اتمنى الله يهديج ياريمو فديوم وتلبسين
ريماس:لا امانه شلون تعاي احجيلي ...حجتلي ريناد عن ليث وعن العباية الي جابلها اياه ....او شكد جنتل مان حبيته ريناد امانه ميتزوجني حتى لو الثالثه ...ههههه
ريناد:اني من كالت ريماس هيج اتفاجأت مفكرت فديوم انه هو متزوج وانوب ريماس وكعت بحبه لا من صدك ضجت ...كمت رحت للغرفة واباوع على المراية معقوله يكون متزوج شلون اعرف ....
ليث:كعدت ثاني يوم المغامرة سؤدد كالي ارتاح ماعندنا شغل هواي اني مصدكت نمت وهي نومتي مافكرت بشئ ولا اهلي ...لؤي جاي شايفني وطالع واني ماادري ..اجه سؤدد ساعة ب8 واني لساني نايم يحرك بيه اني مصر... اريد انام يااخي عوفني
سؤدد:بكيفك مكلك اليوم شصار
ليث:مااريد عوفني ولك تعبان وجسمي متنحل
سؤدد:ريناد تسلم عليك
ليث:اني سمعت اسمها فزيت ...مداومه اليوم .
سؤدد:خطيه مريض انت مااحجيلك
ليث:دحجي لاتصير فد مندله
سؤدد :خطيه بس تدور عليك ومحظرتلك مفاجأة باجر تشوفلك اياها الصراحة اني من شفتها اتفاجأت
ليث:ولك انت شكد واطي ..كلي شنو
سؤدد:والله مااكلك الا انت تشوف بعينك
ليث:لا تريد فركة اذن كمت عليه وكمت اكتله بالمخده مبايلي دك خطيه امي جاوبتها وطلعتلها حجه شغل ولؤي حجه ويايه ولمياء وبابا ليكول غايب عليهم عام مو يوم ....
ثاني يوم مصبرت بدلت وطلعت للشركة ب7وصلت انتظر ريناد شنو مفاجأتها كمت اشتغل اكو هواي اشغال وسؤدد يكول ماكو ايا لوتي ياسؤدد كمت اشتغل وماحسيت على رحي الا ان دخلت عليه ريناد وهي لابسه لبس اني من شفتها ذبيت القلم ...هاي انت ريناد
ريناد:دخلت لمكتب استاذ ليث احس كلبي مدري شصار بي اول مادخلت ذب القلم من ايده وكام وكفلي ...اني كلش استحيت منه ونصيت راسي
ليث:الف مبروك على الحجاب لبس الستر والعافيه ان شاء الله ..خوف من داعش لو هداية
ريناد:كلش انزعجت من كلامه ...لا حمد لله هداية ...بعدين اتذكرت ايده ..استاذ شلون صارت ايدك ...
ليث:لاحمد لله زينه
ريناد:استاذ مبايلي بالسيارة لكيته
ليث:والله ريناد مادورت بالسيارة لان دزيتها للمصلح واجيت اليوم وي سايق البيت
ريناد:اسفة استاذ على الي صار وشكرا الك ..شكد تكلف السيارة اني ادفعهن
سؤدد:دخلت واني اسمع حديثهم عن السيارة ..لالاست شنو هاي شنو تدفعين مو عيب ...اباوع على ليث يريد ياكلني
ليث:ريناد روحي كملي شغل ....ماكو داعي لهل سوالف حاليا ..صحيح تلفونج عود يمي هاج اياه
سؤدد:طلعت خطيه وهي يمكن ضايجه ....ضحكت ضحكه انتصار على ليث اشو هذا شمرني بالقلم ... ..شبيك ليوث صرت ميووو هههه
ليث:تسكت لو اكوملك
سؤدد:لا ياباوي ها اف سكتنا حطيت ايدي على حلكي وضحكت عليه ..
----------------------------------------------
ليث :كملت شغل طلعت ب10بليل اني وسؤدد خابرت على لؤي اشوف سيارتي شصار بيها كلش احبها لهذا مينطيني كلبي اغيرها ...
ليث:اوو هاي شصاير بيها
لؤي:غير انت صايرلي بات مان
المصلح:استاذ هاي هوايه متأذايه وكله رادلهن تغيير
سؤدد:عمي اشتريلك وحده احسلك
ليث:باوع على المصلح ...لا لا سوي اللازم وصلحها وجبلها غراض حتى لو من البحر والك اكرامية اذا رجعتلياها مثل الاول
المصلح:استاذ لعد 15يوم وتعاللها
ليث:لا شنو 15يوم وشلون اجي وشلون اروح
لؤي:ليشوفك معندك الله يساعدك
سؤدد:لا لاتخاف اني امر عليك
ليث:دطيروا ولكم كمتوا تستخطوني راح ااجر سيارة
سؤدد:لا والله حبيبي والله ازعل عليك اني امر اخذك ولو مااكعد من الصبح بس لخاطر عيونك اكعدلك
ليث:دتأخر فديوم واشوفك عينك شلون تشوف
سؤدد:طلع نضاراته الشمسية ولبسها ....هيج اشوف علمود محد ينتبه ...ههههعه
لؤي:يالله ليث خل نرجع باجر ورايه دوام من الغبشه عندي محاضرة من الصبح ...
ليث:يالله يابه يالله ..مع السلامه ابو السوس عود باجر ب7تره اجلقك اذا مجيت
سؤدد:تأمر عيني تأمر
ليث:رجعنا اني ولؤي للبيت ....بالطريق بالسيارة مال لؤي ...شبيك كالب وجهك شبيك اشو سيارتي ومكلبت وجهي عليها انت شبيك
لؤي:ليث كلش طالعة روحي
ليث:شبيك خير لاتكلي الطالبه نفسها
لؤي:اي والله ولك حتى مباوعه متباوعلي شراح اسويلها
ليث:يابه شوفها كللها اني احبج واريدج قبلت خير على خير مقبلت طبها 16مرض ..هو انت 24ساعة لازملك البنات وتفتر وياهن منين راح تعجب بيك
لؤي:والله عفتهن وانت علساس منزه ..
ليث:ولك قشمر ..صدك لؤي عندك الجراة تحاجيها وتكلها احبج .
يتبع....
